都有幾個月無影過巴士模型，今次有少少時間post 番前年影左但一直未得閒post 既機場巴士模型出黎~！無錯，講緊既就係舊啟德機場時期的機場巴士~
記得前年開始玩飛機模型，某姓李黑暗人士話我應該搞番次機場巴模小集會，不過就算佢唔講我都會影既...
入正題之前，先share 一下新春期間小弟Need For Speed 既片段，四日假，今日已經係last day了，明天又要番工... 放假時光實在太少！
人生如夢、夢如人生 The art of driving 對決賽
讓我奔放 Spoilt for choice / Lamborghini Reventón Roadster 競速賽
有時透過賽車，可以增加個人對於想成功的意志力，並唔係一定打機就係等於無益處，好多野要經歷過就會有體會，本人挑戰Need For Speed 亦遇到有黑暗勢力的抗衡，無論本人如何以最短時間抵達終點，敵人都會再次打破本人紀錄，但每次本人都已經係出盡力挑戰，所以其實係等同自我超越，呢種體育精神有少少似奧運運動員，亦都係支持本人捱過窮困日子的動力之一~
小弟手頭上第一架機場巴士模型係02/2010 出的利蘭奧林比安十一米(冷蘭)，當時仲係248入手，不過因為岩岩出黎工作，人工好低，248 其實已經好貴，但今時今日就算有証，都已經over400... 所以好懷念248時期去CS 排隊買模型既樂趣！
有樣好嬲既係，仲記得當日A2同74X一齊出，我一早排隊去CS 都買唔倒74X，因為我唔係排第一，所以74X 俾前面班人買晒，條隊輪到我就只有A2 選購，然後失望地落太子80T 博下睇下有無74X，點知聲稱售馨但知情人士透露其實walk in 既貨都留晒俾d 熟客，所以其實有貨但唔肯賣，隔左咁洗幾耐堆74X 又彈番出黎，但個價就由298變398，之後仲繼續上到498、598，當時本人對80T 的做生意手法非常不滿，並希望會有另一間可以與80T 互相抗衡甚至可以打殘80T！正如有光明，都會有黑暗與之對抗。好深印象就係既然CS、80T 呢D 最多貨既話無貨俾我，我唯有走埋去觀塘的Busme 呢d 細鋪查詢74X 的下落，可惜Busme 的店員態度差劣，大聲咁話"有貨都留俾我自己先啦，幾時到你呀"，本人失望而回，亦對Busme 既服務態度非常不滿，呢D 咁既細鋪對客人態度咁差，咁不如你做死一世細鋪啦！反正貨又唔係得你一間有，亦大大減低左我下次再光臨的機會！
而家諗番，當日極度希望有另一間與80T對抗，今日真係有；當日極度希望Busme 永遠做細鋪甚至結業我都不會感到可惜，今日無論呢間野點宣傳點樣上banner 點樣上鏡做訪問，都係無起色，因為貨唔係得你一間有，你對客差，人地咪去另一間囉，以為有熟客就大晒？熟客始終有一日都會離你而去架，你估錢咁易賺呀？！有貨就大撚晒唔賣俾我呀拿！突然心涼~！
第二架機場巴士模型係三菱A7，08/2011 推出，亦係248入手，但當時覺得單層車又同雙層車賣一樣價所以認為好貴，不過都係同一句就係今時今日已經over400... 所以好懷念248時期去CS 排隊買模型既樂趣！
記得前年開始玩飛機模型，某姓李黑暗人士話我應該搞番次機場巴模小集會，不過就算佢唔講我都會影既...
入正題之前，先share 一下新春期間小弟Need For Speed 既片段，四日假，今日已經係last day了，明天又要番工... 放假時光實在太少！
人生如夢、夢如人生 The art of driving 對決賽
讓我奔放 Spoilt for choice / Lamborghini Reventón Roadster 競速賽
有時透過賽車，可以增加個人對於想成功的意志力，並唔係一定打機就係等於無益處，好多野要經歷過就會有體會，本人挑戰Need For Speed 亦遇到有黑暗勢力的抗衡，無論本人如何以最短時間抵達終點，敵人都會再次打破本人紀錄，但每次本人都已經係出盡力挑戰，所以其實係等同自我超越，呢種體育精神有少少似奧運運動員，亦都係支持本人捱過窮困日子的動力之一~
小弟手頭上第一架機場巴士模型係02/2010 出的利蘭奧林比安十一米(冷蘭)，當時仲係248入手，不過因為岩岩出黎工作，人工好低，248 其實已經好貴，但今時今日就算有証，都已經over400... 所以好懷念248時期去CS 排隊買模型既樂趣！
有樣好嬲既係，仲記得當日A2同74X一齊出，我一早排隊去CS 都買唔倒74X，因為我唔係排第一，所以74X 俾前面班人買晒，條隊輪到我就只有A2 選購，然後失望地落太子80T 博下睇下有無74X，點知聲稱售馨但知情人士透露其實walk in 既貨都留晒俾d 熟客，所以其實有貨但唔肯賣，隔左咁洗幾耐堆74X 又彈番出黎，但個價就由298變398，之後仲繼續上到498、598，當時本人對80T 的做生意手法非常不滿，並希望會有另一間可以與80T 互相抗衡甚至可以打殘80T！正如有光明，都會有黑暗與之對抗。好深印象就係既然CS、80T 呢D 最多貨既話無貨俾我，我唯有走埋去觀塘的Busme 呢d 細鋪查詢74X 的下落，可惜Busme 的店員態度差劣，大聲咁話"有貨都留俾我自己先啦，幾時到你呀"，本人失望而回，亦對Busme 既服務態度非常不滿，呢D 咁既細鋪對客人態度咁差，咁不如你做死一世細鋪啦！反正貨又唔係得你一間有，亦大大減低左我下次再光臨的機會！
而家諗番，當日極度希望有另一間與80T對抗，今日真係有；當日極度希望Busme 永遠做細鋪甚至結業我都不會感到可惜，今日無論呢間野點宣傳點樣上banner 點樣上鏡做訪問，都係無起色，因為貨唔係得你一間有，你對客差，人地咪去另一間囉，以為有熟客就大晒？熟客始終有一日都會離你而去架，你估錢咁易賺呀？！有貨就大撚晒唔賣俾我呀拿！突然心涼~！
利蘭奧林比安11.3米 / EX5154(AL44) / 路線：機場 A2 / 生產商：Carz / 限量1000部
多手擺架熱狗係度，不過個模真係唔掂... 算啦，兩架都曾經係沙田廠車~
話說呢架模型印錯左廠徽，應該係K廠而唔係L廠，估唔到Carz 做野咁求其... 另外由於WMB 係上年11月發生嚴重金融海潚，呢部A2 冷蘭已經割愛轉讓予其中一名BHT人士！
第二架機場巴士模型係三菱A7，08/2011 推出，亦係248入手，但當時覺得單層車又同雙層車賣一樣價所以認為好貴，不過都係同一句就係今時今日已經over400... 所以好懷念248時期去CS 排隊買模型既樂趣！
日本三菱Mitsubishi MK117 9.2米 / EN419(AM40) / 路線：機場-九龍塘 A7 / 生產商：Carz / 限量900部
而早係官方出呢部A7 之前的2009年暑假之前，三和 / 312 就已經出過EN419-A7~ 不過影相時因為底座拆除遇到技術上困難，所以連底座同carz 呢部一齊影算~
個車牌位，一睇就見倒312 既做得似好多，Carz 既免強將成個車牌縮左係條泵把度都唔肯整多個框... 真係好無誠意！
以前有人批評過312 既三菱同官方出既三菱唔同長度，有指312 模型數據唔準確，但就以下的擺法可見長度並無明顯分別，所以當時d 人一味撐carz 既數據準確呢樣野並唔可以講得話係咩優勝之處！正如唔同公司就算出1:24 蘭博基尼雷文頓，都有幾mm的差別，差別咪仲大？！
日本三菱Mitsubishi MK117 9.2米 / EN419(AM40) / 路線：機場-九龍塘 A7 / 生產商：312 / 限量250部
單層部隊之三菱與飛鏢
單層倒序順序A7 A5 A3 / A3 A5 A7
A7 A5 A3 A2
啟德機場A線~
A5 A3 A2
A2 A3
A7 A3 A2
跟住係06/2016 出既丹尼士飛鏢A3、A5，呢款車其實想佢出模型好耐，所以九友價加到348 都有限度支持一下... 但車頂太厚、行李架打風...
丹尼士飛鏢十米(都普車身) / FP1778(AA19) / 路線：太古城 A5 / 生產商：Carz / 限量950部
丹尼士飛鏢十米(都普車身) / FP6003(AA22) / 路線：機場 A3 / 生產商：Carz / 限量950部
由於WMB 係上年11月發生嚴重金融海潚，呢部A3 AA 已經割愛轉讓予其中一名BHT人士！現同場加送飛機場景的模型照以作懷念~
影機場巴士點可以少得飛機做背景呢？
跟住係09/2016 出的利蘭亞比安機場豪華巴士200，講起又係嬲，200同246一齊出，80T 竟然因為貨少而無九友價，迫住買貴左，心諗做700部點會無貨呀，點知放工去到尖碼CS 仲有貨... 有九友價... 激死！所以有時真係好憎80T 既賣車手法，真係好仆街！咁搞法次次話無貨無discount 姐係帶頭炒高d 價姐，可惡！
利蘭亞比安?米 / BH3732 / 路線：啟德機場 200 / 生產商：Carz / 限量700部
最記得呢架野D 座位好多架都向前斜，好難揀，手頭上呢架算係似樣少少... 如果真車係咁，個乘客都寧願企位算了...
影200，又點少得09/2009 出既Dennis Falcon HC 丹尼士獵鷹豪華巴士？這時一部丹尼士獵鷹神秘到場~
丹尼士獵鷹11米 / DH743(AF1) / 路線：啟德機場 200 / 生產商：Concorde Workshop / 限量300部
當時呢部車出個陣，手工非常精細，尤其倒後鏡吊臂，幼細到唔覺意大力少少拎起架車都會難爛，主要問題係車身紅線有d 印斜左，不過呢d 問題carz 都好常見... 另外就係窗框同車窗唔係同一塊膠片做，有機會變形... 可惜既係官方、carz 係唔識出呢d 車既，淨係識出AVBWU、ATENU，成日出新車有咩意思...
丹尼士飛鏢 / 獵鷹。丹尼士的單層巴士多以武器命名，好似飛鏢、長茅等等！
手頭上有既啟德機場巴模係得咁多，反正影開丹尼士機場車，同場客串埋丹尼士巨龍十一米 Dennis Dragon E31~
丹尼士巨龍十一米 E31 係03/2016 出，都係近年既出品，但可以講成個丹尼士巨龍系列當中除左9.9米版本叫做出得似樣少少之外，其餘的丹尼士巨龍係出得好撚差！不論"開龍、密龍、AD1、AD、3AD"都係令我好失望，點解ADS 可以有少少水準反而之後出既AD、3AD 會退步得咁過份？！有時網上d 人盲撐Toy1 既出品有誠意，插80T / Carz 既出品垃圾，事實上80T / Carz 又真係幫唔落... 個模本身唔似樣、又打風、又谷模、QC又差，仲要賣到398 喎，唔係我自己鐘意巨龍都唔鬼買你d 咁既玩具囉！
丹尼士部隊~
丹尼士巨龍11米 / HC2437(AD359) / 路線：荃灣碼頭 E31 / 生產商：Carz / 限量900部
個尾睇落似樣既，情況同buzes S3BL 一樣... 都係浪費地球石油的產品！不過以前宣傳過海路線既廣告配機場線E31 我又覺得幾特別，前年路過劏車場見有部巨龍甩左banner 之後見番十幾年前既呢個過海路線廣告，真係好難得... 又俾我見倒，模型咪買一部囉...
冷氣巴士投入服務初期，車身均有空氣調節的字樣~
E31 當然就唔少得係08/2016 出既龍運豪，所以同場客串埋富豪奧林比安十一米 E31~ 大家都係E31，我對十一米豪呢個模無乜劣評，2008年第一次出個時已經覺得好似真車，係車尾差少少，但十年前既模至少仲順眼過carz 既AD、3AD所謂新模... Carz 係咪要反醒下？
富豪奧林比安十一米 / HH1452(AV240) / 路線：東涌市中心 E31 / 生產商：BC / 限量400部
期待快D 出埋十二米龍運豪，同埋Carz 個所謂ATR 新模一直未出過龍運原色，只係出過小飛俠一次咁大把，但而家已經加到460... 早兩年肯出既話我實買，而家出就米搞了...
更多龍運巴士模型小集會2016：
A3 A7 200 200
白板部隊
而家諗番，當日極度希望有另一間與80T對抗，今日真係有而且唔只一間，可以話係惡性競爭；當日極度希望Busme 永遠做細鋪甚至結業都不可惜，今日無論呢間野點宣傳點做訪問都係無起色！其實作為收藏者，唔應該因為商店生意上的鬥爭而引致買唔倒心頭好，人類過份看重利益引起紛爭，作為消費者，一定是輸的一方！
因應三月份Wmb 的租金太幅度增加，加幅高達13.3%，為通脹的幾倍水平，這項加價事件會啟動票價自動加減機制，所以Wmb 開支有上升的壓力，因此盈利警告仍然維持在最高級別！
Astroreality fb post 左張冥王星同火星既模型圖出黎，係度吊人引，真係衰格，又唔講幾時出，只係話會keep update... 激鬼死！擺到明我而家係想俾錢你賺架啦，都唔肯快D 出，上年話會好快出，而家都幾個月了，都仲係岩岩幾日前先見得幅圖咁大把，唉! 如果我要儲齊九大行星洗唔洗等到我29+1 先有呀... :(
