BHTXWmb: 1月 2021

轉眼2021的1月已將近完結，來到2020/2021年，當年煥然一新的新紀元低地台香檳金十二米巴士將要全面退役了，這次分享一下最近路過車廠外的一些劣攝~

4.15米矮車身Dennis Trident 退役實在相當可惜，始終是第一款矮車身適合行走山頂路線的三軸巴士，由新巴過檔城巴的矮三鋒行走88R都未夠兩年就話要退，都曾經聽聞有人唔鐘意批車太矮同太舊，引致這批車臨死前出車相當飄忽，出現平日唔出車，只在星期六日才有限度出車的悲慘情況！呢批車剛剛行走88R時，曾經搭車經過第一城總站見過連續幾架矮三鋒，場面壯觀，可惜它們在城巴非專利部服役期間我都無認真影過，所以較早前在它們退役後路過新城的西九龍廠，無論如何都要見它們最後一面！

最後兩部矮三鋒分別是編號887及894

887、261

254、894。254的AC4764車牌唔知會唔會再用係新車度呢？

超豪267、249

已拆車牌、錢箱的887

40載與你同行，背後又有多少輛極級珍貴的古董被拆毀...1仔、19、36、1頭蘭、3頭蘭...

上圖可見一般雙層巴士高度大約是4.4米，而矮三鋒的高度限制在不多於4.17米，因為當年新巴為了應付15號巴士線於司徒拔道沿線路窄多彎，以及通過加列山道天橋底的高度限制，於是向丹尼士車廠招手，製造一批只有10.3米長及高度不多於4.17米的丹尼士三叉戟，並向都普車身廠訂造特矮的4.17米都普DM5000車身。

267

在退役巴士陣的隔離，有一堆Volvo B8L 新車

來一張新車同舊車的經典合照，有朝一日，今日的新車會變成舊車！

睇慣九巴紅色，反而覺得新巴城巴隻色仲靚D，不過新城的B8L唔係玻璃梯！

這幾幅是早前在V Walk pop up store 買完車之後行番去美孚搭86時手機劣攝，批車而家應該已經出左牌

12米B8L vs 4.7米海獅

都好想改番架九巴的1:43 Toyota Hiace，就咁望加個logo 都唔難既，反而要買多架自色Hiace 就有難度，微影呢堆黑白銀藍Hiace 一早賣晒... 但又唔肯番出...

12.8米Volvo B8L

唔覺唔覺，呢批B8L(V6B) 都行左接近兩年，一直都想呢款玻璃梯會出1:43，但始終咁耐都無消息話會出，真係失望，其實1:76 都已經出左咁多次同款車，點解唔出番一兩次大比例呢？何況始終想有條精細d的玻璃梯... 有人話1:43 無人買所以出的機會低(例如Toy1 都無做過香港三間巴士公司的1:43模型)，但睇番之前80T出的1:43好多都賣得7788，有d仲升左唔少價，乜真係無人買到唔想出咩？

想就想1:43多過1:76，但現實佢反而寧願做1:110玩具車都唔肯開發1:43 模型，質素越黎越倒退，無眼睇了！有時真係唯有要靠非官方生產先可以滿足倒有模型的渴求...至少有d款官方永遠唔肯出，非官方反而肯出，呢點反而值得人去支持！

屯門廠亦有大量等出牌的新車，包括九巴及龍運，用Wmb懷舊mode，感覺有少少似退役車^^

12.8米埃及妖后

實不相瞞，埃及妖后車身我本人認為非常唔靚... 黑色油到咁核突...

ADL E500MMC Facelift

退役超豪

退役多時的APM1 原來仲係度

於2013年退役的GM6125 / AD223

新界另一邊，大埔，亦停放了一堆新車及一堆剛退役的Dennis Trident 12米

另一邊一直擺放著8部龍運Volvo B8L 12米豪華巴士，由於疫情令機場線的客量下降，班次需求減少導致早前龍運購買的新車出牌無了期延遲，所以它們正在發霉中！

這批車，模型亦已經於上年推出，真車仍然原封不動！

除了一堆新車，也有一些退役金巴

KW9112 / ATR373

聖誕節才搭過49X ATR，想不到不出半個月，已退下火線！想當年49X 一早已經有ATR 做掛牌，49X 可謂見証了金巴Dennis Trident 的一生~

在另一個角落，停泊了一部令人慘不忍睹的巴士，它就是3年前(2018年2月)在大埔公埔發生意外反車的LX9991 / AVW78，先聲明如抗拒回憶起此事件的人士請速按上一頁離開！

我亦無謂評論事件誰對誰錯，只是有感而發，一單巴士意外被法官判刑時形容是災難性，控告38項罪名，但比起2019年以來的修例風波，浮屍海面的不計其數、形同虛設的防疫，無能引致疫症大爆發，各行各界正無止境地受影響，邊d先係災難性，其實全世界的人心中是有答案的... 唉其實無論如何，世界上99.9%的意外其實都是人為引起，實在想不到那一個拐彎已經是賭上明天的動作...(我還是在賽車遊戲中駕駛蘭博基尼算了，因為買了真車隨時炒車！)

去年(2020年7月)，LX9991 終於被拖回大埔，花了兩年半，它終於完成到達大埔的一程...