十年 ‧ 長炮 ‧ 回憶 (尋找退役熱狗的縱影2006)

終於... 終於有自己的第一支炮！因乜解究D攝影器材賣得咁貴，好老實講句，有心玩都玩唔起啦... 睇番自己過去十年的相，中 / 長鏡的佔過半。長焦距的吸引力太難形容，當我第一次感受過之後，原來毒性已慢慢滲透，就算一支炮的索價比一支定焦大光圈高，都寧願先入左支炮先！但自覺所有野都係遲來的，坦白講身邊個個識影相的朋友N年前已經用單反，熱狗未退役果時已經有靚相出，但自己因為$$ 有局限而到今年先玩倒單反，就是這樣今時今日才有自己真正第一支炮！批熱車都退左幾年，唉你話手頭上的器材如果早5年擁有你話幾好呢... 

今年自己送俾自己的聖誕禮物係呢支炮，本來諗住入Tamron 150-600mm，早排都試用過，感覺幾爽，而家用緊18-1XX，再駁150-600 實在係完美組合！之不過網上評價多用Sigma 的長炮去比較，發覺相比之下支持Sigma 的人佔大多數，因此的起心肝睇唔少有關Sigma 長炮的評測，的確50mm起步係方便過150mm起步的，原因唔洗講，日常生活好多事物都出現係50-150mm之間，所以最後都被呢支50-500mm 大炮所吸引，價錢雖然對我黎講好貴，背後要捱番唔知幾多餐麵包先補得番，但相對其他條件類似的鏡可以話佢係最"平民"，聖誕假期前決定入番支以填補多年來心靈上的空虛！坦白講，500mm 用係自己部機等效焦距係750mm，上一部機HS25 有720mm，所以無720 根本滿足唔倒自己。

但50-500mm 體積又大好多，總重量亦有2kg...

如果重量同Nikon AF-S NIKKOR 80-400mm 比，Sigma 的50-500mm係再重多1/3... 

加埋遮光罩，成支炮的感覺出左黎...

但如果手持的話，zoom 會唔靈活，因為zoom的方向同Nikon 相反... 同埋唔可能轉一手就由50去到500，要轉幾下，以前用S6500fd、HS25 都係一、兩野就去到另一端，慣左手勢了...

一些老套的說話，時間過得好快，往往過左去望番轉頭先會發覺，以前幻想過自己會開巴士公司，駕駛巴士載客，甚至幻想自己有非常到家的駕駛技術控制一架十一米巴士... 十年前(2006年)，中五會考得11分，雖然中六無緣，但發覺自己應該花多一些時間去周圍影下熱狗，將小時候難得可以出街坐熱狗的感覺再加強，但好多野唔係想做就有條件滿足得到，想買一部好的相機但以前零用錢多數係自己午餐絕食所得，亦都可以話無零用錢的！當時手上就只得幾千蚊，對相機認識亦不多，在有限錢之下買咩相機實在有點兒一頭霧水，結果在朋友提供意見下，買了當時富士推出不久的Fujifilm FinePix S6500fd。

S6500fd 買了三千多元，確實係很大的開支，當時喜歡這部機主要因為曾經用過富士彩色菲林，覺得富士比聲稱很受歡迎的柯達靚十倍有多，所以對富士有好印象，S6500fd 外型似單鏡機、135格式焦距焦距28-300mm、可錄無間斷有聲影片、六百萬像素及使用傳統AA電，雖然唔係D咩勁機，但以自己有限資金黎講，S6500fd 售價是不錯的選擇，最後係06年11月自己買左俾自己當係生日禮物！可惜係06年10月，EH牌坦克蘭已經退役，只能隔住鐵絲網遠距離望住批車...

聽講當時啟德廠有唔少退役熱狗停泊，但位置與外面行人路相隔一定距離，所以一定要用長鏡先影倒... 以前係唔識去啟德廠的，一個人去總係感覺不安，但呢批車唔影就永遠都見唔番... 所以買左機之後第二日即刻去啟德廠影死車XD~

2006-11-12 攝於啟德廠外：

啟德廠門外，十幾部死車泊係最遠的角落！有吉蘭有都城有坦克... 全部係自己最有回憶的熱狗！但係門口zoom 入去都幾乎zoom盡！如果用普通DC 真係唔知點影...

EA4329，2005年續命一年，於2006年從5號線退下來... 

啟德廠外有兩層鐵絲網，始終都有鐵絲入鏡... 等效300mm 都唔夠zoom... 

EG8900 EG7915 EH4145 EA4329

EH4145、EA4329。EH4145 退役前都未影過一張正常的照片... 死都行3C唔肯出走... 

EG7915 EH4145 EA4329

EH3012 EG8900 EG7915 EH4145

EG8505 EH3012 EG8900。EH3012 在一次意外中車頭損毀，直接退役...(心諗繼續行啦) 一張正常照片都未影過... 

EG8900 EG7915。從93A 退下來的282匹爬山都城... 以前聽倒都城的拉手掣聲即刻醒神，都城的特別大聲！

EG9515 EG5523 EG6915

EG5358 EG9515 EG5523。EG9515 退役前行過一排89，但駕駛熱狗果個司機好撚寸，次次見人影車就舉中指仲啤撚住，正仆街黎

DZ483！2005年續命一年，2006年退役，印象中與 EA4329 掛過5 號... 可惜續得果一年，無機會坐呢架當時唯一的四波吉蘭... (架垃圾豪阻住晒)

前沙廠EH2936，坐過11C 加速好勁！

對住死車陣，架架靚車係眼前，心諗如果我可以買曬呢批車就好了... 可惜我只有能力買模型...

似乎EH3012 原來有換件喎，但整整下又退鬼埋... 心諗既然係整，整完續多年仲好啦！

鐵絲網太高，我又太矮，提起部機靠估咁影... (無扭mon係慘D)

EA4329

除左九龍灣廠有唔少熱狗退，荔廠都同樣有好多熱狗退... 包括前沙廠果批EH 坦克...

最右邊的係EH2765，PCCW banner。事後發覺最左邊的原來係EH4005！！！原因係上層尾窗上面有三處甩油！唉可惜係之後睇番相先知，如果唔係當時一定影多幾張... 自己部車都唔認得！

2006-10-31，EH4005 最後一日行走70，十年後你終於復活！

除左坦克，仲有都城，果時批EC牌吉蘭岩岩走無幾耐，就到呢批車要死...

十二月，再到啟德廠探訪死車：

遠處的死車群又多左幾架...

EH9067 霧燈坦克(不過對霧燈俾九巴拆左)。以前都幾架坦克車牌好似，EH9067、EH9097、EH9697、EH9957( EH9957 我印象中一直記錯係EH9967，但此車比正常提早數年退役 )

EH4145 EA4329 EH3608 EH3431 EH9067

剛從93K 退下來的282匹爬山都城EH3431... 一直認為呢D咁勁的車應該續多年... 

EG6915 EH3080 EG8505

剛從3C 退下來的 EH9592 也難逃呃運... 

車尾鐵絲網有一小路，剛好一個人闊

EH9067

我地大家在獅子山下相遇上，呢種緣份非常珍貴，真係好想成批車留起佢！

EH2687 EH2765

丹尼士飛鏢與利蘭奧林比安

EH3350，呢架最易認，因為飛機廣告~

EH4005！！！坦白講我好想衝入去影自己架車... 反正無人，但無奈咁做可以會俾人拉... 見倒自己架車係入面又無得入去係幾咁慘... 精神上的折磨！

某日路過大埔廠，退役的EH8911 泊在一角：

膠紙劃交叉係最好的 ↑

2006年12月中，EJ 牌坦克蘭退役... 有些EJ 牌更是2004年初已經退役，除了EJ4474 被改為訓練巴士外，其餘無一幸免！

係門口zoom 入去都幾乎zoom盡！

另一邊都多左幾部坦克，最出面的係EH9302，退役前都未影過標準相... 有次行62X 企啟業影部機又唔爭氣，影得果百涼張就無電...

EJ4147 霧燈坦克(不過有隻霧燈俾九巴拆左)

EJ4147  FP9061(FP9061不是退役)

EH3608 EH3431 EJ4147，EJ4147個位本來好似係EH9067

EH9067 調左中間...

DZ483 EH9592 EH2936 EH9067

EH2936 EH9067

ADS，數月後亦全部會退役... 可惜自己無用，能力有限... 一部都留唔倒... 仲聽講沙廠、九廠ADS 會調走，可惜... 姓李果條死仆街仲係度講風涼話，真係想屌佢老母，心諗你收聲啦死仆街

無意中望飛鵝山頂，座野好似未起好

EH9697

EH9302 EJ3115 EH9697

剛從13D 及11C退下來的EJ3115 EH9697... 曾經係MM2 都好鐘意改退役巴士周圍行~

EH9302，其實300mm 要影大頭係完全唔夠

EH9302 行過89，可惜一張標準相都無

2007年1月初，經過月輪街廠外，批EF、EG都城已經走得八八九九...

EH4420 EH3350 FN7831

呢幾張相，曾經被一本雜誌借用，雖然最後只係用左一張擺角落頭，但都好高興有人留意到^^ 不過之後失去聯絡，ICQ 又沒落左，一直想聯絡番當日搵我果個人... 連咩名都唔記得了！ 

EH4005 EH4420 EH3350

EH4420 EH3350

EH3350

不知不覺已經用左長炮十年！今年終於有自己的大炮，遲下買埋大光圈for 影人~ 睇番批EH-EJ 牌坦克，退左十年有多了。可以留得住的事物，有能力就去做，模型唔爭氣咁多年都無一架出得似樣唔緊要，一部大比例係勝過千百部垃圾模！