鳳凰山是香港境內一般人可踏觸到地勢最高的山, 原因是大帽山930米以上區域是天文台區域, 一般人不能到達大帽山最高處! 這兒說鳳凰山輕鬆行其實絕不輕鬆, 對體力一向差的小弟黎講直投係大挑戰! 呢次行鳳凰山係2016年12月的事, 因為一直太忙完全無時間出post, 咁岩近日係九一一事件十六週年, 突然醒起行鳳凰山當日外拍過美國航空同聯合航空1:400 飛機模型, 先至記得呢堆相未post...
市區人日常往返港島與九龍, 甚少可看見鳳凰山全貌, 因為鳳凰山東面完全被大東山遮擋, 而且秋冬天能見度差, 維港看大嶼山本身大多數日子都不清楚, 春天亦潮濕, 山頂大多數日子都被雲霧遮蓋, 所以市區人日常難以看見鳳凰山全貌!
呢次係第一次行鳳凰山, 千其唔好笑小弟行山經驗淺, 雖然是一次不錯的體驗但可惜山頂大霧完全無風景睇, 所以一定會再行! 附近的大東山2013年行過但秋冬能見度又是極低, 所以亦一定會再行! 唉都不知講了多少次夏季能見度最佳, 即使炎熱也想登山影景, 現在秋天已過, 冬季能見度實在太差, 不利登山影景!
是次鳳凰山行山路線是由伯公坳至昂坪
係東涌搭大嶼山巴士到伯公坳下車, 然後向前走上一段斜坡
回望東涌
TN4782
一般人通常選擇這裹上山, 一黎交通選擇較多二黎伯公坳下車已經是近海拔340米位置, 登上大東山、鳳凰山其實已節省了1/3 氣力... 對我黎講應該係好事, 不過呢度假日搭車真係好_貴! 假日車資索價高達$16.2... 有被搶劫的感覺!
這個方向牌值得注意, 顯示了由這裏(伯公坳)至昂坪距離為4.5公里, 伯公坳為海拔340米, 昂坪(巴總)約為海拔440米, 中途經鳳凰山山頂為海拔934米, 表示在短短4.5公里內高度爬升近600米再下降近500米, 高度的升降十分大! 高度升降大代表體力消耗亦大, 不是人人也招駕得住!
從這裹上山, 本人已有心理準備鳳凰山是體力消耗十分大, 而且朝山頂方向出發沒有退出點, 因角度闗係也看不見鳳凰山主峰, 像沒有預算的長路, 一朝踏上怎後退...
參考日出日落時間, 或有助在山頂看日落
仰望大東山
呢個畫面我有少少驚訝，點解可以多人成咁?!
回望東涌
位於東涌道旁的滿東邨工地... 以後看東涌灣又被高樓阻擋了!
每逢秋冬春, 香港都受國內的污染所影响, 空氣素質下降, 空氣素質的好壞從能見度可以反映, 政府不能盲目護航指香港空氣素質下降與大陸無關! 這日能見度只有6公里左右...
一開始是一段很長的梯級大斜, 才剛剛起步不過十分鐘, 已感到體力所餘無幾!
沿路而上
東涌及赤鱲角機場
超級一號貨站
對於灰灰濛濛的景色, Nikon 18-200mm 的黑角非常明顯, 但時常轉換55-300 又十分不便, 因為行山多以步移法觀賞景物, 隨時使用18mm 又隨時使用over 200mm... Sigma 50-500mm 又重達兩公斤, 行體力消耗高的山實不宜攜帶, 究竟有什麼兩全其美的方法??
提到超級一號貨站, 諗起那些年的日子... 大大碟炒飯同埋從超級一號貨站望出去的景色:
感覺到自己對香港經濟的貢獻越來越多, 江山一朝歸於我有 應使日月低首!
趁滿東邨石屎未蓋過海灣, 不忘拍照留念!
沿路而上, 這裹比剛上山平坦, 路線易走, 遠離城市, 感覺清新~
沿路有不少芒草, 開始進入海拔450米
這棵植物在強風中沒被吹歪, 信念頑強! 18mm F3.5 景深雖然比DC 淺, 但越黎越覺得唔夠, 莫非要向1.8 進發!?
專家正研究攝影角度
望東灣
東涌道
能量石
老虎雲
這名人兄前進太快, 要停下等候, 一臉不滿!
回望大東山, 大東山高海拔869米, 山頂時常高聳入雲, 外型像富士山~
東涌道, 一輛大嶼山巴士正緩慢上山
向500米出發, 但仍然看不見鳳凰山主峰
朝鳳凰山向出發, 前面開始地勢更高
芒草隨處可見
其實這日登山人士比想象中多, 沿途時不時被其他人士超越
回看背後經過的山丘
回望大東山, 山頂仍然被雲霧遮往。希望日照越久，山頂的雲霧可以散開！
水口灣 / 石門山
這裏坡度還可以應付, 趁未正式爬坡, 與背後的大東山合照
大東山的外型... 少少似火山
水口灣 / 鹿頸山 / 南大嶼山郊野公園
狗牙嶺
回看背後經過的山丘
東堤灣畔 / 海堤灣畔 大屏風
東涌 / 藍天海岸大屏風 , 後面正在大興土木的是港珠澳大白象人工島, 但受國內的污染所影响秋冬能見度實在太差, 只是區區6 公里遠但都看不清!... 在國內的污染所影响下, 空氣質素令人失望!
港珠澳大白象赤鱲角機場填海區
一架中華航空A330 正在起飛
香港富士山
富士山下東涌道, 唔知十一米車行唔行倒東涌道呢??
這裹較高, 強風吹來時站立不穩, 有些腳軟呢...
與富士山合照
雲霧纏綿山頂確實美麗, 但出現一個問題
一名攝影高手正在拍攝風景
一群上山人士在研究路線, 似乎沒有頭緒
涼亭位置大約620米, 代表從伯公坳下車計起已爬升了一半, 為了盡快上山, 所以無係涼亭停留, 再者涼亭早已被佔領, 雲霧纏綿山頂確實美麗, 但出現一個問題就係鳳凰山比大東山高, 大東山被雲濃罩代表鳳凰山情況一樣甚至濃罩的範圍更大, 令初次登鳳凰山的難度增加!
石門甲
東涌道 / 石門甲
東涌灣
客運大樓
幸看到四輛747 貨機
200mm 何其短, 最理想的焦距係18-400mm, 不過因為買左50-500, 無理由又買18-400 ...
面前山路明顯更斜, 敢抵抗高山 攀過望遠方, 但這時體力只餘下幾十%...
拿拿拿話口未完, d 人已經衝住上山, 要趕上他們的速度也是十分辛苦, 只顧行行行不欣賞風景!
狗牙嶺
看著前方的人士越上越高, 我應該加速追上還是按自己的意願前行, 選擇一個最舒適的方法? 現實生活中他們努力工作, 在社會地位快速提升, 但死後一樣萬般帶不走, 做人為何不能跟內心意願去走而要被社會控制呢...
遙看東涌
(左)昂坪360 Skyrail Tower3, 位於約海拔300米
遠看機場
轉面一看, 兩位師兄已經行到上山丘頂...
這時也加快步伐前進
這時登山人士太多引致山路擠塞!! 他們速度慢、佔據超過3/4 路面, 難以前進!
回看後面走過的路
回看先前經過的涼亭
開始接近雲霧區域, 雲層陰影下的景物變得陰暗起來, 行過咁多次山, 大多次數都沒遇上好天色, 向問天, 不知為何...
長路漫漫是如何走過
不知不覺己經行到海拔700米位置, 俯視東涌
吊車與機場
無意中發現一部United Airlines 聯合航空747-400!! 最可惜無真正影過UA 747 既標準相, 自從今年三月聯合航空安排777取代747 飛香港航線後, 聯合航空政策失當, 已經無機會影UA 747, 現在聯合航空747-400 亦已於11月7日全面退役! 成為歷史! 聯合航空747 last flight 1:200 模型即將推出!
前面是鳳凰山主體, 740米以上仍然是雲霧深鎖地帶，也得要接受雲霧沒有因日出時間長久而散開...
面對未知的前路, 大家都了解清楚路線才出發
海拔710米, 前路還有多長多斜未知因為看不見山頂, 強風牽身旁略過加上此際前路迷濛, 一片平淡, 增加了一點恐懼...
下臨百丈懸崖
行到面色蒼白了, 臨近雲霧濕氣很重, 鳳凰山真係唔易行, 好彩無拎50-500mm上黎, 一黎能見度低二黎濕氣太重對鏡頭沒有好處!
地勢太險峻, 不敢踏出更多...
這個冷笑是給你們的, 我完全不覺得你們有什麼了不起~!
挑戰鳳頂開始!!!
無止境的向上, 累得已經唔想行了, 真不知還有幾遠才到頂!
邊緣回望
本人的氣勢使堅固大石也應聲裂開, 幸只揮發三成功力, 否則大石碎裂向下滾動可能引致嚴重事故!
萬物被我聲勢震
與幾位行山專家合照
這裹已是900米高, 回望後路在一片迷霧之中
不停行, 不知行了多少千級梯級, 終於看見山頂了!!
驚見山頂人數眾多... 本人連坐下的空位也沒有!!
山頂設有山區臨時避風亭, 還以為有空位可坐下, 妖點知入面有成十幾人, 成班越南難民咁, 真係可惱也!
在寒冷、大風、大霧的環境下成功登上本港最高陸地-鳳凰山, 海拔934米!
這日氣温很低, 山頂只有幾度, 水點都靜靜地停下來, 仿佛不懂流動...
這幅圖顯示了全年日出日落的位置
第一次上鳳凰山, 當然要與這塊牌合照~!
成功登上鳳凰山山頂~ 雖然香港最高的山都不超過一千米, 但因為路途起伏度大, 己經行到無晒力!
兩邊的落山點都看不見去路, 從伯公坳上山, 一般會選擇昂坪方向下山, 而前往昂坪為1.5公里, 下降幅度也很大, 幸好是下山而非上山~
這兩位師兄一黑一黃, 大霧中也容易看見, 做領隊最適合不過!!
隱約看見的下山路
沿路下山, 回望山頂
左邊是筆直山坡, 跌下去粉碎紅利, 其實如果唔係大霧, 地勢一定使人腳軟...
這件大石要塌下來, 大石向下滾動可能引致嚴重事故, 本人阻止了這件悲劇發生~
回望山上
不久走到一處石級落差大的位置, 一名師兄正在拍照, 突然失足, 轉眼消失於眼前!
本人立刻追上, 估計已掉下山崖, 凶多吉少
原來師兄使出輕功, 已走到很遠了...
這段仍然較斜, 霧水沾濕石頭, 前進需加倍小心, 尤其手持相機需緩慢前行!
時兒雲霧散開, 直視前路, 可見山坡筆直!
斬柴坳的人群也十分多...
斬柴坳, 海拔810米
遠看心經簡林
昂坪廣場
可見昂坪的建築物都位於山上, 整體位於四百米以上
這邊下山, 風景没有太大特別, 盡快下山休息為佳
石壁水塘
遠看天壇大佛
估唔到佢地落山咁慢, 本人只是略為加快步伐
羌山道
石壁水塘水位不高, 清楚可見水塘邊緣
昂坪360
觀音山、羌山
這名行山人士亂摘花草, 破壞生態環境, 絕對是反面教材!
枝頭上的紅葉
觀音山, 海拔434米。這座觀音山與大帽山相鄰的觀音山外型也十分相似
穿孔的樹葉
一路向西面行, 可見更全面的石壁水塘
中央島
一輛客車在羗山道石壁水塘堤壩上走過
其實鳳凰山山頂望落黎仲壯觀, 但天氣不似預期... 石壁水塘是大嶼山最大的水塘也是香港最南面的水塘, 本來向海望景色應該壯麗但這樣的濛查查, 真令人興致大減!
水塘最神秘的人工洞穴, 鐘形溢流口
回望鳳凰山
來到心經簡林、石壁郊遊徑與昂坪奇趣徑交界有一個小空地, 可坐下休息~
仰望鳳凰山
睇下而家d 人無時無刻都愛看手機, 他們甘願成為低頭族? BHT一年都無乜邊日出黎行山, 就唔該d 人放低電話享受下郊外的寧靜啦, 又不是傾幾百萬生意或溝少陣女啦!
辛苦了半天帶模型上山, 都係等模型欣賞環節, 佢地班人玩手機我就拎左三部1:400 飛機出黎自娛, 只因為近機場所以應一應景, 可惜因為山頂大霧根本睇唔倒機場! 1:400 的包裝比較脆弱, 行鳳凰山的中途已經整凹左d盒... 所以外拍模型是有風險, 並非什麼都不做就有照片!
我帶來的分別係1:400 全日空747-400及美國航空、聯合航空767-200
作為民航機最具代表性的當然是波音747, 而自己最希望購買的始終是1:400 / 1:200全日空中文字版747-400客機, 因為以前第一架飛機玩具就係JA8094... 但始終是玩具, 所以想入番模型, 加上全日空ANA最後一架747客機已於2014年3月31日載客後退役, 收藏價值更高...
PH 1:400 747 最大問題係兩邊機翼過份水平, 機翼應該向上斜更多
American Airlines flight 11 / 美國航空11號班機及United Airlines flight 175 / 聯合航空175號班機, 十六年前撞向紐約世界貿易中心。世貿的設計能抵受飛機從任何角度衝擊兼鋼材在高溫下可至少支撐數小時。但兩座大廈在撞機短短56分鐘及103分鐘後就被幕後炸至全毀, 另外一座世貿七號大樓在同日下午亦被幕後炸至全毀(七號大樓並無被飛機撞擊), 全日共造成三千多人死亡! 對我黎講當初就係因為要入呢兩架機而跌落飛機坑! 基於發生這些重大事故, 模型通常唔會出涉及意外的同一機體編號, 只能購買相同型號及顏色的其他機以作紀念。
美國航空當年的鋼管塗裝真係好正~! 2001年9月11日美國航空11號班機(機身編號N334AA / 波音767-223ER)原定由波士頓飛往洛杉磯, 中途被機上5名恐佈份子劫機, 於美國東岸時間8:46a.m.自殺式撞向紐約世界貿易中心北塔, 據稱機上載有92人!
聯合航空當年的戰機灰塗裝亦配搭得好正~! 2001年9月11日聯合航空175號班機(機身編號N612UA / 波音767-222)原定由波士頓飛往洛杉磯, 中途被5名恐佈份子劫機, 於美國東岸時間9:03a.m.以極速(大約950km/h)撞向紐約世界貿易中心南塔, 據稱機上載有65人!
今次只係拎呢兩部美國航空、聯合航空767 外拍, 當中其實有一個更深層原因, 當然絕對唔係想散播恐佈主義, 我話之d 人用咩方法去施襲啦, 話之d 人用咩方法去幕後受襲啦。值得留意既係事故發生當日究竟涉及幾多架飛機, 如果你記憶番911 事件, 新聞是說兩架撞了世貿、一架撞了國防部五角大廈及一架(United 93)在賓州墜機, 共涉及四架客機, 但從事發現場照片顯示到國防部五角大廈及賓州墜機的損毀並不像飛機造成, 加上從來沒有人拍到第三、四架飛機出事的照片、影片, 從來只有世貿遇襲是清楚看到由飛機造成, 那麼其實涉及的第三、四架飛機去了那裏?? 但又不能一口咬定當日只涉及兩架客機, 因為第三、四架飛機出事的現場又有少量客機的碎片, 當然比馬航墜機的是天淵之別, 而且第三、四架飛機又的確消失了...
1:76 車 vs 1:400 機
1:76 龍記利蘭貨車(唔知係咪孫楚)。話說bc 都曾經出過1:50 / 1:24 利蘭貨車, 而家有少少想買1:24 添, 姓"李"的黑暗人士一定會話買啦買啦... 1:24 坑原來比想象中深...! 我仲記得係80T見過1:24 利蘭貨車, 個店員同d 熟客吹水時仲話值呀、抵買呀咁, 但我就覺得好貴囉... 佢梗係話抵格唔通話唔抵咩!
1:76 亞比安豪華機場熱狗巴士
近來我自己對 Carz 出既巴士模型喜愛程度大不如前, 尤其學生時期自己最想坐到的白板AD/3AD 俾Carz 出到成架玩具咁, 簡直唔専重模型呢個詞語! 以Carz 2016 年所出既車黎講, 呢架亞比安算係最似樣了... 發售當日的lunch 去到80T 竟然話route 200 無貨, 得番246, 仲要唔俾九友價想趁火打劫... "令人懷疑"因為過去由"80T/ Carz"生產的巴模銷情差, 這次發售亞比安豪華巴士時背後收起存貨製造缺貨假像兼不提供持卡人應有的discount, 令欲購買的人士以更昂貴的票價購買, 手法黑暗、低樁! 因此Wmb 表示不滿!
767-200與747-400, 747顯然大得多! 767-200 同747-400 的機體與機翼分佈咩角度睇都係比例完美!
目前想快d 入埋1:400 / 1:200全日空747-400原色、1:200 美航、聯航767-200 鋼管及灰色, 希望JC wings 快d 出!!!!
心經簡林, 時間關係, 未能詳細閱讀當中的智慧...
這頭牛似乎十分肚餓
沿昂坪奇趣徑走出昂坪廣場
見樹枝分明, 無聊一攝
一路下山, 遠遠看見天壇大佛就不怕行錯方向, 因為我們正是前往昂坪
Hi, Lau Kong Wah, how are you??
群眾都很好奇, 日常居住市區, 無機會在大街上碰見大牛
木魚山長樓梯
這頭牛似乎十分肚餓
遊人不絕的湧來
行了半天, 還未正式開餐, 體力已經無乜, 只係期望食d 野...
呢d 遊客多又係行昂坪必經的食店, 賣既野真係好貴, 而且份量非常少!!
另一頭牛來到食店前
這頭牛又似乎十分肚餓, 突然間覺得, 人日日食咁多牛肉, 甚至百幾蚊先一塊餅咁細塊牛d人都爭住食, 其實牛都幾慘...
好少見到蔚藍色的大嶼山的士!!
走馬看花行埋昂坪市集, 當然唔少得有賺遊客錢的明信片、飾物擺設之類
政府近年提出開發大嶼山, 填海起樓、發展旅遊, 希望兩者不會破壞原有生態環境!
其中一間有賣少量中古/二手玩具的竟然有超人力斯Ultraman Nexus大膠!! 不過可惜有花、甩油... 超人力斯的玩具係比其他知名度較高的e.g. 超人吉田、迪加、佳亞等等難尋一千倍以上!!!! 力斯少人認識主要因為力斯的內容是以成年人為對象, 包括描寫人間體對抗黑暗力量的內心意境, 但電視台錯誤地安排在兒童節目時段播放, 引致收視率低, 除了浪費了此作品之餘也引致相關玩具 / 藏品數量極少, 本人亦是於超人力斯節目播出足足十年後才發現有超人力斯大膠呢樣野!! 痴_線架!!
間舖寫住唔俾拍照而且店員都幾粗魯, 但咁難得見倒力斯, 冒死偷拍了一張, 點知震左del左, share 兩張我屋企既力斯大膠~
當日是Christmas, 所以街上有聖誕佈置, 紅紅緑緑的顏色十分有聖誕氣氛~!
來到巴總, 這頭牛發現前面三名男子有可疑, 本人亦認為呢三名男子神情古怪, 相信非善男信女!!!
RA5512
RB5845
NS6077 蘇麗珊...
這頭牛又似乎十分肚餓, 定牠其實對遊客感興趣呢?... 有時牠走到我身邊, 雖然大大隻令人驚慌但卻沒有感到惡意都覺得牠幾善良。你睇下左邊(三名可疑男子其中兩位)黃色、黑青色衫既兩個人, 驚到唔敢郁, 黑青色衫果位人兄仲好似打電話求救... 黃色衫果位人兄驚到躲在黑青色衫果位人兄背後^^ 笑死我!
37M, 唔係九巴! EH2688 EU4965 時代
由昂坪搭大嶼山巴士番東涌東薈城, 沿途彎多起伏大, 仍可保持一定行車速度, 車長駕駛技術佳否則碌車既話車程一定超過1粒鐘!
乘E42離開東涌~
首登鳳頂遇上不好的天氣, 但能增加行山經驗, 又可外拍模型自娛, 看見一頭二頭的牛在身旁走過, 對常常穿梭於鬧市 / 中環這些香港核心地段既我來講, 感覺舒暢, 身心壓力也可以釋放, 那管明天天塌下! 行山, 除了要有良好的器材for 影景, 天色清朗都很重要, 高能見度的日子更加難求, 大嶼山位於香港西面, 常被珠三角吹來的污染空氣影响能見度, 要遇上少污染而又放假有空行山的日子年中實在不多, 因此十分希望短期內可以在天色 / 視野優良的日子再行大東山、鳳凰山~
全文完~!
11月少入~
今次係buzes第二次用新模出LM, 分別係LM1, LM5 中巴60週年廣告, LM5 地圖版想佢出好耐了, 而家終於出~! 亦係十架中巴老虎入面已經出在5架, 睇黎只要有心出, 2018 年可以齊LM1-LM10。但全因高得太離地, 令我對呢個模的熱情減退, 而且今次廣告車水貼貼得比較差, 睇黎要轉望Toy1 了...
M1(Toy1) VA36-113。以前呢架車行113, 我路過彩虹巴總都成日見倒，所以Toy1出一對65 / 113，我只買113~ 不過QC真係麻麻地，內籠嚴重打風，其實坦白講就算Carz出，都係咁差架啦，但Toy1 賣新巴定價越黎越高，生產商做番好少少得唔得呀！
係交收VA36的背後Wmb 已走到破產邊緣, 十、十一月期間Wmb 被蒸發二百萬Yen 經營資金, 打擊嚴重, 生日月份先搞d 咁既野心情真係好差... 前幾日11/11 還天真地盡情入左幾件特價模型, 就當係自己送俾自己既生日禮物, 現只希望運到黎無穿無爛... 爛盒爛貨呢d 打擊真係太大承受唔起, 我無咁多錢可以浪費。月尾就要找淘寶數、buzes LF 數，真係大獲！最近某汽車工程又走黎追我科水, 我而家連S3"V"417 都無乜心情影了, 對於S3"V"417 雖然係有少少虛榮感^^。
Wmb 被蒸發二百萬Yen 經營資金, 目前等同破產, 感受到人死前萬般帶不走既無奈心情... 錢? 又由頭再揾過? 我究竟做錯咩呀, 七年以黎我受咁多苦係社會上的努力一掃而空, 錢無錯可以再揾過, 但我已不是十八廿二, 偶然照鏡鬼崇地跑了一些鄒紋出來, 過多兩年就面對廿九加一, 無咁多青春由0開始, 我點樣幾年後辭工全年周圍玩呀? 12月殺到埋黎, 急需周轉, 都唔知點算, 而家唯有靠月尾份糧渡過難關, 好彩十月有唔少off hour job 應該應付得來... 未來幾個月係超級緊要關頭, 12月捱過一波之後一月又要捱另一波, 下下涉及皮皮聲, 點算... OT都招駕唔住, 屌你老未仲要交稅... 而家希望呢段期間d 手機呀電腦呀相機呀等等唔好壞呀, 無錢換, 本來想買Sigma 2X 增距鏡for 2/1/2018 影超級月亮, 而家就算放一部份1:76 都搞唔掂... 大光圈鏡都買不下了, 眼見身邊d 人個個生活無憂、吃喝玩樂花天酒地樣樣齊, 點解咁唔公平! 我好日子都未過! d 人生活咁好令我好低落, 我需要自閉一段時間, 一黎減少消費二黎好怕d 人問三問四。
Wmb 將於21/11發出最高級別的盈利警告, 今日得番幾千蚊可以用, 什麼也做不來, 當年我咪一樣係呢個起點出發? 而家只是重新出發... 珍惜淡定的心境苦過後更加清, 萬般過去亦味但有領會留下, I have nothing can say... 當年起步乜都唔識人工低, 今日再起步人工比當年高也算是一點優勢! 最近俾我知道原來身邊一直有小人, 這些小人常因錢銀問題想揾位向我發難! 令我終於明白面對逆境真係只能靠自己, 只有自己才可相信, 只有強大才能實現所想, 只有自己強大才能對抗小人的攻擊! 今日Wmb 寒冬期, 他日重建將一定會是更堅固! 今年生日願望是立志要脫離貧窮! 馬死落地行, 現放棄一部份車模以渡過難關, 接收也相等於雪中送炭, 也別勉強的慰問!
國金II期面向中環碼頭條樓梯終於解封, 封左三年幾一直以黎圍住扮有工程但日日如是無進度, 引致前往碼頭十分不便, 都唔知有關部門搞乜... 本來真係想搵渠道投訴, 點知佢又開番, 而家出大門即刻到十字路口遇到順燈真係快好多!!!
