十個九個都話，玩1/64 一定會玩埋景，現在明白所言甚是，結果而家就入左廿幾隻貨櫃！不過好在貨櫃比較百搭，如果再加座豆腐店已相當充實，只是而家無錢所以淨係買住貨櫃先~
先分享近期少入~
Line Friends 夢幻樂園，很久前已訂，終於到貨！
BM creation 1/64 Toyota Hiace 舊的都未開盒，唔聲唔聲又出左新的版本...
另外訂左Era Hiace 好耐，仲未到齊... 新的版本又開訂了...
Hobby Japan 的AE86又有新版本開訂... 乜BM creation、Era、HJ 好等錢洗咩？出車出得咁密既...
JMG 1/64 人仔有限度入手！因為JMG 的人仔...真係好貴... 靚係靚既，但唔可以買太多！
這次分享的貨櫃大部份是淘寶貨，因為淘寶的價錢較為易入手，但QC好差又的確係事實，唔知係1Model d野本身qc差定點... 其實計番匯率同出面賣緊的差唔多，不過款式相對較多，一次過買的話可以有多些選擇，無謂花時間出面逐一買了！
歡迎來到WMB的貨櫃場，場内貨櫃以YOU&CAR及1Model 的20尺長度為主，呢兩間估計應該都係同一間，因為YOU&CAR的盒上面都有寫住1Model，而1Model的只寫住1Model。而家市面上有幾間模型生產商個名好似，例如Model1、One Model、1Model，今次貨櫃的係1Model，不是Model1！(其實1Model又好，Model1又好，Toy1又好，連我早幾年收藏的星球模型都好，外國牌子，但全部都是Made In China，大家日常收藏的模玩大部分來自中國，祖國真偉大啊！)
海灣石油貨櫃
順豐速運貨櫃
粉豬貨櫃
蜆殼石油貨櫃
櫃門可開, 不過較位太鬆, 完全係自由落體自己打開...
米芝蓮/米其林貨櫃
推動環保我領先 空氣清新現藍天貨櫃
維他貨櫃
維他檸檬茶(維他牛)塗裝好靚，不過印上去的字就唔係好清，最令人跌眼鏡反而係谷模問題，門較外面個四方框變晒形... 十隻十隻都谷模，個模啤到變晒形... YOU&CAR 想一模多用想得太理想了吧......!
馬士基貨櫃
BBS Since 1970貨櫃
一直搵緊可口可樂貨櫃，淘寶多家都缺貨... 而除了YOU&CAR金屬貨櫃，另外的4個YOU&CAR塑膠貨櫃屋商店早前分享過，這兒不花篇幅再提了
米芝蓮/米其林貨櫃
MOTUL貨櫃
麥當勞貨櫃
星巴克貨櫃
跟住落黎分享1Model的貨櫃，李小龍80週年40尺貨櫃的是微影推出，但都係用其他廠的模具去做。當時仲有架1/64 玩具車，但因為太玩具所以無買，只買了貨櫃，這個貨櫃應該是虛構的，不過因為紀念李小龍所以買了，產量不多，當時買了兩個本來用作影1/43 巴士模型的背景，不過一直都無咁多心機設置背景，感覺20尺的貨櫃擺位比較方便，現在旋拍售價升了一倍以上...
李小龍80週年貨櫃
貨櫃用了李小龍在他最後一套電影作品"死亡遊戲"中穿著過的經典黃色戰衣做底色，上面黑色文字及線條是重現了該黃色戰衣的設計。
加送李小龍貨櫃的開箱片段：
既然是黃色戰衣，所以選用死亡遊戲最適合不過，是羅文當年唱的電影主題曲，現在兩位強人(一個是功夫界強人，一個是唱歌界強人)都已不在，所以透過模型開箱，一次過向李小龍及羅文致敬！
雖然不是什麼高水準影片，但如果可以，按讚、訂閱及關注都是對BHTXWmb 的一點支持！
雖然大家都是1/64，但YOU&CAR的懷疑係偏向1/72... 因為放唔落一架1/64寬體蘭博基尼LP700！
Be Water My Friend, 這句是李小龍描述水之所以強，是因為水無固定形狀，它能化成任何形狀去適應/包圍物件，甚至覆蓋三尖八角的物件。
放空頭腦，似水不定，似水無形。
引水入杯，即成杯形；
傾水於瓶，即為瓶狀；
落入茶壺，即呈壺樣。
似潺潺流水，似湍湍急流，
似水吧，吾友！
1Model貨櫃與微影貨櫃，發覺微影的貨櫃櫃頂4個角位無做到可以疊加的凸出柱位，即是不能靠接合位讓多個貨櫃疊起，只能人手放在上面，疊得太高會好易跌爛...
米芝蓮/米其林貨櫃
長榮貨櫃
1Model 長榮隻色好似垃圾筒... 話時話當年買的一堆bc 1/76 垃圾筒唔知去晒邊...
Spoon貨櫃
Ocean Network Expess(ONE)海洋網絡貨櫃
紅牛貨櫃
法拉利貨櫃
地中海航運貨櫃
中運海運貨櫃
最失望的係竟然無蘭博基尼貨櫃...無天理！
疊加後，YOU&CAR貨櫃與1Model貨櫃size明顯有分別
多數1/64貨櫃可以開門
曾想改製一個貨櫃為綠悠悠變色，但因為改裝費用太高，作為景品的話，成本太高了...最終還是放了棄！
加送有趣場景：迪加大戰！
英雄勇像超人迪加夜色版
敵不動我不動
講起英雄勇像，最近眼鏡廠流出了好多超人勇像角色，繼Orb後，有帝拿、Zero、Z，香港未開訂，但想講除了帝拿，全部都唔係稻上信行設計，所以d pose 隻隻都好怪雞... 完全無英勇的感覺，仲覺得好膠添... B站唔少人都話個所謂設計師係咪個腦生屎忽度...
貨櫃好比巴士車身，適合改裝成自己想要的塗裝，不過模型商推出的不同顏色貨櫃實在太多，根本都買唔晒，Wmb 貨櫃戰線暫時結束了，除非再有想要的塗裝，否則都用不著這麼多貨櫃，所以自從玩左1/64 就真係買多左場景，十個九個都話，玩1/64 一定會玩埋景，現在明白所言甚是，結果而家就入左廿幾隻貨櫃！不過好在貨櫃比較百搭，作為裝飾品也十分美觀，甚至改做一系列虛構主題的貨櫃都幾特別，想改番個BHTXWmb 貨櫃，logo水貼已經有，但要搵個淺藍色貨櫃就有難度，因為通常都已經有字係上面...~
回憶還是在UBS的時期收到的利是最多，user 總數多都叫做有一班相熟的user，今年真是打工生涯中有史以來最少利是的一年，上年都少因為新年正直疫情爆第4波，係會瘋都斷斷續續被放無薪假，主要利是來自Jos 開工利是及已結婚PM、leader、同事等等。今年新年正直疫情爆第5波，無氣氛之餘，利是數量跌到個體戶，連自己部門一封開工利是都無既，咁大間公司竟然無開工利是，廿蚊都慳番？反而其他部門就人有過黎派一封咁大把開工利是，叫有個好意頭，聽講原來自己部門上面d 男人高層好多都無結婚，單身寡佬，心諗唔會掛，希望自己第時唔係咁，老左無人無物無兒無女，我認為是悲劇！已結婚的就借疫情長期wfh乘機避年，完美避開派利是！睇黎疫情令人消費減少的同時都慳唔少錢喎，問番原來U記而家都user都全時間wfh，所以我諗就算U記都係少利是收架啦...
不過而家局部日子wfh，都算係唔洗日日外出，叫有少少保障，比起其他team，全體人員全時間都wfh，我感覺有少少唔公平，人地隨時隨意wfh就得，佢地d文件竟然叫我地處理埋，嘩真係離譜！但比起而家出面咁凍都要排隊等檢疫的人黎講，都唔算得係咩！根源就係林鄭月娥、張竹君、陳肇始抗疫不力，政策失當，浪費資源，責無傍貸，害到貧苦大眾雪上加霜，點解你地班狗官唔洗確診，唔洗承擔報應？每次電視見倒呢幾條友都真係好火，呢樣先係最唔公平！
最近九巴App1933 積分換口罩環節取消了每日打卡，而且將400分換30個口罩下架，真係好仆街，第5波疫情爆發，都預左市民一定長期要用口罩，竟然係呢個時候提高換領條件，毫無社會責任！取消了每日三次打卡後，雖然增設了玩遊戲換積分，但以打鱷魚為例，去到第15隻開始明明打中都會有三幾下係唔計分，所以最盡只係得2分落袋，平時岩岩好夠4XX分都係有部份係打卡所得，而家每日少1分，一個月少30分，再將400分變500分先有口罩換，真心仆街！睇黎d口罩要慳住用，唉早排仲諗住免費換俾左d人添... 不過大家都估唔到九巴咁仆街既... 成日係車度廣播叫人買月票有鬼用咩... 而家好多人wfh，港鐵同巴士都搭唔盡...
