1/76 大水牛 AEC Regent V 麗晶五型高載客車

15/3 晚TVB播出的Sunday靚聲王請來唱手翻唱梅姐的萬珠莎華，雖然萬珠莎華係幾出名，但其實有另一首歌是同萬珠莎華同曲，就是羅文的淡淡的小野花。如果講到經典，淨唱萬珠莎華又邊及得梅姐同羅記兩首歌合唱呢！？

根據票價自動加減機制，Wmb 票價可跟隨部份物價的升降而調整。上月九巴官方巴模售價由348 加至368，discount 價也加廿蚊，是高於通脹的加幅，也有唔少模型收藏家認為加價不合理。不過加價已成事實，物價一加相信難有下調的一天，唯望有關部門的出品有改進，QC、模具精確及日後減少加價次數、幅度，讓辛苦賺錢的買家覺得值回票價！因此Wmb 現在追加票價，按相同幅度調整，以下是新票價：

 

新票價短途線由$3.2 變為 $3.4，長途線由$4.4 變為$4.7。是次調整是Wmb 自去年11月以來第6次調整，而因物價變動而調整的也已是第5次，由此可見短短數月間前後差距驚人！

玩左巴模超過十年，一直缺少AEC、Daimler 呢D型號，等左咁耐，終於有一部似樣的AEC 大水牛推出... 總算對古董巴士模型有番一點收藏的動力。

AEC 麗晶五型 (Associated Equipment Company Regent V)有大水牛之稱，原因是當時此款巴士是最長和載客量最高的。

據記載，九巴於1963-1966年間引進210部 AEC Regent V(麗晶五型)大型雙層巴士以應付人口增加的需求。而AEC Regent V 長34呎，最高可載117人，為當時全港最大型的公共客車。為配合於70年代中期實施的"一人控制"模式，九巴將全部的AEC Regent V 作改建，把落車車門和樓梯由車尾移至中間位置，改建車身後主要行走市區及沙田區路線如6、6A、6C、13及80K 等。 AEC Regent V在1983年開始退役，直到1987年全數退役。九巴的AEC 世界上只有3部被保留，其中亦只有 A19(AD4807) 一部咁大把目前由九巴自行保留。

據記載九巴引入AEC 的背景是由於60年代初九巴向丹拿購入30尺長的Daimler CVG6 型雙層巴士(丹拿C型)仍未能滿足需求(丹拿C型馬力有108匹、載客量有99人，是六十年代初最高載客量的巴士)，於是九巴向丹拿提出生產更長及更高載客量巴士的提議，不過丹拿集中研究珍寶巴士而沒有理會九巴的要求。這時英國的巴士生產商AEC 卻回應了九巴的提議，為九巴生產出破紀錄長34尺，可載117人的雙層巴士(大水牛)！AEC Regent V 原裝配備AEC AV690六汽缸引擎，馬力為135匹，是九巴車隊內的第一款AEC引擎，而在九巴改建AEC 的同時，大部份AEC(未知有多少)改為吉拿6LX 引擎，馬力約為150匹，配備吉拿引擎的AEC 起步的表現相當理想。

Wmb 為支持六十年代引入的高載客車推出模型，特意為車隊其中一部髹上與當時一樣的車身色彩(現代色)。

舊車車身的特徵實在太多，唔同時期又有不同，而有D地方搞唔清楚的係，九巴目前保留的AD4807 車身下層筆直，無向內彎的特徵，但舊時照片顯示AEC Regent V 下層是有明顯向內彎，而模型最奇怪的係做左少少內彎，但又介乎彎與直之間(內彎的位置好少)，咁究竟係起模出錯定還是真車有一個時期是這樣?? 可以對一對丹拿E型，丹拿E型下層都是有明顯內彎位置。

從網上找來一張AD7111 舊照，顯示車身的特徵，可以見倒下層內彎幅度是相當明顯！梯位移到中間而車頭路線牌箱是在指揮燈對上，同模型所示的時期應該一樣，所以唔明點解有咁大出入！？

據資料顯示，第一批共30輛「大水牛」是裝上英國鋁材公司（BACo）的車身，從第31部新巴士開始直至最後一部「大水牛」，九巴改用了Metal Sections的車身。兩者外觀分別不大，都是雙車門、尾置樓梯、半駕駛艙設計。主要不同點是Metal Sections 車身下半明顯向內彎曲，BACo車身下半部分一律直線到底。換句話說今次carz 起的模做出來看似筆直但又有少少彎，到底是Metal Sections的車身，還是BACo 的車身，還是成為合體怪獸？carz 要交代一下！

雖然今次AEC 的新模有唔少位置有待改善，包括車地台太低。奇怪的係，舊模車頭都無太低的問題，新模反而呢方面仲做得差過舊模...(雖然carz 都睇怕唔肯改)。AK的大水牛亦無車台太低問題，比例跟足，係衰在其他位置失真。所以除了carz 外別無他選，加上係出80K，加左廿蚊都唯有豪一次！老實講，出模型同出玩具係兩回事，就算唔加價，AEC個舊模早就應該改良左佢甚至起新模出！

今次配合熱狗巴士呢種大家都咁熟悉的色彩，模型背景都用了相關顏色作襯托，希望係攝影技術不足的情況之下都突出番熱狗的特色。

比起另一家AK的非官方的AEC來說，總算是歡笑多於唏噓！不過真係想知點解3塊倒後鏡都灰色？好似未上色喎，carz 做野會唔會太求其？

大水牛多面睇~

話說九巴poster 果張真車AD7111 -80K 照片是低牌箱，所以一直認為carz 個模做左高牌箱係錯的，不過護航人士又搵倒有相顯示既然真車有個時期(應該唔係80K 時期)真係高牌箱，你又無得同佢呦咁解！

雖然模型同真車有咁多出入，但官方出的古董巴士模型黎講，我諗今次呢架算係最好的了... 也是本人最貴的官方模型...

這天，Wmb 車長駕駛此車走在一條只容納單向行車的道路上。

車長話前置引擎巴士司機位雖然熱，但側門可以活動是一件過隱的事，在細小的路面可探頭視察有否超越行車線，視野靈活，下車亦相當方便。

內籠唔再係2 碌巨柱、分體模，已經好安慰。(也雖然而家都2015年，早要有這個水準)...

生涯 點滴 無聊分享

Need For Speed 9 好似已經係十年前的game? 以十年前來講，隻game都算整得唔錯了。新年期間，展開了生涯。

個人比較喜歡玩有任務性質的game，NFS 正有這個元素，當中包括有挑戰警方的任務，每遇到差佬設置的路障，都需要大安旨意撞落去，取得獎金，都幾過隱！搞到我都想整番個差佬車被撞到反車的模型場景^^ 經過 NFS 9 呢隻game，証明了自己的賽車品行提升了一個層次，事關其實以前落機鋪玩頭D，會用擋車方法阻止後車爬頭，不過現在已經不需要這些技倆了，還想到用這些技倆的人是毫無技術的！

5-6年前，為了四出搜尋BANDAI 光之巨人食玩，試過專程過海去行店鋪，搜集全新有盒的食玩，當時還有地鐵所謂半價優惠。估唔到現在專程過海也因光之巨人來港！對超人迷來講，他們的吸引力相當大啊！始終咁多年來，超人來港次數合指可數，莫非真是"曾經只係齋睇電視"？！展覽期又只有一個月，實在太少！黎緊星期六日都忙忙地，無乜時間再影添...

e? 她是新聞報導員？

Hysan Place 4樓的磁石場，3000 隻怪獸同超人原來已經全部換晒... 早知上星期六過去換啦... 明明有兩張係我的，而家白白俾埋其他人，真係激氣！世上有些人，他們的手機永遠唔覆的，就像死人一樣，買個電話黎都唔知做乜，搞到我成袋野拎左出黎，最後又唔見人，不面斥不雅已是相當俾面了！他們應該好自為之。

現在2月尾至3月尾6米高 Ultraman Zero 像送來了香港展覽，此舉動引起了Ultraman Belial 黑暗貝利亞的注意，並欲對抗Zero 侵襲香港！某日出現在新界一個工廠！！！

超人貝利亞 Ultraman Belial。身長：55米、體重：6萬噸、年紀：150000歲。

傳說他是光之國最早的一位超人，曾是「宇宙警備隊隊員」，初期與超人之父為戰友。因對Plasma Spark Tower的力量有異心，企圖取得核心，但是反而被核心的能力吞噬，成魔是因被光之國流放後遇到了雷布拉德星人，對Ultraman Belial 強逼進行入侵加以操控，並獲得百萬格鬥儀，變成最強的戰士，挑起「貝利亞之亂」。最後由超人之王 Ultraman King 親手將其關入宇宙牢獄封印，但後來他從扎拉布星人的幫助下逃脫，並重奪百萬格鬥儀(百萬格鬥儀是有操縱一百隻以上怪獸的能力，可呼喚怪獸)向光之國復仇。Ultraman Belial 在光之國歷史中，是唯一變質的超人。

對水晶眼做得好好，雖然細隻，但QC比頭像仲好！Ultraman Belial 在2009年的劇場版"大怪獸！超銀河傳說"中出場，BANDAI 一年後亦推出食玩，其中 Belial、Talo、Zero 模型造型當時都係新出，所以科左兩舊幾水入左一套。諗番轉頭隻Belial 都買左5年... 超人唔黎香港都唔醒起要將呢隻壞超人喚叫出來！

假超人，由札拉布星人打扮而成。身長：40米、體重：2萬噸、年紀：----。

札拉布星人。身長：1.8-40米/50米、體重：30 kg-2萬噸、年紀：----。

札拉布星人打扮成假超人進入宇宙監獄放出了黑暗貝利亞，不過卻被黑暗貝利亞消滅。

超人之父 Ultra Father。身長：55米、體重：5萬噸、年紀：over 160000歲。

超人之父最令我有印象的係頭頂的一對大角。2009年的劇場版"大怪獸！超銀河傳說"中，超人之父亦不是黑暗貝利亞的對手... 當然我鐘意超人太郎 Ultraman Talo 多DD~

Ultraman Zero。身長：49米、體重：3萬5千噸、年紀：5900歲。Zero 係七星俠的兒子，年少時是被認為最有潛質的戰士，但與Ultraman Belial 超人貝利亞一樣對Plasma Spark Tower的力量存有異心，在接近核心前的一剎那被父親七星俠阻止，因此被剔除戰士資格並放逐到K76星，其後被配上裝甲封印力量，由超人尼奧Ultraman Leo 加以調教訓練，為了打倒黑暗貝利亞，光之國召喚了Zero。

 由於工廠缺乏攝影器材，燈光是純天然，不喜勿插。一路剷剷剷，一路休息影模型非常寫意，最重要係無人管住晒，想做乜就做乜，所以有些無人之境本人非常enjoy 的！

講左咁耐，轉貼番套戲的開頭，以上食玩(超人之父除外)都是依照戲中造型推出~ 你話如果電視播呢套劇場的話都唔錯！

PS9654 同部份AVBWU 都換左老鼠安... 老鼠安除左有幾首幾好聽之外，其餘小弟都唔太識欣賞~！

行過CS，見倒有羊年橙蛋擺左出黎，部車始終都係怪怪地，頭窗突得好誇張囉！最後都係算數吧。坦白講，carz 個模唔係唔好，但都係鐘意Dw 個模多D^^ 可惜Dw 唔出... 落入carz 呢D無誠意的生商手上，carz 出咁多隻Star Ferry 可以全部上層的窗做錯晒的，真係好野，我作為乘客都留意倒天星小輪D窗口的位置啦，俾carz 激死。姐係咁講，無其他生產商，咪唯有迫住科水幫襯佢。

以下屬個人意見，與BHT X Wmb 立場無關。

TVB 星期日晚的靚聲王節目其實幾好，不過搵埋班水準參差的老野上去唱，鄭少秋而家唱番當年的金曲好似都唱唔番水準了，又大動作表情又做作。黃霑的作品本來好好，但他們唱得好難聽！其中要鬧的係唱親情的，我都第一次聽倒咁難聽的親情！好心米唱啦，亂咁唱，破壞晒首歌，乾脆播番羅文唱的版本算數啦...

不過羅文唱的親情、獅子山下雖然有神緒，但都不一定是最好，早期的親情、獅子山下吐字太強硬，後來的版本才有改善。葉振棠以前都算係電視劇歌王，可惜而家再唱番都失晒準，高音唔得快歌又唔得，但始終是原唱，還是要向他致敬。