近日少入~
有全日空的1:200 767及空中女王747
當然不少得聯合航空！1:200的777及737
JA8094。全日空747 1:200 金屬機拎上手好重，少D力水都唔得掂！正！而家全日空747 無論1:400、1:200 價格都已經升到上天...
暫時一心想追番九一一事件中的四架同款飛機的模型！包括美國航空及聯合航空！但相信唔係咁易入手！
再有bc的中巴DL、龍運豪。qc方面，中規中舉，比起carz 算係好，但都係有好多順得哥情失嫂意的地方！
中秋節到了，從前有個靚女將中秋節讀成月餅節，自始我便這樣稱呼中秋節了... 忙碌的9月到了... 為左抵銷買車、交租及近期向航空公司的捐款，星期6、日都要開工，眼見D高人工的星期六、日有得全日訓，平日又唔洗點做野又有糧出，可惜小弟中秋要在盈利警告下渡過... 但小弟不得不屈服，幸好月餅節的來臨，終於有得休息一下！
近日有以前的學生問起九一一事件其實係咩一回事，電視新聞只在報導九一一十五週年的悼念活動，卻對十五年前發生的片段半秒不播，雖然唔播襲擊片段可係為左唔想勾起恐怖回憶，但無線新聞的而且確係是是旦旦... 如果亞洲電視仍在，相信會有較佳的報導！
九一一事件是指發生在2001年9月11日有恐怖份子以自殺式攻擊形式騎劫民航飛機撞襲美國主要建築物包括紐約世界貿易中心、國防部五角大樓及白宮。每次美國悼念九一一週年，都像在一片沉默及和平的氣氛之中。一般新聞的報導係當日早上有恐怖份子分別騎劫了四架民航機包括美國航空編號11及77班機、聯合航空編號175及93班機，分別撞上樓高110層的世貿雙子塔、五角大樓，而世貿雙子塔在撞機後不久先後倒塌，而最後一部出事的民航機則因為機上所有人反抗而在賓夕法尼亞洲一片樹林失事墜毀。呢個講法亦都係一般人睇完新聞之後所得到的訊息！
雖然九一一事件係恐怖份子策劃，但很大程度上美國係早知有襲擊發生，而故意讓襲擊順利進行，並在九一一發生之前已經部署要令世界貿易中心雙塔在撞機後坍塌及世貿七號大樓自然坍塌，和安排導彈襲擊五角大樓等，所以其實都可以話係由美國幕後安排及捉成襲擊的發生，嚴格黎講都係幕後策劃！
當年美國航空同聯合航空隻色真係好正，而家如果買模型都只會買番呢隻色！可惜好多都絕版！
熱烈歡迎carz 推出丹尼士飛鏢十米都普機場巴士！其實等左呢款車都好耐了，自從真車退役但模型遲遲都未出... 可惜而家D野貴晒，今時今日的所謂精細版正價已經要398一部... 所以用咁貴的價錢買部單層車... 好似有少少唔捨得科水的感覺！
九巴於1993年開始引入60部丹尼士飛鏢十米單層巴士，其中25部(車隊編號AA3-21，37-41)的都普車身巴士裝上了行李架及豪華絲絨座椅並派往行走當時啟德機場的路線A1、A2、A3及A5；其餘的丹尼士飛鏢則被派往行走當時的全空調巴士路線包括212、219X、224X及299等。除龍運巴士外，香港5間專營巴士公司都有使用丹尼士飛鏢單層巴士，是曾效力於最多香港專營巴士公司的車型之一。據統計，直至2004年，丹尼士飛鏢單層巴士於全球共銷售超過一萬二千部，可算是丹尼士車廠一款非常成功的巴士！
型號：Dennis Dart Duple Metsec 10M
車牌 / 車隊編號：1.)FP6003 / AA22 2.)FP1778 / AA19
體積：長10米、闊2.3米、高3.1米
引擎：Cummins 6BT5.9
波箱：Allison AT545
馬力：？匹
服役年份：1993年
載客量：座位37+企位12=共49人
1:76模型資料：
生產商：卡士工場
限量：各950部(A3/A5)
推出日期：2016年6月
配機場巴士的車身顏色及啟德機場年代的路線，令人拍案叫絕！不過都唔係盲目護航，今次AA 個模都有改善之處，最明顯係車頂部份，成個頂厚多左四分之一... 而且內籠唔少扶手都打風，行李架的支架亦都彎曲，同上年出的ATENU 龍運巴士一樣打風問題嚴重！似乎carz 過往款款模型都有打風的問題... 紅線方面有些接位相差半條紅線的高度，有些則非常完美！但往往外面滿意，內籠可能打風，內籠正常的出面可能油出外，所以每次買車都抱住希望好彩的心態... 真係幾無奈講真。雖然今次座位望落係好靚，但細心睇唔少圖案都貼得歪左少少，唔過份的話其實可接受，當然啦模型唔可以下下太完美主義，但收得人398呢個海鮮價，買家對產品質素要求自然提高。另外車頭做得幾好，行車証雖然望落大左少少但比起A4紙 size 已經順眼好多了...
FP1778
講到機場巴士，又點可以無飛機呢？遲D 真係要入番個機場先得，但飛機模型如果係做得仔細的多為1:400 或以上，所以又唔岩影巴模... 真係有少少煩惱！
FP6003
現在Wmb 已管轄超過20部1:400 及1:200 飛機！而引入的飛機都以已退役機材或已退出當時航空公司的為主。某日一名行山人士在人煙稀少的草林中無意中發現一部波音客機及一部空中客車。
JA8453
737-200是737-100的機身加長型，啟動客戶為1965年訂購的聯合航空，首架飛機於1967年6月29日出廠，1968年投入服務。後來波音對737-200作出一系列改進，包括改用推力較高的發動機、引入自動煞車、更佳的空氣動力學的設計、能載更多燃料使續航距離更遠，這些新設計成為737-200 Adv(Advanced先進型)，啟動客戶為全日空，於1971年5月20日投入服務。波音亦提供客貨轉換型737-200C，可以改裝為客機或貨機，而737-200QC(Quick Change快速轉換)更可以作快速改裝。最後一架737-200於1988年8月交付給廈門航空。
波音737是民航界史上最暢銷的客機，原本是波音707及727的衍生機型，自1967年至2013年底已生產超過九千架，仍有四千多架生產中。很多航空公司訂購737以取代舊式的707、727、757、DC-9和MD-80/90，目前主要競爭對手是空中巴士A320。波音737的成功，從一些數據可以得知：平均每秒鐘有1,250架波音737正在飛行，每五秒就有一架進行升降(2008年數據)。
機型：波音737-281 Adv(Advanced 先進型)
服役年份：1979-1992(ANA)、1992-2000(ANK)
總長度：30.53米
總高度：11.2米
機身闊：3.76米
客艙闊：3.53米
翼展：28.35米
起飛距離：約2公里
最長飛行距離：3500至4300公里
最高飛行高度：3萬5千呎
載客量：----人
空載重量：31600公斤
總負重量：52400公斤
燃油容量：18100公升
引擎：普惠JT8D
最高速度：876km/h
JA8453網上照片
模型JA8453 qc就差少少了，機門有少少高左，唔對位...
睇番真機相對比，原來JA8453個編號係應該印係門前方，而模型引擎上都無左D細字，未知是否唔同時期有唔同定一話模型做得求其左... 但呢架已經係1:200 scale，300樓下入手，算幾抵玩！全日空一定要有747，同最細份量的737！737來講，1:400 只有幾cm長，但價錢同1:200 差不多... 咁寧願1:200 好過啦！
波音737的競爭對手是空中巴士的A320，個人始終喜歡波音737~！A320系列有兩個型號：A320-100、A320-200。A320-100只生產了22架，最初用戶只有因特航空和英國航空。
A320-200是主要型號，其特徵是翼尖上的小翼和為增加巡航距離而增大的油箱，基本上-100和-200的分別很少，兩者的載客量、機艙內部、長寬度等也是相同的。A320-200可以運載150名乘客，巡航距離約2900海里(5400公里)，使用2台CFM國際的CFM56-5或國際航空發動機V2500引擎。截至2013年6月，共有3,363架A320已經交付，2,942架仍未交付。同樣地A320的競爭機型是波音737-800。
JA8390
機型：空中巴士A320-200
服役年份：1991-1993(ANA)、1993-2004(ANK)、2004-2013(ANA)
長度：37.57米
客艙長：27.5米
總高度：11.76米
機身高：4.14米
機身闊：3.95米
客艙闊：3.7米
翼展：34.1米
起飛距離：2.1公里
最長飛行距離：6150公里
最高飛行高度：3萬9千呎
載客量：150-180人
空載重量：42600公斤
總負重量：78000公斤
燃油容量：30190公升
引擎：International Aero Engines IAE V2500-A5
最高速度：871km/h
JA8390，拎起模型的第一眼，空中巴士A320都係無波音737咁可愛，模型起落架前軸向前斜出，開頭以為係模型手工差引致，睇番資料原來真機都係咁的^^" 嚇得我。
但前面起落架好似做得太高，機頭好似升起左，機尾太重容易墜下！
黎緊仲有一批飛機運抵本廠，他們從半個地球以外的遠方啟程而來，運費仲甘過HL709、KR769 踩足全日... 目前需要做的係將幾隻鹹蛋超人大膠入箱為安，其實真係唔捨得調走呢幾隻大膠，因為相都未影齊而且模型都係想幾時拎出黎把玩就拎倒出黎把玩一番架啦，但大膠體積大... 1:200 飛機體積更大，別無他選，家中空間不足，放太多又俾人話雜物多，唯有有空時再探望呢批大膠...
批大膠今年2、3月時先追番，其實就好多年前已經出，但當時無留意佢地~ 而家超人力斯的大膠都未齊，要追番，但又係海鮮價... 好似追親咩模型都海鮮價咁的...
對打工人士黎講，進帳停濟不前，衣食住行樣樣貴，人工上升卻有限，迫住要限制物質上的享受，真係幾無奈！而家假期OT多左錢，需要積極OT，並告訴自己要忍耐，就算有時難免有D粗重工夫唔想做都要暫時屈服！
