路過柴灣廠

最近係Noshow 電視見倒挾持的MV，開頭無留意，一望電視就見倒個男人的大頭，心諗咩事？香左？？

呢排夜晚番屋企都係坐巴士，仲要係坐最慢果條線乘機遊車河，雖然明明已經肚餓，但反而好投入坐長途車的旅程！

第二次番工搭的士，搭左我109蚊！最初收到信息係2點，後來收到通知係1點，但我印象已經記住2點，結果lunch 果陣無意中睇倒原來寫住1點... 即刻食埋兩啖飯仆去搭的士，仲要的士站排長龍，睇住個咪標每200米跳$1.6... 好似被搶錢咁... 個的士佬又開得慢... 激死！過隧道最唔抵，要俾隧道費仲要計里數！

九、龍運、新城都越黎越多E50D，不經不覺服務了十七年多的丹尼士三叉戟十二米冷氣巴陸續退役，其實次次坐新巴都鐘意坐呢款車，三波高轉讓人感覺狂野！

還有一輛退役富豪奧林匹克十一米人力車。

好少去港島東，發覺原來無過海巴士去杏花村的，不過都正想行去柴灣望下批大巴士同中巴，再坐106、82X。

不知不覺，Big Bus全部丹尼士禿鷹同最後一部多明尼加都退晒了，多謝政府的換車資助計劃！令所有有歷史價值的巴士都在2015年底前在市面上消失！這幾部禿鷹無得再係香港行走，但會運去外國繼續服務，都係一件好事黎，從廠外可見巴士已安裝了右邊車門！可惜未能近距離一睹裝上右門的禿鷹風采！

小多... 已經無得再坐，上次遊河老實講未影夠同埋未坐夠，遊河主辦單位安排失當，總要讓人留下遺憾！雖然路過得個望字，但都要珍惜可以遠望住呢批車沉睡的時光...

右手邊果架禿鷹無左Big Bus 字樣，重新翻左油？

從來都未影過同埋未見過全相的HK104... 

HK104 及已退役丹尼士飛鏢CX

VC1... 受政府強制淘汰歐盟四型以前商用車的換車資助計劃下，呢幾部CX同VC1 相信都是難逃拆毀的呃運... 為環保、為改空氣污染而制訂出這些失當、無用的廢政策，不治標也不治本，其實人類對地球都做成不少破壞，又唔見政府話要殺咁幾百萬人改善生態？？？

中巴巴士廠，2015年7月，中巴所有巴士路線結束營運，對小弟呢個新界人黎講，少接觸中巴，想坐多D的時候又話要取消路線、引致最後幾部中巴提早退役，實在非常可惜！雖然未至於是人去樓空，但殘舊的車廠外貌卻給人一種滄桑感覺...

2015年6月30日中巴最後一天服務：

中環海濱整左個巨型平治汽車logo，唔知搞乜？？天朗氣清坐船穿越維河心曠神怡，其實如果唔係趕時間或者太早太夜，本人首選都是坐天星小輪下層，這樣就已經感受了一個世界上五十個人生必到的景點。

每年十一月？天星小輪都會為男性健康做宣傳，在船身賣廣告，但只有一個鬍鬚圖形沒有文字。

已髹上香港國際都會全船身廣告的夜星號 Night Star，1963年投入服務，至今服務香港已超過半世紀！

遠望大興土木數十年的安達臣道，一幢幢住宅已越起越高，就黎連大上托都蓋過了... 單是上圖，已有過百座建築物在照片內，香港俾人的感覺就係太擠迫！大廈又高又擠迫、地鐵又貴又迫，連新的巴士上層都加多一排座位，令凳與凳的距離窄左，如果有試過坐所謂高載的AVBWU、ATENU上層窗口位，要落車的話一定會撞倒隔離果條友！

我真係好討厭地鐵沿線起咁多密質質的樓，上圖是柯士旬站位置，從中環海濱望過去幾乎已看不見獅子山！這些阻檔景觀的樓炸晒佢我都唔會覺得可惜！

尖沙咀碼頭

夜星號遠離碼頭，背後是興建中香港洲際酒店，這個位置前身應是新世界中心，數年前清拆重建。香港洲際酒店聽聞是一幢63層高的摩天大廈，它的高度雖然不會打破IFC2、ICC，但以目前的高度判斷，落成後對阻檔維河景觀也有很大影響！

不到十分鐘，夜星號已到達尖沙咀碼頭... 其實尖中距離幾乎縮短左一半，理論上天星小輪係咪應該下調票價？？

日星號Solar Star，1958年投入服務。

這個角度看，兩首船似乎迎頭相撞！

剛從尖沙咀碼頭開往灣仔的午星號 Meridian Star，1958年投入服務。午星號船長33米，與其他天星小輪最大分別是下層建了一個廁所，因此下層座位數量相對較少。

每次到達碼頭，都會望著船員用繩索固定船隻，每次都剛剛好跳板對正碼頭登陸入口。

遠望東九龍，背景是成千上萬建築物。你覺得壯觀？第一見望都係幾壯觀的，但我寧願還原番做幾十年前個景！無高樓大廈，九龍群山山脊線一覽無遺！

回程中的夜星號

藍田

觀塘

興建中香港洲際酒店... 後悔上次上大上托上唔到山頂，而家已經被香港洲際酒店阻礙了維河景觀... 

天星維港遊掛牌：輝星號 Shining Star，1964年投入服務。2003年改為天星維港遊專用船，遊客可從開蓬的上層欣賞四周風景。

晨星號 Day Star，1964年投入服務！

2014年的日星號。想想，維河不能缺少這些欖核仔，否則維河便成一條死河。

不到十分鐘船程，已到達尖沙咀碼頭，如果認真欣賞風景，一程船的時間真係唔夠，應該從地圖上將香港島向南拉一拉，使維河回復為維港！

再見了，前中巴丹尼士禿鷹空調十一米及前雅高巴士多明尼加開蓬巴士！

KA4691，1985年出廠，已於2015年9月退役... 

剛成為大巴士一份子時的丹尼士禿鷹，NR9783 中巴/新巴時期車牌是EW726 (DA28)，完全無影過！1998年中巴失去專營權由新巴購入，2008年再被大巴士購入，十一米巨龍/禿鷹載客量比兩軸巴士高，而操控性能較十二米巴士更理想，行車表現可謂四平八穩，過往多被安排行走需爬斜的路線。 很可惜今年政府推出換車資助計劃，陸續強制淘汰歐盟四型以前的商用車，由於十一米巨龍/禿鷹是九十年代初的出品，當時未實施使用歐盟環保引擎排放的巴士，因此所有十一米禿鷹都無法在香港繼續行走... 真係非常可惜！聽聞大巴士呢幾部十一米禿鷹將會運往美國行走新開的路線，好希望呢批咁好的車可以係另一個地方繼續行走，唔係香港唔緊要，因為留係香港只有一個下場：五馬分屍！

瀟灑少入

九月削減字軌三個，十月削減字軌一個，1/11 又削減一個蛇王字軌，人手減少，一種無形狀的危機感潛伏四周，都可以話無乜安全感！唔識形容，但如果你有類似處境，你會明呢種感覺會不知不覺對自己構成壓力的... 

近日無啦啦想聽鄭希怡的歌...

十月瀟灑少入：

人生買物路途長，我相信總有一些時候你會瀟灑入手、豪華入手，也總有些時候遇到中伏入手。今次主要有2款巴士仔ATENU、九巴羊年、紫色3N 及問題車亞比安51！其次ML(非ML1)同冷雞都係合理價格再入，冷雞解冷雞冷鴨解冷鴨一直都想再入，最衰量產雞鴨Dw唔出，想改車都無得改唯有入多部冷雞玩住先。

講起亞比安51 就真係有些少激氣，格價常受炒家操控，到第2次出亞比安51 時都係買唔倒... 而家under 300 入部舊版中伏問題車唔知值唔值呢... 不過我唔想再等了，快D 儲齊BM248@51、64K 好過唔知等到幾時！

巴士仔廣告上係E50D 數數都有6架? 但我選擇入2部算，一部係第一部上係E50D的巴士仔，另一部就係呢排玩埋1:43 而且最色彩繽紛的SH1334。始終坦白講，九巴的服務好壞自己心中有數，什麼從心出發呢D 咁假的大話廣告，就真係買唔落手，絕對不會為買而買！

上圖是早前(十月初)的少入：高達、羊年、皇崗、黑軸大logo 3N，除左3N外，幾乎其他都是問題車.... 唉以後對於問題車真係要多加留意，寧願唔要好過，費事買左番黎條氣又唔順，平少少以為拾倒寶但有問題自己又未必整得倒，真係無謂啦！

無奈都要講一講，由1/11起租金不仁道超大幅上調25%！坦白講個場咁的樣，這個加幅實在不合理！因此票價自動加減機制即時啟動，上調相同幅度百分比！

調整後Wmb 票價如下：

放縱的瀟灑入手後，引致 Wmb 於30/10 下午決定發出盈利警告，因近期採購部開支持續超越預期數字，處境嚴峻！專家同時警告如不加緊控制收支平衡，可能無法趕及達成2017年初的目標，捉請採購部自我檢討！是次盈利警告對友組織：BHT 並不受影響。

盈利警告生效期間，Wmb 需停止一切付款飯局及減少入車行動，嚴重者需要放車為生。九、十月共入了超過20部車，需然每部價格是合理範圍，但其實有不少是中伏入手因此實用性較低...！今個星期二同班長征人士食飯，好奇怪，佢地每日食完飯都會行一萬步，結果我就跟佢地玩一次，由觀塘行去淘大花園，嘩又曬又熱，好彩淘大有間80T，起碼不至於是浪費時間及腳骨力。

唉，企係80T門口望住果幢1:76 唐樓，介乎買同唔買之間心中1516... 但總係覺得既然做1:76 體積咁大，應該要好精細先係，斷估都係得個殼姐，入面咪又係空心，所以點解唔肯做精細少少呢?? 而個地基仲更加失望，就咁得舊膠完全無模型的感覺... 80T 會唔會諗住D人買樓都係擺背景，影相out focus 唔會留意到D物件太粗糙所以得過且過？！鋪頭門口show 出來的果幢樓實際上原來係分左三個價錢，由三件組成，一件$298，雖然有折，但你諗下買晒3件原來要成八百幾蚊=.=" 想不到香港地樓價已經不是打工仔所能負擔，連模型都貴成咁樣，諗左陣都係覺得太貴決定唔買了！

1:76 太貴？屋企無位擺? 實用性低？隔離仲擺左1:150 的舊樓，每幢$168，買的話有折扣，百幾蚊就買倒樓... 高興嗎?? 

不過所講的百幾蚊一幢就係圖入面的超窄單幢，我開頭係以為賣得舊幾水係3件... 點知3件加埋要成四百幾蚊=.=" 同埋1:150 得罪D講似玩具水準，仿真度不足... 所以都係門口睇完就算數了。

11月好忙，星期六日都開工，但為了盡快結束盈利警告，別無他法，黎緊仲要識埋HWS，真係大挑戰... 人生總是太多不平的路要行...