數字遊戲

踏入12月，不停地玩弄數字遊戲... (後續)

一0年聖誕節前夕，唔知係咪因為坐server 房空氣唔好，聖誕節變成病假...
一一年聖誕節前夕，唔知係咪入班入得多病菌多，最後聖誕節變左病假...
一二年聖誕節前夕，坐server 房欠缺新鮮空氣加上唔知係咪被人傳染，聖誕節變左病假...
一三年聖誕節前夕，貪平食28蚊吉野家牛肉飯多手落左2包辣椒粒，食完喉嚨痛左2晚，星期一晚本編連開聲的力量都無，用盡力出聲但發唔倒聲... 最後聖誕節都變埋病假！

連續4年聖誕節係點樣過?? 人人在高興外出，一雙一對... 我還是在家中像廢人的對住床、電腦！上facebook 見倒D人係咁post 近況、tag相... 晒幸福... 見倒別人幸福尤見自己空虛！本編恨不得一口氣delete 晒所有facebook的人！

今早回復些少精力，拎左2部問題車決心整整... 一場斷柱風雲幾乎就在眼前上演... 大前題係小弟對於拆車、改車0經驗值...
近日Wmb 從SLL 車廠接收了一批車隊，不過大部分都係問題車，所以唯有親手搞一搞睇下會唔會改善倒當中問題... 其中一部106 AV51中巴上層打晒風，連座位都打風... 本編的整車經驗可謂白紙... 故冒住要廢舊巴士的風險嘗試拆窗搞搞...

因為座位實在太緊原故，用力拉番D 扶手又無效，結果再大力D啦，點知一拉D扶手就即刻45度向前傾斜，姐係話處於半折斷狀態！！！係頭窗咁細空間根本無從入手... 要用超輕力慢慢推番D扶手到垂直狀態花了半小時... 雖然座位痴得唔好，但除下風球，總算救番部車...XD!!!

另一架就係DP1932-68X(非SLL接收)。唔知幾時發現上層側邊的扶手其中一條曲左出黎，之前整過幾次都放棄左，今朝武開個窗果時發覺2條都係咁... 花左個幾鐘搞，叫做痴倒少少無咁明顯，但都無原本有舊膠馬實條柱咁穩陣...

上層個窗仲要好鬆... 玩模型、保養模型都真係唔易... 有樣野想講的係，MCW呢個模真係好正！我好鐘意呢個模，希望模型可以再出MCW~ 呢個模同AV 個模比起其他九巴車，係特別有值回票價的感覺！ 

騙人的數字遊戲！(以下個案如有雷同屬於巧合)

話就話每人每日做2單，實際上做成4單、5單... 水唔得閒飲、屎唔得閒痾！據統計，到本月才完成整體的35%，上頭竟誇下海口說能在3月底前全數完成...  你話其實D人講野係用邊度的呢??? 如果話2015年3月都叫做有少少經過大腦思考... 做多一個部門就有多一個部門的人有問題要搵你支援，常識推理係應該越做越慢先係的... 3月前完成？？完全沒經腦袋子思考...

另外仲有個好值得思考的數字遊戲~ 了解呢個方程式，就明白你份糧養緊一班咩人！係一班識計數的飯筒！

A在某月請了一日假，結果出糧少了4百大元，計得出一日400元是以月薪除以"實際"工作日數，再除"計算"的工作時數。這樣朝9晚6 減去飯鐘得出"計算"的時數為一天8小時。A以為自己一小時有50元，工資同part time 計算的一樣~

某月，A的超工有8小時，如果說超工補水是時薪X1.5，那麼你認為A 的超工有多少元？？

結果，該月A的工資是多了440元~  也許好奇，A不是應穫得多650元才對嗎???  這樣豈不是比part time 的超工工資還低???? 聰明的你明白這是一個數字遊戲嗎？？？坦白講，用咁的方法想出少D糧，合理化這個行為，實在可恥！

假清高

經過今次排隊買車之後有感而發：清高當飯食 驗貨是常識！

今日係星期日，盡情訓到近中午先起身... 然後幫D 模型作些少執位，以增加泊車數量^^

11月又過左，上班等食lunch、食lunch等放工、放工等搭3AD、返屋企等上網... 甚至乎是星期一等星期五、長週等短週... 這是我的非凡人生嗎？！... 絕對不會是這樣！

本月少入~

尋日一個整整的上午，就獻左俾狗巴80週年第6、7彈兩架模型了... 而家買模型同以前真係相差得遠！逢親有車出，唔洗半日已經傳來售馨的壞消息... 甚至預訂開始唔洗1個鐘就話要截訂。訂唔倒自然要排隊買，11點鐘開售，要早幾個鐘去排隊... 而家炒家當道，唔第一時間仆去買遲左就係買唔倒！上次有車開售已經聽聞有人因為打尖而報警，誇張到呢... 然而本編仍然安守本份，只買1輛俾自己收藏便足夠！(即使明知模型會升值...) 所以就係咁，成個morning 連lunch time 都獻埋俾狗巴！

近年對於巴模的QC，真係唔敢抱有太大期望！係加價的背後，品質監控退步，這是什麼道理?? 就係因為官方車近年QC 參差，所以驗貨係必然的動作，但本編最討厭果D 假清高的人，人地一早去排隊就係為左買倒心水貨品，人地背後付出時間、精神去換番黎，學師兄話齋人地排緊隊果緊你仲訓緊覺炸，我都已經遲，但肯定早過果D 白痴！有D 人排隊排後面的就用粗言穢語大聲指責前面D人買得慢、更加有人指責店員唔應該俾每位買家有3架車揀的權利... 本編想講我都係睇人地落選果D 車炸，個店員都無開新車俾我睇啦，心諗排你條隊啦嘈乜9呀！坦白講D店員知人多對我地D買家態度已經麻麻，D人就仲係度搞大件事，想上報紙頭條呀？？而本編更曾親眼見倒有D排中後位置的人係度扮清高話唔會揀車，叫店員拿拿聲俾架佢，點知店員俾架車佢果陣，佢唔係俾錢而係脫下眼鏡驗貨！結果咪又係話架車唔得要睇第二架... 坦白講，個個都唔想排隊啦，你估排隊食廢氣好受？ 唔該佢地用腦諗下造成今時今日排長龍係邊D人，係收藏家還是炒家?? 迫使買家驗貨的係QC下降還是買家時間太多？ 好現實講句，有心買的收藏家其實為左要架QC較好的車，連証書編號都已經無去理會！本編在此對於有心搞事的人作出強烈譴責！其實佢地咁唔滿意可以報警的喎，人地先到先得，根本上就連出聲的資格都沒有！模型發行量下降、炒家當道，就算QC 差都有大把人仆去俾錢買，真係唔想見倒第時出模型要買家早十粒八粒鐘排隊先買倒... 這樣只會造成惡性循環，QC 難有改善的一日... 對於成個市場絕唔會係一個好風氣！

312 非官方開龍趕得切係自己生日前推出^^~ 今次QC 幾好，拎上手第一架已經ok！同場還有最後一對98A、680... 真係有衝動入多架改樓下路線，唉不過無咁多錢係身所以都係要一架算數...。

今次出GA6324、FZ6737，98A作為最後熱狗線之一，必入！而680 雖然未搭/影過熱狗，但難得312肯出S廠車又無唔買的理由... 即日忍唔住影番2架車的標準相先~~

今次個藍天終於有立體感!! 就係貼近水平線位置有深淺藍色之分，正正同現實中因為大氣模糊引致肉眼所見水平線的藍天總不像頭頂的藍天一樣^^"

星期3 晚搭中HA8366-80X!! 認真，搭左咁多年TD豪，肯踩盡油同你玩的司傳只遇過三、四個...

有時真係想去番細個果陣有人疼、有人買野俾自己玩、少少野都感到滿足的時光。本編真係無後悔呢幾年每年都返鄉下見婆婆一面，令我諗起自己有粉的畢業作品：孫婆婆... 今年年中特意請假返去婆婆壽宴，估唔倒咁快就離開... 呢度睇的人少少先講，其實我覺得婆婆都好慘，幾個媳婦都唔孝順佢的，成日係屋企跌親都無人理！成日嫌老人家麻煩呀嘛，而家婆婆離開左果幾個媳婦都唔知係咪蓋住半邊面笑緊啦，正一唔係人黎的，仲仆街過仆街，壽宴俾得果幾十蚊俾左出黎都仲家話收番/ 俾多左，心諗屌你班仆街老味我俾一千蚊雖然對我黎講果期係有D吃力，但我都知道乜野係應該俾、乜野係專敬！自己係香港唔係成日見倒，一年番黎一次俾少少錢就當係自己有能力之下的一點孝敬！我娘親行路都唔方便，反而係照顧婆婆最多的，果班仆街咁多人加埋做過D 乜野？飯又唔肯煮，我有時真係連返去見倒佢地都唔想同佢打招乎。難聽D講句，對一個老人家咁差，第時自己老左，後生的又係一樣咁樣對你，到時會唔會後悔一下呀？？本編呢段期間又要自己食自己，生命脆弱起上黎可以好脆弱，真係希望大家要好好保重... 

收生日禮物... 對本編來說，一直都係幻想部分... 

為慶祝狗巴80週年及本編生日，Wmb 係廠內舉行左一次Wmb史無前例的巴模大隻會！展出廠內全數非官方雙層巴士！Wmb 亦希望係年底前再舉行一次官方與非官方總動員的巴模大集會！好坦白講，屋企無人先可以咁自由擺晒D車出黎玩... 果晚搞到凌晨3點半先肯收工...

羅莎威力

本週少入~ 就係香港飛龍啦... 本來佢出5A 1A 我都忍手的，但有時難得遇倒靚價，所謂生要能盡歡，錢賺番黎唔洗同儲石頭有咩分別?? 

實物拎上手同睇人影相真係唔同D喎，實物好似靚D，就同BUSES 個模一樣，上廣告同無廣告係買唔買的關鍵黎！放心呢架車唔會令我想追番其他官方開龍^^!!!

話說上星期有條新leader 黎左，佢的行為令我覺得係上頭派黎check住你班友平時做D乜的奸細，早兩日幾乎俾條友陰倒！本來下午1530有單order要做，lunch 完之後(1400)條友就叫我去交番晒成箱硬碟俾唔同部門的負責人！1530果單order 就唔洗我搞佢搵其他人搞！但此項任務非常困難事關某D部門連邊條友係收硬碟的連佢地公司D人都未搞得清楚，張Form上面的資料又錯的，加上D人經常去左開會呀、蛇王呀之類成日唔係位，食飯又出左去食成2粒鐘的，你話點交先得假... 所以就積左一箱硬碟係度！(後續)

呢隻bird 因為太肥，颱風羅莎吹襲時，佢縮埋一粒諗住D風會吹郁佢唔洗行，點知太重D風吹唔郁呢隻bird，最後都係死死氣自己走...

颱風羅莎接近香港的時候，將石屎牆上的信箱連釘拔起掉在地上！真係唔係野少！

話說當日落街行過村口，非常大風，要俯低頭前行，突然聽倒震耳巨響，抬頭一望就見倒不遠處的信箱從牆上拔掉下來... 好好奇上去睇下咩事，D信飛晒出黎，牆上的釘都全斷！有條友見我拎相機影相就係咁望住我，見佢已經行開左成60米遠都仲望番轉頭，肯定係kid的！上二週幾乎正面光臨香港的颱風羅莎，受結構完整的力場阻擋後竟然90度左轉... 科學家為了保護地球應有的氣候，正研究過去的數據，觀察過去十年能夠突破力場的颱風之路徑與及進入香港800及400公里範圍時其速度及吹襲方向和颱風的雲層的結構密度、風眼大小及覆蓋面積範圍是否有共通點！專家分析其中颱風的旋轉自轉速度也許是突破力場的關鍵！單一個颱風係無可能與力場的氣壓抗衡，但明明地球本身就唔應該出現力場呢樣野... 

續文~
14XX我就去交D 容易交果D硬碟，交左1/3 都已經150X，然後條友無啦啦彈左單1430的order 要我上去搞，但已經係過左1500... 心諗搞呢單野1530果單係咪唔洗我搞呀，都估倒條友陰濕！所以差唔多1600 我行得開果陣就落去望下，點知1530果部機仲係度的，又話搵其他人搞，想陰我呀？條友又唔見左人，個record 寫我個名陣間無啦啦抽番我轉頭話做咩唔做我咪仆你個街？所以都係搞埋佢... 如我所料16XX 條友打黎問我下午果2單進度！！所謂2單係1430+1530... 條友真係陰濕，明明當日下午只有1530 一單，無啦啦送埋硬碟仲要做多一單...  

昨日好難得175X 得閒等收工！已經成個月未試過1800 前有得等收工！！諗住搭3AD-83X... 點知出架ATENU... 個司機都唔知搞乜有3AD唔渣渣ATENU... 唉仲諗住坐3AD... 個司機話鐘意渣ATENU 好似渣緊S3V！...

本來呢篇文想post 619，不過要搵番D相關資料、相要唔少時間，所以都係轉轉話題... 

星期6、日本編將會離開香港托展Wmb 業務！希望條友唔好再打黎問我點解搭車去中環要十幾蚊咁貴，再打黎我唯有叫你問錢果瘋、何達文點解經營集體運輸年年加價！

2013 又到尾啦，上年呢個時候?? 好似係等緊、倒數緊世界末日2012-12-21！今年2013 年算係幾特別的一年，而家開始編寫埋我的2013 特別編集，所以又要睇下人地D書的排版風格參考下~ 

10月少入

10月少入~

有圓谷50週年半世紀作品集~ 本來想買圓谷全史，點知搵勻成個旺角都無，最後係信和見倒吉田同埋呢本作品集，睇左好耐都係唔想空手而回咁就入左... 至於迪加果本就真係貴到飛起囉... 5XX 日圓，要百幾蚊港紙... 

本編實已忍手，但復古殺到，又捐錢俾狗巴了...

復古出左4架，話說有一日夜晚係80T門口見倒郭乙X華，好自然就問佢有無九巴懷舊色，佢話有，但佢所指的係佢自己出的果架ASB。本編同佢講80週年果D呀(心諗郭生你米鬼扮傻啦)，佢話無晒，亦唔會再有！因為出果時無入手同埋網上面炒到咁貴，唉我都估倒佢實話無！但我始終懷疑80T 係收埋D貨，因為無理由咁快賣晒，又或者佢只係出一半數量，等市面上無晒先再出埋淨低果D，乘機加價... 呢種pk手法近年越黎越盛行... 真係無良！

題外話，日前ME8933、PJ5187 兩架蛇年賀年廣告已經落畫，令本編非常震驚！2013年才10月咁快就甩廣告，有時真係唔明有關部門D人諗乜！適逢8933 靚價，即刻入手！

上星期有幾日番中環... 又係訓覺同抗通脹的選擇... 天氣涼涼當然想訓到最後的一分鐘先起身啦，之但係過海路線咁貴... 想平少少就要好早起身出尖碼坐船了！平日天星小輪中環線下層非空調收費$2.0！我認為應該多D支持呢D 收費咁良心的交通工具而唔好捐咁多錢俾港鐵、狗巴呢D年年加大價的無良公司！

係office 望出去(24mm)，雪亮的閣下會發現些什麼？？？

(720mm)

(1440mm)。如果當日4961、BM248 我在場，這幅便成經典了...

上星期6 O完T已經天黑，諗住去埋旭屋睇野，所以抗通脹，絕對唔會捐$$俾港鐵！俾$2.3 搭電車去Sogo 睇下有無我想要果本圓谷全史，點知一上去睇就大獲！結果出番黎唔見左萬幾Yen...

本編已經淨係要愛藏版，估唔到都係要積極OT... 間野種類係多，但埋單日圓X0.13 呀超貴... 政府取消日貨來港稅啦！

圓谷50週年，鹹蛋超人亦都倍伴左人類近半世紀，亦都倍伴左本編成長，呢幾本書的確值得買！詳細內容留待日後有時間再分享上黎~

再見廣康區TD豪・VOLVO TD102KF

近日，開始為一批放在紙箱幾年的盒蛋重新入盒同埋包裝番成為入手時的模樣，既然平時都無乜充足時間拎晒咁多位角色出黎欣賞同拍照，所以都唔好埋沒左批盒蛋的精美包裝吧... 本編將會將其搬入倉庫！背後常想著始終搭車太貴，存倉成本確實會有所增加... 如果將D珍藏擺晒入倉庫的話無錯屋企多左空間呀，但無得想望就望果種牽掛感覺，唔係個個人都會體會及明白得到！始終D野係用辛苦錢換番黎，對本編而言唔係一般貨物咁簡單。不過本編承受的壓力自覺已經好高，所謂玩"勿"喪志，享受玩具係應該將所有煩惱放低而非增加煩惱！今次為左要令D人無藉口再出聲，本編作出最大讓步！就算一個月去望一兩次、都總好過擺係個箱度限制多多又成日俾人話我D 玩具阻住佢D地方咁Q慘！我要令D人無藉口再出聲！！！

諗番下，本編可以將D 收藏放係無冷氣倉庫而唔洗再因為無位而割愛賤賣，已經很幸運了嗎?? 諗番之前蝕放的模型而家又買唔番，都真係有D心痛... 早知唔放好過。今日拎番D 盒蛋出黎入盒，諗起當日千方百計為左省位而拆盒... 而家搬走批蛋亦都係為左應付復古大襲擊，急需空間擺車... 

再見‧TD 83X~

今個星期呢4個工作天真係過得唔容易... 人手得番一半... 仲要係咁督數... 老實講早排已經有人跳左樓，好心間野檢討下啦... 幾個月就已經走左十幾個人！有關部門都唔知係咪食屎的！好彩有一日紅假俾人抖下氣！題外話，上年暑假尾上掛 83X 的3架GN牌TD豪到今個月已經退晒... GN6758 係10月11日到期，10/10 意想不到仍然搭倒6758^^ 比著熱狗時期的沙廠，將D熱狗提早一個月退都夠膽的... 渣GN6758 的司機表示呢架車係83X 咁多架車之中冷氣最凍的一部~

GN6758 應該係3部入面搭得最多的一部，早2個月壞車之後果幾日無晒冷氣... 係熱到出汗果隻！去到退役前果幾日就凍到雪櫃咁... 上層凍到哎救命！難道薑不老不辣？

GN6758

10月10日，GN6758 最後一日行83X 仲用塊格格不入的官塘碼頭牌!!

GN6976... 原來掛左83X咁耐6976 我得1張only... 唔係之前放學要跟游水班落觀塘，都影唔倒6976 添...

GN7875... 掛左幾個月就換左金巴... 原來都有影過！

GNX2，2架都係GN牌，你又會上邊架呢?? 我就應該會上GN2217!!

睇番頭批TD豪車尾相，見倒車尾上層燈位係一樣高，後期果D富豪牌箱去左窗下面排燈先拉番上去！越睇越鐘意呢隻擺得較低的尾燈！希望模型有機會的話出下呢款3AV 啦... 唔好成日用晒同一個模係咁出... 

另一條樓下線82X 的3架12米TD豪：GP8306、GP4633、GP5367... 而家甩淨5367... 難怪最近見倒82X 有金巴... 其實GP8306 的甩牌消息呢幾年都已經聽左起碼3次，一係就cut車、一係就話轉掛牌，好彩都仲留得住！當時5367、4633都未上82X，8306係82X唯一一架12米TD豪！

好可惜4633 掛82X得幾個月時間... 未影就已經甩左... 話說有一日星期6 長週放工係四美街坐82X返歸，坐中GP4633，沈生操刀！怒爬11號線果個碌車王真係超爽快！沈生一路爬頭一路啤住11果個碌神！大快人心！就好似當年坐82M-GL431 的肥司傅上小瀝源怒爬82X 3AV一樣^^。老實講82X 無乜邊個司傅咁進取，所以非常難忘，跟住玩CS仲改左名叫GP4633 以示尊敬添！82X TD淨係得8306 門位呢1張咁大把... 早知之前搵日去大老山掃晒82X 83X 唔洗煩！

巴給

季節已經走到微涼秋天。當習慣月的亮 再也看不見渺小的星光~  

電子野損壞率真係高，連續2塊底板都係用3年就壞，3年保養就係暗示產品的使用限期？

312 81C吉龍^^" 9月份少入手~ 
砌完機仲要入模型真係有D吃力！對81C的印象... 係由1X年前自己買的第1架，儲左好耐錢先買倒的老虎頭模型說起了... 都係老虎頭81C 最深印象，起碼自己搭過先，吉龍時期就無搭過81C啦，但312 好難先肯出沙田區路線，所以還是入手~ 雖說呢架81C係同101、6F 同一批貨推出，但零零舍舍呢架係由2間D model 同312合作出品，價格唔洗問就出名海鮮... (其實早係出M仔99果時已經擔心呢D 以私人模式的推出手法越黎越多，變相越整越貴！) 以呢部車黎講雖然小弟相對係靚價入手，但呢架車始終都創左小弟歷年入手眾巴模之中的最高價格... 

鐵吉龍效果確實係令小弟有D失望，有時真係想追番多幾部312 吉龍黎改番85K 86 甚至82M！但312 的內籠同埋車頂太薄呢個存在已久的問題又的確令人唔值得入咁多... 至於自己點解寧願只入312 吉龍都唔想入鐵車(即使價錢後者仲平少少)?? 我自己都諗唔明... 或者証明人係注重外表?? 唔通係當習慣月的亮 再也看不見渺小的星光？？ 

合指一算，Wmb 自從6月起連續數個月的開支都是遠超預算！某日花左幾個字時間認真檢討一下呢個貼身問題，但結論一定會係咩都做唔倒... 因此在即日起發出盈利警告！但為了應付恐怖的復古大襲擊，預期短期內Wmb 財政壓力仍然處於緊張水平...

上個月部機底板無啦啦又打柴... 之前換底板亦都係因為底板打柴！生產商注重利益間接又製造唔少電子垃圾了...

換一樣野有唔少連帶關係，就好似舊機用緊DDR2 記憶體，轉過D 靚D的底板開始用DDR3 記憶體，所以連記憶體都要換埋... 轉設計無非都係迫人定期要俾錢買姐，生產商不如諗下咁樣做無錯係賺倒錢呀，但每日製造大量的電子廢物，污染環境，D 臭錢真係賺得安樂嗎？

手機、電腦日常確實無法避免使用，但浸過電子垃圾的污水倒在農田上，農田立刻失去種植功能... 對環境的破壞非常巨大！上個月唔知邊間廠話燒左，記憶體價格即刻提升... 睇黎都係加快減慢的pk賺錢策略... 只怪塊板壞得唔合時啦唉。為避免超支，所以而家都係迫住玩住4GB ram先... 硬碟都係加隻1TB 先... 


砌機後又喚起巴給backup的重要！因為近日發現遠至早幾年近至只有1年前燒的幾隻DVD 損壞讀唔倒... 呢度起碼又有一批原相無左... 所以決定將隻500GB硬碟用黎做backup。而隻1TB就應付日常運作... 遲D 亦都要將所有相、片再燒多一份出黎...

近幾日見 83X 架GN6758  由其他車取代行走... 可能已經甩牌了...

返左1個月新工，除左講打機之外幾乎每次lunch D人都係 sun 的！而幾位前輩又離左職，仲調左2個去中環，搞到人手不足... 星期一有位新人到職，哈點知即日辭埋職... 同我同一日入職的靚女又辭左職... 原來舊公司代我個位的靚女又辭埋職... 感覺上好短時間入面周圍離職的人勁多，超乎想象！莫非D工真係唔係人做？？ 

Sam陳 真係一個仆街黎！本來都費鬼事貼文都浪費我的篇幅仲要講粗口！5:5X 分交野俾佢就屌尻人話阻住佢收工！因為條友態度差所以人地交野俾佢反而會令人地覺得好似自己煩倒佢咁的，但條友係咪調轉左個角色呀？係人地幫佢手收野番黎，唔洗佢去收喎！真係正一仆街！一日搵呢條友3次三次都唔係位，都唔知係咪去左蛇王！正一仆街唔洗恨！希望條友快D俾人炒！唔好阻住地球轉啦~


個人分享，不喜勿插~