週日新界遊：大帽山(多圖)

笑踏河山：大帽山(多圖)

農曆新年來臨，終於有時間分享番聖誕節上大帽山的遊記！好難得冬天遇上能見度係高的日子，於是即慶上山！聖誕岩岩入左支Sigma的50-500mm，上大帽山試玩一定可以大派用場！

大帽山位於新界中部，也是陸地範圍較廣闊的位置，世人大多數把大帽山讀成大霧山，雖然山頂不少數日子被雲霧緊鎖，有大霧山之稱，但最初是因為大帽山山體廣闊，山頂高處廣闊平坦，古時人們形容此山外型像一頂大帽子覆蓋在大地一樣，故此有大帽山之名！

荃灣乘車上山，下車後沿大帽山道步行到觀景台位置，沿路除左有唔少私家車霸住條路之外，已經感受到非常大風，前行十分吃力！

18mm (等效27mm)視野下的元朗 ↑

山頂的強風比起打八號風球更加勁，幾乎要彎腰前行使重心下降，否則吹到滑倒！

先用AF-S Nikkor 18-200mm F3.5-5.6 影幾張廣角，再換Sigma 50-500mm F4.5-6.3 影close up！因為實在太大風了，迫住走左入去間石屋度換鏡！

50mm (等效75mm)視野下的元朗 ↑

之前睇過Sigma APO 50-500mm F4.5-6.3 DG OS HSM 的評價，話出黎的顏色偏黃，又的確係！但有時又偏藍，偏色情況比較嚴重！不過反正自從用左M mode 之後都成日要後期微調相片的光暗，如果後期微調可以解決倒就唯有接受了... 當然原相做得好係最好啦... 因為後期turn 始終D色係怪怪地...

深圳方向

小心翼翼地前往觀景台！

現在的假期，山上到處都係人...

青衣、南丫島

這日早上能見度是十分好，可惜上到山已經見倒遠處有煙霞慢慢濃罩，能見度比想象中無咁好... 大帽山觀景台位置海拔700米高，應可望見方圓95公里遠的地平線，雖然能見度也受陽光照射、濕氣影響而下降，但主要是香港常受中國大陸的污染空氣影響，使空氣混濁，能見度多數日子只有20公里...

石崗軍營及高鐵地盤

這名青年的危險動作小弟就模仿不來了... 大風已經企唔穩，更不要說走上石頭上...

山下的小屋如模型一樣細小

500mm (等效750mm)視野之下的西鐵架空天橋及源興鐵倉，源興鐵倉今時今日仲留住D熱狗都唔知做乜，吊高黎賣，擺得耐唔知有心定無意仲整爛晒D車，真浪費，唔要好心就送俾我啦！

峻巒。起咁多私樓，不如起公屋更實際...

外型已完成七七八八的高鐵車廠。高鐵之所以被香港人視為大白象是因為造價驚人而實際效益低，全長26公里的線路，平均每公里造價高達33億，創造了當今全宇宙最貴的鐵路神話 / 笑話！

錦上路鐵路站

又一幢高樓大廈在深圳興建中... 外型有少少似國際金融中心... 

兩座曾是深圳最高的建築物：京基一百(左)，樓高442米。信興廣場(右)，樓高325米。↑

賽格廣場，樓高292米，連天線高356米，闊度43米。↑

遠看從雞公嶺上凸出的是深圳第一高樓：平安金融中心。2014年7月15日，平安金融中心高度已超過京基一百！2013年3月有消息指中國第一高樓：平安金融中心或是危樓，因建造時涉嫌使用不合格海砂混凝土，氯離子含量超標，將嚴重腐蝕建築中的鋼筋，有倒塌風險！

天水圍及深圳灣大橋，原本清晰的視野被煙霞阻擋了...可惡！

走到另一邊觀景台，可看見南面的風景

荃灣 / 青衣，50mm 始終不是廣角，影景有局限！

南丫島

長洲、喜靈洲

交椅洲及香港境外的外伶仃島

天文台禁區

被國內霧霾影響的大嶼山！隱約看見大嶼山三座最高的山：大東山(海拔869米)、鳳凰山(海拔934米)、彌勒山(海拔751米)

珠江口的污染空氣時常影響香港西面

500mm (750mm)下的海面

平坦易行的山路

細心看，一層灰黑色的煙霧在深圳上空...

觀音山，海拔546米

錦田

山頂的小屋

海拔一千米高的白色波波... 應該開放俾我上去先係囉...

50mm及500mm 下的視野 ↑

沿路上山，突然一架747 在眼前起飛！立即以500mm 亂按一番！

自從國泰將747客機退役，要一睹747的風采就要靠其他航空公司的747從外地飛來了...

停車場早已泊滿一架二架私家車，乜D人好得閒？成日周圍去搞到周圍都塞車...

不久又看見一輛荷蘭皇家航空KLM 747 起飛！藍色的機身十分易認！睇睇下面youtube片段，大家一定有見過：

沿路上，景觀開揚，看見遠處的青山(海拔583米)，不過如果太陽猛烈的話會幾辛苦，夏天一定熱到暈！

西博寮海峽

喜靈洲

青馬、汀九

坪洲

長洲

如心廣場，樓高318米

回望元朗

跑咩呀呢班人...↑ 

走到一個小山坡上，風勢超勁，前一步要踏穩陣才可踏出另一步... 

九龍群山

昂船洲

遠處一個停車場發生大火，未知是否恐怖襲擊！

昂船洲大橋

50mm (75mm)下的葵青區

維河兩岸-香港天際線

荃灣西

青衣西

燃燒猛烈，濃煙升上半空

西九文化區... 呢個角度睇維河係相當窄，其實點解要起故宮博物館？故宮離香港咁遠，我寧願興建香港交通博物館，定期展覽懷舊汽車更實際！

山火瞭望台

獅子山，海拔495米

大上托流失面

一位攝影師從山上拍攝遠處的火災！真期待該名影師手上的照片！

國際金融中心，樓高412米

華景山莊，網上曾經流傳一張相片，遊客從澳門拍照竟然看見山上的華景山莊！氣勢實在非常壯麗！

小西灣(細心看相中頂部有一隻大船，因此相中沒有看見海平面的盡頭) ↑

回望大帽山上的氣象站

獅子山(海拔495米)、筆架山(海拔460米)及遠處的柏架山(海拔532米)

朗豪坊(樓高255米)，九龍市區的大廈像針吉一樣密集...

回望走過的路

灰濛濛的元朗

不停亂影已經花了不少時間，需要趕快走回上山的道路了！

呢D高難度動作唔好搞我~

沿路環繞，可以看見沙田

針山、獅子山、飛鵝山

草山、馬鞍山

烏溪沙，而家個高爾夫球場剷左，又用黎起樓... 周圍都變石屎森林，起埋晒D私樓根本無用的！

牛押山(海拔677米)及遠處的蚺蛇尖(海拔468米)

水牛山、黃牛山及山下的廣康區

廣源村

帝堡城。小瀝源及石門的大地盤正興建住宅... 不趕快多拍幾張，一年半載後就影唔番呢個景... 周圍都起樓都滿足唔倒住屋需求，根源應該停止興建私人樓，全部改為建公屋、居屋及減少大陸人士來港買樓！

水泉澳

獅子山下的背影... 獅子山下基本上成為代表香港的金曲，每次見倒獅子山都諗起羅文同埋自己係獅子山下所付出的努力~

一架飛機在高處飛過，是767 ??

山下的人不斷湧來

由於大帽山廣闊，一路行山下的風景角度上慢慢轉變，忍唔住又要影下... 好在係數碼機，如果菲林機的話一定浪費唔少菲林...

被迪士尼大白象所填平的竹篙灣

前方是針山，後方是水牛山、大老山、飛鵝山

前方是草山，後方是牛押山、馬鞍山、大金鐘

大老山，海拔577米

遠看西貢群島...

安達臣、秀茂坪

東九龍，遠處是東龍洲

藍塘海峽

這座看見外型已經不敢輕言攀登的蚺蛇尖，海拔468米，是香港最尖的山峰！

沿山路轉彎，看見大埔方向的八仙嶺，但煙霧已經慢慢吹來，眼前的景物已經變得朦朧... 可惡的！

慈山寺

遠攝四方山上遊人

馬鞍山

太古汽水廠及遠處的廣源村，可見廣松樓是距離左邊巴士總站最遠的一幢，有特見其實唔方便影...

針山，海拔532米，針山雖然不屬於香港三尖，但外型亦同樣峭陡！

大金鐘，海拔536米，大金鐘與馬鞍山相連，外型像金鐘一樣非常峭陡，一直不敢輕言攀登！

萬宜水庫

芒草

Sigma 的APO 50-500mm DG OS HSM 用了低色散鏡片，向太陽光方向不易有光暈

船灣

很少有的士在這裡出現！

新界東北堆田區，一向北方，就朦到不得了！

比華利山

大尾督

來到大帽山可到範圍的最高處

回頭望路途步了很遠，跌過多少次也絕無言，聽到了嘲笑心裡沒困倦，就算風雨對著我也繼續步向前！

禁區告示牌

遊人多得使路上擠塞！

右轉走落一處平地，可看見東北面的景色，不過北面深圳上空有一層非常污染的空氣，慢慢吹來影響香港！

太和

船灣淡水湖

京基一百及信興廣場(地王)

沙田第一城，而家無啦啦改左做置富第一城... 心諗第一城就第一城啦！

水牛山(海拔606米)及黃牛山(海拔604米)

深圳平安金融中心，樓高600米！是目前深圳最高及中國第二高的大廈。平安金融中心連天線原高660米，超越上海中心的632米，後來傳出負面消息建築商表示不會追求第一高樓而維持600米高度！

平安金融中心全幢照...

粉嶺公路蓮塘口岸大白象，唔記得zoom 埋去個隧道口... 

國內的污染物吹過香港

回看大帽山

四方山，海拔785米

時候不早要回程了，一隻牛牛跟著我們

不少遊人仍然上山

一部港龍航空空中巴士飛過，港龍航空已被國泰收購，並會翻新成有國泰圖案的塗裝，舊色真係應該影定... 

難忘美麗的風景，拍個夠

一部國泰航空的波音777-300 客機起飛

大嶼山仍然被朦朧著，陽光照在海面上反光，遠攝效果不錯！

遊人隨處可見

斜坡上的芒草

俯望之字形山路

紅葉數塊 500mm / iso200 / F9 / 1/400，忘記調回F6.3... 唔講以為係HS25的出品...

屹立大地的天文台氣象站，其實天文台都幾自私，霸住大帽山最高位，仲要範圍咁大... 

平安金融中心

連接Elephant 人工島的橋樑，整個都屬於港珠澳大白象

眼利的朋友應該見倒呢度泊左部平頂寶，仲有架鐵蘭同城巴都普trident

四季雅苑，地圖上顯示四季雅苑有136座！單是這排已有93座！

不知不覺在大帽山花了三小時有多，拎住支重2kg 的Sigma apo 50-500mm dg os hsm 行山，平路的還可，如果加埋相機有2.5kg 重手持行斜路的話會感到吃力，由短鏡換左呢支長鏡就唔願再換番短，因為換鏡係令人幾煩躁，所以上面D相大部分都係50mm起步，好彩大帽山遠離市區，用50mm 感覺上唔係話太窄視野。最滿意係微距好有用而且對焦幾快(Nikon 的kit鏡對焦真係好L慢！)，以前用DC開微距一個按鍵就做倒，轉單反後用跟機果D鏡頭嘩真係喊三聲，無微距都唔知點影，下下要企後幾步影真係好唔方便！！！之前試過Tamron 的150-600mm，遠攝係勁之不過最近對焦距離要2.5米以上，根本上好多野都影唔倒，而上一代的Sigma 50-500mm F4-6.3 dg hsm 雖然最大光圈有F4但最近對焦距離都要1米，住公屋的玩家應該好明白根本無可能下下將個物件放1米遠先對焦，所以0.5米對焦點令使用範圍廣範得多，好多野都影得倒！而鏡頭防震係幾有效既，自己部機無機身防震，所以鏡頭防震就顯得非常重要！山頂氣溫低隻手都凍到唔多靈活，本來諗住日光日白就算500mm (等效750mm)之下都可以唔洗開防震，但點知上到山超級大風，仲勁過打8號波，所以其實有D相用左防震都係有少少炒，因為500mm 個鏡頭有時郁得好西利。原本用最大光圈F6.3 快門就一定過千分之一以上，但因為Sigma 的黑角問題都幾明顯，要收細光圈去到F10 或F11 先可以避開黑角的缺點，使快門降低至1/400 左右仲迫住用iso200去維持一定快門速度，係維持快門有一定速度同雜點唔可以太多之下取個平行，因此1/400係等效750mm 之下唔開防震分分鐘全部相都會手震更不用說遇上風勢勁過8號風球... 某程度上鏡頭的重量也可以減少震動。另外係畫質問題，400mm以下用較大光圈還好，但當超過400mm後如果用F8以下光圈就會見倒D線條鬆化，迫住要去到F10 或更細光圈先會有理想的效果，一般人指F8 係最好，但自己試過用發覺F11 出黎的線條先係最理想，F10 同F11 分別不大但感覺上F11好D，F8-F9 就有輕微鬆化但還可接受，上面D相大多數都用F9影，正如上面提及要F11先大致避倒黑角所以上面D相見倒係有少少黑角尤其向天空影的相暗角特別明顯！但如果遇上大風又唔夠光的環境，真係好難取決究竟用咩光圈、iso，因為光圈細景深變深，影出黎D野有DC feel之外，快門慢左會增加手震風險，增加iso 又不是最好方法因為雜點隨之而增加，如果係緊要關頭本身iso 已經有咁上下高，就難以再上調... 唔加iso 改為加大光圈又會使線條鬆化及出現黑角，所以其實D鏡頭話就話最大光圈有某個數，但實際要收細兩級先有最佳成像咁咪姐係做唔倒，憑乜寫到個光圈好似好大又收貴幾千先... 真係激死！另外的確係有幾嚴重的偏色問題，呢方面比原廠鏡輸蝕，唉不過正如上面所講，自從轉用M mode後快門速度都係自己判斷，有時環境時晴時陰，快門速度時常臨時加快減慢，過光過暗的相都要落電腦調整一下，偏色就唯有順便處理埋佢，所以偏色問題不是死罪，當然咁搞法原相就唔見得人啦... D人成日話一分錢一分貨，你俾幾錢就俾咩質素的貨你用，但D鏡值幾錢姐，D野一同攝影、相機拉上關係之後就貴得交關，售價驚人，試問一個唔係將攝影拎去賺錢的普通玩家邊有能力俾皮皮聲買鏡？ 錢從何來！所以根本上係二分錢一分貨... 一分錢一分貨係官方想你洗多D錢買佢更加好的產品的講法！

比起kit 鏡，sigma 50-500mm os 鏡除了偏色之外各方面都顯得優勝，睇番資料Sigma apo 50-500mm dg os hsm 係2010年3月推出，至今已經近7年，証明我係遲左7年... 咁的質素係7年前可以話係好驚喜，但當時一支Sigma apo 50-500mm dg os hsm 的索價接近二十萬日圓！你話，就算一早俾我知有呢支鏡我都無錢玩... 期望今後所有相機、鏡頭價格下降及平民化的同時性能優化！