探訪英國紅巴士AEC Routemaster & 1:24 汽車小聚會

剛過去的20/9-22/9, 英國航空在灣仔有宣傳活動, 在利東街展出兩部英國雙層巴士AEC Routemaster。

因為被某些報導誤導, 以為21號才有巴士展出, 點知原來20號已經擺左兩部車出黎, 其中一架更係20號當晚已經離開利東街... 所以我21號晚去現場只係得番一架... 但無論如何AEC Routemaster 係英國已經服役超過半世紀, 展出的是2005年在倫敦退役，近年才運到香港的routemaster, 現在才有機會一見原裝英國色AEC routemaster, 得番一架都係要去參觀的!!!

Routemaster 是雙層巴士的初代產品，第一輛初型於1954年生產，直至2005年才結束於倫敦的常規巴士服務，而routemaster共有2款主要車種，分別為RM 及RML車系。它們最大特色就是前置引擎、半駕駛室設計及車尾開放式的上落客平台。昔日於巴士行駛時，通常會有一名車長駐守，負責售票、通告及維持秩序等工作。車體採用當時劃時代的鋁合金建造，整體式設計比傳統的巴士更輕巧和堅固。自1956年投入服務至今，僅存的routemaster 大部份仍運作良好。

由於香港政府政策失當，香港巴士一般只使用17年便需要退役，近年亦強推換車政策，大量運作仍然良好的商用車提早退役，持續地造成巨大浪費！另外不少航空公司亦以利益為依歸提早將狀態良好的飛機退役，不少研究指地球生態在人類工業革命開始後出現急劇轉變，工業活動有增無減，除了排放大量溫室氣體引致氣候反常外，能源的消耗亦超越地球本身的能源累積速度！若人類持續浪費、任意消耗地球資源，不將交通工具物盡其用、延長使用週期或循環再用的話，地球受破壞人類最終只會自食其果！

21/9 晚上：

因為太多人圍住架車, 被迫行到好近架車先影倒...

親見望倒上車門, 感覺同平時市面上個d 冷氣巴完全唔同! 原來中間條扶手真係曲既! 開頭以為模型打風^^...

路線牌箱, 38 平田<-->葵盛

車輛載客量, 上層40人, 下層32人, 企位5人, total 77人

由於人群太多, 佔據有利位置又不肯讓位, 只能影大頭...

後面班人又係PK 既, 影極都唔肯走, 有d 仲夠膽企係最佳位置傾電話, 阻_住晒, 本人被迫低炒前移接近聞車距離... 好似已經18mm...

復古的燈光下, 舊事物實在美好~ 如果7米月球提早到港, 此景一定十分美好~~ (不過人多又唔係好事)

上次九巴係科學館既巴士歷史展覽, 用自製車門封左4961個門口, 實在小家, 驚死人走上車, 出面都已經有鐵欄圍住啦, 小題大做...

 俗稱雞翼窗的英式車窗，但它是上下的開關方式，與香港熱狗主要使用推拉式有所不同~

因為無緣登車，只能從外面欣賞上層的天花部份...

AEC logo

車外觀看車內環境

下層座位，格仔凳是特色... 以前係某專門店見倒個堆1:24 routemaster 模型就係呢D凳！雖然未搭過但好熟悉！

仰望上層，車頂的反射鏡是雙層巴士幾十年以來的特色！

車門上的照明大燈~

有時諗，如果幾個大隻佬同時企係上車位，地台塊板會唔會穿... 見到唔少舊車的地台成日都穿...

22/9：22號lunch 專登去左灣仔食，順便再探一探呢架車！

下層車箱

下層側位(尾轆)

15/10 深夜01:00 大台播出的財經透視有講巴士生意，無論住在鄉村還是住在城市的人，相信都會對巴士這種交通工具很熟悉，巴士除了可載你去目的地外，原來更可以變身特色餐廳或者展覽館，成為另外一種生財工具。

十月少入~

Sun Star 太陽星1:24 巴士模型

GJ 聯合航空1:200 EMB-120

焦點當然是中巴LA！生產商鐘意出幾部，部部有少少分別，當你鐘意呢款車、覺得佢地有特色既話，就要買晒佢... 

1:24 林寶堅尼警車，呢架警車係NFS 入面有既，所以買模型是常識！

http://www.sunstarmodelcars.com/list.htm

1:24 模型部份又有排講, 前後編輯左成個月(未買1:24 routemaster 時已經諗定會影相)。首先感謝孫先生Mr Suen 幫忙, 自認對巴士模型可以好瘋狂, Sun Star 過往出過咁多部1:24 routemaster其實想每隻色一架... 巴模滿屋... 不過一黎無$二黎無位擺, 所以諗下就算。1:24 車模是心靈良藥, 可是自己1:24 Routemaster 入手的路說來話長, 要由第一次見1:24 巴模時講起, 已經有好幾次想入但忍左手, 然而今日發覺到頭來始終要入... 所以有句說話講得好岩真係早買早享受, 遲買貴幾舊~

想擁有一部1:24 巴模已經十幾年前既事, 太耐了, 甚至已經唔記得堆1:24 Routemaster 係幾時出... 睇番Sun Star product list 寫呢堆1:24 routemaster 係2008年出, 但印象中一定係08年之前, 因為中學時期去沙田新城市80T 一定係2006年前既事, 堆1:24 分分鐘已經係03、04年咁上下時間出, 個時好肯定已經有1:24 巴模擺左係80T 門口, 堆車有紅有綠有金有銀，我個時仲話乜英國既紅巴士唔係紅色既咩？點解會咁多隻色？無錯當時每次去到80T門口都總會望下嗰堆1:24，後來除了有英國Routemaster 還有城巴中巴DMS。大約02、03年嗰時自己對巴模未有深認識, 就錯覺認為1:76 有巴士公司logo 就一定係最像真、最權威... 但當見到1:24 車身上既透明燈、前軸轉向、車門及窗戶開關、骨位凸釘、每張凳有凳腳同扶手, 頓時眼界大開, 決定點都要儲錢買一部! 對比起個陣時既1:76 巴模水準普遍係比較差、仿真度低部份仍是玩具質素, 只有少數車令人心動例如dw 平治O305、bc LV(LV149/2004)、祖比倫等。而令人眼前一亮的bc 十一米豪、dw 十一米都城呢d 車當時仲未面世, 於有比較之下1:24 俾我感覺確實係非常之震撼! 不過嗰時只能齋睇唔敢買因為一黎1:24 模型售價太高二黎買番屋企一定俾老豆老母問候, 我最記小學個時因為自己熱愛天文地理, 有次係書局買文儀用品結果慘被百屌成材, 所以當時已經想象到自己能夠攬住架車但慘被圍屌的後果, 這樣的人生又何苦呢...所以有長達一兩年好似探監咁, 隔住玻璃係某専門店望下堆1:24。05年剛剛推出的一部1:24 DMS 售價為1398! 個堆1:24 英國巴模售價介乎1280-1680, 而家如果係呢個價當然即買唔洗諗啦, 但以前0收入, 拎298已經難, 過千蚊既死物就算有九折都係果句: 那有錢 _ _ _!

不過80T 的display 架早已無1:24 巴士模型的縱影, 以為已經市面難尋, 今年年初係某網絡店fb 見倒有1:24 routemaster 的圖, 佢地有賣1:24 routemaster, check 番原來Sun Star 近年都出左兩三款, 再度呼喚起教人要入手的黑暗力量, 不過當時盈警未解除, 1:24 真係不敢多諗。七月有意栽花花不開 無心插柳柳成蔭情況下入左1:24 CMB DMS 倫敦珍寶, 除了回憶起以前初初見倒1:24 的觸電感覺之外, 寫分享個時還發現倫敦珍寶最大特色是車頭的路線牌箱，倫敦運輸局參考Routemaster設計，把DMS的牌箱設計成途經地點、路線號碼、目的地點的3格窗模式, 又再度呼喚起要入埋Routemaster 的黑暗力量!

八月尾Toy1 一場人為的1:76 LM/LA中巴車海戰, 小弟不得不向Toy1捐款, 同時又再度呼喚起要入埋routemaster 的黑暗力量, 因為當我向NS 査詢自己的會員狀況時, 失望地收到回覆指我的會員資格已於2016年停止... 重新成為會員需於三個月內在門市購物滿二千蚊再申請才可取得會員資格, 雖然我可以買1:24, 要消費滿二千蚊其實唔難, 但諗到以後每年都要在門市有消費紀錄才可保住會員資格, 又不禁細想係咪值得, anyway 最後都係係NS 門市買左1:24 RM...

九月係利東街探訪過Routemaster之後, 再度重燃了1:24 Routemaster 的黑暗入手意慾, 連真車都近距離望埋, 無1:1, 有1:24 都算係人生少少成就, 於是立刻search 市面上仍可選購的1:24 巴模款式, Wmb 宣佈正式引入1:24 Routemaster Green Line!!!

個盒都幾精美，成盒野拎上係好重, 一打開發泡膠蓋就見倒架1:24 RM, 因為鐵車重4kg, 拎出黎十分緊張!!

証書寫原來呢部車係限量2750部，比BC 既1:24 多好多... 模型由250個組件組成。

好高興1:24 Wmb 世界汽車小聚會在頭痛中順利舉行! 發覺因為做野關係, 少左運動, 出入溫差大既地方好易會中招, 頭痛, 以前頭痛訓番一覺第二朝無乜野, 但而家唔食藥第二朝可能仍然頭痛, 証明抵抗力差左, 呢d 都係打工仔的苦處!!! 就係咁, 是次Wmb 世界汽車小聚會在頭痛中舉行!



649CLT(網上圖片)

  

RMC1469 - 469CLT(開頭以為LCT 黑暗李_東)

 據說從1958-1968年, 倫敦運輸局共引入了2756架AEC(Associated Equipment Company) Routemaster, 所有巴士都在Park Royal Vehicles建造車身, 而專門服務倫敦市郊的綠色Routemaster 與紅色Routemaster 最大分別是出入口設有車門。本來我都係認為倫敦巴士係要買紅色先夠代表性, 但目前可以選購既紅色RM 全部有banner, 咁岩我又對佢d banner 無乜興趣, 綠色呢部RM 除左有尾門, 可玩性較高, 車側兩邊green line 個字又印係前面, 中間有位俾我自改banner, 所以入一部綠色RM^^

一紅一綠合照好正, 可惜香港無倫敦巴士, 所以對倫敦巴士始終無太深厚, 紅綠各一就夠了~

細心留意會發現其實RM 個模都係一模多用, 上層車頭本身做開有雞翼窗, 但無雞翼窗版本的車頭都會見倒有for 放雞翼窗膠件的凹位!

車尾上落車門



 引擎蓋打開

 呢個角度可以見倒車門打開的開放狀態, 但始終係不設車門的較為開揚, 模型側門打開係開唔盡既, 未知係模型設計問題定真車都係咁...

三部均為倫敦巴士, 路線牌箱採用同一慨念設計, 即分為路線號碼、途經地點、目的地點(長條形窗)的三格窗模式, 但中巴在八十年代把此牌箱改成倒T 形, 因此各有特色!



Routemaster VS Daimler Fleetline 一人控制模式

前置引擎AEC Routemaster VS 後置引擎Daimler Fleetline 的上車門

中巴XF173 DA1349 中環<-->赤柱6。1993年中巴喪失28條路線專營權，當中包括6號線，由城巴City Bus 以全空調巴士接辦, 中巴喪失部份路線專營權後引致車輛過多, 間接令呢批二手DMS 需要面臨退役!

時間關係, 下面堆相係第二日下午影, 換左支Nikon 55-300 影, 黑角情況明顯比Sigma 50-500嚴重!

改左少少野, 有無發覺架車有咩唔同呢?? (唔係車門打開, 雖然我覺得開左門係比較型格)下面4 張係上次影既

泊埋一齊就發覺兩架車都有少少斜左 

兩架車都有改善空間, DMS 下層右側太平門無做打開、RM 上層尾窗戶無做打開, 雖然模具是05、03年既出品, 但兩架車都係今年出, RM 售價無乜加所以可接受但DMS 貴成倍, 品質應該改善下...

引擎蓋打開

細心留意469CLT 下層頭窗對上係無路線牌, 之前一直以為有, 睇番真車原來都係無既!

車尾設有車門係green line RM 的特色, 不過如非必要都避免經常開關車門以免損壞... 睇番太陽星呢個RM模其實係分體模黎, 接合位係車身塗裝/骨位交界, 而半駕駛室亦是分體件, 最最最可惜的係司機位車門無做打開!!! 你話有乜理由半駕駛室咁大特色但司機位車門唔做打開先得假(咁多年都無改良有少少失望!)... 所以遠睇順眼但有改善空間, 另外車殻同窗戶的膠片幾厚下, 膠水亦痴得唔平均, 有些位有明顯膠水漬但有些位無痴到, 用力按窗戶可以成塊膠片推入去, 所以要拎起架車都要小心!

以下是Wmb 世界汽車小聚會環節, 生產世界最佳賽車是毫無意義的，因為人們只會記住賽車手。但若你能夠生產出世界最佳汽車，人們會永遠將它們銘記於心。

1:24 AEC Routemaster & Lamborghini Reventón 林寶堅尼雷文頓

雷文頓磨砂白, 原來都幾型格!

擁有全新雷文頓的機率只有1/700000000! 幸好擁有雷文頓模型並非這麼難, 大陸一些玩具公司取得授權推出世界著名超級跑車1:24 現成車模(精緻合金玩具), 適合平玩人士。

當年一部雷文頓索價過千萬港元, 而且全球限量發售的林寶堅尼會升值, 真車唔洗諗, 所以買1:24 車模唔多唔少俾倒安慰自己, 從中得到正能量, 人人都可以擁有雷文頓, 至於會唔會追番之前出過的1:24 DMS, Wmb 表示過往的1:24 已升值不少, 如遇沒損耗的二手1:24 巴模也會考慮入手, 大不了放售部份1:76 以安置1:24!

雷文頓磨砂白及磨砂金屬灰

低矮車身、流線形、強烈戰鬥機外觀都與雙層巴士完全不同, 相映成趣~

公共汽車與世界汽車

RM、DMS、Reventón 打開車門狀態, 各有各型

雷文頓磨砂灰本來已經有戰鬥感, 打開車門更有強烈侵略感, 似是性能無比, 有深不可測的黑暗力量, 據說它從起步一刻到100km/h 最快只花上3.4秒!

比美高的雷文頓磨砂色做得幾好, 但其實好似得比美高有磨砂色可以選擇, 但比美高個模係比較粗糙, 例如角位略嫌平滑、車門有粗坑、前軸轉向會反彈(無法定型)、車內座位無分色(唔知真車係咁定點, 因為另一間公司出雷文頓係有分色)。所以比美高出的另一款林寶堅尼第六元素我都未入, 始終大陸呢堆玩具公司做開玩具, details 係差dd, 主要因為售價上的差異, 別無他選...

雷文頓與倫敦珍寶

磨砂白真係幾正~ 如車尾燈做番紅色就似!

低矮車殼的強勁爆發力使人著迷! 雷文頓是眾多林寶堅尼款式中最吸引的, 可能會買埋開篷版!

AEC RM 及DMS 的車門

469CLT 車箱天花設有行李架, 但沒有垂直扶手, 本來覺得綠色RM 不及紅色吸引, 但而家越睇越順眼~ 如果Wmb 有RM, 底色一定係藍色及淺藍的配搭~

1:24 真係好玩過1:76 好多!! 感覺比較近1:1, 有1:1 質感, 1:76 相對比較玩具, 你見carz 今時今日仲用舊模出丹拿A 就知... 就算佢肯推出1:24 丹拿A, 都唔保證好得過03,04 年做既呢批1:24 AEC RM! 而且票價可能更高! 雖然Sun Star 既1:24 RM 都唔係完美, 但無疑它是目最像真的大比例現成品巴士模型!

以下係Wmb 打算引入的車隊, 希望本人在位期間可以實現(FF)...順便俾大家知道過往出左邊d 款式routemaster(轉載自Sun Star product list)。

 

1:24 車模是心靈良藥, 沒能力買真車, 但能買一台精緻的車模可算是一點安慰, 1:24 既有模型的可玩性又有真車的神似, 所以我話1:24 車模是心靈良藥, 那時不敢想1:1, 所以1:24 "巴士"模型曾是中學時期儲錢的原動力, 現在回顧是1:1 奮鬥的縮影!

個人感受, 睇完Sun Star 上面呢堆Routemaster, 有少少可惜點解香港車唔做多d 1:43/1:24, 你話如果香港車好似人地咁出咁多款1:24 幾好!? "天地初開"個陣生產商用左1:76 scale 去做巴模, 以後就一直只係用1:76 做, 出到點濫都有人買, 就只覺得係1:76 先係大眾, 大過1:76 就係小眾, 但個人認為應該重視及開發1:43 / 1:24, 近兩次出既1:24 DMS 都迅速清貨証明1:24 係有市場, 寧願1:76 出少d, 開發多幾款1:24, 可以將1:24 的對像設定為收藏家, 而1:76 對像繼續維持為一般市民, 總好過d 人係為左炒而盲目去買1:76, 真正的1:24 巴士模型就專為收藏家而設~ 單計巴士公司keep 個堆車每款做一部1:24 已經夠壯觀啦... 真係唔明今年已經係2017, 幾本上已經唔接受用N年前舊模仲加價呢樣野, 但今年九巴官方出既1:76 丹拿A型仲係用舊模... 還夠膽賣460-.- 可唔可以認真少少試下出1:24? 例如係古董車包括4961、AD4807、BM248、DX2437 及歷史上倶代表性既勝利二型、祖比倫、兩軸利蘭/都城、三門巨龍/利蘭等等... 如果做得靚售價合理既話我唔覺得舊車同大比例模型無人買囉... 應該出既唔去出... 唔少靚車要靠非官方做... 

講到售價合理呢個題, 就令人想到成本, 無錯做1:24 一定唔可能好似1:76 咁翻出咁多次, 因為size 巨大買家都唔會同一款車買咁多部, 產量比1:76 少, 生產商可能會認為推出1:24 成本太高, 假設一部1:24 巴士模型賣2xxx, 出5xx部; 當一部1:76  賣4xx, 出1xxx部但往後可以再出唔同線、塗裝, 加上生產1:76 模具成本比1:24 低好多, 生産商一定選擇最大利潤, 但下下為利益而出模型, 市面上又多炒家, QC又差, 呢個唔係良好的風氣, 個人認為生產商既然已經賺唔少, 好應該開發1:43 / 1:24, 專門店是否應開創大比例先河? 把握仍然係專門店的優勢, 否則局限1:76, 做出黎既野又玩具水準, 面對競爭只會被比下去、被淘汰... 應該出既唔去出... 香港巴士模型就係咁圾垃! 巴士博士? 我呸! 専門店? 我呸! 我呸呸呸!!!