BHTXWmb: 9月 2017

自從見倒1:24 田螺車個價幾吸引, 又忍不住入幾架大陸玩具公司出的1:24 Lamborghini, 不知不覺也受到1:24 的風暴吹襲, 好彩大比例車模以1:18 居多, 非以1:24為主, 所以遲下追番架1:24 Routemaster 就OK, 唔會中太多1:24 毒，個坑好淺, 受近排Need For Speed 的激鬥賽車風氣影响今次玩下1:24 Lamborghini 玩具！熱烈歡迎Lamborghini 暗黑力量

Wmb車長於終點前把車輛靜止，直至倒數緊要關頭才踩下油門衝過終點，以信念取勝~

今次影相既呢兩部1:24 Lambor 加埋唔洗一部1:76 巴模既票價, 絕對抵玩, 適合平玩1:24 車模既我! 坦白講對Lambor 本身無乜認識，只係認得架車個流線型，其餘主要印象係來自電腦遊戲 : Need For Speed：Hot Pursuit 極品飛車：超熱力追輯/NFS14, 睇番NFS14 已經係2010年推出的電腦遊戲，其畫面是當時最強的一個NFS版本，玩家在一個叫海峰郡的地區進行競速，競速賽事有60個，另外可以轉用警察身份進行46項阻止競速的賽事，有些賽事需要用武器去阻止其他車進行攻勢或減少警車帶來的諸多威脅。遊戲中加入好友後，會看見對方的賽事成績，而每個賽事刷新最快紀錄都會增加分數，提升通輯級別或警員進升級別，等級越高可得到更強武器。不過玩NFS14的初時仍然覺得NFS9 全民公敵的內容編排比較吸引，NFS9 可以贏獎金將自己部車升級，姐係可以有自己掛牌車，用同一部車提升性能參與更高難度的賽事；NFS14 如果選擇更強的車應戰則要換車！正因為加入好友後雙方都會看見對方每個賽事的成績，因而出現互相鬥快的情況，係NFS14 入面本人創出的賽事最快紀錄時常被對手使用Lamborghini 以極少秒數打破, 本人屢創紀錄又屢次被超越，有些賽事紀錄被超越後進行了超過一百次嘗試終於以信念取勝，但僅只能超前0.01-0.1秒的範圍，換句話講其實競賽期間只要有輕微碰撞已經lose... 情況十分似光影的關系，影子(對方的最快紀錄)永遠緊貼本人，甚至有些時候影子黑暗範圍還比本體大(對方的最快紀錄超越自己)，因此本人認為對方是一名黑暗人士，使用黑暗能力取勝, 係黑暗力量發揮之下其能力會變得無窮無盡, 就算本人今次出盡全力取得勝利, 但好快對方又會再有新紀錄, 睇過Ultraman Nexus 既人應該會明白係黑暗空間入面對戰力量懸殊的情況~! 所以Ultraman Nexus 真係一套神作，無時無刻都覺得好現實！

生產世界賽車是豪無意義的，因為人們只會記住賽車手，但若能生產出世界汽車，人們永遠會把它銘記於心！用呢個原理如果咁講，買巴士模型是無意義的，因為產品好與否人們只會記住生產商，但若能擁有一台1:1，人們永遠會把這台1:1銘記於心！因為呢個信念Wmb 決定再花成本更新車隊 / 執靚車隊佢！

據說，林寶堅尼雷文頓(Lamborghini Reventón)是限量發售的超級跑車，以林寶堅尼Murciélago為基礎，數量只有35輛(包括15輛開篷版)。車價超過一千萬港元。買家主要是歐美地區，但當時歐美地區因為金融海嘯影響，有幾名車主決定拋售，並落入香港及中國等亞洲買家手上。於2007年法蘭克福車展登場的林寶堅尼雷文頓，搭載一具排氣量6496立方厘米的V12引擎，擁有650匹馬力/8000rpm及最大扭力67.3kgm/6500rpm，中置引擎、四輛驅動、六前速，搭配以碳纖維及高強度鋼板打造的車身，從0至100公里的加速需時僅3.4秒，極速高達328-340km/h。其最大特點在於以隱形戰鬥機為啟發，擁有強烈侵略感的外觀。

雷文頓金屬灰，質感唔錯，非常酷！透過擁有暗黑色的林寶堅尼車模，憑信念可再超越敵手的最快紀錄，同姬矢先生一樣，以信念對抗黑暗！

車門雖然可打開，不過車門條隙感覺太粗。另外因為玩具設計的問題，車座螺絲個位做得太明顯，好影響外觀！不過咁上下價錢既設計係咁，通病...

從黑暗李生手上借來一部1:24 黑暗LP650-4

LP650-4

呢兩架係唔同玩具公司的出品，做出黎個size 竟然唔同，一大一細，相差左大約1cm，唔知真車係真係有分別定一話玩具廠做得求其所致... 睇番網上資料，雷文頓長4.70米、闊2.08米、高1.13米，重1690公斤；LP650-4 長4.61米，玩具反而係LP650-4 做得長過雷文頓1cm...(有錯請指)

雖然呢兩部Lambor 係玩具，同1:24 應有既幼細度雖有一段距離，但如果用玩具角度睇又其實超越晒玩具的水準，更重要既係同我架中巴倫敦珍寶巴士同是1:24 scale, 可玩性高, 事實上車模可以好平, 真係唔覺得一部1:24 車模值過千蚊, 但手頭上呢部倫敦寶竟然比1:24 Lambor 貴幾十倍... 我都係鐘意玩平車, 貴車唔買咁多!

其實大陸做既呢D玩具質素好難預計，雖然話有原廠授權出車，但無人會咁好氣買齊比美高、士必達、威利、美馳圖之類去比較，見過有D qc 好差，甩皮甩骨都夠膽擺出黎賣，但有D 又ok既，分分鐘好過carz、Toy1 既qc... 所以... 平玩都係要博，咁不如同一架車要貴少少果間，好過賣得平但甩油甩鏡啦... 太貴既又唔值因為既然可以有平貨點解要俾貴D先，所以作為平玩，不過不失已經收貨...

Wmb 車長把兩部林寶駛到郊外，展示其造型~

Lamborghini Murcielago LP650-4

比美高的1:24 雷文頓應該做短左, 雷文頓長4.7米, 1:24 scale應長19.6cm, 但實物只有18.9cm, 故打算入多隻另一間廠做既1:24 雷文頓, 希望像真度更好! 雷文頓全球只有35架, 當中15輛為開篷版, Wmb 有望買夠20部1:24 雷文頓, 遂一自家改車牌, 正!! list 已經諗緊:

1)REVENTON

2)BHT X Wmb

3)WMB

4)BHT

5)EH4005

6)EJ4474

7)FB8663

8)FB8886

9)黑暗李X東

10-20) 尙未決定

據說擁有一部全新的雷文頓超級跑車機會率是數以億計份之一, 但買一部雷文頓車模就容易得多, 想駕駛既話亦無須發夢, 係NFS 選用雷文頓競速, 瘋琴腿時兒輕力踩油時兒大力踩油, 用自動波於高轉換檔前放開油門讓轉數回落再踩油重上高轉, 換檔前再放開油門, 徘徊高轉期間不覺意換了檔, 乾脆一氣呵成踩到極速, 聽下引擎聲過下隱也是一件快事~! 情況好似在OMSI 玩雙層MAN SD77/SD80一樣, 迫真的車輛turning 同引擎聲讓人置身其中, 現實中玩埋坦克一樣是一件快事~!