油麻地停車場大廈還有2日便正式成為歷史，先談談近日微影其中一項預計商品：油麻地停車場大廈。
話說聖誕節期間，微影又有一系列玩具開訂，小弟專程前往訂購煞臣裝甲車(香港警察)及新巴勝利二型，勝利二型的開箱及模型相片已拍攝，會在下次分享，可以先訂閱BHTXWmb 的youtube channel 及留意這個blog。
而這次尖沙咀店擺放了一座油麻地停車場大廈玩具的sample出來，小弟低調影了2張上來，讓大家看看微影自稱精心設計的這座停車場。
其實微影這座停車場的比例就算我現場望實物，我都覺得係一個謎，介乎1:64-1:110之間，即是可以放一些本身體積細的1:64/1:76，例如的士，或放一些本身體積大的1:110，例如巴士。如果話為滿足泊車，呢個設計都還可以的... 但如果話係以模型的角度去睇，呢個產品其實有少少差強人意...
坦白講，屋企地方細容納唔倒一座跟足比例做的建築物呢點係可以現解的，但微影呢座野縮水縮到半桶水，得4層、得100個玩具車位、條天橋仲要得一碌仔，最重要一點，而家擺出來呢個只是sample，真正推出的停車場還會長闊再各縮多3cm... 售價亦是一個打劫的定價$1650... 夠我買一架1/18的URUS了...
真實的油麻地停車場大廈只計泊車層已經有8層，停車位有770個，當日第6-8層封閉時的歷史時刻大家仍記憶猶新！
天橋穿過大廈中間是一大特色
值唔值得訂就各花入各眼，不過如果你問我，我會寧願將呢千幾蚊拎去買部AA的1:18 Lamborghini URUS仲好... 講起AA的蘭博基尼URUS，最近名車已經有sample 可以拎上手望，小弟亦馬上前往觀看，以下有些模型的圖片可以分享一下~
這架蘭博基尼URUS並不是第一架1:18 的URUS，一些模型商早已推出1:18的URUS，售價過2000而且沒有開門功能的，全開版(可開門、引擎蓋、行李箱)是第一次出，所以我說這架URUS是期待已久！
將推出的是珍珠白、金屬藍，奇怪黃色反而唔係第一時間出...
白色URUS 內籠以邪惡的黑、紅配搭，三隻色都相當突出，賣相一流！
珍珠白與發泡膠比較，較為偏少少灰，這個色比想象中暗，但如果影相的話都幾靚，因為全白的車身拍照容易爆光，車身線條難以看見，暗白色相對就無咁易爆光，在場車迷都大讚這些貴價車用的顏色看似平凡，但存在獨特之處！
車尾窗的網線都相當精細
另一隻URUS是金屬藍，金屬質感在強光之下閃閃反光，不過我個人偏向鐘意中巴藍，中巴藍真是無敵的！
(網圖)
藍色的URUS 好有運動feel，不過隻色同睇官圖有少少唔同，所以話訂車都係最好睇一睇實物，尤其呢d一架千幾蚊咁貴，多謝名車的通知，URUS模型讓人愛不惜手！
藍色URUS內籠以淺色配搭，但好似麻麻地靚，還是買黃色的URUS比較好~
個人感覺AA 一向唔太注重內籠的顏色配搭，以雷文頓為例，AA出過三隻色：黑、白、灰，內籠都是用統一的深灰色，但其他模型商出的雷文頓內飾是按車身顏色而配搭，呢點暫時無得挑剔AA，因為無機會接觸雷文頓，所以無法求証內飾與車身顏色呢個問題...
白色同藍色的URUS 我暫時覺得比較普通，有種普通房車的感覺
加送URUS 多角度片段：
終於經過荃灣如心廣場的Line Friends 星閃冬日，不過由於武漢肺炎疫情持續及二人限聚令原故，如心廣場外的擺設被封閉，只能在外圍觀看~
不過因為封閉的原故，大家不能近距離接觸公仔擺件，才可以拍到無人阻的相片，否則人人走晒入去，想影一張無人阻的相都幾難了...
場地位於荃灣如心廣場外，從天橋行來，到十字路口已經看見2隻大大的公仔，當然我的目光只放在熊大身上，隻免我就麻麻地...
趁無人接近，來一張合照先~
這個活動至10/01/2021
星光隧道
講真，唔俾人入先可以影倒！
守門口有熊大與兔兔
這個裝束，好似小朋友~
巨型聖誕造型熊大
下面有幾個Line Friends的角色，不過我唔多熟悉呢班人，因為只喜歡熊大~
熊美 Choco (熊大妹妹)
熊美的造型一時時，一時有衫著，一時無衫著...
Sally 的造型係幾得意，細細隻，成日跟住隻熊
場外有暫停開放告示，不過影相就無問題
唔爭在行埋入去商場望下~
Line 其實出過好多好多周邊產品，尤其生活用品，不過好在小弟都係鐘意d 擺件多，如果樣樣產品都買，神早破左產
我就識得一個唔係太熟，性格都有少少怪怪既人鐘意買line 買到痴左線，全屋都係line 的野...
1樓中庭，但呢間野無開，唔知入面係咩黎。我估本來係限定店，但因限制人流而後來租左遠少少個鋪位做！
然後當然不少得進店看看，不過就唔方便影太多，只簡單影一影呢2套10月由pop mart推出的Line Friends街頭主題/馬戲團主題玩具！其實唔講都已經唔記得有出過，因為唔係太多人有買，同埋一套真係好L貴！呢度賣828一套(12隻)，散買就幾十蚊一隻，而淘寶價一套都係RMB650以上，所以邊度買都係貴。散買亦都係搵笨，因為又係玩盲盒，所以抽中熊大的機會其實超低，變左呢2套野根本無從入手！
見倒個價錢$828，其實真係嚇一跳，2套即已經1656... 已經夠我買一架Autoart的1:18 蘭博基尼URUS...
加送現場拍攝的簡單片段：
