千呼萬喚... 終於到手既1:400 B-HUI、B-HUJ(退役紀念版)
先回顧一下七月頭少入~
buzes 中巴試驗色LF 及 P&T 廣告XF，4部都係中巴！咁就洗左千幾銀救命...
工作要一個月才出一次雞粹糧錢，但洗錢卻不出一瞬間！對我黎講LF 本來可以買可以唔買，或者話只買上米下藍就OK... 不過自己鐘意中巴隻藍色，所以試驗色唯有俾面入手... 坦白講buzes 出既LF雖然話新模但都係做得麻麻，一拎張真正既相對比，模型無乜真車感覺，唉賣到398咁貴好心做好少少啦...
有意栽花花不發 無心插柳柳成陰，巧入一對Number 104！
必入物品係小學館 Ultraman Orb！由以前一本千幾Yen 加到二千八百Yen... 加幅驚人！另外係carz ADS 及 carz ATENU facelift 一仔，QC好差、座位打風問題好嚴重！唉卡士D野真係... 加到450 但質量無乜進步，唉賣到450咁貴好心做好少少啦... ADS 完全無改過內籠，難怪Toy1 支持者近年數量大增...
JC wings 1:400 747 B-HUJ(維河最後飛行)、B-HUI(簽名紀念版)，呢兩架機都等左勁耐，因為由一年前有傳國泰747 客機會於年底前全部退役已經希望會有模型出，到十月B-HUJ真機都退埋，先終於有模型推出既消息，點知等_到今年3月先至肯出1:200 版本... 1:400 就後來才推出，數月前發現有1:400 B-HUI(簽名版)出，決定兩部都入，終於於上星期到手！
機身編號為B-HUJ 的747-400客機是國泰太平洋航空機隊一架最有名的波音747客機。1998年7月6日從紐約出發飛行了15.5小時，成為第一架在赤鱲角新香港國際機場降落的飛機。這飛機又名"Polar 1"，因為它是首架飛越北極上空，並穿過曾經禁飛的俄羅斯領空的客機，創下了7465海里的直航飛行紀錄。國泰太平洋航空在1979年引入了第一架波音747，逐步發展成為擁有最大747機隊的航空公司之一。由於波音747性能理想, 能接載更多乘客飛往更遠的距離，令國泰太平洋航空在1980年代及1990年代初能全速發展國際航線網絡，由區域航空公司發展為國際航空公司，並奠定其國際聲譽與地位。747 的出現令不少航空公司發展得更大規模，其角色與地位在航空史上可見一斑！因此對747客機近年面臨退役實在感到非常惋惜，2016年10月8日早上，B-HUJ 作退役告別飛行，在二千高空飛越維多利亞港，同日下午正式退役，為國泰太平洋航空所有747-400客機的服務劃上句號！
尋日終於有時間去拎番支鏡，咁就整左我4部巴模既錢救命，手頭上既18-200、55-300 無微距影模型真係有困難，都係即刻要用番50-500 操刀最好！
B-HUJ
747-400 客機，機身總長70.7米，機翼兩端對岸點距離64.4米，總高19.4米，左右起落架輪距也有11米。747-100 機身總長70.7米，翼展有59.6米，早在六十年代尾，747-100 機體在跑道上所佔的長、闊接近當時廣泛使用的波音707 兩倍，747的機翼足以橫越跑道兩邊，據說747的翼展比萊特兄弟的首次飛行距離還長！747 機艙部份垂直投影面積上能停泊滿40輛私家車！而珍寶客機、客中巨無霸、Super Airbus、空中女王等等都是對747的稱號。
747-400在1989年投入服務，是747-300的改良和增加航程型，翼尖上增加了小翼，駕駛艙的儀表、按鍵和刻度盤由971個減少至365個，需要的飛行員由三人減少至兩人，載客量為416-568人。747-400在飛機尾翼增加了一個燃料缸，使航程增加，而且引擎耗油量亦比以往的747低，營運成本相對下降，最大續航里程達14200公里，1989 年推出到2009 年的二十年間，波音一共交付近七百架747-400，是747 所有機型之中最多的747機型。
波音737-300與747-400大小的比較
B-HUJ 與 B-HUI
B-HUI
無記錯既話係2016年10月二十幾號(確實日子唔記得)，B-HUI 離開赤鱲角機場前往飛機墓場前到達英國曼徹斯特城，機師係機身貼上簽名以作紀念，模型出呢個版本亦都成為退役紀念版！所以現實黎講，B-HUI 既簽名版應該唔可能同B-HUJ 同場出現！不過模型唔洗守呢D規舉啦！
此時B-HUI 急停，跑道被穿梭機外置燃料缸阻檔！
可以見倒JC wings 1:400 有畫到機鼻條線，不過可惜畫到曲左，側面睇斜左入去...
機場航班起飛量大，隨時塞機！
而家手頭上已經有5部1:400國泰747，包括以上2部last flight、飛龍塗裝機、香港精神塗裝機、1部貨機及1部1:200 B-HKT！
題外話，巴模售價近月加價頻密，九巴官方巴模售價已由438加至450，加幅達到2.7%；VIP價格亦有驚人加幅，繼九友八六折削減至九折後，亦繼續削減至九五折，加幅達8.4%，屬於不合理加幅，因此票價自動加減機制第20次生效
目前水平為10.9(短途)及14.5(長途)，短途將按VIP價格的升幅而調整，即上調8.4%；長途將按售價的升幅調整，即上調2.7%，新價格水平如下：
調整後水平為11.8(短途)及14.9(長途)，這次調整是自2014年11月以來因市面與交通相關的物價變動而作出第20次調整，可見市面上物價加價次數頻密！
另外，天星小輪在7月15日起加價，票價上調$0.1-$0.3，平均加幅為8.9%。而最新公布既城市脈搏色彩橙蛋售價將再由450加至460，加幅達2.2%，這些加價事件將會再次啟動票價自動加減機制，Wmb需要按相同幅度調整票價！
最近容忍限度已經接近底線，做左呢份工年幾，幾乎每個月都做緊1.5個人既野，成日因為想做埋手頭上D野搞到夜晚成8點先走倒，剛剛星期5 差D要同個上司開火，最後忍住度氣無爆出黎，無良顧主周圍係，開會果時輪樓問大家遇倒咩問題，好似好關心大家咁，呢D都係D表面野，有問題咪又係我自己解決，屌唔通同你講你自己肯做番D野咩！點知一開聲就指責我，話我無做乜無做物。當堂無名火起，頂你個肺，上個月有人請成個月假去旅行，D野間接塞左俾我做，上個月工作量高達過往無咁忙既月份足足三倍！大佬你點樣管理條team架，人手安排錯亂，成日有人走又請唔倒人你作為高層自己都唔反省下，成日聽埋D冗員講話而家D後生份份工都做唔長，你梗係無所謂啦，屌你老味請唔倒人D野間接又我做埋呀麻，又唔洗你做，唔夠人做野最慘果個唔係你，而且我就人工最低既屌你老味，你想俾咁既人工請個超人番黎呀？！一個人得2隻手你想點先，最激氣係真正冗員仍然做又36唔做又36，每月人工袋袋平安而且呢D仆街人工唔低架，坐係度仲賺得多過你做到吐血架！正一冚家產！真係好想鬧兩個人，一個係話我無做野既，因為你盲既，邊個有做野邊個坐係度上網扮忙你都唔撚識得分，竟然怪責一個盡責員工，最諷刺係上個月先收倒兩次user 對我讚揚，你個昏君話我唔做野，食屎啦你去！另一個當然係坐係度上網扮忙既果條仆街！真係去到邊都總有一兩個呢類仆街既，唔做野D野推俾其他人做，以前做學校都預過呢D人渣，都大約知道呢D仆街係點處事，成日積起個大佬款對其他新黎而自己睇唔順眼既就加多兩腳去踩人，但既然你咁把炮囉點解D野唔係你做晒而係人地做既呢(呢個係作為旁觀者既疑問)？但呢D仆街有個優點我係一定要學既，就係好好戲，係高層面前識做戲，扮忙扮有野做，可以呃倒D老細以為佢去左做野，其實俾人撞破過幾次根本係躲在一二角玩手機！但調番轉喎，如果係我行開左去做野，D老細又係咪真係知道我係忙緊定反而以為我去蛇王呢？所以唔識做戲，就算真係忙到仆街都未必有人知，其中一個原因係因為佢地真係腦細囉，另外就係D 奸臣識睇時勢做樣，蛇王都俾人覺得做緊野，就係呢D人自己唔做野害到我做多左野！公平咩？呢啖氣我點都吞唔落架啦，屌你老味做咁多野你都盲既，仲話番我，你有咩資格呀？高層唔係大晒架，無下屬同你做野你坐得咁安樂？！真係本來都幾有熱誠做野，而家條氣唔係幾順，好難再抱住盡責呢個字同你做，而家7月中，7月上半月既工作量已經係過往無咁忙既月份成個月咁多，好彩岩岩上星期齊番人，多番個人做野，舒服番少少！黎緊8月又有人辭職，無我同你捱我睇下你點死！呢個時候都唔識得增加士氣既，根本唔值得同你捱！既然做咁多野你都話我無做乜無做物既時候，不如真係做番少D好過啦，黎緊唯有hea 番少少先得！
沒有留言:
張貼留言