今次分享呢隻英雄勇像係超人X(Ultraman X) 艾克斯奧特曼，暫時覺得係新生代角色中做得最好的一隻，因為其他新生代英雄勇像的姿勢真係好奇怪，反而X呢隻站姿係最正常，高度亦唔會好似Z咁高左大半個頭。加上超人X 係我本人最後一套睇晒咁多集的超人片，之後出的已經無睇，所以今次超人X 是必買的！
自從2009年TVB播完超人梅比斯之後，就再無播之後的超人片，於是大家都改為上網搵片睇，而且Ultraman Zero出現之後，多以集數較少的短劇加一套劇場版形式製作，近幾年每年一個新超人都係一樣玩法~
外盒：A色為正常色 / B色為透明色
最初樣版發佈時，大家都話X對眼做得太黃，其實超人X眼晴邊緣係比較暗黃，而勇像又確實做得太黃，如果白番少少就正~
"大空大地"是一個得到X的力量後，連站起來也感到畏高的弱小的青年！
超人X又被稱為耳機寶寶，因為他的頭部造型與人間體"大空大地"初出場時配帶耳機聆聽星空的聲音所呼應，但因為大空大地初時變成超人後還有畏高的弱小情節，所以X又被稱為恐高的耳機寶寶。
目前來說，艾克斯奧特曼英雄勇像是已推出的角色之中最後一隻在腰間分體的角色，據說眼鏡廠將來會盡量採用主體一體化的設計或盡量沿分色區域作分體邊界。這次的艾克斯奧特曼整體上色不錯，除了斷腰坑線比較明顯外，身上的紋理和細緻位都做得相當不錯，令人對英雄勇像回復信心。
另一個想睇超人X的原因，係劇中非常珍貴難得地讓超人麥斯、力斯、銀河、勝利分別可以重新登場，令成套劇更有生氣，其中力斯、麥斯當年播出時人氣比較低，所以再度出場是非常難得的！(本文底部會分享影片)
但超人X 亦開創了浮誇裝甲的公式，而且每出一招，都搞一場大動作，加加埋埋十幾秒先出倒一招，回想以前(力斯之前)的超人，出絕招都係幾秒最多，現實而言，十幾秒敵人已經逃脫，仲點會企定定俾你出招打中？而且招式配合武器變得非常屈機，秒殺敵人，以上呢d 太浮誇的設定都係我唔太喜歡的... 但無奈直到現在，新的超人都沿用呢種浮誇設定，d 武器出玩具真係咁好賣咩？？(諗唔明...)
X 心口的能量燈形狀都是X字形
因為加了耳機設計，令X頭部背面相當複雜...
恐高的巨人
其中一集超人X 去左月球上打，所以也特意影番張太空景，不過因為環境限制，無法正光，缺乏自然...
B色透明版亦使用較自然的透明白色、面具銀色，效果比之前的"者哩"黃色大有改進！期望艾克斯劇中曾經登場的麥斯、力斯快些成為下個英雄勇像主角！
近睇B色的面部終於有番清楚的面形，之前的黃色"者哩"膠係連塊面都做透明，導致成個頭都一團膠咁，但今次真心有番水準，而今次B色又稱之初見版，是X初次出現時的姿態
但仍然有個問題，就係上下半身的反光質感唔同，唔明點解會咁，之前幾隻勇像的特別色都係有呢個問題，導致一睇就見倒係上下半身分體模具，有明顯的腰切缺點...
期望下年推出的勇像都keep番好水準，上色改善其實已經加好多分！因為勇像個模其實做得似(比起扭蛋)，甚至有人稱之為平價X plus，
不少得分享超人X英雄勇像開箱片段：
每一套超人劇集都會有一至兩個靚女隊員，而在超人X 當中飾演明日奈的坂之上茜又靚又有活力，當年仍是妹妹仔，已經好可愛，雖然身材唔算出眾但唔少觀眾睇完都話其實睇超人X主要都係睇明日奈，坂之上茜後來亦有演出帶有成人情節的劇集及飲食節目，之後亦有推出寫真...
最後加送之前擺過上youtube的超人X中文配音片集1-24全集，讓大家可以重溫：
Episode 01：星空的聲音
Episode 02：集結所有可能性
Episode 03：呼喚夜幕的歌聲
Episode 04：All for one
Episode 05：當神盾閃耀之時
Episode 06：星之記憶Teru
Episode 07：跨越星河的誓言
Episode 08：超人X總合篇1 (相遇 再成為同伴)
Episode 09：目標人物 X(超人麥斯登場)
Episode 10：我們是星雲
Episode 11：靜止的怪獸
Episode 12：未知的朋友
Episode 13：彩虹的目的地
Episode 14：勝利之劍
Episode 15：閃耀天空下的大地(超人銀河、勝利及X聯手)
Episode 16：超人X總合篇2：超越極限的勝利之光
Episode 17：戰士的背後
Episode 18：激拍，Xio貼身追訪24小時
Episode 19：我的朋友是怪獸
Episode 20：渡之戀
Episode 21：生死與共
Episode 22：絆(超人力斯登場)
Episode 23：美麗的終結
Episode 24：最後之戰 彩虹之大地(完)
最後是超人X劇場版，之前上傳的是中文版，但後來收到版權警告被強行下架，之後重新上傳日文版本
Wmb表示盈利警告繼續生效! 生日月份竟然又要係窮困中渡過, 簡直是人生悲歌!
騙徒呂中舜、陳志杰不得好死
沒有留言:
張貼留言