本文多圖、詳文！(標題：巨龍玩具多面睇，玩具是形容詞，是要表達對模型的不滿)
新學年又開始，早上要搭早三班車... 個個都驚遲到，個個都自駕私家車，搞到周圍都塞車！獅子山隧道早上龍尾過水泉澳，出九龍聯合道、窩打老道又塞一餐，試過落映月台未轉彎已經塞到停晒，到太子又塞一餐... 雖然政府常說是巴士過多引致塞車，提出取消客較量少的路線，巴士公司同時又利益當前不願經營客較量少的路線，取消實用路線去開辦貴價新路線從中賺到最盡，受害的最後都是小市民！但本編作為乘客便很清楚塞車根源是私家車太多，一年365.25日邊日無巴士係街行？但一開學就比假期塞得要死，故明顯不是巴士引致塞車，可以數數塞車車龍私家車其實佔超過七成...
呢排自己夜訓左，放假前夕點幾先捨得上床，星期一前一晚很多時胡思亂想，搞到訓唔著，第二日 lunch 後就好眼訓，lunch 有條友成日上dcfever 睇相機，搞到我又燃起換機的意慾，事關而家用緊的Fujifilm HS25 質素真係麻麻，景深方面更加係令人憤怒！但好處係有長鏡同埋用AA電，我諗HS25 係fuji 長炮數碼相機之中最後一部用AA電的產品... 好有活古董的感覺...
就好似日前係室內拍照咁，自己閉晒氣咁影都震到飛起... 對於Wmb 兩年內能否引入十米車，發言人表示有壓力，但換單鏡反光機是大勢所趨，自己都容忍唔倒自己有技術但欠器材導致錯失照片啦！諗住入部更強的長炮DC 同時入埋dslr！長炮dc 的話個人就對即將推出的 fujifilm X-S2 比較有興趣... 最多再加個2X 增距鏡，以後日日都有超級月亮，唔洗等14個月週期...！
當年放學後在MMLC 都間中翻看911新聞，但當時無Youtube，只能觀看學校的錄影。當年份報紙都俾人當垃圾掉左，真係可惜... 好掛住當年D新聞報導員！
重溫左當年的新聞之後，可以諗諗：
-官方解釋世界貿易中心一小時內是因高溫熔解而完全倒塌...
-指直升機沒有降落世貿天台或靠近大廈進行救援因為大廈多天線及大火難以靠近...(被外界指這些直升機其實是負責與世貿七號大樓內的官員聯絡對世貿進行監視並安排炸樓)
-官方解釋世界貿易中心七號沒有被襲擊，但整幢大廈倒塌是大火引致...(被外界指是毀滅罪証而炸樓)
-五角大廈客機撞擊後現場沒有客機碎片...
-官方解釋五角大廈客機已被高溫熔解，找不到碎片...(卻有記者拍到有人能徒手拿起小型碎片)
-五角大廈外牆的損毀範圍比一架客機細小得多...(同樣是飛機撞擊的世貿明顯有被撞擊的大洞)
-賓洲的客機失事現場沒有飛機碎片...(同樣是飛機墜毀的馬航客機現場卻片地碎片)
-賓洲的客機失事現場只有一輛巴士的大小，比一架飛機細小得多...
不是騙局是什麼？
上片中的直升機"被指"是監視雙塔燃燒狀況以便安排炸樓之用，留意畫面前方的一幢47層高大廈是世貿中心七號大樓，此大廈於同日下午離奇倒塌！
911當日世貿大廈受的風速應該相當強，從大廈冒出的濃煙速度略可判斷，大廈闊度為64米，濃煙經過64米的距離只是幾秒時間。從以上近距離拍下世貿北座倒塌的片段，可細心留意北座大樓被飛機撞擊的位置是92樓左右，從片段可見撞擊位置高達整座大廈的六分之五，換句話講撞擊點以上區區六分之一的樓層能夠壓毀以下六分之五的完整樓層？！除非世事有這麼巧合最頂的樓層重量比以下的九十層樓層的都重，否則相信如沒有炸彈引導理應不可能出現！現實中相信沒有摩天大廈會將所有重量集中在最高處，否則強風吹過屋頂搖晃應該會超強甚至乎會90度倒塌！但大廈塌速度約只有10秒，是近乎地深吸力的速度，即使官方指是因高溫熔化，也難以說服為何突然以這種極速下塌！試想象如大廈不只是110層，而是1000層，以這種超乎自然界的倒塌模式之下最終都會因最頂的十幾層下塌令1000層完全夷為平地??
多數人都忽略了世貿中心七號樓，七號的倒塌相當離奇，它並沒有被飛機撞擊，而且亦不是最靠近世貿雙塔，即使雙塔倒塌對四周建築物造成破壞，也極難令七號以大約6秒的地深吸力速度垂直倒塌，如非刻意炸樓，一般火警相信絕不可能令這種堅固的大廈完全倒塌！曾有報導指世貿七號樓在當日早上，是高官指揮上演襲擊進行的地點，其中包括與監視世貿雙塔的直升機聯絡安排炸樓，外界推測是毀滅罪証而先放火燒毀証據再炸樓銷毀一切。而世貿廢墟事後亦禁止對瓦礫進行檢驗，種種疑點，或許九一一是幕後策劃！
1986年九巴開始引入長十一米的丹尼士巨龍雙層巴士，到1990年引入其車隊首部十一米空調丹尼士巨龍，並在1990-1997年間共引進了360部十一米巨龍空調巴士，其中有80部車隊編號為AD281-AD360是於1997年最後引入。這80部十一米巨龍空調巴士採用2+2座位設計。配用都普車身的外貌及其獨特的鬼面罩為人所熟悉。相信呢80架十一米巨龍是九巴最後一批歐盟一型環保引擎的巴士，往後投入服務的巴士已是以歐盟二型的環保引擎作標準。最後數部十一米巨龍在2015年3月全數退出載客行列，代表服務香港市民接近30年的十一米巨龍燙下句點(1986-2015)，真教人懷念！
其中一部十一米巨龍HC2319。
事隔半年，呢部再見丹尼士巨龍十一米終於推出，但今次Carz 出品似乎再次令眾車迷失望！當初網上傳說用Carz 密龍模改都已經真心失望，唔方有好的出品，因為前車可鑑，Carz AD1 出到四四方方，同Carz 密龍、開龍餅印一樣咁失真。今次本編特意將三部丹尼士巨龍空調巴士模型來一次多面睇合照，舉辦一次再見十一米巨龍集會，是龍還是蟲一清二楚！
再見丹尼士巨龍十一米主角是AD336 (HC1507)，唔明點解唔搵最後果幾部AD 上廣告，始終AD336 唔係最後果十架之中！如果肯搵2-3 架AD上再見廣告，出埋模型，咁呢三千架巨龍就唔會被人話出得太多！今次出3C、92、603，各生產600、1200、1200部。3C 我去到80T已說售馨... 其實我黎講真車都無影，不會因為3C出得少而盲目買3C，反正對呢3條線無特別感情，志在買部QC好的92又好603 又好都收貨了，但QC方面始終都受左少少氣......。車身亦都明顯有谷模，成架車漲左咁樣，真難接受！
今次呢批相本來想用馬路做地面及日光為主，但我之前自己用白紙剪左D雙白線同泊車位果張紙應該俾人扔左... 所以用番桌面做地面算鬼數！而主角是白板，車身容易反光，已盡量控制光暗，使車身不會爆光，顯示番車身的紋理骨位，以便從中比較。
1990年空調樣板AD1(左)、ADS213(中)、再見丹尼士巨龍AD336(右)。三架車均為Carz 出品，分別於2014年(左)、2011年(中)及2015年(右)推出。
當年九巴TD102KF 冷氣富豪巴士行走83K 行車表現欠佳，令我非常喜歡十一米巨龍同冷蘭行83K，甚至認為能夠乘搭巨龍或吉龍、利蘭才算是值回HKD$3.7的票價！所以深象的深刻基本上唔洗睇相都可判斷以上三架之中那一架最有真車感覺。但都係俾張真車的相大家對一對：
簡單的對比，大致上 ADS213 外型似乎比較像真。
並肩的空調巨龍戰士。
ADS213 vs AD336。雖然ADS的輪廓上較像真，不過車咀位置卻令我感到不滿(如果從側面睇會好凸)，同埋泵把做得扁左D...；同AD336 相比，AD336 的泵把較好，但鬼面罩的格仔位就實在太粗糙，骨又做得凸，車頭燈做得太細，真車邊係咁呀，完全唔掂...
有少少奇怪的係同一款車身，竟然先後三個出品都各有不同... 先有ADS、後有AD1、再有再見AD，坦白講都有D越出越差的感覺！
從"上車門前方車身上的第一條骨到車頭最前端的距離"，可見三部模型都各有不同，好明顯生產商都未能掌握真車的數據就求其出，又或者反正個個都會科水買而做成Hea 出的不良習慣！
俾張真車相大家睇睇，似乎都係ADS213 做得最接近比例！AD1、AD336 相比之下，完全唔掂，成架玩具咁！另外是紅線位置問題，車頂的紅線真車都比較高！
AD1與ADS213、再見十一米巨龍AD336 及ADS213 與再見十一米巨龍AD336 的車尾合照。高度方面，AD1略矮一點，較為失真、ADS213 與AD336 模型實物相差無幾，但拍照起來ADS213 比較高，可能是因為模型車胎形狀高低原故...
睇下三部車的車尾：AD1(左)、ADS213(中)、再見十一米巨龍AD336(右)。AD1的車尾格局雖然與量產巨龍有出入，但其實輪廓都是一樣只是骨位位置不同，所以AD1 根本成架玩具一樣...用黎對比都係浪費時間。中間的ADS及右邊的AD336 的車尾就較為像真，雖然護航人士認為AD336 車尾較像真，呢點本編亦同意有些角度看上去確實有些少水準，但巨龍車尾窗應該是銀窗框，所以AD336 似乎做錯左... 引擎蓋散熱網油全黑無層次都已經算數，反正AD1 兩個咁大的黑色網都係求其到油全黑了事... 兩架AD 俾本編的感覺都是誠意欠奉、求其了事！
俾張真車相大家望下，可見AD336 牌箱比較像真，至於買家常說的尾窗大小，AD1 果部完全錯比例，評論也多餘！另外可能是紅線高度位置同粗幼影響了視覺，ADS的尾窗同真車相比較又唔係咁明顯見倒做大左，都是窗邊垂直長度同左右尾燈高度相約，但真車紅線同尾窗中間係有一段距離！AD336 尾窗係做大左，加上無做銀框，整體外觀本編都是覺得ADS213 較好。
十一米冷氣巨龍與利蘭奧林比安十一米Cummins LT10 B250 合照...
某些角度看，除了AD1外，其餘兩款巨龍車尾都幾有真車感覺，唔錯！不過太平門的黑線，本編手上的AD336就唔對坑位的，未知是否通病還是個別QC 差所致... 同埋ADS 果部的太平門頂端黑線高度比較合理少少，AD336 果部度太平門有無去到咁高呀? 雖然我手頭上的巨龍相全部有車身廣告遮左度門，但常識都知無可能高得過門頂凸起果部份！
AD1 與ADS213及再見十一米巨龍AD336 合照。可以見倒AD336 上層兩側做得太斜了，AD1又垂直過頭，完全唔似巨龍，一款咁好的十一米巨龍出成咁的樣，本編感到失望，外觀都係ADS 比較正常！
兄弟列隊
有樣野想講，ADS 頭枕做得矮左，好似無頭枕咁樣，真係做得好求其！而今次雖然AD336 車箱的凳有改良，但上層的地基連凳腳好似做矮左，變左從車外觀看上層D凳矮左成個碼。真車上層座位頭枕頂端的高度從外面看介乎上層車窗的一半高度，但上圖可見模型就只得四份之一至三份之一個窗高(Carz AVBWU上層座位就太高)... 如果大家買車果陣應該唔難發現上層扶手過短，同車頂起碼有2-3mm 空位，這相信是凳腳部份做得太矮所致。當然呢架車無獨立凳腳的，唔似ATENU咁精細，只不過是座位獨立！
上圖車頭與車尾部份，可見上車門與車頭最前端的距離，ADS同AD336 分別真係好大，我唔明點解同一個車身、同一個生產商，出黎D野會差咁遠... 叫人點收貨呀！
正面望ADS，我就覺得ok的，但側面望車咀就唔掂... 同Carz 另一架AVBWS1一樣，砌上去的車咀果件野做得太厚，成件野突晒出黎，好唔掂！
三部車車頂的骨位，因為中間果架ADS213 長度唔同，所以骨位同AD 有分別，但只要留意最近車頭果條，大家都用同一個車身，但模型三架車比例都唔同！好失敗！
巨龍車頭的形狀，簡單看，做得唔錯！
但細心看AD336 車頂位置，發覺都係比較粗糙，真車側面看是車頭最前端最高點直線斜上中間最高點，但越接近兩側位置的斜幅越少。所以長鏡影巨龍會發現車頭最頂還有少少斜面斜上去第一條骨，但短鏡影就會看不見，或冷氣巴白色容易反光不易留意到呢個位！坦白講，連312 出巨龍做呢個位都做得麻麻，做得無真車咁斜，官方車有做類似輪廓唯有算係咁了... N年前的CSM? 巨龍座位都好細致，官方車今時今日先追得上，但CSM? 巨龍車頭就完全無以上所提及的斜位部份，所以會覺得好扁。對一些車迷來講，巨龍做唔倒呢個獨特輪廓就等如勝利二型車頂做唔倒凸出黎一樣，只不過勝利二型車頂線條就比較明顯，巨龍就比較少人留意到。
車尾合照可見ADS213同AD336 都幾有水準，算不錯了...
Carz 的AD1黎講，唯一值得欣賞的係座位唔係一條膠了事，但上層梯位的一邊座位裝得太入，導致上層行人通道太窄。此外carz 的AD336、中巴DM、ATENU同AVBWU橙蛋都有類似問題，不過個車殼同車窗太厚，間接使座位裝得太入，車殼及車窗佔用空間是難免！自覺既然內籠已經著重精細化，行人通道空間不足理應不應出現... 否則精細完之後又變左玩具！模型內籠太細難拍照，如果細心留意過Carz ADS同AD336 內籠的有否發覺ADS 上層的冷氣機連車頭潛望鏡都霸埋... 但AD336就跟番真實留番潛望鏡對出的一段空間無封死！呢部分可能較少人發覺，亦是幾部ADS 的錯處之一！同時也是312 AD1 的相同錯處，潛望鏡對出封死左做埋冷氣機，如果真車係咁的話無錯可以多一個冷氣出風口，但車長就無法觀察上層環境判斷上層乘客是否落車... 對行車構成影響，唔係都唔會寫住請勿阻檔潛望鏡啦...！
此時怪獸出現，記得W地區的環境嗎？是怪獸吐出的有毒酸液把土地都腐蝕成黑色，如待在有毒酸液上即使是超人能量也會迅速流失！(科幻話講完，言歸正傳)
AD336(HC1507)今次出3C、92、603。3C 我去到80T已說售馨，92 去左兩個地方睇總共八選一！QC唔掂，內籠打風，扶手斜、座位東歪西倒。獨立座位好睇運氣，因為好多架都打大風，只能要部唔太差的就局住收貨，所以D模型做得差，苦的都係買家！仲有樣野想講係9月5日九巴顧客服務中心尖沙咀分鋪的肥婆態度非常差，又黑面，令客人感到不爽！睇兩部就話係咁架啦，架架都係咁架啦，都費時再叫佢俾多部，走人算，好彩附近80T 未關門(時間是晚上七時多)，現場又無人排隊，俾多幾部人睇都唔怕死啦，佢D車又放晒係櫃台面的，又唔係缺貨。這類店員從事服務性行業相信難以令客人感到滿意，而且收到的投訴應該會相當多！建議條友好自為之，我都無打熱線投訴佢，只係係度表達番當其時的不滿，這是言論自由所容許吧！如果我咁樣對D客？應該一早俾人炒左永不錄用添... 一行埋去就已經講左唔該先叫佢拎車啦，問佢有無92 佢仲問番我你咩事架？真係屌佢問得你拎車睇梗係買車啦，仲問做乜事，口黑面黑做乜尻先？俾人屌完黎？
AD336 vs ADS213。司機位的標板(灰色果舊)，AD336 做得比ADS 粗糙... 但出面果條扶手就似過ADS... 上層的雙扶手我個人認為唔錯，反而有時覺得ADS 果條太幼...！AD336上層頭窗底部刻意加厚左黑色部分，因為對番真車車頭個窗底部係高過側面的窗，但模型就無乜分別，我手上呢部AD336係已經人手察去該加厚了的黑色部分，因為佢填高左黑色之後整到個窗起角！好核突！
Carz 的AD1黎講，唯一值得欣賞的係座位唔係一條膠了事，但上層梯位的一邊座位裝得太入，導致上層行人通道太窄。此外carz 的AD336、中巴DM、ATENU同AVBWU橙蛋都有類似問題，不過個車殼同車窗太厚，間接使座位裝得太入，車殼及車窗佔用空間是難免！自覺既然內籠已經著重精細化，行人通道空間不足理應不應出現... 否則精細完之後又變左玩具！模型內籠太細難拍照，如果細心留意過Carz ADS同AD336 內籠的有否發覺ADS 上層的冷氣機連車頭潛望鏡都霸埋... 但AD336就跟番真實留番潛望鏡對出的一段空間無封死！呢部分可能較少人發覺，亦是幾部ADS 的錯處之一！同時也是312 AD1 的相同錯處，潛望鏡對出封死左做埋冷氣機，如果真車係咁的話無錯可以多一個冷氣出風口，但車長就無法觀察上層環境判斷上層乘客是否落車... 對行車構成影響，唔係都唔會寫住請勿阻檔潛望鏡啦...！
Carz 巨龍及bc 小巴。題外話，Carz 架綠頂小巴都有D興趣入... 但8折左都要六十幾蚊，欲買又止！bc呢架折左都七十幾，但明顯地比Carz 同型號的小巴順眼(講緊的係小巴+的士組合)！！！
此時怪獸出現，記得W地區的環境嗎？是怪獸吐出的有毒酸液把土地都腐蝕成黑色，如待在有毒酸液上即使是超人能量也會迅速流失！(科幻話講完，言歸正傳)
AD336 / HC1507。1997年投入服務，2015年退役。
架AD336 出成咁，遲下如果出原色都唔知買唔買好... 以前巨龍行83K 咁珍貴，幾年前又曾經有兩部巨龍HC892、HC2145掛過83K 短時間，真係想買部改83K 留念...
ADS213 / JC3853。1999年投入服務，是最後一批白色車身 / 非低地台的九巴，預計2017年退役。早前新聞講九巴2017年全面更換為低地台巴士，所以呢批ADS 用到2017年的機會好大！千其唔好提早退役！
唔係盲目讚ADS，四面相睇上去都係比HC1507 像真！
期望日後九巴會有再見最後非低台/白板冷馬的廣告上係ADS 身上，最好當然出埋模型，ADS 我諗將車咀改良下佢，同埋上層冷氣機俾番潛望鏡個位已經收得貨。
ADS為丹尼士巨龍9.9米，為九巴車隊最短小的三軸雙層巴士，與丹尼士巨龍十一米比較。車門一邊較明顯的分別在上落門之間的距離略短，車內側位亦只有4個、而落車門到中軸之間亦少一排座位的距離，中軸到車尾與十一米版本一樣長度。 同時期待不久將來會有十二米(3AD)模型推出，不過希望係全新模具，唔好再係改D本身輪廓唔似的模，食之無香味、棄之又可惜，浪費石油浪費地球資源！
AD1 / EL5113。九巴第一輛樣版空調巨龍，1990年投入服務，已在2007年退役，並於短時間內送到新界車場拆毀。曾有交通迷去信九巴希望保留此車，可惜九巴無視民意！
車尾黎講，呢個模好唔掂... 車尾窗size 奇奇怪怪...
再見十一米巨龍集會時間已滿，夠鐘清場，Wmb 都容許在場車迷影多幾張才離開，不會出現九巴傑出車長選舉完場時的武力清場畫面，對善意參加者使用暴力推趕！陸續將有更多巨龍模型集會，包括Carz 開龍、密龍、312 開龍、密龍、AD1 等等以紀念丹尼士車廠為九"龍"巴士生產命名的巨龍客車。
雖然今次呢部AD336 係比較失望，整體還有相當的改善空間，絕不認同護航人士所講的什麼"已經好好、有水準"之類蓋良心說謊話的假話！心諗D人護咩航姐，你又唔係生產商！有問題就要指出，希望生產商的出品可從誠意出發，下下護航姐係有問題都唔洗改了，反正講到咁滿意，仲要有D護航佬自己都唔係買的先奇怪......。唉，都係意義支配影響，有必要買番部"玩具"，正如文首所說當年坐巴士出入，每次坐倒巨龍、利蘭都感到份外高興，現在十一米版本巨龍已經退左，九點九米同十二米版本亦都處於全部退役的最後火線，兩年內應該所有九巴白板都消失，如果有能力的邊個唔想留番部先得假唉... 希望日後有更多良好模具推出！
沒有留言:
張貼留言