月全蝕 & Hysan Place 走馬看花記(II)

長文 / 多圖~

2015年4月4日，密雲，大部份時間不見明月，月出時間6時33分。為2014-2015年度的連環四月蝕之中的第三次！(本港可見最後一次)

當日HC9959 行82X，正值HC 牌退役的月份，所以好珍惜搭倒HC 牌的時光，車頭果塊舊有的收費顯示器都爆左！雖然82X 用左富豪奧林比安十二米(3AV)咁多年，但自己影過的相都無幾張... 未來幾個月會是HD-HJ 牌3AV全面退役之時，富豪奧林比安十二米將會告別我們了，又一款巴士係香港絕種！令人覺悟的始終是保留舊巴士的重要性！

7:54-8:06，月全蝕時間，月亮完全落入地球的本影區之內。呢個時候，與幾個羽毛球高手論劍完畢，又見HC9959 - 82X，白痴的小弟反而搭左後面果架ATE - 85M，以為有轉乘優惠，點知乜優惠都無局俾全程票價...！

一下車已看見月亮的方位，當時本影區呈暗紅色，但都未拎相機就被雲遮蓋，還蓋得很久，到再見倒的時候，月亮其中一邊已明顯光亮起來(下圖)... 雖然雲層有空隙，但月亮還是多隱少現，幸好這時肉眼看見本影區位置仍然明顯是橙紅色！

不過由於月亮光明範圍仍是很少，所以可惜在無腳架的情況下要唔手震唯有保持快門速度，影出來月球上的地球本影子部分是全黑而沒有肉眼所見的暗紅色...

據觀察隨著地球本影區移離月亮，本影區先前的暗紅色亦很快變為黑色... 所以血色月亮真係要把握在全蝕前後的短時間才可所賞... 可惜雲層太多根本無法欣賞最精彩部分... 影區顏色轉變有人指是因地球本影區只有紅光能射到月球而呈現血色月亮，當月亮離開本影區，其他光線能充份到達月球所以血月在全食一刻後會很快消失！不過又會否因為月亮光明範圍增加，適應了月亮光明部份的亮度而相對本影區看起來更暗，最後使暗紅色看上去變成黑色... 這個應是當習慣月的亮，再也看不見渺小星光的原理。

不同快門下的本影區在月亮上的情況，根據地球本影區在月球上的曲線，大約可想象到地球相對月亮的大小！

為了看見月亮的一部分被地球影子遮掩，唯有再次倚著欄杆配合自殺式人肉防震，幸好不是大風！在數碼相機上的1440mm、1000mm、720mm，使用1/13-1/15 快門才可看見整個圓形的月亮，由於本影區位置太暗，相對已離開本影區的另一邊，必定是爆光...

相同道理，由於已移離本影區的月亮表面相對太光，影區位置必定是全黑，不過眼睛所見本影區還是隱約生光而不是全黑的！

接近9:45，本影區差不多移離月亮，雲層增多，幾乎再看不見月亮...

我們看見的本影區是地球的實際影區，而月亮上本影區外圍雖然被太陽照亮，但屬於是地球的半影區範圍(即在月亮上接受的太陽光只有一少部分被地球遮掩)，基本上由於太陽光線實在太強，半影區看起上來跟平時所見的月亮好像分別不大~！

月食過程：香港時間：
半影食始 17:00
初虧          18:15
月出            18:33
食既            19:54
食甚            20:00
生光            20:06
復圓            21:45
半影食終 23:01

雖然看不到月亮步入地球影區的過程(月蝕前半部份)，不過照計由"生光"到"復圓"呢個過程倒播，就應該等於前半段過程，不同的應是影子方位及月球表面的陰暗位。月蝕復圓的一刻是月球最圓的一刻，但雲量太多無法看見！

相對2014年10月8日的月蝕，當日月亮比這次的更大，不過一樣係多雲... 小弟看到的已是近復圓時刻！

下一次，是連環四月全蝕最後一次，在9月28日發生。上網睇過資料原來9月28日的月蝕香港看不見，所以真係要等多18年！(相當於一輛專利空調巴士在香港投入服務至退役的時間)





Hysan Place 走馬看花記(II)

見完Ultraman Ginga 真人之後，直情忍唔住要睇埋套新列傳！今次有仲超人勝利出場！

新列傳全11集+SPX3

新列傳S全16集+劇場版(日本上映中)

用火花同人偶做實體化變身工具，係過往未試過的，新列傳劇集中有大量BANDAI 玩具出場...


Hysan Place 4/F 磁石場(必到熱點之一)
講到磁石場就激氣，去問又話一早無晒，臨尾又突然話有，加上係後尾完晒收晒皮先無意中睇倒消息更新才知...... 呢個安排真係非常差！3000張喎，3000部巴模都無可能幾日內售馨啦... 可能當時真係換晒啦，後尾加推又唔定，但安排失當都係事實，話仍然好滿意、無失望就假的！

高處望Zero (跳樓視角)

呢個時候，Ultraman Tiga 感受到一股邪惡氣息，原來是Evil Tiga 到了銅鑼灣！

除左Evil Tiga 邪惡迪加之外，Ultraman Zero 亦引起Ultraman Belial 的注意，並前來倒亂！

轉貼"超決戰！Belial 銀河帝國"片段：

唔講咁多，睇過"大怪獸！超銀河傳說" The Movie 的自然會懂的~

利舞臺(必到熱點之一)

Ultraman Zero

Ultraman Belial

呢隻唔知咩名

Belial vs Zero

Ultraman Ginga

呢隻野... 唔知咩名，係大怪獸！超銀河傳說中也有出現！轉貼以下片段(08:28開始)

中期加入展覽的Ultraman Jack

巴魯坦星人

Ultraman Jack / Tiga / Seven

雖然地方細細，但比起尖沙咀，相對人少，影相相對方便，其實出過的超人都有幾十個，好想佢每個都整番隻類似的公仔show 晒出來展覽，場面一定超級壯觀！現場的人士都相當有公德心，有個小朋友踩左上公仔上面，個大人即刻叫佢落番黎，比起前年果堆黃色鴨仔相信這邊參觀人士較有人性。

雖然無同每一隻公仔合照，但同全部合照一定不少得的~

最後，去埋附近Sogo 的旭屋買光之巨人書籍，原來唔聲唔聲又加左價，真係可惡！之前X1.13，而家X1.15... 明明日圓平左應該要減價啦... 變左接近用一倍價錢先買倒... 

Ultraman Mebius 及Ultraman Ginga 新列傳S

劇場版

個人非常期待會有更多光之巨人的展覽係香港舉行，或者圓谷多D來港宣傳... 可惜的係如今已獨大的某電視台又唔播超人... 令很多小朋友對這個卡通人物越來越陌生！係展覽現場會見倒唔少上年紀的人去睇，原因正正係好似展覽緊一個他們小時候的回憶，但實際上日本係keep 住有光之巨人製作，不過講番轉頭，對上一套有幾十集的超人片又的確已經係2006年的超人梅比斯。梅比斯之後已經無咁多集數的超人片。每個人心目中都有一個英雄存在，未來光之巨人的製作相信是更棒！