四月五月BHT X Wmb 飯聚車聚遊記
30/4 晩都算係幾難得的群組聚會, 其實我的心情十分矛盾, 為左盡快追回Wmb 海潚前水平, 不知不覺會將錢睇得重左, 因為近來日子可以講係過得十分悲慘, 黑暗、窮困、艱苦自己係好清楚, 所以當出席一班人聚會其實我想拒絶的, 對住班生活風光的人(至少不愁衣食, 不上班也餓不死)反而會令自己有自悲同仇妒心, 顯得自己更加慘; 但我又好明白大家做野工作忙碌, 時間唔係咁容易配合, 加上各自各都有私生活, 有d 唔係香港有d 又無假放等等, 係相聚難逢的抉擇下我都係参與一份... 但我本身唔鐘多意d 人問三問四, 所以我選擇坐在一角靜靜進餐!
XO 海鮮炒飯 $68(貴!!)
海南雞飯 $35
四小球$10, 五小球$12, 而家做得hea 左, 求其刮一野就算, 一小球其實只有2/3 小球...
近來毎次係西九龍中心8樓都要送十蚊俾雪糕達人, 今次我仲過份, 先食左十二蚊, 再食多十蚊, 好懷念以前好難得先會有雀巢牛奶公司的云呢拿味雪糕食, 雀巢牛奶公司的云呢拿味雪糕係最好食的...
千奇唔好話我井底, 今次我都係第一次去呢個青嶼幹線觀景台, 因為無私家車平時都唔會去呢度... 這就是窮人與富有人生活的差異了...
本來於昂船洲橋底休息, 但點知原來已經泊滿私家車, 仲有兩班人係度拍片, 根本無位停車, 後沿昂船洲橋北行, 四架私家車到達青嶼幹線觀景點停車場, 係四架車到齊之前, 其中一架行錯路去左汀九橋, 呢個係貪快的後果...
200mm(等效300mm)下的青馬大橋視野
汲水門大橋
挪亞方舟
舉頭望明月, 這天剛好是十五月圓日子, 向東方還可見明亮的木星! 這日月球同木星位置相近, 呢晩月球同木星也舉行聚會~!
下圖為Nikon D3200, 使用Sigma APO50-500mm F4.5-6.3及Sigma Tele Converter TC-2001 在最高解像度及iso400 / F18 下所見的木星及月球閉氣手持拍攝原圖裁相!
米話我成日話影星難，因為呢個係事實黎，越遠的星球越細，越細只要微微震動已經無details 可言，木星的質量其實已經是太陽系其餘8個行星的總和！上圖可見月球上的一個普通隕坑都比木星大... 拍攝木星是十分困難!!! 但我仲想影倒土星...
其實觀景區四周d 樹都幾高, 四周風景無想像中咁一望無際, 但時關係無上到最高點, 有機會既話先再去了~
龍駒道俯望龍翔道
呢度剛剛新建了豪宅, 又係無私家車平時都唔會去既地方, 這裹為海拔140 米高, 遠望可見九龍半島, 雖然内心仇富, 但這十幾分鐘就FF 下不久將來住豪宅江山歸於我獨有既感覺~ 就正如Need For Speed 堅持用Reventon Roadster 一樣, 因為現實全球只有15架, 沒有一千五百萬就只能在遊戲中幻想而已...
九龍半島一片石屎森林
虛構情景：群組中較富有的人士正商討收購什麼地段
飛鵝山道, 這裹為海拔535米高, 可見九龍半島, 雖不算得上話無私家車唔會去既地方, 但印象中過去365日都無上過呢度~
這日雲霧大, 而且已近深夜, 未能拍攝高清夜景!
沿路下降至飛鵝山道暸望台與扎山道交界
呢張係無意中影, 望多兩望又有d 似Martin...
這次是難得的飯聚車聚, 所以也需要大合照~ 有人果張因為唔係我部機度所以唔post 了~
日前交收圖紙時順便試KFC 海南雞脾皇飯，基本上唔點汁好似仲好味... 下次就試下用炸雞圖紙做背景影下我d 1:400 太空穿梭機模型先！
借網圖分享...
18/5 意日菜晩餐
206 $48加$10 縮水珍珠奶茶... 不過206 好似幾年都係48, 算係咁了~
順便交收1:43 蘭博基尼... 呢部係小弟第一架1:43 車模... 看來始終被推落1:43 模型坑了...
網圖。今次NS抵讚喎，有1:43 蘭博基尼雷文頓，搞到我都忍唔住入一部，本來諗住入齊21部，點知成間鋪得一架咁大把... 照買！相比數字店？數字店完全唔入呢d車，想幫趁都幫唔倒囉！
係我眼中, 只有蘭博基尼的汽車先睇得上眼, 其餘一慨不懂欣賞! 我亦以建立蘭博基尼車隊為人生其中一個目標！
聽人講原來隔離台有個影巴士的人士係度(唔好話人巴膠咁武斷，文雅些少用人士形容)，仲用相機影食物影倒我添...
呢餐，大家俾面~ 雖然d人口口聲聲話見我想去飯堂食先出黎，但我心入面當然知道呢d 係假話啦，平時問親野十問八唔應，又會因為我講一句咁積極出黎既，邊個信呀？！當我傻咩。不過假話又幾好聽！☺
