難忘 ‧ 七十

不知不覺，70 號巴士線已經取消左6年有多，呢條線之所以令人回味，都係因為當年70 的派車入面，只有一輛係固定為空調巴士，其餘大部分是熱狗~ 而且可以搭成個半鐘，又過獅隧、又過城門河、又上大埔公路、又飛大窩西支路... 全部都係遊車河唔錯的路段。唯一唔方便的係班次太疏，一個鐘內開唔到兩班車，試過中途站等70 被司機飛站，最後唯有投訴....。由於自己影70的次數唔多，今次貼住2張先...

EU5923 / S3BL405

大埔公路塞車場面，當年70 72 72A 73A 74A 都有熱狗途經沙田至大埔，但由於呢幾條線班次疏落，更出現脫班問題，要捕捉幾架熱狗同時出現的畫面對於唔係呢幾條線的常客的小弟可謂此景只應天上有... 尤其要捕捉ES5377 ES5582 FB4822 FB9469 呢幾部相同廣告的難度更加是頂級！所以極限只能係塞車當中的呢三架，連路線都無... 得個車頂而已。



話說BHT d 人同小弟幾位朋友諗住黎緊去睇紅葉，不過個group 都唔多見有發言，確有"少少"奇怪~ 而小弟最近一次睇紅葉正正係年初同教會的朋友經歷左一次幾"唔錯"的經歷... 明事理的應該會知小弟用"唔錯"其實應該係難忘！

趁仲有幾日，今次post 文都分享下小弟上一次行程上遇到的阻礙，其實睇紅葉都幾睇運氣，天氣、交通、人流全部都係影響因素... ！本來已經好早出發，只係lunch後，比預期花時間的係交通問題，等K66 排隊排個幾鐘，上車後塞車塞燈，花多個幾小時... 加上冬天去到4點幾日光遞減迅速，落車行去紅葉群花近一小時，結果未到涼亭已經天黑，最後搭番K66 候車又花一小時，看來是欠缺一點運氣... 但亦都係一個幾"唔錯"的經驗，下次出發要更加提早以防交通問題... 所以GA6027 的廣告係最無花無假的：交通暢順 人人受惠。

出西鐵站行人天橋驚見的候車人龍...

N班K66 都係上唔倒車，仲以為d人等熱狗先肯上...

迫上車，車箱滿座情況

少見的123波波掣！

說是近年大陸來港的人太多，令周圍都塞車，所有景點都迫滿人，呢點不得不同意，以前邊有咁多人迫去呢D 景點，網絡發達都係一個因素，多人知道有靚景就個個爭住去... 咪又係害左D真心去觀光的人！

石屎路易行，但當日馬路飽和度達70%... 

好彩，係大空地欣賞倒紅葉~ 不過我D相咁耐都未post，實在有點抱歉了！

可惜是未走到涼亭果邊，影唔倒幾顆紅葉聚集的畫面！



講番近日，大慨由電視劇播出開始，獅子山代表左香港成為地標，每次望見獅子山都諗起為生活而艱辛努力的事，所以係山頂掛上banner，就好似係代表香港人發聲一樣！就同歌詞一樣，寫下不朽名句！真係唔可以唔佩服黃霑填詞的功力及羅文的演譯，可是效率極高的有關部門每次發現類似banner 的時候都會不計成本去拆走佢。不過拆走條 banner 咁又點?

其實真係要向掛上banner 的人們致敬！最好係拆一條掛三條，拆三條掛十條~！



聖誕節期間，Wmb 會加強在Seaside 區途經沙灘的路線服務，以歡渡佳節。

另外，票價自動加減機制上週計算官方巴模特價售價水平的上升而相應地調整票價，現在票價為$2.3(短途)及$2.8(遠途)，乘客請留意，節日期間切勿短付車資或逃票！

Wmb 繼續開辦Seaside 區由公共運輸交匯處至山頂的循環線，亦會增設來往車廠至公共運輸交匯處的員接線，路線如下：https://www.youtube.com/watch?v=phpJV9i9lc0#t=158

公共運輸交匯處至山頂循環線，途經沙灘，預計可接載大量節日外出的乘客。票價：$2.3，路線如下。
https://www.youtube.com/watch?v=eFOrkLxah-4
https://www.youtube.com/watch?v=MqkxrtsPsO4
https://www.youtube.com/watch?v=23_vASxVnRI
https://www.youtube.com/watch?v=cieFPnJwAH8

Seaside 的樹木已經被秋天染得橙紅起來，未知能否在大棠柏到紅色的葉子呢?? 事關過去2次都只係橙黃葉... 無真正紅葉...

黎緊官方出部聖誕節廣告巴模，本來係佳節氣氛之下，應該係一件美好的事，點知仲係用緊N年前Buzes 果個舊模... 諗番下，呢個模當年老虎頭時期298 已經貴啦，今時今用已經加到348... 用番優惠姐等於當年無優惠果個票價... 有點可惜... 呢個模再出原色的話應該不會選購，除非係沙田區路線或者係出坦克蘭 EH EJ......才考慮！但絕對唔希望呢個模會再出車，成個S3BL 系列(吉蘭、坦克蘭、老虎)早就應該起新模出番晒咁多經典路線、廣告！

人生路途，有些苦樂只有自己才知，也許努力了別人未有看到，但自己知自己做緊乜係好重要，因此希望將這些苦與樂變成人生當中精彩的一部分。