BHTXWmb: 笑踏龍脊 Shek O Peak (亞洲最佳的市區遠足徑)

笑踏河山：龍脊 Shek O Peak

早前跟一班遠足專家初次登上港島區非常著名的遠足好去處：龍脊。其實以前睇地圖，根本無一座山叫龍脊，實際上龍脊只是一個稱呼，因這裡山勢連綿屹立的外形有如巨龍姿勢一樣而得名。龍脊正式名稱應為打爛埕頂山，英文為Shek O Peak(石澳山)，代表這裡是石澳的最高點，海拔284米。

有些行山介紹指登龍脊的難度為2星(5星為最難)，有些就指是3星，由於山高不過300米，由土地灣上山到大浪灣都是九公里左右，而且可望見石澳及南中國海的景色，在2004年更被時代周刊亞洲版選中了成為亞洲區的最佳市區遠足徑，因此龍脊近年吸引不少行山人士前往，有時行山人士湧著而來，遠看整條路都是人人人！

香港島呢個地方山多平地少，靠北岸不斷填海增加用地，當然就犧牲了港多利亞港原有的廣闊海面。港島南北面可以話兩個世界，北面是全港最繁忙的地區，每日在那裡上班的人們忙得慘過隻狗，除了往返交通時間長，中午食飯都打仗，無位、等位，等得黎已經無時間食，物價長期高得不合理，更成為全球工時最長的地區之一；南面因為有水塘，附近的自然環境才沒有被破壞，這點實在值得珍惜！不過奇怪而家周圍都多人到一個點，想悠悠行山，不與他人爭路似乎都唔係咁易了...

星期日早上8點多，在筲箕灣乘小巴($10)到土地灣下車，個小巴司機碌車，上斜堅持低轉，跌到35km/h都唔降波，仲差過老虎蘭！亦可以在筲箕灣搭新巴9號($6.9)前往。D人話咁早點起身呀，唉對D高手黎講，8點集合係遲了... 星期日要咁早起身係幾辛苦... 因為第二朝又要番工...

8:45a.m.，大家都做好熱身運動，以應付面前九公里的山路！

巴士站隔離就係上山路口，有廁所、地圖。

沿路上山，先來一段斜路！

遠看大潭篤水塘

附近的柏架山，海拔532米，呢日的能見度唔算好，早上起床望出窗都係白濛濛...

沿路前進

中途回望

沿路都見一些玉白色的石塊，這塊比較大塊，都有少少擔心而家人流太多，石頭會被破壞！

廁所告示

雖然路線難度只有2.5星，但面對斜路不斷，腳骨力開始消耗...

沿路到達一處休息地，沿右邊斜路再上，不斷上，不斷上，忘我境界練成！

不久便到達龍脊，可看見石澳全景，但由於山頂受海風迎面吹襲，剛到達山頂已被強風吹到站立不穩，拍攝風景也需小心！

大頭洲

石澳泳灘

早上的陽光，好耐無試過早上行山... 冬天天未光透就起身番工...

五分洲

橫瀾島，距離龍脊大約六公里，但在陽光照射下，不細心看幾乎也沒發現橫瀾島的存在！

背光的環境，相機常會出現上圖的情況，陸地的光線適中，但天空卻爆白... 攝影確實是一門易學難精的技術...

石澳鄉村俱樂部

沿山頂前進，非常大風... 維持直線前行亦感到有些少困難

大潭篤水塘，1917年落成，至今已有100年！

大頭洲北面海岸

沿山頂前進，山腳景物角度上慢慢轉變

4公里外的東龍洲，這日能見不太好！

山腳的石澳道

釣魚翁，海拔344米

望向大潭水塘方向，發現遠處一幢閃閃的建築物

橫瀾島，橫瀾島以後的海面便已經是香港境外了

走到一處休息地點，但由於行山人士太多，有如市集！

石澳道

連狗狗也行山... 跟住牠一定唔會行錯了！

打爛埕頂山就在前方

兩旁的植物有時比人還高，即使大風，也不擔心會被吹落山，因為有天然欄杆頂住！

一輛9號巴士正前往石澳

宋崗

紅山半島

強風從山谷中吹過來，經過這些山谷特別感覺到站立不穩

不從高處觀看都不知石澳的房屋咁密集... 模型一般的大小。一輛9號巴士正駛離總站，後面果架白白地色遠睇以為康豪...

沿路需注意凹凸不平的路面，太注意影風景的話隨時當場仆個正著！

接近打爛埕頂山，斜路更為明顯

前面的人塞著去路，趁機善用18-200mm的優勢，遠攝腳下的風景，但總係覺得自己用緊的二手Nikon AF-S DX NIKKOR 18-200mm f/3.5-5.6G ED VR II 表現好差下... 防震雞，大風少少都炒，140mm 後的焦距質素明顯下降，中央清晰但四周大部分區域都化左，行山為左方便天涯鏡係重要，但質素差代價太重了吧...

大頭洲連島橋

斜炮頂

鶴咀山。海拔325米

石澳道

赤柱半島。都唔明d鏡頭點解做到有黑角的，要收細光圈先可以避倒，咁其實咪姐係聲稱的最大光圈做唔倒正常的效果，憑乜寫F3.5-F5.6呀... 成日話一分錢一分貨，而家二分錢先一分貨喎！

從南中國海回港的雙魚星號？

宋崗

呢個角度睇，有D似隻mouse

望向大潭水塘方向，發現遠處一幢閃閃的建築物，是九公里外的環球貿易廣場，樓高484米。

陽明山莊

大潭道。真係好懷念坐熱狗經過大潭道的情景！一邊係寧靜又廣闊的湖面，另一邊就係落下幾十米的堤壩~

離開石澳，開始看見大浪灣

將軍澳堆田區

回望橫瀾島、宋崗

9:50a.m.一輪斜路後，到達打爛埕頂山山頂

觀景台

後面的一男一女真開心阿...

由於太大風，行山人士躲在石牆後面

羅洲

大浪灣面向南中國海，海風時常引起海浪，看雪白的浪花便感覺得到！

需要留意這條直指天際的樓梯，是大浪灣番回小西灣的山徑，除非走回頭路，否則這條直指天際的山徑相信是必經之路，需確定完成九公里的路程到大浪灣後，仍有足夠體力才可嘗試，否則乘車離開吧！(大東山黃龍坑道我都唔死得，會怕呢條路嗎？不怕死的想著)

沿路下山，離開打爛埕頂山

下山又上山，巨龍山脊確是名不虛傳

佛堂門

沿路下降，指示牌右轉兩旁均被樹木遮掩，景色並不開揚

看，大人細路小妹妹都跳跳札札

對昆蟲無乜研究，這是什麼蝴蝶？

聽聞空氣好才會呈現啡色的在樹幹上

陽明山莊

這可能是打風造成的破壞

這不知是什麼現象，但應該都係空氣好的反映

11:00a.m.來到分岔路，按指示前往大浪灣

對木牌上的巴士圖案感到好奇，兩軸非空調

拍下地圖以防萬一

柏架山

沿途有一些空位可望見柴灣、九龍，可惜這日能見度低，連飛鵝山都看不清，更不用說獅子山、大帽山...

將軍澳

藍田、秀茂坪、安達臣及海拔399米的大上托(六十年代地圖上顯示大上托是419米，可惜採礦後被剷去主峰，自此成為香港境內唯一一座失去主峰的山峰)

隱約看見順利村紀律部隊宿舍(外型幾乞人憎的屏風樓)

杏花村

日出康城屏風群

這裡有處休息地，沿路前往大浪灣

亂影

大紅花

在這裡下山

麗星郵輪？

12:05 到棠記士多，食lunch，唉間野呃錢的！

個炒飯寫45蚊，其他人都有叫，但原來我隻碟唔同色，埋單收我53，俾50蚊佢唔找錢仲話我差3蚊，呢個價無野飲已經貴啦，仲話跟碟顏色收錢，人地果個用黑色就係45，我呢個係貴D！喂大佬大家叫同一樣餐，人地碟飯遲黎仲多飯過我，我碟相對係少飯仲無啦啦俾錯碟我走黎收多我8蚊，落單果個點做野架，最衰逐個俾錢，我俾最尾其他人走曬，如果唔係有人証明個餐一樣睇佢有無咁惡出面，咁樣呃錢都係第一次！執左佢啦！8蚊當俾乞e！

離開棠記士多，同行幾名師兄乘車回程，而小弟決定挑戰步行返小西灣，同時節省一程小巴票價！棠記士多呃錢，我就有方法慳番呢8蚊番黎！小巴一程10蚊，咁計的話我仲賺多兩蚊，但巴士就6.9，心諗無謂因為呢幾蚊而影響心情，咪當透過行山鍛煉體能囉！其實心入面當然唔滿意啦，你直接寫呢個價都無咁燥，用D咁低級的方法呃錢就真係太差了！

1:20p.m. 經過大浪灣沙灘，兩位師兄話唔放心我一條友行番出小西灣，仲話我睇少條斜路，好多人行之前大大聲話得，結果一上就話行唔倒... 心諗唔係掛！

如果影人的話，200mm絕對唔夠，海面時晴時陰，要臨時調整快門，都係M mode 的不便之處。

橫瀾島

還記得在打爛埕頂山山頂看到那條直上天際的樓梯嗎？現在便身處這裡了！當然這時其實已經感覺疲倦，始終走了十公里路程！

雖然上山前我是帶頭，但不久已被拋離，每行十級樓梯就想停低，真係唔係野少！諗起荊途有一句歌詞：一朝踏上怎後退...

記得有個涼亭可以休息，但呢個時候行極都未見涼亭！↑

大浪灣道呢間屋真係正，對住大海！

終於走到涼亭，原來又被其他人霸佔左，等了一會！

上上上，呢條路一定唔只2.5星！甚至比沙田上大老山(行善里上觀坪路)一段更吃力...

東龍洲，最高處約為海拔225米

沿路而上，不知不覺已經上到200米高，回望石澳

這個牌轉右(轉左是回到落大浪灣前的休息處)

聽聞遲下又有大白象，興建海底隧道連接港島至將軍澳及藍田隧道連接九龍，新一年係咪應該考慮派錢俾香港居民先？起少D大白象啦

越過山嶺，看見小西灣就在眼前，其實係上山果段非常吃力，但路線就唔太長

九龍東

依山而建的藍田、秀茂坪

九龍灣，遠處是獅子山，海拔495米。能見度實在太差...

小西灣，路過有幾個外籍傭工迎面上山，大聲笑住講左句：what the fuck，估佢上到無力...仲有些一家大細上山，喘晒氣問仲有幾耐，我話行多兩步就到啦(其實邊只行多兩步)！

大上托

歌連臣角道，轉入龍躍徑

2:10p.m. 到龍躍徑

濛查查的九龍灣

龍躍徑路面寬闊，遊人也較多

D7 689，中文唔洗講了~

飛鵝山，海拔602米

沿龍躍徑下山，去到小西灣海濱花園，這裡的巴士路線選擇多了，比起大浪灣乘車還可節省一程車費^^

龍躍徑路線圖

2:30，到達小西灣，乘106 Dennis Trident JD4831番九龍，JD牌Trident 應該得番幾個月... 所以坐倒真係要坐下，三波Trident 的狂野表現係而家D新車做唔倒的... 土地灣至小西灣完成是次龍脊的笑踏河山之旅。

一項票價自動加減機制啟動消息：因應近月物價變動劇烈，票價自動加減機制即時啟動！首先官方車非精細版本由368加至438，加幅高達19%，比平均通脹多出5倍... 其次九友價格亦被取消，九友價格加幅最驚人，由318加至394.2，加幅達24%，是一個難以接受的加幅，年年加價，如果人工有呢個幅度的一半加幅，已經好滿足了，Wmb 在此對有關部門表示強烈不滿，物極必反，自古以來人類都有受相同的教訓，有關部門既然要倒自己米，本人亦會以行動表示不滿：唔買加價後的官方模型！

由於出現兩個不同幅度的加價，Wmb票價亦會按相同幅度增加：