本文多圖，為免load死機請速按上一頁離開！
Wmb在今年4月發出了盈利警告，因當時已長期被放無薪假，檢測費用又遲遲未發，幾乎是貼錢打工，而自上年10月起，因經中介工作，人工曾大不如前，但所有開支卻沒有因而減少，所以Wmb一直承受極重經濟壓力。
好消息的是近排政府發放第一期消費券，消費意慾才有所增加，而本人亦已辭任TBB的工作，新工作排除百難終於安排在下星期開始，相信是個好開始！
近日Wmb 收到稅單，心中已經爆緊粗，所謂醜婦終需見家翁，幾唔想交稅都好，我始終都要拆開呢封野黎睇，究竟今年又交幾多... 不過因為上年10月開始收入已經直線下降，所以估計應該交好少...
先分享近期少入~
呢部1:200 美國航空波音767-200係較早前的入手，剛好今年是911事件20週年，美國航空767-200係當日第一架撞上世界貿易中心北座的客機，同款的飛機模型已經等左好耐！也是我個人認為這是飛機模型當中的必入之選！
美國航空767-200開箱片早前已錄製：
VIDEO
1:18 蘭博基尼URUS，黑色都於8月正式加入Wmb Transport Department，5款色全齊！
今年是911事件20週年，本人的URUS紙盒以雙子塔當年的姿勢擺放，以向當時擔任項目的美國籍日本裔總建築師山崎實先生致敬，他提出了雙子塔樓 的設計構思。
黃(第一架入手)、藍、灰、黑、白，五大色彩 缺一不可，終於All in 了... 但其實紅色都應該出既，但AA無出紅色...
My Tiny 微影出的Pantone 1:18 合金垃L圾筒，全盒9款，總共是11款，當中2款為隱藏版，並隨機出現，盲盒又係玩呢d... 起初諗住可以當做1:18場景，但發覺之後影的1:18車模都無拎過呢9個垃撚圾筒出黎，所以都係享受買個下，買完要煩惱搵位擺... 不過垃撚圾筒盲抽開箱片已錄製：
VIDEO
隱藏版垃撚圾筒係淺粉紅色及電鍍銀
隱藏版當然抽不中！我發覺咁多次抽盲盒都抽唔中隱藏版的，不過調番轉諗，抽中隱藏版代表缺少一件基本版，所以其實抽唔中反而仲好~
今次忍唔住再買Line friends 玩具... 其實已經忍左一段時間，因為自己line 入面d 女性朋友已經無乜聯絡，甚至有些已經0交流，line 已經無再用咁濟，所以都盡量唔買line 的擺設，除左因為少用line，另一個原因當然係line 的產品實在太貴... 幾鐘意隻熊都好都無可能買齊咁多款玩具，故此亦一向選擇性購買，直到最近係微影發現原來有賣line 盲盒，因為自己係會員，買野有9折，所以買呢set 盲盒係會平過係line 的pop up store 度買(原價)，結果係店員姐姐的慫恿下就一口氣買了Pop Mart 出的2套主題盲盒，分別係馬戲團版(上圖)及街頭版(下圖)。
店員姐姐本來搵唔倒紫色呢盒，APM商場正直播放奧運，我又停留左幾分鐘，然後搭車番歸，點知店員姐姐打黎話搵倒一千零一盒，當時半隻腳準備上83X ATENU 都即刻番轉頭科水，好彩當期時放售了幾架車手頭上有現金(未有消費券)，就係咁本來原價覺得太貴唔買的2套盲盒，咁就買左番黎... 事實証明吳凱俊請姐姐仔做店員對生意係有好大幫助，吳凱俊真識食！
其實Pop Mart 最新仲出左一套叫Life style主題的Line friends盲盒，total 3款主題：馬戲團、街頭及日常生活，現正四出搜尋邊度有日常生活一set 出售...
而家成日都好想姐姐仔打俾我(應該妹妹仔先岩)... 同我講有貨到，我其實好落意捐款的！世估唔到微影有Line 盲盒，抵我一直都咁支持吳凱俊！不過貨品款式仍然太少，因為而家已經有幾間有出line 盲盒，但微影有售的只係冷山一角~
唔知係個人out 得濟，原來而家d盲盒已經出得林林總總，多到一個點... 近期行玩具店忽然好似大開眼界！但都係無line 的life style...(上圖是微影)
年初如心廣場間line pop up store 已經收左擋好耐，但pop up 賣d野全部正價，實在太貴...
當然不少得近期熱門的1:43中巴站牌，又係盲盒方式出售... 全盒12款，總共13款，其中2款是隱藏版，另加2款區域市政局的垃L圾筒，但要首先抽中隱藏版巴士站才可以憑盒內貼紙加錢換購！
中巴站牌盲抽開箱片已錄製：
VIDEO
另外加送換購回來的垃L圾筒開箱片：
VIDEO
想話，個垃L圾筒紙盒都印左黃色垃L圾筒，外面仲落咁多膠水做乜鬼，垃L圾筒都唔洗抽...
還有B51鋪清貨特價品，永橙的叢林熊大錢箱~ 7折入手，原價199太貴了...就算微影會員9折都買唔落手呢！
另外仲有豬造型，但盒殘買唔落手，所以買了恐龍熊大~
熊大是世界上最吸金的怪獸！
因早前的2隻熊大錢箱已經飽滿，新錢箱即將投入使用！
熊大錢箱開箱片已錄製：
VIDEO
有不少1:18-1:12車模，但幾乎全部都係問題車，所以特價，成功引誘倒隔離屋的兄台買左呢部1:18 拖車~ 我絕對無推人落坑，因為呢位兄台想買拖車好耐，仲話有特價記得講聲，所以俾佢執倒架無咩大問題的拖車，盛惠1700~
除左車模，都有好多卡通角色盲盒，全部75折，超抵，但都係無line的life style... 已有的2套就算75折都無錢再買了...
另外，終於入番想入好耐的2款1:43 E500MMC，有金色版269D及巴士仔太陽花101，2架都係買二手，因為269D 全新80T已經升到1600... 實在無能力買全新！
個紙盒幾靚^^ 開箱片製作中~
short2gether時期的1:43 無透明膠盒，只有發泡膠及紙盒，但價錢當年賣898，九巴後來改改包裝就變990/1150... 微影仲過份，雞車1250...
適逢近期越來越多龍運車過檔九巴，所以都係心思思想追番架1:43 龍運E500MMC，呢架車我最後用消費券買，之前一直想等特價，因為呢個模好多都谷模，群腳外彎，搞到個車軸更加顯得做得短左... 但等極都等唔倒特價，加上感覺就黎無貨，所以迫住95折都照買... 開箱片製作中~
上個月終於推出的1:200 美國航空757-200，美國航空757-200係當日報稱撞擊五角大廈的客機，雖然五角大廈及四周的環境顯然不是飛機撞擊而是導彈自己襲擊自己造成的，不過問題出現，如果五角大廈的局部倒塌不是飛機撞擊，當日真正的那架757-200去了那裡？？？？無論如何，同款機型都是收藏模型的必買之選！
後面的1:200聯合航空757-200 是幾年前入手的(純粹做背景)，聯合航空757-200是911當日第4架涉事客機，即是大家都知的聯合航空93號班機(聯合93)，據說是乘客合力阻止劫機者撞擊白宮而引致飛機在賓洲墜毀，不過聯合93的意外現場並無大件飛機碎片，顯然不是飛機墜毀的，不過問題出現，如果不是飛機墜毀，當日真正的聯合93去了那裡？？？？無論如何，同款機型都是收藏模型的必買之選！開箱片製作中~
現在還欠聯合航空767-200未有1:200，聯合航空767-200是當日撞向世貿南座的客機，希望JC 肯出埋同款機...
好奇，通常重大事故的同一個飛機編號都唔會出模型，但馬來西亞航空MH370 竟然出過1:200，近期亦出埋1:400... 咁不如出埋911個4架佢啦...
1:400國泰港龍的2隻經典塗裝
港龍航空世上首架A330 早前已分享過，有興趣可再重溫：
VIDEO
還有英雄勇像超人迪加非日版，紙盒上無寫Ultraman Tiga及TDG 25th字樣
日後有時間會開黎睇睇QC同日版有咩分別... 價錢都係賣113...
仲等緊1:43 82M 50th 勝利二型，希望快d出埋... 可以同上米下紅一齊影相！
另外雖然政府有消費券，但分5個月發放，金額嚴重不足，強烈建議加碼，發放多一至兩期消費券，金額由5000加碼至8000，其實政府只係出多少少，每人3000唔會對政府財政構成壓力，但市民可以更樂意消費，促進經濟！唔少人一早已經用晒5000蚊，而家可能係慳錢期間，加碼反而有正面作用！
話說早排係Seven見倒呢本野，我就即刻買左，反正消費券的錢，然後諗住係fb sd番幅圖俾圖中呢位Zoe So 蘇麗華！點知條_ _已經block L左我fb，我買詩蓓BB個本都無咁嬲！諗番應該係對上一次佢問我去唔去佢私影活動，我話考慮下無即刻答佢，因為1516但偏向唔去，主要係無錢，佢過左2日後打個表情過黎，好悔氣咁話唔去講聲就得，咁岩可能佢又見我影左第二個唔影佢。當時我都仲好好奇，平時我應遲佢10分鐘就已經話個活動full左，都明既，個人紅左，大把麻甩佬爭住影啦，所以我 諗 住 應遲d，等佢full左就算， 點知搞到最後block鬼埋我！ 本人承認處手法有改善空間，但 心諗你洗唔洗咁現實呀，唔去一次就封鎖，咁鬼小器既，CLS！！！ ！
一直以來，Zoe So 都算係本人頭一、二位最想影的Model，我自己亦曾經對佢因為簽左出面公司唔再私影而感到非常可惜，因為坐短從來都係得把口，話預你，最後自己影完自己出相，真係令我覺得好激氣，邊有d咁既朋友假你話？另外，自己雖然影得唔多model，但在僅有影過的幾個入面，唯獨係得Zoe So 肯再問我參唔參加邊幾場、邊幾場，其他Model 完全唔會問我，因為我都明白有器材的大有人在，排長龍幾時輪到我，姑勿論Zoe So 係想賺錢先問我定一話覺得影過，覺得我份人正常先會再叫定點(斷估如果我變態既，佢都唔會問我啦)，所以我認為我應該係佢個list入面屬於合作愉快的類別~
很 可 惜 ，Zoe So 蘇麗華 選擇 封 鎖 我 呢 名 支持 者 ，咁我亦唯有將Zoe So 從 名 中單除 牌 退 役！
Zoe So 收皮啦！你以為自己真係女神呀？無大家一直咁支持你，你形象 會咁好 ？而家成個人變晒，已經接近 係一個金玉其外的人...唉！蘇麗華食屎啦你！
前面提到收倒稅單，萬般唔想打開但始終都要打開，原來今日終於還我公道！
我都奇怪，前2年明明話免稅，人人都話唔洗交稅，我就每年交成6千幾、8千幾，個個把口都淨係識話我人工高，但高乜撚柒呀事實根本唔係咁樣，高過我的大有人在，上年稅單接近9千，我都廢撚事擺fb發表感受，之前都會擺fb爆下粗，因為實有人唔知頭唔撚知路就走黎話我人工高，心諗高乜撚柒呀！今日終於見倒呢張支票，証明之前交多左好多冤枉稅，而家退番俾我，終於沉冤得雪！大大話話呢度已經超過一個月人工，而早前的檢測費用亦終於全數退回，加上其中一位未還錢的人士日前已經還錢，其餘未還錢的暫時唔同你地計住！
Wmb決定即日起解除盈利警告！不過近期還有不少款項要交，開支也不容忽視，減少購物是當前策略... 想起每次交稅都係含辛茹苦，每一蚊都有血有汗，如果當初唔洗交呢筆錢，生活唔會咁困苦，而家退番錢，但都補償唔番因為交左錢而失去的或因為無錢而實現唔倒的...唉！終於沉冤得雪！！！！沉冤得雪呀！！！！
無良地主又加租，足足加10%！引致Wmb的營運開支大幅增加！搞到食每一餐飯都諗究竟可以係邊度慳番呢200蚊出黎呢... 話就話慳200蚊，其實要慳夠400蚊先得，因為慳200極其量只是填補加幅，要慳400蚊先可以話慳倒200蚊出黎，無良人士講句加租+馬上生效就真係講得輕L鬆，俾錢一方就做到死，對生活質素影響深遠，搞到個人 精神都差左，無良人士加租真係好仆街，賺埋咁多陰質錢到頭來咪又係萬般帶不走！
2年前8月，當時BHT X Wmb channel只有400訂閱，現在增加到1594訂閱， 花 了2 年才有4倍增長都算慢了，但以自己的低成本製作方式來說算相當不錯了， 期望年尾可以到達2000訂閱，到時考慮請已訂閱的BHTXWmb 及遊戲group 成員食番餐，補回去年因限聚令而沒有慶祝的1000訂閱，所以期望快d到2000訂閱就可以早日請食飯！到時可能俾個藉口自己買番三幾架一直想買又唔捨得科水的模型獎勵一下自己，有特別的車模，又可以錄製開箱片，有特別的 開箱片 又 可 以吹引更多訂閱，有 更多訂閱 又可以 俾個藉口自己 再買當獎賞，有新獎賞又可以有新 開箱片 ，循環進行~
上個月先知原來line 的塗裝係有出過1:64/1:18模型架( 上面網圖 )... 包括2年前藍色的蘭博基尼，但全部都好貴，升到上天... 好想追番晒... 為左儲line 塗裝，分分鐘要落埋1:64坑... 但以而家的經濟狀況，高追有少少吃力... 期望新工順利，稍後再追，各位師兄如果知邊度有line 的模型車，不妨告知，不過係要模型，不要玩具...
