這次分享幾部特別色彩的1:76 巴士及1:43 海獅模型，前者在2015年購入，而後者是去年才發現原來Kyosho 有代工出過，所以一拼購入~
首先bc 肯做呢系列拉花巴模都算幾大膽同埋幾有心做車，始終係經典款式，出番模型我覺得都係應該既，加上之前都無其他廠商肯出，靠80T 的話相信永世無得出，bc令1:76 巴模世界添加了一份精彩，而1:43 Hiace 本身都是賣拉花為主，一模多用，Kyosho/ J collection 都算幾有心做車, 打做了不少豐富拉花的1:43 車模~
1:76 巴士模型黎講，bc 雖然唔算得係好重要既生產商，但亦都可以話不可缺少，因為睇番以往出過既模型，有幾款深入民心的1:76 車款都係出自bc 之手，包括今次分享的主角：丹尼士巨龍12米(三門巨龍)、冷氣利蘭奧林比安11米、圓頂利蘭珍寶等等。其實以前最令我對巴士模型改觀的係當年的冷氣富豪蘭奧林比安11米，不過呢款無紅白色拉花，所以今次無影相，係當年bc的11米豪推出之前，香港的巴士模型質素真係偏向玩具，仿真度不足... 但近年巴士模型市場風氣已經睇得出變左，對於非官方黎講，熱門的車款又有巴士公司版權問題出唔倒，冷門車又可能因為銷量問題唔肯做，引致收藏家的選擇始終不足！
曾經，香煙在巴士車身的廣告林林總總，多以全車身將巴士包裝成香煙，其中較為知名度高的萬寶路就以白色紅色將全車包裹成一包香煙一樣。但這些廣告間接令更多人想接觸香煙成為煙民，而且吸煙危害健康，食煙引起的疾病多年來有增無減，隨著九十年代後政府禁止煙草商在公共巴士上再賣廣告宣傳，巴士的香煙廣告亦成為歷史！
順帶都要提提：吸煙危害健康 想清楚是否要吸第一口煙！
究竟幾時先有1:43 三門巨龍呢？唯有J住1:76先！
車牌：DJ9751 / 3N122
模型推出日期：06/2015
限量：兩目的地共900部(恆安、觀塘翠屏道各450部)
另一架是俗稱冷蘭的利蘭奧林比安十一米，冷蘭亦都係唔會嫌多的模型款式，雖然官方都出過6條線，但我本身唔係架架有買，反而想有d廣告車版本，bc 呢架紅白色拉花正好是入手對象！
車牌：EY3211 / AL58
模型推出日期：11/2015
限量：路線102、6 合共1000部(各500部)
除左三軸巴士，較舊的祖比倫、珍寶亦有上紅白色廣告，圓頂寶的也是經典~
車牌：BG5124 / D666
模型推出日期：07/2016
限量：路線102、105 合共1100部(各550部)
影圓頂寶先發覺圓頂寶車身矮好多，所以有個疑問究竟圓頂寶的高度係幾多? 網上有人話九巴資料上寫係3.8米... 心諗，3.8米咁矮? 一架田螺車都3.85米喎，如果圓頂寶矮過4米，乘客站立時咪會頂頭?
出過模型的不只萬寶路，還有其他牌子的，之後有時間再拍照分享~ 這次只分享萬寶路的~
唔記得以前有無post 過1A 紅白色拉花的三門巨龍，所以順帶分享埋~
睇番幾年前d相，自己都仲會好有心機擺堆樹木同個巴士站候車停，然後盡量正光咁影架車，但而家通常用500mm(等效750mm)影1:76、1:43車模，背景用風景畫紙就算，因為通常1:87的樹只適合影1:76，影1:43 就太細，但風景畫紙基本上1:43、1:76都岩用，省時、方便、快捷、環保、輕鬆~
紅白色拉花的三門巨龍其實出過兩個版本，05/2015 出的第一個版本(1A、111)顏色是平行橫線，而06/2015 出的第二個版(89C)本則是平行斜線，我自己覺得平行斜線配搭係靚d~
當時因為兩款都係三門巨龍，路線牌可以更換，將89C的換了成1A~
香煙貴之餘，模型亦有炒價，第一架紅白色拉花模型推出時，因為限量只有900部(1A、111各450)，Y拍炒價高達500，其中1A較罕有，因為是早期布牌，到第二架推出時，炒價才開始回落，亦成為印象中較為罕見是bc車的炒價 XD~
不過平行橫線版本的qc 麻麻就真既，轉彎位條線唔直...
下面是京商代工的紅白綠拉花偷油塔海獅，話說上年3月左右，無意中發現Kyosho 有出過萬寶路拉花的1:43 Toyota Hiace，咁岩當期時自己又收集緊1:43 的Hiace，所以就入左2部一紅一綠的，當時仲諗住即刻同巴模一齊影相，點知，拖拖下而家先至的起心肝影！
順帶都要提提：吸煙危害健康 想清楚是否要吸第一口煙！
Kyosho 呢個Hiace模，基本上都係玩唔同顏色，因為個車殼出過咁多款都無太大變化，最大分別係車箱的封窗位，有最常見的半封窗及全封窗，亦有全車窗。全車窗的基本上會見倒車入面載貨區空無一物，其實如果呢個模可以開尾門，咁就好玩，可以玩埋工人搬貨呢d情景...
所以又要讚一讚早幾年bc 出的1:76 Hiace，雖然只得1:76 咁細，但車尾門可以開倒的！1:43 反而乜功能都無... 不過你米話1:43 無得開門，就算Kyosho 兩年前出的1:18 Hiace 都係開唔倒門，車模朋友都笑真心ON9... 用樹脂膠做，通常都唔做活動位，因為全開成本高...但1:18 咁大架無可玩性，咪又係無人買...你起碼都做倒開車尾，有番Hiace 的特色先啦
呢2架車市面上好少見，另外有架紅牛(銀/藍色)的
除左紅色、綠色，唔知仲有無其他色呢? 金色?
紅白色hiace當然要同紅白色巴士合照，不過因為巴士係1:76，而hiace係43，所以兩者難以並肩合照，只能將巴士泊後面，視覺上巴士與hiace的距離應該有幾十米遠~
綠色的真係好少見，至少巴士廣告好似無綠色？
好似巴士模型的紅色比較似真車，但至於hiace的是否有真車，就不得而知...
上次提到2020壓軸一入，其實是淘寶的一個1:18私家車停車位display case，抵玩過出面買一個純1:18 透明膠盒好多，1:18 透明膠盒出面買都要200以上... 淘寶一個停車位先百幾蚊...而且有埋透明膠板，都可以視為係一個透明膠盒！
因現時拍攝1:43 車模已經諗唔到用咩背景，有時候需要用一些現成的車場景，但偏偏1:43 又無呢類精美的泊車位... 1:18實在太大了，三格車位以上都無位擺了！
話說，終於做左微影會員，雖然我成日都話微影d 野質素唔夠好，但現實某d車又係得佢一間出... 之前一直叫fd 幫手買，但叫人買始終比較難... 加上上個月1:43 煞臣裝甲車未開訂時，網上已有$730的炒價，心諗而家買車真係唔夠d人咁西利晨早去排隊，所以索性捐100蚊俾吳凱俊先生，換取日後訂車有優惠價...
其實一架1:43 煞臣裝甲車會員訂車係$585，我捐100蚊總共都係685，都仲平過炒價買一架$730的裝甲車，咁點解唔做會員呢... 而且煞臣裝甲車呢d 超限量車模都係會員優先預訂... 所以我捐了100蚊俾吳凱俊先生...
架玩具96煞臣裝甲車係會員贈品，另外亦順手買了一些情景物件，包括有1:18 水龍頭、垃撚垃筒及1:43 巴士站及垃撚垃筒，都係用黎影模型時用~ 不過唔好睇少呢幾件野，咁就洗左三百幾蚊... 真係搵錢十個鐘，洗錢十秒鐘！
1:18 垃撚垃筒(局長)仲包埋2支水，上次影蘭博基尼康塔什就係用左呢2支水，車箱即刻有種真實感，唉有時為左影左張與別不同的模型相，呢d錢真係無得慳，一直都想假設大家都影同一架車，我想做到自己影出黎既係有自己的特色，所以我會搵些適合的背景，而人地唔會用到同我一樣的背景的~
沒有留言:
張貼留言