福岡從這次旅程中的第4晚起開始落雨，第5-6天都是濕雨天氣，不利櫻花的開放，加速花瓣下掉，又剛好這樣，有些道路出現遍地花瓣的畫面~
因為身體不適，這天9點才起床，算係過往去日本最遲起身的一次了！
因為外面都是落大雨，所以遲出門口都是無可避免，早上食個杯麵才出發，相反同行人士精力旺盛，晨早就外出食好野做早餐...
今次前往遠離市中心少少的櫻花景點：海之中道海濱公園。福岡的鐵路圖比東京易睇得多，從博多站搭乘紅線轉藍線，到尾就是了！
車費560Yen，約為HKD$29
香椎轉藍線，RJ的
另一列廣告車
到達海之中道站下車，此時開始落雨，幸好是未需要開傘的程度
行人過路處
這邊方向是通往水族館，雖然不是要前往的景點，但前面道路總算是櫻花林立，所以都要粗略影一影
下雨天氣是櫻花的大敵，沿路都是櫻花花瓣，不過因為地面濕，花瓣沒有馬上被吹走，形成遍地花瓣的難得場面
再經過行人過路處，進入海之中道海濱公園
雨勢持續慢慢增加，終於要開傘，正擔心今日的賞櫻會否受影響...
現場所見所有人係去水族館方向，無人進入公園方向，職員見落著雨有遊客急急腳走過來，都好有禮貌問我們從那裡來，知道是香港後，他們都表示Welcome。同行人士稱無現金，為免失禮，最後都請埋佢入場... 都是區區450Yen一位，23蚊... 剛才一程RJ 都560Yen了... (內心都要遙幾下頭)
(遙頭是必然的，當你知道有D人有錢食貴野無錢買入場票，遙頭是必然的)
但無損本人賞櫻心情，不久雨勢減弱，看到路旁的櫻花仍然醒神地開放著
這條路不單止上面像櫻花隧道，地面也留有大量花瓣，九成是因為落完雨加速一批櫻花掉落，同時地面濕潤花瓣未有被風即時吹走所致，懂欣賞呢個狀態的話，其實都挺特別的！
回頭望路途
賞花位置示意圖，見到整個區域都幾大的
海之中道海濱公園除了櫻花之外，還有各種花朵，也是四月份另一種盛開的粉蝶花景點
水上樂園，這天沒有開放
兒童遊樂場
日本很多公園內都有這些大大小小的兒童遊樂場，佔地廣闊，香港一定不會找到，但每次經過感覺上無人玩的，未知當地的星期六日熱鬧程度如何？
這裡栽種了各種各樣花朵，喜歡賞花的應該要來，我自己就一般，除非是季節限定那些才比較有動力去影
園內都可以看到飛機升降，但距離比福岡城那邊遠得多，因為飛機要先飛過海之中道海濱公園上空，再經過博多海才慢慢下降到達福岡城上空，當時仍處於較高位置
遠處藍色的就是粉碟花海，幸好還有櫻花在背景，場面吸引！
日本的公園真夠大，香港就真的不可能這樣空曠了，這裡直情可以搞巴士大集會
海之中道海濱公園是整個半島，而且還可以行去志賀島，相當大！
進入粉碟花海
十幾張相入面勉強有一張比較四正，有些連個門框都影到出晒界，已經係望住電話個mon啦喎，又唔係叫你單望相機番打，都係咁的水平，真係令我哭笑不得！
粉藍和粉藍的相映成趣
雖然當日的天氣令人睡意濃，精神狀態未係最好，但身上的衣著卻恰好配合當時賞花環境，現在整理照片也非常回味！
飛鳥的視角更高班
雖然知是人工種植，但都確實無挑剔空間，但都永遠影唔到網上其他人的效果...
斜坡上俯視花海
這天因為落雨，氣溫低，幾乎全日要著縷，粉紅色衫是刻意為配襯櫻花而穿著，藍色的外衣恰好完美配合粉碟花海和櫻花的絕景！睇得出呢名遊客在有限條件下融合當地風景方面的心思非常高班！
遠處的櫻花海也非常吸引！
有些角度還有不錯的櫻花狀態，不過綠葉也明顯長出
樹上目測有一半花瓣已落下，落雨天又加速這狀況，都是那句，尾陞了...
走進櫻花樹林，近看其實開始見到枯枝多過花瓣，都是那句，尾陞了...
這邊的花真的精彩！又藍又紅，遠處又有櫻花，難得一見！
遊客紛紛與花海合照
另一個遊樂場
回去出口時，被遠處的一些不起眼但不同顏色的櫻花吸引過來，眼角看到同行人士一臉疑惑，他們不相信這方向有路可以回到出口，但憑本人多年行路/看方位經驗，唔對路可以沿路折返，根本沒什麼大不了...
菜の花と桜並木
除了粉碟花，園內的油菜花也是另一景點，就是因為刻意行另一方向才發現這個唔起眼的油菜花田，可惜落起雨，響起回程的信號...
沿這條路前往，同行人士仍有些疑惑，仲問呢條路係去... ??
大哥呀，始終這些是人工建造的明路一定可以通到去出口，基本不會迷路的
幸好這條路兩旁都有不錯狀態的櫻花，後來翻查地圖原來這邊也是櫻花集中地之一，有時看到路就行，都沒有什麼損失的，勉強還可以欣賞到遍地花瓣+櫻花林立的畫面^^ 作為園內最後的櫻花景點，如果當時為了快找出口無行過來看就真是損失了！可惜是因為天色急速變暗，感覺大雨將至，這段路沒有花太多時間影了...
聽到了嘲笑心裡沒困倦，就算風雨對著我也繼續步向前，這就是我今次看櫻花的歷程
行到西出口，落傾盤大雨，好彩的是，影完櫻花和粉碟花之後才落大雨，最精華部份算是完成了，當然如果天氣好，會花多少少時間行埋其他區域。另外因為前往RJ 西戶崎站都有一段頗長露天路段，為了避免全身濕，避雨都避了20分鐘...
這邊出口比較少人前往，和東京的熱門景點有180度對比，這邊空無一車，地方又大，感謝有奇怪的
4744...
西戶崎
香椎線
落雨莫非是響起歸家的信號？本來時間足夠可以去埋堤、櫻並木，但天氣太差，堤、櫻並木被迫延遲前往，不然去到開著傘好難影的...
加送賞花片段：
B站影片：
回到酒店仍然下雨，唯有放下相機，改為前往室內地區，飲埋酒店送的免費飲品再出發
對於另外兩個櫻花景點要延後，表示無奈！
來福岡第一天在Lalaport 配了副特價眼鏡，博多站再乘搭三菱巴士前往取貨
雨天坐三菱巴士直接到Lalaport總站
呢個時候，Chloe姐在香港都中了流感~ 証明呢排多人病，天氣反覆，不能鬆懈
同行人士囂張話自己仲後生，一臉冷笑，不過想話，中不中流感唔關你後唔後生事，太囂張好快到你^^
同行人士share 了手上熱辣辣的薯條，正！
(有野食就算你啦，先前入場費就當無數...)
牛肉飯，正！
好像去日本呢幾次，當中都未有一日係lunch time 正式坐低堂食的，這次基於狀態欠佳，睡意很重，直接在Lalaport 頂層food count(美食廣場)食一餐正餐~
店員好好笑，拎住部機翻譯，對住同行人士，佢太多問題，問完一話要加錢就想當無問過咁，問得多然後見到店員臉上有d強顏歡笑，笑死！配眼鏡當日就一男一女，取貨呢日就得個女的，佢都認我地，應該心諗，嘩又係呢佢地呀，又係洗多少少錢都唔肯的窮客戶，咁準時黎呀？
我呢副就真係最平的，特價款
搭返巴士去博多，這程車全部是廣東話的... 你會懷疑這是香港巴士嗎？Lalaport 好多香港人去？？
花了一些時間行玩具店，幾乎無超人的玩具，就算有，都是蟹貨，甚至是蟹貨都有少少炒價，真係唔會買啦... 原來上次隻梅比斯已經係可遇不可求... 痴L線的！作為超人的發源地，這樣少的貨品款式，奇怪奇怪...
書店有賣九龍城寨之圍城的書，本來都想買番本，不過港產片類我都係興趣唔大，當時入場睇都係俾面架ES龍...
原來博多站商店買野不會立刻退稅，收全價，要遊客自己去到樓下的Counter 辦理退稅，在櫃位退現金，但排隊都排十幾分鐘而且服務時間到8點，非常唔方便！萬一買野買夜了，隨時無得退稅...
而且，發現退稅都不是100%退給遊客，而是當中又有手續費要收的，而且高達15%手續費實有點兒...(10%都還可以接受)！呢個政策真的搵笨柒！近期經常聽大家講話日本想加遊客稅(機票、住宿)、退稅將來要係機場做、京都大阪巴士遊客收費加一倍價等等，都開始覺得日本想諗盡方法賺遊客錢，免稅得黎收番你手續費，變相唔洗退全額(實退得85%)，可能日本政府覺得日圓匯率低吸引好多遊客，遊客太多影響當地正常運作，加番少少其他稅項可以嚇走一部份遊日人士，但將來如果日圓反彈，上番去100/0.07的話，大家就會覺得d 野貴了好多，話唔定流失大量遊客！
又係老套講句，疫情時無遊客經濟唔掂要生要死，復常有遊客又話影響呢樣個樣... 除非揀遊客，遊客每樣野都收貴d，就可以嚇走/減少一批窮遊人士！但唔保証不會影響當地居民的生活/出行，因為人數可能係少一些，但有錢人士好多一樣都係無品、行為差劣，甚至覺得自己係豪遊俾得起錢高人一等，唔需要同你愛護環境，俾得起稅，環境保護的事都係有關部門負責，遊客無責任的，所以向遊客加價都唔係最好方法。不如規定每個遊客行程完畢之後都要係指定的官方網頁寫番對當地的好評，唔寫好評的下次唔洗再入境，而呢樣野最好係面向國際，咁咪仲好！
其實自己都算係咁，一張紙巾、糖紙一直收係衫袋返回酒店才掉，希望日本政府珍惜一一批窮遊得來有質素的遊客，將來如果日圓反彈，上番去100/0.07 甚至以上的話，你唔洗出手分分鐘呢班人都會自然流失的。遊客是應該有最佳待遇、最優惠禮遇呢種講法，睇怕會消失... 將來是遊客是應該收最貴、任何活動都是當地本地人優先...
雨中欣賞福岡新幹線
夜晚溫度明顯下降，加上濕雨，非常容易加重不適徵狀，還是回酒店放下物品順便休息一會... 今次日本之旅戰力好低，氣溫低太舒服成日想zzz...
宵夜時段，博多地下食街行個圈，同行人士飲酒，我就只食些小食。等了很久，食物終於到來，但發覺好鹹，炸雞同雞串真係鹹到只能免強入口，懷疑係咪唔想做非本地人生意所以玩野出餐慢+重口味趕客？同行人士都唔肯食，去到呢步勉強塞入口之後都係想埋單走人，不過店員先行一步表示收鋪了，率先要求我們付款。呢間的野挺差的，D野鹹到死，第一次係日本會覺得食杯麵比外面的野好食...
Day6 早上都係落雨，中午時份雨勢減弱，終於把握時間去埋堤、櫻並木，照片下次分享~
