挑戰飛鵝山(下)

本文會繼續紀錄個人壯舉！挑戰飛鵝山(下)


消失的航班
近日的客機事故令我突然諗起十二年前的恐怖襲擊！重點係當日美航77號航班同機上的人到底去左邊呢??

77號航班原定由華盛頓飛往洛杉磯，當日08:10 起飛。聲稱在09:37 撞擊五角大廈，姑且不談是否由政府幕後安排遇襲，但好明顯從五角大廈的現場環境可判斷並沒有大客機的存在，其實想話，既然77號航班撞在五角大廈的可能性極低，咁果架77號航班的實體同機上的69人到底去了那裡？？官方在事件中神通廣大，可以短時間內講得出係咩航班、機上有幾多人同埋邊條友劫機仲有埋大頭照呢度先好野！究竟係咪犧牲咁多人命去自導自演，就真係唔同人有唔同理解了！

從沙田坳道可遠看荔枝角廠，但從眾多物件中要發現一輛淺紫色的巴士，並不容易！

臨去到涼亭，有班人係度拍野，好似話拍緊AV... 但女主角在那裡?? 為何看不見??

呢日都算叫做晴如天萬里港闊~ 然後上埋觀景台~ 飽覽香港景色~

東洋山，海拔533米。

山頂有人放飛機~ 超大風！

將軍澳，及遠處的釣魚翁，海拔344米。

2塊飛鵝山的景觀介紹

白沙灣~

加送一幅夜景^^

又話拍緊AV，唔好影！我都唔見有女優ge... 

慈雲山，海拔488米。

是日的正題終於到了！兩軸巴士世紀會面環節！可惜紅色+米黃色的熱狗已經退役，這些合照唯有模型實現，營造懷舊氣氛！

近年，九巴所舉辦的展覽誠意欠奉，就以去年九巴80週年為例，倫敦新款紅巴士難得由英國到香港展出，大多數日子都係泊廠了事，一唔係就無啦啦出車，正式泊出黎俾人"望"就得西九果次，完全沒有公開與眾同樂的誠意！本人在此對九巴的行為感到失望！

會面期間，遊人都被模型吸引，前來欣賞，AV拍攝亦被迫走埋一邊！

九龍半島~ 1921年，九龍半島最先開始有巴士行走~ 到現在香港成為全球雙層巴士密度最高的城市，真不簡單不簡單！ 

總有一天，呢條少少的石圍欄，上面全部擺住一部部的模型，由近至遠遠至近，來一次最壯觀的合照！無人能及！

當日時間關係，世紀會見都要收車，為上山頂做準備！

涼亭後面，有條小路南行，不過沿途的警告牌就令我有D驚！！！

行出去一段落斜，經過呢個電塔，這個係四美街等82X 都望倒！

前面是東山，海拔544米。由於位處西貢和九龍中間，山頂的風勢超強，成個身體都被風推得難以直線前進！

與大風較量，人是多麼渺小，你知嗎??

前面越上越斜，都是意志的考驗！

不時停下來企穩，又影下景，影完又行幾步，又驚驚地停番低... 講到尾都係驚線腳仆低

盡量彎著身扶住黎行，以免企唔穩，有相機係身反而造成不便...

個人對呢D路有D恐懼，看似幾穩陣但隨時會線腳，每一步都小心翼翼，欲上又止

呢段相信係最斜部分，徘徊左很久都係唔敢上，完全唔敢行，轉身還要坐下才穩定下來，強風根本就係度大哈細！

專業人士都有手密，這時有位專家從這路下山，表現輕鬆... 落斜完全感覺不到佢會驚線腳的，佢應該見我上唔倒仲問我洗唔洗要手密?? 但我都唔敢上，要手密黎都只會浪費... 所以唯有話唔洗啦唔該... 無充足裝備係手上落山都確有難度，我相信如果無乜風我應該上倒的... 係吹到企唔穩所以步步為營... 而家諗番真係有D激氣！

獅子山

中右位置隱約看見屯門青山！

大東山方向，可惜看不見！

又番番黎觀景台，休息一會，吃點朱古力...

沙田坳道！當年沒有龍翔道，沙田坳道應該是一條完整的馬路。

呢度係翠竹?

這座建築物好面善！怪獸訓練所九龍部！

矮果堆樓係大坑東?

竹園機械人頭裝置

沿飛鵝山道落山，彎彎曲曲~

汀角及黃嶺，海拔639米。

基維爾

山頂的朋友望咩呀??

鷓鴣山，海拔432米。

呢度之前跟學校外出都黎過...

綠中一點紅

西貢

望番上飛鵝山，有點可惜，上唔倒頂！下次再戰！飛鵝山地勢陡峭，要上到頂要好大膽先得，畏高的話絕對係超大挑戰！

西貢島嶼

Wmb 西貢車廠

落到山腳，前面是順利

環球貿易講場

封左的樓梯

從南面望飛鵝山，會更覺山勢陡峭！四處是筆直的山坡

見倒山頂D草吹到狂郁，在觀察中發現有人挑戰飛鵝山!!!

好恐怖！

傅說中的自殺崖係咪左邊位置？

一名勇者正在上山，好似係較早前影倒果位人兄黎~

直指天際的山路！

最後係彩虹搭返83X 番歸，經番大老山，一次東九龍的環山行完成...

工作方面被周圍的人所影響，開始有點憂慮，究竟自己適合做邊行？？個project 趕住4月前完成，過埋今個月唔知會點添！

有時，係電腦前面玩住OMSI，任意踩油，高速入彎，都令自己幻想自己真係擁有一架車，鐘意泊邊就泊邊，撞左車咪EXIT game 再黎過，仲要唔洗成本，油錢、泊車費都唔洗俾！又會幻想有時想威想晒命就渣出黎周圍行，但夢想同幻想只是一線之差，對一個窮人黎講，究竟花費不菲去買一件死物的意義究竟係邊呢？這一刻，我感到迷惘起來... 

人生的憂慮點解會咁多架，希望我自己有智慧有能力去平衡一下啦...