本文多圖，請細賞。今次應該係2014最後一次發文，今次開post 貼埋紅葉會豪傑的巴士模型展覽先~
今次BHT 派出4部巴士，而WMB (We're Model Bus) 亦派出2部巴士，因年尾需清理垃圾關系，其中亦有四台廢舊巴士移交儀式，雖然廢舊價值有所折扣，但以正價計是總值1300元...
今次戶外巴模展亦以聖誕節為題材，同時也有尖沙咀區的經典廣告路線，不同年代但同一地區又不同的廣告版本又同一題材時空交錯。
花了個多小時漫步到楓香最密集的涼亭，大家也坐下來吃一點零食、休息，或拿出千米迢迢帶來的模型與美景作交流。
對於巴模有期望的人眼中，有全新模具係一件好事，始終舊模係N年前出品，當時像真度方面可能不足，今時今日用新模出，很大程度上係對真車的一種專重！事實上唔少人都認為Buzes 出的S3BL 係無誠意之作！而車頭換上新窗件反而令車頭更奇怪，雖然上層車窗的外型有改良，但下層車窗起角、平坦已經係好大問題！整體還是覺得唔改好過改！改左仲差過未改！期望模型公司真係拎番D誠意出黎，始終S3BL 係大路車型，真係唔想模型出到咁差...
危險擺位，切勿模仿！
聖誕之際，當然要出動聖誕巴士黎應一應景。Wmb 派出了日本三菱，應紅葉景之餘又配合節日來臨，而BHT 派出聖誕蘭。唔同年代的聖誕廣告，兩款車都已經退役，現實中無可能合倒照了！難得的係大家都係聖誕廣告，路線都係去尖沙咀的1、203。
除左聖誕節，仲有近年又活躍番的九巴仔，不過而家叫巴士仔，以前個設計好好多，又簡單又靚。這些宣傳彌敦道巴士路線的廣告自然多是以1A、9 等等為主，都係去尖沙咀多，BHT 派出左九巴3N。
配合相同廣告，Wmb 派出另一部日本三菱。
部三菱的凳都做得幾好，倚背有凹凸位，比雙層車黎講單層車的座位較細仔，但就一樣賣咁貴同埋打風一樣有，仲有carz 個三菱軸做得好差... 相比之下312 三菱個軸無得彈！而影影下，搞到我都想買番部九巴仔3N 添... 話說官方出的3N 我一部都無買，有廣告的話睇落幾靚，又可以同三菱隻廣告做一對，真係吸引喎XD！不過Wmb 目前需要開源，否則再發盈警...
前往尖沙咀碼頭的乘客請上：1A、1~ 其實當時bc 個模出3N果陣，我覺得個模唔夠細仔，或者因為買左312 3N 有比下去的情況！但諗下隔離擺部Buzes 的S3BL 係度，又會覺得邊架好D呢?? 坦白講接受到Buzes 呢個模的話，應該所有模都會覺得"無問題"的！... 反而S3BL 想買的程度比3N高，3N 就無買... 真係唔知點解喎... 期待3N 有新模可以玩！
同另一架聖誕車合照~
203 經典廣告~ 不過現實中無可能同時出現，一個係九十年代、一個係2010年~
專家正研究拍攝角度，什麼正光、陰陽、短鏡、腸、大頭、金字塔、出界、變形呢D 用語對小弟黎講一竅不通...
望住呢部3AV，有少少往事如煙的感覺，原因係當時自己實在太鐘意11米富豪、同康豪個模，經常會同jumpwell 個12米富豪、大康豪模比較。比較之下外殼11米富豪模係好D，所以一直忍手唔買12米豪... 但九巴模型黎講除左細冠之外，12米豪始終都係jumpwell 僅有的武器... 3AV+AVBWU... 有時真係唔想俾carz 玩晒，咁樣只會造成壟斷又或者品質下降... 受害的咪又係收藏家?
專家不停捕捉最上鏡角度~
尖沙咀路線小集會~
Buzes 出品的S3BL... 有今年取消左的66號。老虎蘭無買... 期待有新模...
尖沙咀部隊~
真車無得影，走黎影模型... 只怪靚的車、廣告太早離去... 取而代之的係更商業化的產品...
加送以楓香背景的模型合照~
欣賞模型係是日其中一環，影咁上下都要執野走，我們也不能佔領座位太久，事關現場有講國語的人，可能會有文化差異的情況，容易引起紛爭！
戶外影模型有風險，以呢部彌敦三菱為例，倒後鏡竟然脫落左，需回廠維修！
戶外影模型志在可以互相交流，有D車你有買我無買，可以藉機交換影下^^ 當無錢果陣咪唯有影完人地D車當自己買左，省番一筆添！
加送當年的FP4975~
2010-11-13.jpg)
咁o岩有朋友問起上年紅葉的巴模集會派出左咩車，而當時的xanga 又已經上唔番，咁不如係度再post 番~ 唔嫌篇野長的話可以當係重溫番上年戶外影模型的樂趣~
睇番D相，那次 BHT 出左5部，Wmb 出左1部！原來2次巴模展Wmb 都係派出冷氣巴...
記得上次Wmb 架AD1 係震蕩途中甩軸，活動完結後一段長時間留廠... 所以話戶外影車代價都唔係無的！整爛左的話真係好心痛...
有carz 大口蘭同BF 短蘭
利蘭集會??
Buzes AL1 同carz AL。Buzes個模真係... 有人睇100次鬧100次！
唔同時期的空調巴士車尾
黑軸係型過人~
九巴初代冷氣巴士，丹尼士巨龍同利蘭奧林比安11米
點解架大口蘭靚左咁多的??
這時發現AD1 前軸有鬆脫，但經專家評估巴士損傷狀況，判斷可以繼續展出！！
AD1-EL5113，1990年投入服務，初期車箱同熱狗一樣以啡色為主，後來九巴翻新車箱換成像其他冷氣巴的格局。
BF BL的內籠可以話比312 有誠意得多，但唯有令我覺得奇怪的係佢將D凳做高左好多，去到條扶手咁高，有少少失真！
我諗呢張相入面部相機應該係影緊下面呢幅相！
拆底座影更有親切感，需注意模型安全！
大口蘭111 出場，呢個模好正好有真車感覺！果陣248入左架40X，早知入埋架111，最衰果陣流動資金不足無法入手... 而家真係搵唔番248 呢D價格... D野係咁貴落去，仆街年年加價的，加幅仲要高過通脹，最後呢間公司見你加佢又加，另一間公司見有得加又加埋一份！
架車睇落像真度高左好多喎？師兄應該係做過D手腳！
利蘭頭幅
BF BL 的精細熱狗凳，講起熱狗凳，其實你認為凳上面要整扶手係咪真係咁難?? 除左BF 出的BL、S3N(吉龍)之外，近年也只有carz 11米巨龍做倒有扶手的水準... 但唔好忘記好多年前佳之選"bc" 出的LV149、BL、N281 其實都有做到熱狗凳上面呢條扶手，係bc 的整得粗左少少同埋整體座位手工差左D... 社會進步，今時今日整靚少少D座位係咪加價的理由呢?? 公說公有理 婆說婆有理！
Buzes AL1 司機位。以前司機位都有貼紙，整整下而家D車連dash 貼紙都無埋... 真係好奇怪的，價又照加，質素就...
312 AD1 司機位！
BF利蘭vs Buzes利蘭。buzes呢個模真係好舊啦，無得同其他較新的模型比較...
312 AD1 絕對係正野，期待會有後期版，最好出下沙田區路線，畢竟部車退役前係沙廠！如果當年續多年牌就好，應該可以俾我影倒多一、兩條線... 搵番AD1 的相發覺無乜影過... 架車2007年退左... 不過我唔知點解312 之後出開龍、密龍個頂輕微整番扁左... 正常巨龍個頂係中間最凸。
車頂幾個"出風位"做得薄左... 低炒根本影唔倒...
令外投先話架大口蘭像真左，原來係師兄拆車上過色~!! 真係佩服D改車專家，佢地拆爛過幾多架車呢?? 對我黎講拆車就唔係一件好事了... 因為拆3架拆爛2架... 有D陰影呀！
好勁，座位粉紅同灰白凳都油番出黎，倚背油番黑色，凳上面條扶手油番黑色，映真勁！官方出車應該要有呢個水準啦... 80T 聽住啦！
呀！又係呢條友係度做引體上升?? 得幾下好心唔好獻醜啦！
加送自製背景的AD1~
影完紅葉回廠觀察巴士損毀狀況！AD1 最後於10個月後修復！
可以睇番以上2次的巴模展，展出的車同埋當中的路線，現實中除左架聖誕三菱@203同AL1@6C 叫做影過有呢架車呢條線係張相入面之外，其他我係無影過的... 就算係大口蘭都唔係111... AD1都唔係238...
每次係度post 野打野都花好多心機、時間，明知放假時間少，其實係應該留番D時間做其他野，睇下聖誕節幾日假又過左三日，幸好在這裡發文都是小弟興趣之一，不致於是浪費時間，所以也希望唔會浪費觀眾時間。之後我諗唔會再post 咁長的野，盡量簡短，記得就寫唔記得過左就算！全文完，今次應該係2014最後一次發文，有機會再在行山時交流模型心得。
有關大棠行山另見上一次貼文：http://eh4005.blogspot.hk/2014/12/blog-post_26.html
