香港藤原豆腐店 X Toyota Sprinter Trueno GT-APEX AE86 新田購物城 | 藤原とうふ店(香港分店)

早前到過了藤原豆腐店(藤原とうふ店)香港分店，當然不少得要帶埋早前入手的1/18 頭文字D AE86 到場合照！一向甚少拿模型在室外合照，這次帶同AE86破例在室外把玩，事關實在沒有理由不與真AE86及藤原豆腐店合照！

一直以來，模型車都有不少人喜愛合金車身，但小弟開始買AE86 時市面上就餘下塑膠車身的"Project D" Final Version可以選擇！不過今年年初，"Project D" Final Version 的Autoart官方售價都大幅提升，由2018年售價HKD$1550加到今年的$1840了... 結論就係：AE86 同唔少蘭博基尼一樣無論真車定模型，都係唔易買的...(有錢都一樣面臨無貨危機)

先分享豆腐店HK的片段~

https://youtu.be/DMrmcClSCQQ

話說，自從呢間豆腐店由大圍搬左去新田之後，睇親網上d人影既相都係無開門既，莫非白交租？斷估間店應該係賣頭D相關的物品，一定唔係賣豆腐的！

雖然自己鐘意AE86，但唔係身處玩私家車的圈子，都無乜機會影到真AE86！

無1:18 頭D主角人仔好似差少少，但一個1:18人仔賣成百幾蚊，真係玩唔起，我寧願買英雄勇像算啦~

當然不少得AE86與招牌近距離合照~ 

其實個新田購物城的經濟效益好似好低？不如租俾我泊1:1 巴士啦，個場大大話話夠泊幾十架大車...

據說，AE86應該停係店的右邊空地，呢個角度就差不多~

唔試過影現場都唔知原來要架1:18模型影出黎角度似1:1係咁難，相機放地下已經太高(離地)了，要用手機貼地面影，此時深景反而有優勢！

網上唔少影片都會話新田購物城係鬼城，人影都無隻，但自從疫情以來，大量人士駕車進場，所以假日人流都唔係少，就以今次影模型為例，都有唔少人出出入入，仲多到需要等途人走開先影得落手添...

其實一直有少數人會堅持叫番AE86係Toyota Corolla AE86(豐田卡羅拉)，咁要視乎是否跳燈版本~

AE86型是豐田生產的兩款小巧、輕量、經濟效益高的性能轎車Corolla Levin和Sprinter Trueno的底盤代號，在1983年分別以Corolla第五代產品線的身份面世。代號"AE86"，代表1600cc引擎氣缸容積、後輪驅動形式，在豐田的代號系統中，"A"代表車型搭載的發動機型號是4A系列，"E"代表是Corolla(卡羅拉)車系，"8"代表第五代卡羅拉(即E80系列)，而"6"代表是該世代第六款衍生車型。

所以叫Toyota Corolla AE86 的稱呼亦沒有錯，因為代號亦是由豐田改，換句話講，AE86 可以是Corolla Levin或是Sprinter Trueno，只是頭文字D 當中的AE86是屬於Sprinter Trueno~

有個分別Levin和Trueno的說法是這樣的：Corolla Levin採用的前大燈是固定式的(明燈)，而Sprinter Trueno的則是翻蓋式前大燈(跳燈)，無論三門掀背型還是雙門轎跑型，這是區分Levin和Trueno的重要視覺特徵，也是Trueno與Levin較簡易的辨識方式！

那麼多數人喜愛的跳燈AE86即是Sprinter Trueno~ (我只記得NFS shift2的跳燈AE86都是寫Toyota Corolla...)

Toyota AE86係八十年代的車種，配D-E字車牌非常合拍~

但Autoart AE86 本身用左白色無字的車牌，應該係想帶動改車店的生意，預買家會訂做水貼！因此我用另外做的1:18車牌痴上去，會有車牌重疊太厚的感覺，真實我認為如果Autoart既車牌可以拆出黎而唔係痴死係車身就最好...

雨後陽光初現，AE86 同豆腐店的景就望得多，郊外景色又別有一番味道

黑鈴係型好多，以前坦克蘭/老虎蘭黑鈴都係特別酷！

自從上次有人係小弟段片留言，指頭燈的安裝位置怪雞，之後睇番真車頭燈相，發覺真係有少少唔對位，Autoart 前幾次出既金屬版AE86 反正對燈無問題，塑膠版燈面太高，轉貼下圖就一清二楚：

真車頭燈燈面較細，四周有厚厚黑框包圍，其中頂部的黑色外殼最厚，但模型相對黎講，燈面過大，黑色外框太薄，同埋燈面真係擺得太高，燈底幾乎係引擎蓋的水平線，做番低1mm就好好多~ 講起又真係有少少跌眼鏡，AE86 對頭燈咁有特色，模型點解會做到咁怪呢？生產商加價的同時都唔該跟番足d 特徵先得假...

天有不測之風雨，地面濕滑正好讓車手Sunny Wong 駕駛AE86 豆腐車來打滑

Sunny Wong 係NFS Shift2 駕駛AE86的技術有目共睹，但坦言無信心駕駛真車飄移~

加送9分01秒完成的紐柏林北環賽事片段

膠殼的AE86 望落去係有少少黃，至於是否模型偏色就不太清楚，希望唔係發黃吧！

1989年11月1日，S3BL381登記車牌為EH4005，成為當年11月1日出牌的首批坦克

唔知，邊架EH4005型D呢？其實蘭博基尼URUS 都想買番白色版，想淘番塊藤原豆腐店水貼for URUS，不過白色版官方已經售罄，亦無人放二手，所以呢個時世，無貨就是省錢的大好機會，錢唔易搵呀... 你見我做左TBB 幾個月，呢個blog都無乜更新過，就知放假都無乜精神，影車模？已經變成非常艱難的任務！ 雖然係年尾完約，心諗既然都係，不如盡快搵工好過係度消耗健康，有時年紀慢慢增長，都感覺到再唔係18 22可以通頂，唔想賺埋唔夠補身，何況人工福利又唔係好，賺都唔賺得多... 需要在生活上找到平行點... 

AE86車底，一向玩車模都好少望佢under，我成日覺得車底都要精細先可以話係模型，平底真係好搵笨...

上一次分享過1/18同真車的合照，不過其實照片中的真車並無藤原豆腐店字句！為了保障車主權益，車牌不會亮相！(雖然網上已經有人post左唔遮車牌的相，仲有人爆埋地址，對於我地有收藏古董車的人黎講會覺得呢個行為其實唔係太好！)

這架AE86 與頭文字D模型的有一處明顯分別及一處不明顯分別，明顯分別是兩邊的白燈模型是沒有，而不明顯的是TRUENO水牌位置背後是痴住兩條橫間，而模型的是一條橫間，起初以為模型偷工減料，但對番頭文字D的AE86真車，確實與模型狀況是一樣的！

因此實在不知道為何會有這個分別了...

今次share 住咁多先，日後再分享埋Kyosho 1:43 AE86 模型吧~

今年7月是鹹蛋超人的55週年，雖然自從2009年超人梅比斯之後，鹹蛋超人片已經無再係TBB度播，近年5的新超人亦不太吸引我追睇，甚至已經無睇，但無可否認不同時期(昭和、平成、令和)都各有經典代表作，當中我自己最欣賞的當然係成人向的N project 作品Ultraman The Next、Ultraman Nexus、Ultraman Noa，不同層次的進化，Ultraman Noa 也是最強的超人之一！

https://youtu.be/NdHrCC4msC0

本人已經辭去TBB的職位，與其年尾都唔保證有得續約(雖然正常都有得續)，不如盡早轉工！回想由踏入商業社會做野，就一直幫緊呢間J字頭的公司打工，都已經有7年半，但總唔可以一直都under 中介公司無福利無盛咁樣做落去，加上TBB都真係好難做，小弟自問呢幾個月精神都因而差左，壓力大睡覺質素下降，所以唯有離開，離開J字頭呢間公司了...

目前Wmb仍然維持發出盈利警告，本人呼籲未還錢的人士馬上還錢！並料需要到5000元消費券到手後才可解除，不過消費券的性質係迫你消費，無得儲起，所以其實都係低能... 無計啦，班官都係低能，所以諗d野都係低能... 同埋得5000蚊咁少，都唔知買倒d乜呢？起碼都俾8000啦... 租金又成日加，扣埋搭車錢，呢個所謂5000蚊都完全幫唔倒手，真心on9！

JC Wings 1/400 港龍航空(B-HLJ)・世上第一架空中巴士A330光榮退役紀念版合金飛機模型 | BHTXWmb

今次分享JC Wings 早前到貨的1/400 KA 港龍航空空中巴士A330客機模型

先分享近期少入~ 以1/43車模為主

淘寶火箭燈，記得幾年前出個陣要成幾百蚊一隻，仲要外國網站先有，而家淘寶一舊水搞掂，早買早享受，遲買平幾舊^^ 簡短開箱片亦已錄製，歡迎訂閱BHT X Wmb

絕版1/43海獅

1/43煞臣裝甲車90,96號

其實微影真係好仆街，上年出93係賣600，見炒得起今次90,96就即刻變左650，連佢本產品刊物都仲係寫住600，但今次2部寫明只限會員訂，所以懷疑加番價俾番9折，等於未加價時的原價咁上下，吳生都幾利字當頭，加價可恥！不過見班炒家訂左勁多96號，而家旋拍要600蚊放番出黎，真係笑左~

期待已久的1/43上米下紅勝利二型

稍後會開箱，同埋影晒九巴三款色、中巴色，本來都想5架勝利二型合照，但因為無位擺，新巴勝利二型經已入箱為安...

最後係7月份的第一入，眼鏡廠英雄勇像Ultraman Gaia/超人佳亞/蓋亞奧特曼SV型，簡短開箱片亦已錄製，歡迎訂閱BHT X Wmb

網上圖片

2020年，在一片晴空下，為旅客服務24年的客機，世上首架A330—B-HLJ 完成她最後任務，正式光榮退役。來自法國的B-HLJ，曾經是世上最大的雙引擎飛機，並於1996年加入我們，24年間相繼服務國泰及國泰港龍機隊的她，總共飛航63,900小時及26,983程航班，成為我們其中一輛標誌性客機。在7月17日這天，她終要離別每天穿梭的雲端，以另一面貌與大家再會。就讓我們向她好好道別，為她的辛勞致敬。

模型主角是B-HLJ，這架是世上第一架A330，加上港龍航空(國泰港龍)已經停止營運，模型相當有紀念價值，模型其實是去年JC Wings 已經開始預訂，但出貨速度得56K，所以1/200版本由10月等到而家都係未有消息，對上一次等足一年有多既1/200飛機係全日空皮卡丘1/200 747... 感覺而家訂貨，好似要同生產商鬥長命咁...真係無奈！

同一部飛機(B-HLJ)，原先已訂購1/200，但後來等到今年3月連1/400 都已經出埋現貨，所以決定先入1/400，早買早享受！(始終1/400比較易儲機隊，1/200唔係款款有出同埋無位擺呢個問題已經困擾多時)

非官方模型紙盒通常都係印香港景，背後有飛機的資料，同埋都會有航空公司的字樣，因為非官方的款式包羅萬有，而且係合金機，所以玩飛機其實多數反而係買非官方多過官方，買官方機都係因為間公司已經無左，升值因素為主！

先分享模型開箱/把玩片段：

都係同一句，本來想等埋1/200先錄片，不過唔知等到何年何月，到時可能自己已經因為窮而唔買飛機，無謂d野擺到過晒氣，所以率先錄片~

https://youtu.be/heBUSuC2F0c

港龍航空，細細個就已經聽過呢個名，但好記得有條友話我講錯，佢話係海龍航空，搞到我之後每次諗起港龍，都有三幾秒猶豫係港龍定海龍... 事實証明係港龍航空，根本無海龍航空呢樣野！亂咁講收皮啦！知少少扮代表只會對地球造成負累...

外貌白雪雪，紅色/黑色字及圖案的塗裝，除了九巴第一代雙層冷氣巴士之外，就是港龍航空的機身顏色，現在仍搜查這款塗裝的確實使用年份，但B-HLJ加入港龍航空時已是1996年，當時港龍已經使用白底色的塗裝，是我本人最喜歡的港龍塗裝！

2016年1月宣佈更換新塗裝，新塗裝的設計與國泰一樣，國泰的是綠色；港龍則是紅色，不過因為港龍當時已被國泰收購，所以顏色方面，似乎已經沒有港龍的原汁原味了。

港龍A330與747經典合照

民航機的市場幾乎一直都係波音與空中巴士競爭，A330亦是最常見的空中巴士型號之一。A330的競爭對手是波音777，A330-300型長63.66米、翼展60.3米、高度(連尾翼)16.79米。

"據說"空中巴士曾經質疑美國波音公司是否與FAA (Federal Aviation Administration / 美國聯邦航空管理局)聯手修改ETOPS (Extended-range Twin-engine Operational Performance Standards / 雙發動機延程飛行)規定。據資料顯示1995年5月，波音777取得了FAA 發出的180分鐘ETOPS 認證；而歐洲的JAA 僅發給兩引擎飛機120分鐘認證! 間接引致不少航空公司選用了波音777而不選用四引擎的空中巴士A340。

港龍航空在1985年7月開始營運，1986年港龍航空的英文名由Hong Kong Dragon Airlines改為Dragonair，中文名則維持不變~

B-HLJ 使用2具RR Trent 700 引擎

引擎外殼上的港龍標誌相當精美，我一直以為港龍飛機引擎係白色，但原來係淺藍色的！

尾翼上的港龍標誌

去年因全球疫情影響，國泰及港龍大量飛機停在香港國際機場，營運大型客機成為全球多家航空公司的高成本項目，B-HLJ最終亦退下來...

收到SMS，指1/8會發放第一期消費券到八達通，有個疑問，如果張卡本身有錢，那麼日常消費筆數係咪計落消費券度扣除？

電影黑寡婦已經睇左，Marvel 最百變的角色，本來無追開Marvel系列，但自從睇完復4之後，得知黑寡婦一直未有個人獨立電影，所以已經期待至今，事隔幾年，女主角望落開始有歲月痕跡... 畢竟有好多close up 畫面，同埋拍復4已經係幾年前... 內容還可以，唔算太有驚喜，而且好多幕現實中都係唔會出現，例如係空中飛落街又咁岩救倒人之類~

自從番左TBB之後，成個人精神都差左，放假都係覺得唔夠訓，搞到放假要訓埋晏教，無晒心機/時間影模型，加上有唔少問題都難以用自己現有的知識水平處理，成日諗住d野太難做對身心健康構成嚴重影響... 而家每日11點而經超眼訓，但仲有好多私人野想做...