麥道MD-11 是DC-10的改良型號, 沿用DC-10的三引擎設計, MD-11 的計劃於1986年底亮相並於1988年生產, 1990年投入服務。但麥克唐納-道格拉斯公司在1997年被波音公司收購, 波音認為MD-11客機節能方面不及777、A330，預期銷量會減少，最後 MD-11 在2001年初停產! 麥道公司原先預計可銷售300多架MD-11，可惜最後只造了200架, 為數比DC-10 少超過一半!
波音收購麥道公司後不久便把MD-11客機停產，但並沒有全面停產MD-11，自從747廣體機面世後，一些航空公司一直希望可以有一種飛機體積較小以能在較細小機場升降但卻有接近747的航程/容量的飛機以填補比747細小得多的飛機，針對美國航空的需求, 道格拉斯公司生產出有三個引擎能在跑道較短的機場上升空的DC-10, 正滿足一些航空公司的需要，而DC-10的優點是機身比波音的飛機寬，MD-11作為DC-10 改良型，這個優點仍然存在，故此波音一直缺乏這種份量既飛機，尤其貨機，寬闊的機身使MD-11仍有作為貨機的優勢，因此收購麥道公司後的初時波音仍然以位於加州的廠房生產MD-11貨機。
本月少入:
有Ultraman Cosmos、Ultraman Nexus 大膠 / 盒玩。Cosmos 既大膠真係好難搵, 另外所有Nexus 既玩偶都係好難搵!! 呢一套Nexus好貴(雖然已以優惠價入), 貴係貴左啲D但Nexus 套片係2006年香港播, Nexus 既野假假地搵我十年八年...
全43 位光之巨人彩圖集(1966-2017), 一買番去已經睇左, 貪心少少如果加多part 劇照就更正!
二百蚊入Ultraman Cosmos大膠, 始終欠藍色Cosmos...
眼鏡廠Nexus 玩偶, 仔細度不過不失, 最重要係有(左下角果隻)Dark Faust 黑暗李_銘/黑暗李_東, 阿唔係, 係黑暗浮士德~! 唔計扭蛋, Dark Faust 只係出過以前700Yen 個款軟膠公仔, 連BANDAI 食玩、頭像、眼鏡廠大膠、Ultra Act全部都無出過!!!! Dark Faust 本來是與Nexus 對抗, 因黑暗空間提供無窮力量, 戰鬥時往往佔上風, 但後來被怪獸殺死。
Dark Faust (網上圖片)
麥道公司第一架注冊的MD-11編號為N111MD，1990年1月3日試飛，完成試飛任務後於1991年6月售予聯邦快遞FedEx，其後編號為N601FE。
與波音和空中巴士競爭的麥道, MD-11 最終被停產, 從此飛機生產又是兩大生產商的天下... JC wings 近年推出N111MD 1:400及1:200 模型, 1:200 和1:400是各有各吸引之處, 但基於價錢相差一段距離, 於是入左架1:400~
兇惡又eyes catching 的機鼻
N111MD 的house colour (原廠色)係反光銀色, 在陽光照射底下有如一顆銀色流星~
1:200 和1:400 是各有各吸引之處, 原因係N111MD機身上的圖案1:200 既話清楚得多, 1:400 就算用微距都係細到... Sigma 50-500 影1:200 係OK ge... 但1:400 想close up 就有困難, 唯一方法就係開高解像然後crop 圖, 其實用DC 影可能仲容易捕捉不過落得腳架唔想換機...
機身的航空公司logo 應為MD-11 客戶, 這樣使得原廠色更有宣傳效果~
N111MD使用三個GE CF6-80C2D1F 引擎(通用電氣渦輪扇發動機), 每個可輸出61500磅推力。
手持作50mm(等效75mm)/ iso1600 / F4.5 / 1/8s + 人肉防震
麥道MD-11與美國航空MD-11
美國航空隻色都係正D~!
奇怪N111MD上係無美國航空個logo, 美國航空最初不是MD-11客戶??
劇場版The Next 入面銀色巨人的靈活性像銀色流星, 估唔到形容麥道MD-11更貼切!
4個1:400 停機坪已經佔了近一米寬!
睇黎我應該擺D 機場車先夠迫真...但二三架車仔已經有成架機咁貴...
DW 既機(右)與JC 既機(左)相比, 起落架部份JC較仔細, DW 係一碌柱就算, 不過DW 係N年前出品, 當時黎講已經唔錯~ 而DW 既機無做天線, JC 就有, 拋光方面感覺DW 較均云! 底部兩者都有隙位但DW 個位比較順眼因為JC 個隙位係機翼直落, 側面睇容易覺眼!
話說麥道既DC-10 / MD-10 / MD-11 係我除左波音既機以外喜愛程度排第二既機種, 不知何故對美國航空American Airlines(AA)既DC-10/MD11 特別感到有興趣, 因為本身自己其實想揾1:200 767-200, 但而家一架GJ 出的AA鋼管1:200 767-200 要千五蚊, 呢個價食水咁深根本唔會買! 而MD-11 / A300 外型與767 相似, 間接將自己對767 既佔有慾投放左出來... 早排有専家引誘我買AA 1:200 鋼管MD-11, 但要成八百幾一架同埋紅缐錯位, 話就話平左但我都係覺得太貴, 正當我1516之際, 轉個頭又話已經加番價... 乾脆放棄。最近終於有人放DW 1:400 AA MD-11, 平均170一部, 即刻決定入番架!!
N1750B，1991年5月至1997年2月為美國航空使用。
Dragon Wings N年前出既美國航空1:400 飛機原來有分普通版同特別版, 特別版機身反光感超強, 影柤果時基本上會反射倒自己同埋周圍既景物! 所以周圍物件既顏色會令飛機影出來偏色...
MD-11長61.2米、翼展51.7米、總高17.6米, 最高速度945km/h, 載客量285-410人。美國航空和達美航空的洲際航班曾於1990年代使用MD-11，其後把它們售予聯邦快遞, MD-11 客機已在2014年底全數退役, 僅餘少量貨機版本仍在飛行!
MD-11機身、翼展比DC-10長，機翼兩端也加了小翼，而翼切面的設計也經過改良, 駕駛艙的設備也全面數位化。
正面望MD-11，總是顯現出一副高性能姿態~
鋼管機係幾難影但無可否認呢隻色係最smart, 如果巴士有呢隻色... 一個字: 棒!!
一句MD-11 Luxury Liner 可見MD-11 對美國航空作為豪華客機的重要性! 純粹好奇點解美航MD-11 客機窗門上白色而唔係黑色？因為深藍底唔突顯飛機窗戶？
微距一向係挑戰, 一架1:400 MD-11 模型長15.3cm, 以自己手頭上微距最強的Sigma APO 50-500mm DG OS HSM 最近攝點50mm是0.5米-500mm是1.8米黎講, 一架1:400 MD-11 模型擺1.8米外就算有500mm 都會焦距不足無辦法影倒close up, 機身句MD-11 Luxury Liner 睇黎無乜人留意到...
麥道三引擎廣體機機翼位於中間偏後方, 感覺有少少戰鬥格, 與普遍波音、空中巴士機翼位於中間偏前方的不同, 其實有D似平治O305雙門巴士的落車門, 與普遍利蘭、富豪巴士的落車門位於中間偏前情況相似!
1984年大韓航空Korean Air 使用新版太極圖標誌及改以天藍色作為飛機的主色調, 1990年代初大韓航空成為首間引入麥道MD-11的航空公司?，同期還有引入波音747-400，但MD-11 不能滿足客運需求，因此於90年代中期被改為貨機，在2000年代初退出運營。
Dragon Wings N年前出既大韓航空同聯合航空DC-10 一樣 1:400 MD-11 原來有分普通版同特別版, 特別版係貨機版, 最近巧遇靚價一口氣入齊兩部!
總係覺得個1:400 停機位缺乏左D野，如果有客運樓就好
鐘意天空藍色既我特別對使用藍色做主色既角色感興趣, 例如KLM、Korean Air、CMB、Ultraman Agul、Cosmos、Nexus、Hikari、叮噹(以前電視無超人播改播叮當時曾短暫喜歡), 所以藍色亦成為Wmb 主色調。
Wmb2006年色彩
HL7371(唔係FU7371)。1991年1月投入服務，1999年12月改為貨機，直到2005年4月轉交ワールド・エアウェイズ，2014年11月退役。
HL7372。HL7372是一架多重身份但又下場悲慘的飛機，於1990年製造並在1991年1月交付給大韓航空投入服務，從1991至1995年中一直是客機狀態飛行，1995年6月改為貨機，在2002年初曾發生機尾撞地意外。直到2004年12月轉交里约格朗德航空貨運ペガサス・アビエーション，2005年3月轉交巴西航空，2009年7月轉交回ペガサス・アビエーション。2009年11月20日轉交艾維特航空Avient Aviation(編號Z-BAV)，曾於2009年11月22日？飛到香港，可惜此機在2009年11月28日早上發生艾維特航空324號班機空難，起飛時機尾撞地，起飛後飛機下墜爆炸毀滅，所以此機在艾維特航空的生涯只有八天。
唔知手頭上有幾多日韓貨品係由呢架Korean Air Cargo 送過黎既呢？？
HL7371 HL7372
-本來諗住貪心D，搵一次集齊同一航空公司既所有飛機擺機場地圖上面合照，但好多機都係陸續入手，每次只能影少少，影完果D 又因為無位擺而要入箱為安，例如話對上一次影既大韓777、747 已經入左倉，根本好難做到同一場景影齊同一間公司既所有機！
-另外本來會買埋FedEx MD-11同KLM MD-11，幾經辛苦搵倒貨，但個賣家失縱多日，至今無法聯絡所以今次share 唔倒FedEx、KLM MD-11... 真係奇怪！
-一年時間真係快過, 上年八月Wmb 引入第二輛軍車, 轉眼突然又已一年... 時日太快... 無知的小孩一晚衰老...
-公司又有人走，對某些人來說當然無所謂，因為D野唔洗佢做，本人工作量間接增加！
-最近都寫緊一段有關1:24 DMS既分享，突然諗起，其實1:24 模型呢個比例我應該由細已經睇慣睇熟，其他人未必有相同感受但我自己就感覺真係好熟悉，我自己睇日本超人既話一定會留意戲入面既模型多於care 唔care 個超人最後係咪一定用死光打爆隻怪獸(一般人太膚淺只會說超人每次都被怪獸佔了上風，最後一野出死光就KO隻怪獸，點解唔變身就即刻出死光？呢個問題如果深入了解都係可以大約解釋因為超人有超人之母的仁慈基因，如非必要唔會即刻出死光，同時顯出唔會因為擁有絕招而任意使用，不過劇情需要最後都係多數出死光完場)，六十年代幾位超人設定的身高是40米，後來的則偏向近50米或超過50米，如果由一個成年人飾演既話，一個巨人身高40米而劇中演員應大約高1.8米，比例正正是大約1:24-1:32，唔完全係1:24，但大約都係應該1:24-1:32 咁上下，如果要突顯巨人既威猛形象，通常環境模型可能會做細少少，呢個方法我個人認為合理既，話就話40米姐但好多時片入面見倒超人邊只40米咁矮，6、70米都有啦，部分key 係個山/大廈後面果D畫面 計番真實分分鐘超過一百米，但近十年八年見倒係鬧市既場面個比例係幾準，其實又唔可以話以前做得唔岩，只係超人片要係鬧市場景打怪獸成本會比較高，所以少係有高樓大廈的環境打，如果係野外地帶得幾間幾層高既屋，自然就算一個超人高40米都會覺得好高；相反係大廈林立的環境打少不免要炸爆幾幢大廈先夠迫真而且觀眾其實都希望有災難場面出現，例如踩爆幾架車、整爆幾條天橋D車跌落地等等、所以D模型只能拍一次，成本係高既，呢個問題作為觀眾既我都易於理解得到。基於超人片的出現，難怪當我每次望1:24 車模既時候，都有種熟悉既感覺，原來對超人的印象已經一早化為生活上的一些意識，從欣賞車模時不經意反映了出來，可以拎住一台~1:24 scale 模型時，幻想一下自己就係超人，享受下一手拎起一部車的快感！其實拍超人片可以考慮擺D 1:24巴士、田螺車入去喎!! 不過次次都日本打，唔係香港打，同埋破壞模型成本高，所以無乜可能會擺D 大架既車落去，通常都係得私家車...
網上圖片
