最低工資將於1/5 由每小時30蚊調整至32.5，近日一項電話調查來電收集在職人士的睇法，曾經任職最低工資所覆蓋的工種，對最低工資的感受特別深刻！本人坦言最低工資的調整遠不及按年通脹的上升水平。
2011年，最低工資實施定在$28，到2013年調整至$30，到2015再調整至$32.5，可見是2年才調整一次，不過按年上升的通脹每年都上升約5-8%、港鐵年年都有價加，假設最低工資跟得上通脹水平，理應每年起碼加上5%：2011 $28、2012 $29.4、2013 $30.9、2014 $32.4、2015 $34... 今年應該要有$34，而不是遠遠落後的$32.5！所以在職人士常說物價樣樣加，人工又唔見加，呢個確實係事實黎，所以本人對於最低工資的調整完全跟不上通脹是感到不滿意的。
如果顧主真係認為最低工資的上調對經營成本構成這麼巨大的打擊，這只能夠反映社會上有唔少員工仍然收緊最低工資... 假設每人的收入都早已高過最低工資，那麼調整最低工資也不會造成影響了吧！其實唔好話港鐵年年有價加，唔少食肆好似 老M、KFC、大9穫都成日加價啦，最近KFC 原來又加左價，20.5 餐變21、大9穫個30蚊都變左32，所以最低工資2年先調整少少，其實係唔夠的...
最近打番羽毛球，容許有時驕傲少少其實自己的實力唔差！不過而家卜場一小時收費高達$59... 實在認為收費太高！數年前聲稱好多人卜完場唔出席，浪費場地才藉口加價，無非希望有心打波的人唔好浪費場地，但政府口口聲聲話鼓勵市民多運動，收費咁貴又合唔合理先... 巴士廣告都有講日日運動身體好 男女老幼做得到啦！我認為應該下調收費每小時$50... 唔係講笑真係一個鐘人工都無咁多呀！
最近呢一個月巴模推出緊湊，4月底推出的1:24 巴士模型售價亦由$1xxx 升到$2xxx，而且數量比想象中少！明明N 年前去80T 睇1:24 巴模，係隨時等你有錢先買都唔遲的；但而家買巴模好似已經變左唔夠快手，分分鐘有錢都買唔倒，這個真係不良現象。上一次bc 出1:24 係幾時?? 售價好似係$1680；今次竟然加到$2580！當預計售價會過二千後，我朋友都嚇左一跳！要提一提的係今次1:24 模型的零售價加價，會影響到票價自動加減機制，Wmb "需要"按相同上升幅度調整票價！！！雖然多年出的1:24 目前都已經升左值，但肯定出果陣係唔過二千，印象中係$1680，咁計的話今次姐係加成千蚊(高達53.5%)！這幅度在票價自動加減機制下由於加幅太高，Wmb 考慮乘客負擔能力後以$1980 作計算，今次售$2580，加幅為30.3%！
也是在這幾天，新一款 312 亞比安的售價亦由418 加至428，根據票價自動加減機制，Wmb 也"需要"按相同上升幅度調整票價！！！各位請留意！
今次身痕影106 巴士模型，雖然106 平時好少會坐倒，不過坐過的幾次都係因為呢條線番沙田比682 便宜而選乘，當然坐106轉82X，全程起碼2個鐘先番倒屋企... 咁要視乎閣下肯唔肯用票價換時間了。
記得第一次坐682 係圓窗VA，上斜好慢。而事實上香港好多交通路線都有個共通點，就係快的就越貴，想平的就一定要花好多時間坐車等車！淨係等熱狗班次已經係活生生例子。
記得第一次坐682 係圓窗VA，上斜好慢。而事實上香港好多交通路線都有個共通點，就係快的就越貴，想平的就一定要花好多時間坐車等車！淨係等熱狗班次已經係活生生例子。
106 目前來往黃大仙至小西灣，不過路線開辦初時是竹園至柴灣，106 路線發展方面，我呢個唔係坐開106的人又邊熟得過書本上的記載呢，所以唔講咁多廢話了，都係關注票價方面...(以下是路線106 開辦至今歷次加價紀錄，可見當中加幅非常高！)
1975年11月23日，106 開辦，由中巴及九巴合辦，全程$1.0，兩個方向在過海後設半價分段收費。
1975年11月23日，106 開辦，由中巴及九巴合辦，全程$1.0，兩個方向在過海後設半價分段收費。
1980年2月3日，全程加價至$1.5，分段收費加價至$1，加幅為50%及100%。
1981年4月12日，全程加價至$2。
1984年1月1日，全程加價至$2.5。
1986年4月1日，分段收費由$1 加至$1.2。
1987年2月1日，全程加價至$2.8。
1989年1月29日，全程加價至$3，分段加至$1.5。
1990年3月18日，全程加價至$3.5，分段加至$1.8。
1991年3月31日，全程加價至$4.5，分段加至$2.3。
1992年6月22日，九巴增設空調巴士班次，空調票價全程收$6.5(非空調$4.5)，分段分別為$6.2及$3.5(非空調$2.3)。(空調巴士收費是非空調的收費 X 1.44)
1993年4月5日，非空調全程加價至$5.3、空調全程加至$7，空調分段分別為$6.5及$4 (非空調$2.7)。
1994年4月1日，非空調全程加價至$6.2、空調全程加至$8，空調分段分別為$7.5及$4.5 (非空調$3.1)。
1996年3月3日，非空調加至$6.8、空調加至$8.8，空調分段分別為$8.3及$5 (非空調$3.4)。
1996年12月，九巴班次全面以空調巴士行走，空調全程$8.8。
1997年12月1日，非空調加至$7.3、空調加至$9.4，空調分段分別為$8.9及$5.4 (非空調$3.7)。
1998年9月1日，由新巴接辦中巴班次，陸續改以冷氣巴士行走。
2000年??月??日，新巴班次全面以冷氣巴士行走！空調全程$9.4。
2008年6月8日，五巴聯合加價，全程加價至$9.8，分段分別為$9.3及$5.7。
據觀察由九巴增加冷氣班次至全冷為止，加冷初期空調票價相當昂貴，往後的加價多是上調非空調票價加幅追貼兩者差距，卻沒有調低空調巴士收費...！呢D唔聲唔聲加多一兩毫的手法實在可恥！又唔見減價減多一兩毫？梗係唔見啦，因為都無減過價！
過往影過的車入面，會發覺好少有中巴、新巴城巴的出現，無錯Wmb 正缺乏這三家公司的車輛！
過往影過的車入面，會發覺好少有中巴、新巴城巴的出現，無錯Wmb 正缺乏這三家公司的車輛！
首先出場係bc (VA)中巴富豪奧林匹克11米(2009年推出)。客觀少少講句，中巴的車身色彩配搭真係無得彈，雖然自己係接觸九巴較多，但卻認為中巴的巴士顏色比較靚，熱狗時期已經係咁覺得。以呢隻白豪為例，白底色加上中巴的代表藍色，完全能夠反映出外貌白雪雪，將成個環保(歐盟二型)、舒適新鮮感覺帶了出來。bc 呢個模我自己覺得滿意，但美中不足係模型車身的字體係錯的...！
um... 我只能夠用藍天白雲去回應呢隻白底藍線的塗裝~！
Wmb 車廠大樓天台離地高達1368尺，因此經常被雲層遮蓋^^ 正與中巴的藍白色塗裝有所共鳴。值得一提的是Wmb 的車長時常參與OMSI 的雪地競賽，因此遇到大霧路滑的場地，都能自如駕駛！
奇怪，下層的窗裝到斜晒...，不過好多架都係咁，同一隻模又唔見九巴果D 係咁先奇怪！
跟住出場的係(AL)利蘭奧林比安十一米空調巴士(2010年推出)。80T 起模個人一直有少少擔心，加上當年出呢款車果陣老早收晒人訂又遲遲唔出，好難叫人放心佢會出成點...
最後這架AL 都係由bc 協助起模~
最後這架AL 都係由bc 協助起模~
車台群腳離地高度方面，比Buzes的奧林比安玩具準確！唯有些角度睇，AL個車咀都係縮左入去，做唔倒真車車咀、泵把較突出的感覺(正面睇當然無問題)！
講到尾，當年起呢D新模效果比而家仲未收得皮的 buzes S3BL 模確實好好多！今時今日仲用玩具模出利蘭呢D 大路車型，我真係接受唔倒... 就算每次出每次都劣評，始終生產商仍然仲係要浪費地球石油、塑膠去出車... 對於喜歡利蘭的我黎講，對唔住都係忍唔住要鬧！(唔講粗口已經俾足面)
Ultraman Talo 超人太郎及Ultraman Mebius 超人梅比斯對於呢兩個模表示滿意，並因爭搭巴士有意見分歧，幾乎大打出手！
冷蘭個泵把同312 一樣出現水平線底，做唔倒真車左右一小格底線斜位... 同埋車咀上面的九條線好易甩色囉，搞到我要用黑筆補番，但筆頭又太粗，搞到出晒界！
再出場的係bc (LV)中巴利蘭勝利二型(2003年推出/2014年再推出)，好記得03年出果陣賣$268(九巴當時$288)，以當年的出品來說呢個模個人覺得滿意，今日回顧番會覺得268再x0.9 呢個價好抵玩，之不過當年要拎三位數去買車其實已經係要經過認真考慮才可實行的了！
如果睇番今時今日Buzes出奧林比安的貨色，再睇番十幾年前bc 呢個勝利二型模，會覺得呢部勝利二型無唔買的理由！而且內籠的座位組件甚至是比現時的出品更有誠意添，唯一考慮的係好多人都講中巴模型手工比較差，包括打風、座位東歪西倒，個人所見(與九巴祖比倫相比)手工又真係比較差...
LV166-72 奉Wmb 召喚到場，換上106 服務市民！
106 係當年LV149 隨盒附送的，不過原來size 同個模的坑位唔fit，側牌放唔倒上去，車頭車尾還是免強才裝得上... 上一次post 都普勝利二型也提過落車門唔知做咩斜左(架架都係)，反而LV149無問題... 有時真係覺得某些位置新出的比舊的更退步。
富豪奧林匹克的車頭窗比較廣闊，車長視角阻檔比較少，不過以前坐富豪車就覺得好慢...
利蘭奧林比安與利蘭勝利二型，中巴真車就未影過，唯有在模型世界重現... 其實冷氣利蘭上斜力水都係欠佳，不過灰色車箱加上銀色扶手及車上的冷氣味又俾人一種懷舊感覺，同埋去到高轉放油自己轉為淨音的感覺唔係款款車都感受得到。
加送九巴、中巴、Wmb 106大合照環節(三款bc 出品的106巴士模型)
如果而家有得選擇坐邊架車，一定選坐熱狗！出過106 模型的唔只呢3架，還有ME8933、LX、BR(附送路線)，今次唔記得拎BR影埋，有時間的話再影...
最近一則有趣新聞指一對情侶爭執大打出手，女士被打至不醒人士，一名北區居民質疑新聞內容的可信性，原因不是因為當時人護航，而是他質疑該對情侶的年紀相差十幾年，說新聞寫他們是情侶是不正確的。但世事往往一山還有一山高，年紀比該對情侶差距更更更大的結為夫婦都有唔少！性學專家指年紀相差大，爭執機會大是正常的，這些男女之中，如有女比男年紀大的現象乃源於男性的戀母傾向，指出有些男性心目中會比較容易接受年紀大的女性，指因為他們內心"認為"年紀大的女性性交經驗豐富，能夠帶來性生活的滿足，另外對於照顧男人的方法、經驗方面有安全感，間接造成這個現象。女性方面則是性慾強，希望征服年紀比自己小的男性或是在性交過程中擔演領導角色從而得到滿足感... 咁如果專家講的係真，能唔能夠又解釋下點解多數人鐘意妹妹仔???
近呢2個星期，做野好忙，星期一想星期5快D到，而星期5已經想星期6的來臨...！呢個係打工仔的劣根性，也是節奏急速的香港環境做成的現象... 只能歎氣一聲！
