因為日前忙於録影Toyota Corolla AE86 的賽車賽事影片, 所以幾乎忘記我的日本之旅day 7 係未post 的, 現在馬上回顧!!
來到窮遊光之國 日本之旅的 Day7 - 大阪OSAKA
這天主要遊覽了天王寺、阿倍野HARUKAS 300及難波一帶
連續六日都行左total 有幾十公里, 來到大阪, 入夜已經feel 到雙腿好累, 所以day7 忍唔住要訓晏少少...(d時間半桶水, 多一日玩既話可以爽手抽一日全日殺去神戸, 但同行另一條友臨出發前才説請唔倒假引致行程安排上有困難! 真係枉我拎左至少十日假for 日本之旅)
早上飲的係期間限定Lipton rouge berry tea latte, 平心而論幾好飲, 都係同一個情況, 500ml 唔係一次過飲得晒, 攜帶不便, 但普遍樽裝飲品的確無乜選擇!
前往天王寺
附近是阿倍野HARUKAS 300, 它是全日本最高的大廈!
天王寺公園
公園的商店極具特色
牛角包
路邊攤擋
通天閣
早上10:58, 通天閣觀景台上有不少遊客
有些旅遊書已無介紹通天閣, 原來通天閣是比較舊的景點, 書籍都不再花篇幅介紹
惠美須東
天王寺附近地圖(路痴恩物)
遠望阿倍野HARUKAS 300大廈
天王寺公園部份範圍是要收費的, 一般都是幾百円, 而外面都有介紹你買pass 的poster
不過如非十分有興趣, 其實可以不進入收費範圍, 因為非收費範圍都好大, 有排你行!
河底池
願我可以懶洋洋 抛開工作自由樂暢
乘船兒一葉 船隨流水往 在浪裏漂航 似彩雲飛揚
但願無波浪 船兒乘風往 滿船凉快清風撲面 單衣飄飄出塵網
河底池
毛色真係好靚
樹林間原來有勁多
突然全部一齊飛走, 趕唔切捕捉... 同行另一條友都無晒反應...
茶臼山, 有26米高! 天王寺一帶最高的山!
這邊一班官員在商議國事!
還記得day2 在宇治錯過了雙彩虹, 這日終於看到日本彩虹了! 噴泉水點在陽光照射下現彩虹, 它就是組成太陽光的七種色光: 紅橙黃綠藍靛紫
在場都有幾位老手在隱閉位拍攝雀鳥
行這些公園感覺還好, 在都市中找到點放鬆, 否則就係行商店, 買買買...
沿茶臼山外的馬路走到四天王寺前
兩軸細田螺車
四天王寺 石鳥居
四天王寺公園地圖
(前)西重門、(左)四天王寺金堂、(右)四天王寺五重塔
北引導鐘堂(北鐘堂)
露出水面的龜就似定型一樣, 只有同一姿勢
寅之門
四天王寺五重塔
聖靈院太子殿前殿
東大門
免費區域基本上都行過, 收費區域就沒有進去了...一黎時間比較緊迫, 二黎對寺廟的認識尚淺, 未到非看不可的地歩...
從西大門離開四天王寺
大灰罐! 終於見倒淘寶1:24 田螺車常見的短身田螺, 即是螺身最大直徑部份比香港用開的田螺短好多~ 所以遠遠看見田螺停燈, 馬上便舉機拍照, 幸好成功射龍門!
現在也開始搜尋有什麼1:43 田螺車選購, 但常見反而係1:35 , 1:24... 或少數1:50, 1:43 咁耐以黎只見過一款...
三菱FUSO
遠處已經看見阿倍野HARUKAS 300
呢日好像有學校早放學, 好多女學生沿谷町筋前往天王寺站
留意這些十字路口地上都有斜行的斑馬線, 日本係唔同d 的, 交通規劃比較好
來到day7, 手上支殘舊18-200 已經好唔聽話, 見到鏡頭内有疑似葉片脱落, zoom 到7xmm, 1xmm 時會卡一卡住, zoom out 再zoom in 有時又ok, 引致部份相片局部模糊, 我都預左呢支咁既殘鏡就黎要換, 所以開始粗用, 反正越黎越多發霉漬, d 相都越黎越濛...
Nakajo
街邊攤賣玩具
人地話計算機係世界語言, 拎部計算機篤個價錢俾人睇, 人地賣400円的, 你就話nonono, 然後篤個350出來... 問番對方係咪ok ?
但我就唔敢同人講價... 始終語言有差異, 表達唔倒意思好易有誤會, 試過自己搞錯價錢, 例如件貨賣2000円, 我會馬上用港幣去衡量一下件貨貴唔貴(假設2000円即大約HKD$145), 然後我又好自然地拎張1000円出黎, 以為仲有得找番855円, 結果店員問番我, 然後指住個售價, 我先醒起我係俾緊日圓, 即刻馬上俾番錢... 勁尶尬, 好彩係日本店員多數有禮貌, 如果係香港? 分分鐘鬧尻你, 尤其飲食業, 個個無禮貌之餘態度又差...(好難怪呢期無生意, 自己一手造成!)
所以日本d 野貴但你會覺得人地服務比較好, d 錢値得俾, 但香港d 野貴, 服務態度又差, 自然覺得唔撚抵! 所以係日本, 自己認為ok 咪科水俾錢, 認為貴就唔買, 講價真係米搞...
Bikkuri Donkey Tennoji
びっくりドンキー 天王寺店
可見遠處的通天閣
來到大阪, 見到巴士的次數很少, 感覺上鐵路為主, 因為有環状線覆蓋, 而來到JR天王寺駅對出, 就看到頻密的巴士出出入入
同香港一樣, 麥當勞都是最多人的! 我們作為遊客就可能覺得要食和牛、拉麵, 但作為平民, 麥當勞的確係一個唔太貴又唔太失禮的選擇~
話説我從來未聽過金拱門呢個名, 直到大約兩個半月前, 有人同我講"而家少食金拱門了", 我load 左兩三秒, 估金拱門即是麥當勞...
個logo 明明係黄色, 極其量是黄拱門...
沿玉造筋前行, 這間店的貨品面向馬路, 又開揚, 不怕有人順手牽羊嗎??? 同行另一條友話可能有cctv 影住, 我抬頭望過又唔覺有, 但我咁樣望有無cctv, 會顯得好唔自然, 隨時有人誤會我想偸野... 所以唔係買就離開了~
因為想影下大阪三菱巴士, 所以就想睇下有無路邊影車位(短鏡照影), 無意中發現玉造筋 あべの橋操車場, 小型巴士停車場, 遠在天邊近在眼前, 馬上影車!!
橙色有d 似龍運...
都係三菱巴士最好影!!
現在又想搜羅一下邊度有1:43 京阪巴士模型... 自從早前見過ISUZU 1:43 巴模, 真係1516想買, 好精細, 人地做到窗口開關手抦都有, 但因為模型主角唔係三菱及唔係京阪地區才得以免疫, 加上樹脂膠車真係好貴... 一部1:43 單層巴士模型要千七蚊, 加上無折扣優惠, 雖然話呢兩個月買少左巴模, 想深一層, 空間、金錢, 我通通缺乏! 人生還有什麼理想可講？
之後上了阿倍野HARUKAS 300 欣賞大阪風景, 但由於同行另一位人兄畏高, 小弟本身都有少少畏高, 所以只上了位於16/F的免費觀景層, 也符合這次窮遊的宗旨...
司機都幾好技術, 入面上落客, 後面車海到達前馬上抽出最右行車線, 企上面天橋可以梯門兼收(無長鏡又係唔掂!)! 但有車阻及巴士數目不多
如果係九巴既話, 扭唔倒出黎一定大安旨意同你慢慢塞(和你塞)... 就好似281A 咁, 司機質素參差, 好多時停香港駕駛學院個分站, 前面要右轉愉翠苑方向, 成日都切唔倒出黎, 醒目少少的司機通常唔會停最前, 方便離站時避開前面停燈車龍! 但都遇過唔少比較碌的281A 線司機上完客仲慢呑呑打右燈, 明明可以馬上駛入中線(因為中線都可以轉右, 醒目少少的司機通常懂得善用中線), 但都唔鬆手制, 然後尾隨車海到達, 要讓晒全部車先肯開車, 結果成車人要等兩次燈...
最仆街係駕駛學院個分站係有人落車的, 就算無人截車, 有時都要停站, 點解d 廢中可以俾$7.8搭三幾百米路程咁撚ON9 既...
收車三菱
有些後悔無登上HARUKAS 300最高的觀景台, 話就話窮遊, 但其實這些景點是値得俾錢入場的, 因為日本位於地震帶, 有200米以上的摩天大廈本來都很少, 何況HARUKAS 300 有300米高, 是全日本最高的大廈!
細心留意模型, 可以見到馬路邊有一架我剛才影過的巴士! 直投係同一個位置^^
看來這個位影車相當有代表性!!!!
入場票價, 大人1500円, 大約HKD$108
16/F
下次, 一定會上去望下!
可惜這觀景台只有北面, 東面的區域是行不出去的...
免費的局限真多, 商家一定覺得如果呢邊開放埋, 會影响樓上生意, 加上大部份賣紀念品的都位於頂樓, 因此16/F 這個觀景區只係"俾你睇少少"
由於站立區域與前面玻璃仍有些距離, 斜望兩邊的景物會被粗柱阻擋!
在這高度可見通天閣其實好矮(當年來講是十分高), 在其他大廈相對之下顯得黯然無光...
這張是回港後電腦炒Windows, 將所有相、片backup 去外置hdd 後重裝window, 但點知之後個外置hdd 打打地柴, 部份日本之旅相同片都read 唔番, 好彩只是少量, 而上圖是原圖的右邊, 原圖的左邊無法讀取, 那區域變了灰色, 所以crop 番出黎, 不至於total lost...
望遠少少, 原來見到心齋橋的驚安之殿堂摩天輪(現場沒發現, 睇相先知)
即day5 經過的這個摩天輪(下圖)
近鐡南大阪線
俯視谷町筋
遠望大阪城(5公里外)
遠處是NHK Osaka Hall, 有些似尖沙咀北京道一號
16/F 的風景就只有這樣
仲可以上多一層, 但因為16/F 的玻璃幕牆太高了, 所以風景都係麻麻
HARUKAS 300 觀景台出口
刊登出來的都是入選的照片
包括已燒毀的首里城
1:400 大阪城
我好懷疑呢款大阪城係昨日(day6)係某些店見過的, 但因為無模型display 出黎, 得個包裝盒, 所以驚中伏無買到~
day7 lunch 無乜特別食過野, 因為想留肚食SHABU SHABU, 但因為夜晩要回酒店取行李再出發去機場, 所以在HARUKAS 300 留到4點多少少就要離開了!
銀色田螺車
前往關西的列車由難波開出, 由於不熟路, 所以晩餐前先到樓下車站望一望, 順便購票, 因為太多人, 滿手行李去搵路比較麻煩!
這晩被欺騙, 這間SHABU SHABU 原來係無任何辣調味的, 原來同行另一條友唔食得辣, 專登搵間完全不渉及辣的, 心諗洗唔洗呀, 唔食得辣可以唔落辣架麻, 淆底淆到咁... 真係要笑出聲!
這時大約4:35p.m., 他們5:00p.m. 才開放晩市時段, 所以上了商場天台看看四週環境, 剛好讓我看到大阪的日落! 妙哉妙哉!
乘電梯到天台, 屋頂個建築都相當搞笑~
府視 阪神高速一號環狀線
諗起街機灣岸/環狀的賽道... 想揸AE86 行一圈^^... 可惜我只有超市手推車...
這裏也可看見飛機降落關西前部份時刻, 大阪其實都有不少牙籖樓...
11月中日本日落時間太約係5點, 但一般來説太陽落在地平線前會被遠處景物遮擋, 所以通常4:50p.m. 開始街上就看不見太陽, 不少商店6點後陸續關門, 最後一日可以無意中成功看見大阪日落, 為旅程加上一點圓滿, 因為很多時你專登去影反而可能因天氣影响而食白果!
看到滿月, 又看到美麗的日落, 總算是歡笑多於唏嘘!
回望阿倍野HARUKAS 300
回望通天閣
找到一個較高的休憩地方, 不少情侶都選擇這裏看日落...(秋冬位置限定)
夕陽徐徐落在遠處的港大橋背後
人類工業製造大量温室氣體, 樹木不斷吸收二氧化碳, 但現時地球的自我調節系統將到達臨界點, 假設人類最後被大自然消滅, 人類滅亡, 工業停止, 地球可用十萬年時間從這場高燒中降温, 這一切可能都是機制的計劃之中!
300mm(等效450mm)
觸手可及的鹹蛋, 這是來自一億五千萬公里的合照!
真的非常巧合, 太陽切進港大橋橋頂
4:55p.m. 太陽消失在建築物上空
大約5點左右, 準備晩餐, 這餐食豐富少少
這間5點開始晩市, 果然比香港早, 香港真係太夜, 記得以前番大陸親戚屋企未到6點就食晩飯, 完全唔習慣, 結果晩飯那餐就俾面食少少, 夜晩再外出食宵夜, 如此一來可以食下地道野, 不錯不錯!
飲品+490円 任飲, 其實我從來都飲唔倒幾多, 最多咪三杯...
其實呢間SHABU SHABU 完全無辣味提供, 對於我本人習慣打邊爐加辣調味, 會覺得唔盡興, 始終係差少少~
入場時人流較少, 店員讓我一人坐一張台, 可選兩種湯底不錯~
直到中途附近的枱都滿座, 我有少少尶尬我一人坐一張台, 不過幸好是店員安排的^^
咖哩飯, 任添的, 不過我選擇只試少少, 以食牛為主!
限時100分鐘, 極之準時邀請我們離座, 對我來說呢餐都幾貴, 3490円(任食)+490円(任品), 仲有另外加消費税, 總共4378円... 即HKD$315... 我自己極少打邊爐會超過300蚊... 日本食當然值得, 香港d 質素差就米搞, 其實我選了最頂級的牛肉, 但食落都好似好普通, 可能我唔識食啦, 基於呢餐比較貴, 所以lunch 唔食咁飽係明智之選!
另外好深刻係店員英文唔係太好, 但睇得出佢盡晒力去諗點樣講, 有些字是免強吐出來, 講到流晒汗, 所以每當我get 倒個意思我都馬上俾番反應對方, 但可能我唔夠靚仔的原故, 我發現d 人同我地2個講野, 多數係望另一個(即同行的另一條友), 但最衰係條友又無乜反應, 好似聽唔明人地講乜咁, 搞到人地講得好辛苦, 但我又get 倒意思, 呢d 處境真係... 其實如果對方向住我講, 相信輕鬆得多...
咪咪模模, 大約7點, 由難波回程, 到酒店取回行李
8點幾, 再起程到難波轉乘到機場, 行李好重
一張車票930円, 都真係唔平... 連上面酒店出發呢程, 共1160円, 即HKD$84
我用手機影完呢張車飛, 就行開左, 完全唔記得拎番張飛, 然後我等另一位人兄買飛, 佢買完之後我先發現我張車飛唔係手上, 立刻緊張起來, 望地下唔見有, 衫褲袋搵過又無, 馬上回憶剛才買飛的過程, 才醒起買完飛, 把車飛放在欄杆上影相, 馬上去番呢條欄杆望下, 原來真係漏左係度, 好彩仲係度無人拎走, 真係流晒汗！
上車
訓左陣, 到機場, 圖左為JR 票務中心, 就是第一日到日本時排了很久隊入到去就話原來要用出面的自助售票機處理, 搞到走左班車, 等多了半個鐘...
我行李内的汽水樽無法出境, 唯有開樽倒走汽水才可...(寄倉就無事) 這也可以令我行李重量減少, 都有好處~
像時光倒流, 乘無人駕駛列車到候機區, 當日落機就係乘無人駕駛列車到入境區~
香港航空A330-300, 當時都未知道不出一個月, 香港航空財困, 拖欠泊機費面臨吊銷牌照的死線! 現在鄭月娥又引入中角大陸的新冠肺炎病毒帶菌者來港, 直接導致新冠肺炎在香港爆發, 香港航空全面停飛... 鄭月娥難道真的要親手毀滅香港嗎?
貨物裝卸
分批登機
準備離開停機坪
進入跑道
機上看出去的月亮
日本大地在眼底漸漸變小
去程的飛機餐只是零食, 回程的似樣好多, 當時香港航空已傳財困, 面臨倒閉, 這飛機餐可能將成為歴史...
有意粉、冷麵、餐包、蛋糕
呢支廢鏡, M mode 都對唔倒焦, 要靠我先對焦在月亮光才可以將畫面移過去天空影星
窗外漆黑夜空, 顯得佈滿四周的星星非常易看見!
儘管機内已關燈, 但唔少人都開倚背Mon 睇戲或玩手機, 所以都難免有反光...
月亮照亮了機翼, 香港航空標誌會否成為歴史呢?
這次從港珠澳大白象這邊降落, 可惜相機已沒電支援開monitor 録片, 又忘記用手機拍片(太乖一上飛機就關了機), 唯有影座位上的monitor 以作紀綠!
凌晨時份, 無人駕駛的列車已收車, 要乘搭接駁巴士到客運大樓
車上寫明座位只有5個
大約有5分鐘可以在機場地面近距離見倒飛機, 不過個司機好L碌, 車速有40km/h...
全車僅有的5個座位
好似係NS 見過類似呢架機場專用的接駁巴士1:43 模型, 好大架, 但好貴, 接近兩千銀...
到達客運大樓只是凌晨三點幾, 等0530 的頭班A41 離開, 訓左陣又行下飲下野~
呢支豆奶只係$5... 好平(seven 買), 日本呢幾日閒閒地飲支野都要港幣十幾蚊...
沙田精神號
平時大家去旅行去得多, 出入機場都成為家常便飯, 唔知有幾多人會留意呢架位於一號客運大樓天幕下的飛機呢?
1911年3月, 著名比利時飛行家查爾斯‧溫德邦(Charles Van den Born)駕駛了同款的費文雙翼機在沙田成功試飛, 為香港的飛行史揭開了第一頁
80年後, 即1991年, 數位香港歷史飛機愛好者提出紀念香港飛行史起源的構思, 最後以1:1比例仿製了這部首架在香港上空飛翔的費文雙翼機！
不少旅客在頭班巴士開出前, 都在客運大樓內露宿...
這次選搭了A41 E500MMC Facelift, 當我嘗試過乘搭日本的地鐵、巴士, 忽然覺得A41 不再是想象中那麼貴了, 第二程又可免費轉乘83K, 同E42 比, 雖然E42 平好多, 但轉83K 要俾全價... 其實都唔慳得幾多！平日常搭的281A $7.8 忽然覺得好平, 如果日本? 搭一次閒閒地都要港幣十六十七蚊(當然人地服務好好多, 九巴/港鐵的垃圾服務無法相題並論)... 加上而家仲有埋交通資助, 每月省番幾十蚊, 香港都唔輸得晒~
內籠有少少似以前熱狗的顏色, 以橙、啡為主
木紋地台膠
豪華座倚
本來我想精精神神坐足全程A41 睇風景, 但發覺真係好累, 年紀大左真係頂唔倒了, 頭班車經大白人工島真係白行的, 完全無人上落, 過左人工島已經訓著左, 一醒已經係第一城了...
番到屋企數番d 錢, 仲用剩萬幾円, Total 用了港幣九千幾蚊, 真正窮遊！其實都睇中唔少野想買, 只係無位擺所以好多都睇完就算, 當然有好多超人野都平過香港(香港多炒價), 但對我來講仍然係貴... 所以就算有再多d時間考慮, 我諗都係買唔落手...
總結這次都算好彩, 如果遲兩個月去, 都唔知去唔去得成...
