中秋節就到，TBB 又成日播咩咩月餅廣告，在那裡會有幸福？貼一張巴士相應一應節先~
GC4401 / 3AV37@5。奇華月餅無良顧主？
(車務mode)日前收到一個壞消息，就係做野果度一次過有3個人調走，星期一生效！黎緊星期一開始，我都擔心工作量會大增... 心諗而家有2個字軌要order 其他線，真正全日字軌好似得番一兩個，嘩 cut 車一cut 就cut 三架，D 班次咪姐係分左落其他carlo 度(包括我)... 其實一個月多之前，係仲有3個字軌調走左，姐係個半月入面cut 左6個字軌... 唉當我超人梅比斯呀?? 定超人銀河呀？？ 好奇怪，之前班次多唔夠車，又唔加車，到班次少左的時候就加車，引致總站車輛過多，到而家班次明顯增加先黎cut 走晒D車... 唉唉唉！(車務mode，不明不需問！)
小弟部電腦呢排工作效能好低... 因為仲用緊Windows XP 活古董，小米手機插USB落電腦都讀唔倒手機資料，自從早兩個月裝個小米助手之後，無啦啦要裝個乜鬼360安全防護(類似大陸防毒軟件)之後就出事，開機熄機要成十分鐘，連開Google Chrome 都會lag機，播MP3 聽歌都lag，尤其有其他程式開啟時，滑鼠游標移動都斷斷續續，OMSI 都玩唔倒，已經是無法正常運作狀態！開頭以為剷左個360 佢就無事，點知同其他人一樣裝左之後剷唔倒，剷果陣就話已刪除，但隔十日八日就會自己裝左D 無關聯的垃圾軟件落部機，咪唯有照移除那些垃圾軟件先。本來諗住裝Win 7的了，但又要花時間搵win 7 種，好煩！呢個時候又無啦啦自動幫我裝左個電腦管家的防毒軟件，跟住就話部機中左117個木馬... 掃完之後而家部機叫做快番，起碼無lag 得咁明顯，咁唯有照用住XP先...！究竟呢個電腦管家大陸軟件信唔信得過？
(車務mode)日前收到一個壞消息，就係做野果度一次過有3個人調走，星期一生效！黎緊星期一開始，我都擔心工作量會大增... 心諗而家有2個字軌要order 其他線，真正全日字軌好似得番一兩個，嘩 cut 車一cut 就cut 三架，D 班次咪姐係分左落其他carlo 度(包括我)... 其實一個月多之前，係仲有3個字軌調走左，姐係個半月入面cut 左6個字軌... 唉當我超人梅比斯呀?? 定超人銀河呀？？ 好奇怪，之前班次多唔夠車，又唔加車，到班次少左的時候就加車，引致總站車輛過多，到而家班次明顯增加先黎cut 走晒D車... 唉唉唉！(車務mode，不明不需問！)
季節已經走到微涼的秋天，幾乎每年秋天都會亂想一年又過去了，好似無乜成就？打工仔只為儲蓄，上班下班，咪又係因為金錢的誘罪？世上有沒有一個地方唔講錢，人人安居樂業，想買乜就買倒乜，沒有炒家當道及不愁衣食住行的呢？似乎只要有人的地方，以上美好的光景都難以出現！約在半年多前，那時HC牌起的3AV 還未開始退役，尤其樓下的82X 都仲有3AV 行緊，仲好記得有一日HC1507(AD336)行11K，不過果日遠行左無得影...。那時自己竟然還不的起心肝去影批3AV及DA... 2015年9月初，所有3AV(包括部份訓練巴士)及新巴DA已退役，才有些少抱憾好多架無影過！
來去匆匆的香港巴士，2015年有唔少巴士消失，包括中巴、大白豪、禿鷹、勝利二型、多明尼達、AEC、冷蘭等等... 全部都係好有特色的車款。踏入九十年代，九巴以引入冷氣巴士為主，雖然表面上改善服務及提升與其他交通工具的競爭，回顧當年九巴與中巴聯營的路線，都是九巴班次首先轉用冷氣巴士，但個人認為是巴士公司希望收取更高車資為主。九巴於1994-1998年間共引進348部富豪奧林比安12米空調巴士以加強服務質素，首批50部巴士採用3+2座位設計，每部巴士載客量達137人。這50部12米豪使用康明斯引擎，故被車迷稱之為大康豪。大康豪退役前行走市區及新界東路線包括12A、13X、80、80X、89、277X 等，除部份改為訓練巴士之外，所有大康豪已於2012年8月退役！雖然部份大康豪當年被改為訓練車，但受政府強行淘汰歐盟四期以前的柴油商用車影響，2015年已有很多的訓練大康豪被換走... 政府的失當政策引致不少有價值的巴士消失於世！
GB2607 / 3AV1@49X / 281A。GB2607曾改為訓練巴士，後來披上狗巴網絡新體驗廣告宣傳區域性巴士路線重組，本人在上月看見GB2607時車身廣告已殘舊不堪，相信已荒廢多時。
GB3968 / 3AV4@38
GB3493 / 3AV2@42C
GB5890 / 3AV12@74X
GB3485 / 3AV6@74A
GB2585 /3AV5@80X
GB9848 / 3AV30@89
GC629 / 3AV33
GB8218 / 3AV22@訓練巴士。喂，地下個紙皮箱咁熟口面的?? 好似唔知邊架熱狗上面見過！
GB6251 / 3AV16@83X
從1995年開始九巴引入的12米豪配用VOLVO TD102KF 或VOLVO D10A引擎，並採用2+2有頭枕座位，總數298架。起初下層車箱設有座位，後來改為企位，因此也被車迷稱之為水塘豪，主要行走需求高的路線包括74X、75X、82X、98D、215X等。因小弟對富豪冷氣巴士不太喜愛也沒有深入認識，一直以為呢批車新車時已是水塘設計，但後來巴士模型的推出才知道最初是有座位，但是否298架2+2 十二米豪都是被改成水塘還是後期果D車本來已經是水塘呢一點就有待富豪迷解答了...
GW6829 / 3AV124及GR4110 / 3AV119@80
GP8306 / 3AV108@82X
GW6829 / 3AV124@80。當年的9蚊包成為歷史...除非麥當勞良心發現減價！
GX8057 / 3AV139@74X
GN6758 / 3AV70@83X
GP7359 / 3AV101@11D
GN7875 / 3AV73@277X
GP7387 / 3AV102@80X
GY7604 / 3AV148@74X。想不到蔡卓妍同陳偉霆分手也成城中熱話... D人真係好無聊咁都討論一餐...
GN6122 / 3AV53@3D
GN6976 / 3AV65@83X
GX7824 / 3AV137@74X
GN7875 / 3AV73及GN2217 / AD244@83X
HF4489 / 3AV294@82X。批3AV掛82X 十幾年，帝堡城未起到而家，原來係隧道口影過的H牌3AV@82X 只得呢架，掛牌車完全無，真係慚愧！
我細個係屋企望過去小瀝源應該大慨分辨倒邊架係11米，邊架係12米(11米同12米呢個數字當然係後來才知，小時候只知有些長D有些短D)，因為窗口望出去大約250米遠是大老山隧道巴士行車線，有一段很短小的空間可側面看見一架架巴士(以外貌判斷多數見都是富豪車)，當時肯定大老山隧道路線已經全空調化，因為冷氣巴白色、熱狗黃色看一眼便可分辨出來。明明有時見D車落車門同車輪個距離係某個長度，有時又見到 有D車落車門同車輪距離好似長D！開頭仲質疑自己係咪睇錯，始終同熱狗分別好大，12米熱狗有三扇門一睇就知邊架長邊架短，但白色冷馬望上去無咁易分辨只能講好似長少少，通常會咁諗：無理由個外貌一樣但中間會好似長左！問老豆老母又晒氣，佢地又唔識的... 當年還未有電腦、家中又沒有巴士書籍，資料通訊落後，唯有相信自己的目測！後來筆都拎埋出黎想畫畫，但都係唔死心望出窗口要再細心觀察，終於俾我遇到前面一部11米、後面一部12米，確定自己根本無睇錯，富豪奧林比安是有11米同12米之分！！！！12米係落車門同後面車輪距離好長的！！！！唔肯定會唔會係3AD... 因為都係相同情況，但後來所了解大老山多數用富豪車，咁9成9 當年見倒的都係3AV！仲要好多架都無廣告，當時的新車現在已退役，真係唔捨得！
上面是非空調12米與同型號空調巴士11米的比較。
3AV 入面，有幾個車牌好似的本編幾年前時常搞亂，分別係HE3208、HE3808、HG3111、HG3211、HG4167、HG4168、HG4169、HG4069、HG4178、HG4179。另外係HH4757、HH1412 呢兩架一直以為係11米豪，因為多數見HH牌都是11米車，原來HH4757是12米車。後來見HG牌亦有11米車，因為幾乎每次見HG 牌都是12米車... HC9045、HC9055、HD9035、HC8537、HN8357 又好難分11米定12米。其中HG4167 影過82X 超金字塔，今日睇番完全接受唔倒咁短鏡，不過只影過一次咁大把才忍手不刪除！
HG4167照片欠奉，直接貼HG4168 / 3AV316@95
HG4169 / 3AV329@15
HF4164 / 3AV292@89C。都好難得可以見倒車身無廣告遮蓋，同埋紅線及九巴服務日日退步的logo，亦有大白豪之稱。
HG4179 / 3AV317@80X。有否發覺HG4179側面的紅線有傾斜情況？今年5月份時九巴官方推出的富豪奧林比安12米巴士模型車身紅線有更明顯的傾斜！但紙盒上的圖片就沒有傾斜，但4179 就好似有少少斜，姐係點？模型係咪做錯左？真車係咪有幾架紅線係斜的？有無富豪巴士迷可以解答？
與HG4179連續車牌的HG4178 / DA83@94A。好奇怪，明明HG4167、HG4168、HG4169三架3AV係連續車牌，但車隊編號並不是連續的... 可能九巴自己都搞亂左！
HH4757 / 3AV335@80、89。與GL258珍貴合照，不過當時無影車頭... 可惜可惜... 當時亦不知道GL258 會成為九巴最後熱狗... 早知的話仲會嫌菲林貴？梗係影個夠先收手啦！
HC8591 / 3AV172及GA5144 / S3N356@80 珍貴合照。HC8591 已改為訓練巴士。
HG3421 / 3AV302
HD6949 / 3AV194@13D。半山遠處兩座淺藍色的住宅是彩輝村！
HE7352 / 3AV257@70。70已於2008年12月7日起取消！我諗而家大埔公路山上果D人都幾慘，70取消左，74A又減到一個鐘先一架車仲要縮短到啟業去唔倒觀塘... 搭幾個站又要俾足全程冷氣巴士票價...
HF2641 / 3AV276@89。真係奇怪，後面有巴士站停，有蓋遮頭，D 白痴係都要企出黎曬！全部都傻的！
HD9331 / 3AV217@11。佐敦渡華路<-->九龍地鐵站？
HG3864 / 3AV327@14 (1998-2015)。陳僖儀(1987-2013)
HG2515 / 3AV325@14。觀塘碼頭<--->油塘??
十二米富豪與十二米巨龍
HD6550 / 3AV191@98C。HD6550 已改為訓練巴士。
HE4236 / 3AV249@80。觀碼的熱狗越cut 越少，有時等車又未有車開，無聊先影下呢D冷氣巴...
大康豪車尾，唔好搞錯右邊果架係利蘭黎！主要分別是尾燈大小及上層牌箱形狀。
全部都周大福，見倒都唔想影！
FS5294 / DA40@970
FS5635 / DA39@970。自己較少見的NWFB logo 牌，一直覺得布牌好有特色，而不太喜歡後期的電子路線牌DA、VA，不過兩者都唔近自己住的地區，故此照片不多！
FS3024 / DA37@38
FS7967 / DA41@91
HH6355 / DA89@4
HH7687 / DA92@970。8年前在蘇屋村影，HH7687是中巴/新巴最後一部丹尼士禿鷹巴士。
DA370 / DA70@971。
BJ6626 / DA85@4。另外DB550 / DA65原來無影過！唔知呢幾架車牌特別早期的DA退役後，車牌有否被新車繼承？？如果無的話就很可惜了，因為車牌特別，顯得它們與別不同！
九巴富豪奧林比安十二米空調巴士(3AV)、新巴(前中巴)富豪奧林匹克十一米空調巴士(VA)、新巴(前中巴)丹尼士十一米空調巴士(DA)經已全部退役。自從2012年九巴將其營運的路線全空調後，不少碩果僅存的巴士都退下火線，到2015年，情況更加嚴重，受政府強行淘汰歐盟四期以前的商用車輛，大量巴士都受到影響被迫提早退役，政府推出換車資助計劃更直接令這些雖然比較舊但命不該絕的交通工具即時消失，在公共交通營辦商寧願領取資助的趨勢下，今年有不少有歷史價值的車全部都無得留低... 前中巴的巴士相信今年後就只餘下城巴少量的開逢富豪奧林匹克(前新巴人力車)。其實呢D換車計劃根本就對空氣質素改善完全無幫助，反而令交通工具提早退役會增加拆汽車造成的廢物，反而更加破壞環境！
Wmb (We are Model Bus)亦隨即舉行富豪奧林比安巴士模型集會。Wmb有意舉行富豪巴士模型大集會，包括熱狗、11米、12米豪，但由於主辦單位泊車空間有限，集會需分開進行。下回再續！
