BHTXWmb: 5月 2014

2014年5月29日星期四

5月少入

呢排夜晚花左唔少時間去試果個爛鬼GG2，都玩唔倒的！人生又浪費了時間俾呢個有問題的city... 留番D時間玩下改圖換面好過！

本月少入~

無錯！今個月失控左少少，入多左車... 主要以優惠價去追番舊車為主！都係不停諗起2年前的5月，自己親身乘坐最後熱狗班次的難忘場面。歷史不說謊，以為自己可以唔買258、1614、6324、4829，但二週年的來臨，那團入手的衝勁原來比之前更激烈，然而D車越黎越難買得番，有都貴左唔少，所以四出尋寶左好耐終於入左。

星期二，出埋PS9280 初代雙層巴士塗裝，有D後悔上年9月出1A果陣無即刻買，明明273 的產品而家要298... 買同一部車QC還要受氣，真係唔抵！不過好彩的就係，星期二早上被派去下葵涌，12點幾外出 lunch 有時間去80T 入PS9280！點知又係淘大80T 個收銀囉，一入到去見倒即刻無晒心機啦大佬... D 服務員可唔可以有D笑容呀... PS9280 的入手，齊晒8部！為本人的九巴80週年復古模型系列燙下句點^^ 好事黎的，唔洗再掛住差邊架車、幾時出又唔知、又驚佢會玩野搵平日出，番工買唔倒之類。

GL258 個盒真係好唔掂，搵張解像度低到起晒格的相黎印，D人仲要整濛左，有D求9其的感覺！省成本都不應這樣... 認真搵張好D的相啦大佬，無相咪出聲我俾張你唔收你版權費 lo...

熱狗退役二年，Wmb 為車隊其中二輛熱狗巴士分別髹上2012年5月8日當日在街上接載市民見証最後熱狗時光的HONG KONG ASIA'S WORLD CITY及St John 廣告塗裝以向熱狗致敬。

時間又過得好快，3月尾果陣諗住個project 完，點知D 手尾原來唔少，斷斷續續做到而家5月尾，但上頭越黎越強硬要完工，估唔倒同我同一日入職的手足當日離職果陣我講笑咁講，做得咁辛苦，唔知有邊個會捱到去最後尾呢?? 哈，而家我就係最後一個非Admin 位留守的人... 不過而家都做埋Admin野... 唔係因為有料，反而覺得係有危機... 峰回路轉，其他人調左去第二 team 反而是出路，上星期本來有得過另一team，點9知同一日有人玩野申請左轉team，早我一日埋位頂左我個位，搞到我無得轉住... 上頭無其他 job 俾我想我放假，真係俾條友害死！仲要得戚到話一話轉team 就轉倒，心諗你死好彩姐。唉呢度遲左完，分分鐘其他team 已經有晒人手，間野又無新team 開... 真麻煩，今個星期本來已經要放假... 好彩仲有得番幾日，唔算忙，幾爽，但下個星期應該又要放...

2014年5月10日星期六

回到那天 2012年5月8日

2014年5月8日夜晚，黑色暴雨。

2012年的5月9日，那天是香港巴士蛻變史的新一頁，前一晚唔少市民在街上燃燒菲林。當天的早上/凌晨，在旺角開出的最後熱狗16 號班次陸續抵達藍田廣田村，車站擠滿歡送熱狗的市民，即使第2朝要一早起身上班上學，都堅持目送最後一部熱狗GL258 駛離車站的片刻，不知不覺就兩年了，當日的熱鬧情況仲記憶猶新！睇番九巴係2011年下半年至2012年上半年呢段期間極速將路線全冷，可以形容係快刀斬亂麻的做法，追死你班鐘意熱狗的人！但你話九巴係咪有心玩野故意安排平日日子將最後4條熱狗線全冷呀拿?

那夜凌晨，我逼上了由旺角開往藍田的非空調巴士！最後熱狗的模型未入齊，貼住一兩架先。

2012年5月8日，有出動接載市民的GA1614-5A及GA5311-16。

官方(Cars)模型同312 模型，車頭遠睇都可以話差不多，係官方車呢個所謂新模仍然有舊模的影子係度！車咀位置都係312 跟得足真車！

312 車上層的車窗做得斜過頭，而官方又做得企過頭，不過綜合似乎官方較似。

模擬GA1614 駛入尖碼5A 站位置...

官方(cars)巨龍車尾出事... 做得方過頭，車頂平過頭，下層尾窗過大及上層重肥過下層... 呢D都係改模的壞處...

312 的巨龍車尾就有真車味道了~

312及官方(cars)開龍的車尾對比。明顯cars 果架車底已經做得太低，下層尾窗過大，感覺上成個輪廓都唔像樣... 312 感覺上跟得足D，但兩者車頂都係扁左少少...

模擬九龍城盛德街因人多短鏡大頭的情況！

兩條九龍區最後熱狗線~

真係想睇下312 開龍改飛龍廣告係咪真假難分^^

巨龍車頂的斜位，到目前為止模型都係同真車有一大段距離，似乎還是312 跟得較足...

熱狗退役2週年... 特別想入番GL258 GK9063 及再見熱狗banner 的模型... 入倒先再影番輯模型相啦... 如果可以出埋GD605 有路上零意外港告就更有意義！當宣傳交通訊息lo...

還記得當日影相影片影到張卡爆晒，迫住要delete 相騰空間再影... 但好無頭緒的，因為一時間都唔知delete 邊D相好，又驚delete 錯影唔番，呢D 1516 的情節現在都成為回味的一環！睇番當晚的相，影得好差... 所以都唔post住...

非空調巴士全面退役，表面上似是九巴服務的一大退步！事實上，係車費增加迅速的年代，現在新開辦的路線價格普遍昂貴！取消實用路線，開辦貴價路線，對乘客根本無得益！巴士公司出盡方法局限轉乘優惠、諗盡理由申請加價，係未成功再加價之前更換空調巴士每位搭客多收30-40% 車資，作為巴士公司的又何樂而不為？最重要係大部分人都討厭乘搭熱狗，順理成章提早全冷重好似係一件順應民意的行動... 真無奈...！2012年5月9日後，街上可以見倒熱狗就只有訓練巴士及租賃服務巴士。不得不提是2011年，駕駛熱狗的司機中暑事件接二連三發生，之後九巴將大量熱狗暫停服務，出現網上提及的所謂熱狗禁令，到秋天後才陸續出番少量熱狗載客，當其時唔少熱狗提早除牌，期間有熱狗路線極速全冷。2011年8月，一條來往沙田火車站的路線發生類似事件，及後沙田區路線便提早於2011年秋天前全面全冷，其後就有解說指這些中暑事件是由官方幕後策劃及精心安排！想想為何偏偏係最後果程車而且都就到總站先停係條橋度？

呢2個星期有幾日港九遊，好正!! 但推個箱好重... 搞到成身大汗，跟住入商場又大冷氣，落雨忽冷忽熱... 搞到有D病病地... 雖然唔係話好忙，但D 手尾野都唔係易做的... 易做就一早有人做左啦... 所以有D過得一日得一日，希望星期六日快D到的心理...！

2014年5月3日星期六

1/76 巴士模型大集結2013 (多圖)

4月又過去了，這樣又過了一個月，由驚緊3月31日後唔知安排去邊，到留守字軌又不知不覺做多1個月^^ 回顧4月少入~

突然間，復古第2版4月30號彈出黎... 經常說入齊8架真係俾足面！有時想留番D錢追舊車，不過遲入實俾人搶晒，所以放工仆去入一架RJ2681！QC好差，部部都打風、水貼旋轉、塌天花、窗有花等樣樣齊！但以上問題均係官方車普遍存在的問題... 明明上一版可以用273入手，而家要298 QC仲下降左，真係唔抵！同場1:10站牌叫做$59特價，入左一個。

搵番N 年前果個1:10 站牌，D人話錯模，但我未見過真果個，所以無法判斷！N年前果個可惜已經發左黃... 其實一直想買多一個自己改一個全部寫晒取消左的路線上去，以諷刺九巴賺大錢仍不顧乘客利益及需要，取消實用路線，開辦貴價路線變相加價！不過有時間先搞...

是次貼文正題：私人交通模型集會2013(上)~ D相係上年影的，而家先係度post 番，所以無錯係2013

沒有良好的攝影技巧、沒有高仿真度的情景，有的可能是少少咁多的誠意！去年係本人玩左交通模型10年之際，誠意舉辦私人巴士模型大集會2013！

係咪10年真係無刻意去記，應該已經11年添！來救救海洋 LM4 係本人第4部引入的巴模，卻是本廠現存最早的巴模！原因不解釋咁多，那些或已被本人充當"源輕鐵倉"，整爛的整爛，送出的送出... 而家諗番，發覺自己好ON9，明明當年的零用錢少之又少。但因為當年太鐘意空調十一米巨龍，現貨3百幾蚊無優惠都肯入(非官方)，反而現在官方車加左價所謂優惠價298一部我都覺得好似唔值咁貴喎！

FT7111-81C、博世905、佳能6A、海洋LM4、LM9、LV149...... 而家淨係查倒LM4 係2003年9月28號出、LV149 係2004年出，其他果D 不詳。連九巴自己部81C 個post都無埋，所以當LM4 開始先係正式玩巴模^^

是次集會與官方車無關，大家唔洗失望，因為展出的都係自己好鐘意的款式黎，不過地方淺窄背景有些雜亂，請勿見怪。