萬呼億喚的藍戰士, 一個十年前應該出現既模具, 今日終於出現!! 人生有多少十年可以等呢D 新模面世??!!
先黎分享本七月中"少入"~ 呢個少入既詞語都幾大代價...
有Toy1 既Volov 12M 315, Toy1 近來出過咁多城巴12米豪, 就只有315 值得我入, 2016年12月BHTXWmb 曾希望租用315遊河可惜未能成事!
焦點入手當然係 buzes 既老虎頭LM2 LM7 LM9 新模(詳細比對在下面展示)
首先有樣不滿想表達, 就係個盒搞乜? 可唔可以好似VMS DM28咁有番中巴藍戰士特色? 十六年前出既LM 就無透明膠盒但紙盒都有中巴藍戰士特色而且証書仲好特別成張行車証既設計...
竟然呢，係我岩岩寫左上面呢幾句話個盒design差之後，有人一言驚醒，報紙desgin 係舊時以前D人包巴士物品的方法，跟住我認真睇番個盒，原來兩邊真係有模仿報紙包裹的摺疊圖層... 嘩呢D咁既design 我真係唔識欣賞！
一生之中誰沒老虎車隊少不免！兩間公司都有老虎模，齊LM1-10 睇黎唔難！
重量級入手係BC 既1:24 CMB DMS珍寶! 有意栽花花不發 無心插柳柳成陰
架1:24 鐵車有成2架1:200 747合金機咁重, 真係要兩隻手護住先拎倒! 因為太大架既關係, 未認真開盒影相, 得閒先影啦~
有意栽花花不發 無心插柳柳成陰, 本來無打算入1:24, 一黎太貴二黎無位展示三黎車款唔係自己最喜愛, 但今次1:24 CMB DMS 原來已經係第三次出, 第一架係2005年(record from 80T website), 之後會唔會再出同款都成問題... 所以呢... 我覺得今次呢架價值都幾高!!
上一次貼文的模型入手是七月頭少入, 今次貼文的模型入手是七月中(最近一星期)少入, 共引入了13架巴士2架747, 其中三架九巴官方巴模over400 及Toy1 315 over400，引致開支大增，因此本人對九巴巴士模型加價表示不滿！另外加上鏡頭維俢, 令Wmb 七月的營運資金至現時為止蒸發了九千大元, 未來一星期需降低開支, 專家警告必要時或需放機為生!
利蘭巴士在1988年被富豪巴士收購, 最後在1993年結束營運, 1993年利蘭巴士向香港的兩間巴士公司(九巴、中巴)交付利蘭巴士的最後一批訂單, 其中向中巴交付十部利蘭奧林比安十一米, 這十部利蘭成為了中巴車隊內最後十部利蘭產品及最後十部非空調巴士, 車隊編號為LM1-10, 與空調巴士相比, LM 與LA(冷氣版)使用相同機械配搭, 由於LM 是LA 的除去冷氣版, 因此輸出動力強勁, 有老虎頭之稱。
LM1-10在1993年12月投入服務, 可惜中巴只營運至1998年8月31日, 因此LM1-10 中巴生涯只有四年多! 雖然新巴在1998年9月1日接手營運, 但LM1-10 被使用不足年半就退役, 運返外國!
萬呼億喚始出來的Buzes (BTC / Buzes Toy Co.) 利蘭奧林比安十一米Leyland Olympian(老虎頭)模型終於在上週週末到手, 個人期待新模已久因為buzes 在16年前(2001年)推出既利蘭奧林比安舊模已沿用多年已有谷模問題而且有很多錯模及不足之處, 但當新模官圖刊登不久, 對新模的負面評論日漸增加, 不少人將buzes 既舊模、新模及Toy1 既LM5比對。小弟因分數不足並無購入LM5, 所以暫用buzes 舊模同新模進行粗略比對~
先黎舊模LM7 / FW3152-680。2001年12月推出, 限量1500部。呢部購自一名姓李炒家。
舊模LM9 / FW2788-94X。2001年09月推出, 限量2000部。話說呢部本來係94X, N年前玩野同81C架FT7111對調, 塊牌一直留左係架LM9度!! 架FT7111廢舊多年前亦捐贈到BHT, 目前下落 / 狀況不詳!
話說FT7111-81C 為第一架九巴老虎頭巴模, 係2002年6月出(15年前), 出產3000部, 但之後80T一直售罄, 奇怪最近喺朗豪80T 見番呢架車, 但個價又只係598, 反而幾年前出既老虎頭66 早已over 600, 80T 收埋架81C 係貨倉致命復活十幾年!?!? 好野喎!!!! FT7111-81C 係本人第一架巴模, 真金白銀係荷包拎298買, 知唔知當年拆爛左要放棄架車係幾心痛! (幸還留下81C個牌在世, 反而94X唔知去左邊!!)
2001年個時呢個模出既中巴老虎, 算係幾吸引, 例如話內籠有主要扶手及梯位有乘客告示, 而車輪既藍色輪蓋又做得幾似!
新模LM7 / FW3152-82。2017年7月22日推出, 限量500部。足足相隔16年!!
新模LM9 / FW2788-680(黑軸無輪蓋版)。2017年7月22日推出, 限量400部。
同日出既仲有LM2-94X, 但時間關係未影, 留番下次先~
睇完新舊模既標準相, 正常都會覺得新模有神緒好多, 所以又將新舊模並列比對一下~
先黎兩部舊模, 車頭大燈係透明呢樣要讚, 另外要提一提係小弟自己將窗框油闊左, 使上層頭窗無咁圓, 下層頭窗增闊, 另外泵把位頂部本來黑位上色不足亦略略補番, 不過唔覺意又劃花左少少藍色位...
車頭黎講舊模的不足之處大約有幾點:
一) 車頭檔風玻璃太窄引致左右兩邊車身殼太粗
二) LM9 因黃藍交界既黑線遮掩了分體模既接位所以遠睇無大問題, 但LM7 就明顯有粗坑(分體模既缺點)
三) 內籠司機位做得太高, 成架巨龍咁, 亦無做上落門傍板
四) 地台太高，車身整體做高左
五) 上層車頂太圓滑同埋上層頭窗做唔倒梯形形狀
六) 超錯的巨型倒後鏡吊臂
車尾至少沒有車頭那麼多覆雜位, 所以舊模車尾比較順眼, 而且車牌係透明件而非就咁印上去, 呢樣要讚(可以留意番Carz 近年出既中巴禿鷹類似位置車牌都只係印上去仲要扁左, 真係求其到一個點!)而不足之處大約有幾點:
一) 上層尾窗太圓
二) 牌箱、車牌略嫌過大
三) 泵把位非獨立件, 有上色不足情況, 但可以自行補番厚黑色
四) 因為車身側面完全無做出下層垂直與上層向內傾斜之間的弧位(約介乎上層座位對開位置), 引致車尾亦缺乏下層垂直與上層向內傾斜之間既應有弧位, 嚴重影响模型從不同角度睇既輪廓!
舊模LM7 vs 新模LM7
新舊模既廣告顏色同字既位置先唔評論住。
新模車頭黎講已改善之處簡單觀察有幾點：
一) 好明顯係一體模，再無接合位粗坑
二) 下層車頭檔風玻璃闊度做番正常(司機駕駛不再被粗柱阻檔)
三) 車咀不再係一塊膠痴上去，泵把的形狀都改良番，斜斜地望架車泵把有番應有既突出幅度
四) 上層頭窗形狀做番似真車，但可惜側面睇太突出
五) 倒後鏡位置做番岩，不再是巨型倒後鏡吊臂
六) 上車門傍加了扶手(雖然我個人唔care有定無，因為1:76 D扶手太粗的話反而影響外觀)
七)內籠精細左，做番上落門入面既傍板
一) 好明顯係一體模，再無接合位粗坑
二) 下層車頭檔風玻璃闊度做番正常(司機駕駛不再被粗柱阻檔)
三) 車咀不再係一塊膠痴上去，泵把的形狀都改良番，斜斜地望架車泵把有番應有既突出幅度
四) 上層頭窗形狀做番似真車，但可惜側面睇太突出
五) 倒後鏡位置做番岩，不再是巨型倒後鏡吊臂
六) 上車門傍加了扶手(雖然我個人唔care有定無，因為1:76 D扶手太粗的話反而影響外觀)
七)內籠精細左，做番上落門入面既傍板
不足之處仍有幾點：
一) 地台高度無調整過仍然太高
二) 車頂太厚，成部車仲高過舊模
三) 下層車頭檔風玻璃側面睇略嫌垂直，可能同插入車窗組件的扣位設計有關
四) 泵把為透明件，霧燈位常有上色不足情況需自行補油
五) 牌箱角位太圓，車真應該起角少少，當年dw 架大康豪都係咁
車尾已改善之處簡單觀察有幾點：
一) 兩個尾窗無咁圓(但有少少起角過左火位)
二) 牌箱、車牌細番
三) 尾燈闊度改良左
四) 車身側面做番下層垂直與上層向內傾斜之間的弧位，車尾亦有番應有既輪廓! 老虎頭味道出番黎！
不足之處仍有幾點：
一) 地台太高，車尾更明顯，尤其上層打橫條骨位比舊模更高，成架車做高左
二) 車頂部份略嫌厚少少，呢點反而舊模比較貼近真車
三) 尾窗做扁左及上面條凸線無做到，但舊模見倒有做！
四) 泵把左右長度短左，真車係完全遮晒後面的車身
五) 引擎蓋附近坑線太平滑，而且兩邊尾燈都做得入左，尾燈對外果塊側板唔應該做咁厚，同埋尾燈既然係獨立件但又唔做透明，效果好怪！
一) 地台高度無調整過仍然太高
二) 車頂太厚，成部車仲高過舊模
三) 下層車頭檔風玻璃側面睇略嫌垂直，可能同插入車窗組件的扣位設計有關
四) 泵把為透明件，霧燈位常有上色不足情況需自行補油
五) 牌箱角位太圓，車真應該起角少少，當年dw 架大康豪都係咁
車尾已改善之處簡單觀察有幾點：
一) 兩個尾窗無咁圓(但有少少起角過左火位)
二) 牌箱、車牌細番
三) 尾燈闊度改良左
四) 車身側面做番下層垂直與上層向內傾斜之間的弧位，車尾亦有番應有既輪廓! 老虎頭味道出番黎！
不足之處仍有幾點：
一) 地台太高，車尾更明顯，尤其上層打橫條骨位比舊模更高，成架車做高左
二) 車頂部份略嫌厚少少，呢點反而舊模比較貼近真車
三) 尾窗做扁左及上面條凸線無做到，但舊模見倒有做！
四) 泵把左右長度短左，真車係完全遮晒後面的車身
五) 引擎蓋附近坑線太平滑，而且兩邊尾燈都做得入左，尾燈對外果塊側板唔應該做咁厚，同埋尾燈既然係獨立件但又唔做透明，效果好怪！
正面睇, 新模仲高過舊模, 可以話係致命傷!
兩個模的地台比較, 新模群腳做扁左, 車身與車輪嚴重地距離太大, 車頂略厚! 均可能是導致模型太高的原因!
淨係用新舊模比對唔夠，用埋坦克蘭 / 老虎頭照片做參考，一目了然！
針對以上新模不足之處再同真車比對，九巴老虎(S3BL)同中巴老虎(LM)使用相同車身，輪廓方面一模一樣，如果生產商當初有認真睇真車既資料同了解舊模的錯處既話，有幾點理論上唔應該出錯！
一) 地台太高。(上面三幅圖第一幅係S3BL與buzes舊模S3BL地台比對, 真車群腳底線幾乎位於車胎內圈! 模型明顯做高左唔少!)
二) 車頂太厚。(車頭頂部厚度與泵把厚度相約, 車尾窗頂部與車頂卡門線的距離非常小, 模型頂部明顯過厚, 尾窗對上的凸紋又無做!)
三) 車頭牌箱角位太圓。(真車牌箱角位比車窗圓角位置明顯尖銳, 但模型做到一樣!)
四) 車尾泵把長度不足。(真車車尾泵把長度係完全遮晒車身!)
五) 引擎蓋散熱網太大。(引擎蓋散熱網佔頂部1/3, 模型做到近1/2!)
六) 上層尾窗做扁左。(模型上層尾窗應該拉番厚少少!)
側側地睇新模既輪廓比舊模好好多, 有番亞歷山大車身既曲線, 但下層頭窗做得唔夠斜, 後傾幅度不足!
一) 地台太高。(上面三幅圖第一幅係S3BL與buzes舊模S3BL地台比對, 真車群腳底線幾乎位於車胎內圈! 模型明顯做高左唔少!)
二) 車頂太厚。(車頭頂部厚度與泵把厚度相約, 車尾窗頂部與車頂卡門線的距離非常小, 模型頂部明顯過厚, 尾窗對上的凸紋又無做!)
三) 車頭牌箱角位太圓。(真車牌箱角位比車窗圓角位置明顯尖銳, 但模型做到一樣!)
四) 車尾泵把長度不足。(真車車尾泵把長度係完全遮晒車身!)
五) 引擎蓋散熱網太大。(引擎蓋散熱網佔頂部1/3, 模型做到近1/2!)
六) 上層尾窗做扁左。(模型上層尾窗應該拉番厚少少!)
側側地睇新模既輪廓比舊模好好多, 有番亞歷山大車身既曲線, 但下層頭窗做得唔夠斜, 後傾幅度不足!
唔同擺位可見新模真係高過舊模, 所以Toy1 架LM5 泊埋buzes LM一齊會矮成級樓梯。內籠係精細左, 但也出現打風情況, 部份扶手打風嚴重、座位飛脫, 值唔值得儲齊buzes LM1-10 就見人見智。2001年一部buzes 1:76 金屬巴模索價HKD$298, 80T VIP價九折, 果時我用space card 但都覺得九折好貴... 2014年尾一部buzes 1:76 金屬巴模索價HKD$398, 80T VIP價只有九八折, 即現金優惠只有HKD$8, 當人乞衣咩屌你? 仲要當時398係九巴精細版售價, buzes 果D 係非精細, 理論上應該賣368 VIP再九折先合理, 到頭來優惠太少令人對buzes 既出品埋下不滿既細胞。其實無意中睇番buzes 個fb, 係兩年前已有一張LM新模既圖post 左, 但又扮神秘濛左張圖, 一早公開圖片接受意見或者今日既裝成品會好好多, 只可以話佢個模就一早有但策略行錯左, 以為一定出得好過Toy1, 點知反效果, 而家個個話失望想等Toy1出, 唉buzes一早出咪好囉, 兩年出齊十架都得啦, 而家Toy1 出先而且做得唔差兼且飲埋頭啖湯, 加上Toy1 fans多, 人人都用Toy1 架LM5 同buzes 呢個新模比較, 再者過往buzes 所出既S3BL舊模太差已經令人討厭, buzes 既出品自然比下去, 老虎咁受歡迎而且又已經退晒, 一部似樣既模型卻遲遲未有, 5年前熱狗退役果時好應該要起新模啦仲夠膽用舊模出, 大眾自然對新模抱有期望!! 希望越大失望越大, 買巴模通常都明白呢個道理!! 或者今次部LM 應該降低要求以2015年水準去評估! 雖然buzes 話會盡量改善新模既錯處, 但本人擔心批車一早已做起, 下次再出都係會有相同問題...
等左新模起碼十年, 最後都係要我失望地接受一個高過4961 既新模... 完美 Leyland Olympian 11.3M 車隊夢破滅... 總結buzes LM 2017新模觀感 : 地台、群腳高度做番準、車頂薄番少少其實大致上好滿意!
一講Leyland Olympian新模, 大家都有種唏噓多於歡笑, 亞歷山大R型車身係真係咁難做?? 咁多年考起咁多模型生產商? 當中不得不提buzes 既模具演變, 2001年推出Olympian 11.3M(中巴LM)後, 十六年來先後以同一結構衍生了老虎蘭、吉蘭、坦克蘭、老虎豪、AL1等等, 但由於模具仿真度太低, 本人係2012年熱狗退役之後眼見仍然用舊模出, 已經好討厭buzes 個舊模! (價錢卻由298加到368)
上圖為由舊模演變而成既buzes 吉蘭DT6132-81於2008年9月推出, 生產1800部!
上圖為由舊模演變而成既buzes 坦克蘭FA9288-70於2009年1月推出, 生產1800部! 本來不打算購買, 因為舊模但佢既推出係紀念70號於2008年12月取消, FA9288為70尾班車之一, 意義因素下才破例捐款! 仲記得呢架車係一名師姐出staff card 用員工價買!!
上圖為由舊模演變而成既buzes 老虎豪GK9063, 於2012年5月推出, 生產1800部! 本來不打算購買, 因為舊模但佢既推出係紀念熱狗退役而在GK9063上了告別廣告, 基於意義因素下才破例捐款!
上圖為由舊模演變而成既buzes 坦克蘭EJ4474-14於2015年3月推出, 生產1200部! 本來不打算購買, 因為舊模而且頭幅於2014年改完仲衰過唔改, 下層頭窗起晒角都唔知搞乜，但由於EJ4474係全九巴車隊中最後一部熱狗, 意義因素下才破例捐款!
Carz 於2003年曾推出Leyland Olympian 12M(3BL, route:38/111), 但仿真度太低, 簡直係一台玩具, 喜歡Leyland Olympian既我曾游說自己3BL 只有一家生產別無他選, 不如降低要求買一部啦, 但模型係應該有模型既水準, 而且一部3BL 講緊$288, 點解DW 2002年做既平治O305可以簡約做倒類似既車身而望落好過你buzes、carz 既出品先? 只因自己當時喜歡既係Leyland Olympian, 所以無買平治, 但最後carz 3BL過唔倒自己所以無買!!
BusFuctory 曾推出Leyland Olympian 11.3M(鬼蘭S3BL)及Leyland Olympian 9.5M(短蘭BL)膠車, 鬼蘭出果時本人覺得係幾神似, 而且內籠精細令我覺得香港巴士模型係有希望既, 唔一定靠官方, 非官方都可以很出眾! 不過因當時定價太高, 而且車殻太厚、車咀太方及打風等不足之處最後無法入手。到BF 2012年尾出BL, 一炮過出11款, 本來有興趣入一兩部, 後來發覺個模有些不足之處例如車窗起角、上層座位過高及車身弧位未掌握到真車既神韻等等, 加上預訂價臨時加價等因素最後決定否決捐款! BF曾發佈會推出Leyland Olympian 12M(3BL), 但可惜最終不了了之！
P&T 312 於2013年推出Leyland Olympian 9.5M(短蘭BL), 312 既BL 車殻係我個人認為係咁多模型生產商之中最好的~ 但也存在影响外觀既某些細位如A柱太粗、群腳太平及車尾泵把太厚等...
312 BL CZ9917-96R於2013年4月推出, 只生產200部!
Carz 於2013年6月推出Leyland Olympian 12M(3BL)，據說是由舊模改模而成，改模後效果不錯，有少少R頭味道，不過A柱太幼又係一個問題，唉如果03年起模係咁既水準你話幾好！要十幾年時間先肯改倒個似樣少少既模！
Carz 也於2015年12月推出11X Leyland Olympian 9.5M(短蘭BL), 是繼BF、312 後的第三個選擇, 有人話本應2014年出但因為NS既BL車海搞到延遲左，整體黎講不太差但有很大改善空間! 最唔明既地方係上層兩隻頭窗之間車身無油紅色, 搞到望落成架冷氣富豪咁奇奇怪怪! 另外就係發現個模上層有歪曲現象，就係正面睇會發現好多部門位一邊比較直而司機位一邊就比較斜，做模果時應該出錯左，但又唔係架架係咁架喎，十架有八架有呢個問題，所以要睇中一部岩心意既巴模，Carz 往往同你講：無乜可能既！唔知大家又點睇呢部Carz 新起既Leyland Olympian 9.5M R頭呢?
唔洗奇怪架車係咪廢車場執番黎，係因為打八號風球，唯有自己拆車減至一號風球... 睇下Carz D質素真係... 另外自己用photoimpact 將上層頭窗中間加番紅色但發現都係好怪，又講唔出邊度影響左個外觀，牌箱有人話太細，開頭唔覺但對番真車照片又真係窄左少少！牌箱左邊位置應該超過下面個水抹少少，同時都過左上層頭窗中間點... 生產商好明顯未掌握真車既特徵，而且車尾散熱網過大印到出晒界，都唔知carz 搞乜！
Carz BL DB9881-29M於2016年10月推出, 生產900部!
Toy1 於2017年初推出中巴LM5 紅色版，NS 圖一出，小弟當堂呆一呆，個個fd都話想要，但自己堅持俾個機會buzes，等埋buzes 既LM 面世再決定，唉如果Toy1 LM加上Buzes LM 除二你話幾好...
因為自己無買Toy1 既LM5，所以無得評論，但望過實物同模型相，都係覺得Toy1 整體係比buzes 既LM 略略優勝少少，但又唔係贏好多，各有長短。究竟一部真係令人滿意，甘願俾四舊水買既 Leyland Olympian R頭模型幾時先出現呢？真車都退左咁多年，自己又真係對Leyland Olympian 有回憶，真係感到唏噓多於歡笑！仲應唔應該對新起既模抱有期望呢？價又係咁加，但如果連少少期望最後都變失望既話... 炒家又多，護航狗又多，健康既巴模界係咪已死？
沒有留言:
張貼留言