講起天星小輪，都搭了很多年，2014年到中環IFC上班，至2年前離開中環之後，呢6年都大部分日子係搭船過海的，但離開中環後就已經好少搭到天星小輪，現在因為常搭港鐵，過海都以都會票為主，所以又真係好懷念搭船過海的時光，現在尖沙咀-中環航線下層收費為$2.6，雖然而家已經好少搭小輪，但都希望呢款交通工具會一直服務下去！
今次就分享一下近期的風景照片，今年有2隻天星小輪漆上了廣告，分別是晨星、日星，加埋本身長期漆上亞洲國際都會的夜星，總共有3隻彩繪小輪~
早幾個月(8月)，參加了天星小輪舉辦的攝影比賽，因為獎品其中一項是一直想買但覺得太貴的1/110天星小輪模型！1/110天星小輪是十分罕有的新比例(我當初希望比例可以設定在1/64-1/87之間)，覺得搭了天星小輪這麼多年，有一隻似樣的模型會感覺治愈，但無奈售價$1980實在係太貴，在Wmb 盈警之下就算80T VIP 有95折都只係平得個少少，實在無能力購買！所以... 便參加了！
聽聞天星小輪已連年虧損，疫情持續令遊客減少，更傳出未必能夠支持下去的壞消息，現在不得不以懷舊、本土特色等元素向大眾推廣，希望香港人多些考慮這些有歷史價值又票價較為平民的交通工具出行。
不過，在一千五百多張參賽作品入面，我的三張作品都在72強止步！1/110模型都是沒有了...，其實睇過入圍人士的照片，都係好普通，攝影技術並不是這麼高，亦不覺得照片能顯示出他們有多愛天星小輪，唔怪得有人話班評判都唔知係咪盲既... 不如叫佢地影番張代表作出黎睇下影成點？聽倒d人咁講我都真係笑左！
據說天星小輪單靠票價收入是虧損的，如果天星小輪有多些廣告，一方面可以收入增加，另一方面又可以為維港加添新色彩，因為天星咁多年黎隻隻船都係上白下綠，坦白講見到厭，換下色彩其實係一件好事...
2022年最後一個颱風來臨前夕的維港日落景色，當日同BHT人像王一同影日落，我掛住影船，錯過了鹹蛋黃，而人像王就完美地影倒鹹蛋黃...
大嶼山
大東山，海拔869米
白雲像波浪
國際金融中心II期，樓高412米
環球貿易廣場，樓高484米
有看過旺角天橋上影日落的人嗎？海運天台情況都差不多
(上)，陰天白平衡；(下)，自動白平衡
一架747從上空飛過，從前看到的架架飛機都是四引擎，現在非常珍惜747了...
當日的心情，除了希望尼格吹正，還希望可以看見即將出現的月全蝕食天王星... 最終尼格帶給我們半日假期，但月全蝕食天王星就只能在台灣網上直播中重溫...
隨著地球自轉，日光漸漸消逝
月伴維港天際線
宇宙視角
接下來是天星小輪閒攝
晨星 Day Star，為配合書展於暑假期間曾披上奇先生妙小姐(Mr.Men Little Miss)彩繪，船內亦有圖案，不過因為要影佢而改搭另一架船而無登上晨星參觀...
奇先生妙小姐(Mr. Men Little Miss)，1971年在英國首次出版，多年來已被翻譯成15種語言，在世界各地的30多個國家，累績了1億本的總銷量。暑假期間，海洋公園及書展(灣仔會展3E廳大堂)，均有"奇先生妙小姐"的相關主題，也有一隻彩繪塗裝的天星小輪(晨星號)穿梭維港兩岸，選搭奇先生妙小姐主題小輪一邊欣賞可愛的角色圖案，一邊欣賞香港景色！
船身有各款卡通人物圖案，而船的兩邊圖案都不同的~
中環... 曾經每日都前往的地方
背後的中銀大廈很快便被前方的新大廈遮掩...
國金II與國金I
亦簡單錄製了短片：
VIDEO
近期披上白色彩繪的是日星Solar Star
2011年Dior曾打造期間限定的「Dior Star Ferry」，而今回為了慶祝Dior全新香港廣東道專門店隆重開幕，品牌再次將穿梭維港兩岸的一艘天星小輪添上 Cannage 藤格紋，以及Dior的經典元素，將品牌標誌性的紋路點綴在灰白船身上，除此之外還可以見到星星圖案以及Christian Dior標誌，就連救生圈上面都印有Dior字樣，時尚迷和交通迷不要錯過欣賞了！
位於中環海旁碼頭的天星小輪模型，但似乎擺放了很多年，船上欄杆等等都變形了
新機影夜景都幾爽，架船行緊都無乜震！這也歸功於拍攝者的功力！
17mm 不能把三座高樓一同入鏡，如果16mm的話就剛好！
曾是香港最高的中銀大廈、中環廣場
當晚是尼格來臨前的3號風球
關門多時的大巴士尖沙咀鋪
日星兩次都係行灣仔線，所以尖沙咀影會比較難影
最近有個fd 話 準 備 移民，上星期邀請了小弟幫佢影番d 情景相，順便去埋尖沙咀超人展，於事係海運又再遇到日星號，終於影埋船的另一面，好彩的係架船駛到岩岩好海運前面^^
不過可惜船身時常磨擦碼頭，白色油好多已經掉漆，船頂亦被燻黑，所以小輪上彩繪一定要頭幾日影，但因為現在已經好少搭船，有無上廣告已經不能第一時間看見，沒辦法了...
亦簡單錄製了短片：
VIDEO
不久，日星私牌前往灣仔載客，叫做兩面影晒了~
前身是和記大廈的長江集團中心二期於2019年正式重建為一座比和記大廈高兩倍的甲級商業大廈，目前已攀升了一半高度，預計明年將會落成，並將會永久遮蓋背後的中銀大廈！
照片是在尖沙咀鐘樓位置對開拍攝，這個角度之後將不能再看見中銀大廈，或只能看見中銀大廈塔頂部份。
周圍都起樓... CLS既
一個最親民的古蹟：鐘樓
分享埋呢十年一直上住香港亞洲國際都會飛龍標誌的夜星 Night Star
兩架彩繪相遇上
中環碼頭
日星披上Dior 白色全廣時，早前的晨星(奇先生妙小姐)全廣已變回天星標準色彩，所以本來可以三隻全廣合照，最後都只是得兩隻！
加送重新油上天星標準色彩的晨星，翻完油特別新淨！一架退役熱狗剷油時發現車身有4-5層油漆，唔知天星船船身d油有幾厚呢？目測隻隻船d油都成寸厚...
一位2007年因影熱狗而認識至今的好友下個月拉埋天窗了，由以前見佢個樣暑暑地，到互相交流影車照片，係msn 成日傾計，見倒佢攝影功力突飛猛進，然後膽粗粗成功投得退役巴士，仲考埋各樣車牌，近年事業有成收入不斷提升幾乎已經冠絕BHT，而家仲聚埋老婆，係唔少人眼中直投係人生大贏家，能在贏家的則邊路過，本人亦深感欣慰，內心替他非常高興，並祝他們白頭到老，發達後千其不要忘記BHT其他兄弟啊！
因應炸彈襲擊，一個識左咁耐，呢封人情一定走唔甩，但Wmb的經濟狀況多年來持續低迷，呢封紅色炸彈實在令我好難做！Wmb 表示盈利警告繼續生效！
騙徒呂中舜、陳志杰不得好死！
.jpg)
