BHTXWmb: 11月 2021

今次分享下最近少入~

有NG Model推出的1:400 747SP，美國航空及聯合航空經典灰及銀塗裝當然是必入吧！此外還有曾於疫情期間來過香港的747大貨機！

英雄勇像超人特利加，話說特利加的設計真係幾樣衰下，加上電視片集唔太受歡迎，景品首次出現減價清貨現象！預訂時我俾$115，結果推出後不久便出現雙位數字的售價($99)，心諗訂貨仲貴過walkin?? 好在取貨時玩具店都肯賣番$100一隻俾我，有平貨都算是無訂錯，之後特利加亦會出黃昏色彩版，又係玩一模二色，與及黑暗特利加一模二色，有點兒認為一隻唔太受歡迎的超人出咁多版本，係咪有少少過份？咁不如出埋超人力斯好過啦，基礎銀紅藍三色，出埋四個黑暗超人，大把野玩！肯出實有人買！

期待黎緊會翻出的超人迪加日夜色及之後的超人阿古魯，由於近期太忙，阿古魯連開訂都唔知有，好彩最後趕及截單last day 訂購！

1:64 Lamborghini Countach 蘭博基尼康塔什

1:64 YOU&CAR 貨櫃/集裝箱

估唔到連貨櫃款式都層出不窮，林林總總的拉花真係買到你破產，黎緊仲會有幾款商店版，1:64 玩景真係一個坑又一個坑！看來Wmb 將要面對1:64 的多重夾擊！不過Wmb目前財政穩健，Wmb Transpot Department(WTD)表示無壓力！

九巴剛剛推出的1:76 E500MMC 11.3米版本(E6M)，終於有沙田區81K線~ 上次64K 91佛系購買方式完全買唔到，今次終於要出動身邊的車長/站長朋友幫手才入到一千零一架... 我本人係期望會出91M的，因為搭過幾次~

但搭過幾次E6M 91M d司機都係好碌，上斜得1212波上，起步無力，網上d人話呢批車係E500之中最廢的真係無講錯，唔知係九巴問題定點，力水都係E400 勁得多，直投覺得搭E6M不如搭番以前d 吉拿引擎的車好過... 我寧願俾10蚊搭一程吉偈...

不忘與沙田廠合照！

黎緊會繼續入多幾款1:64 貨櫃，仲屎忽痕想搵人噴唔同顏色，反正有好多顏色都係虛構，例如微影之前出的李小龍貨櫃，如果自己改，打算根據復古色黎改，但當我一上網搵，發覺本身出的貨櫃款式已多到一個點，看來淨係追已經出過的色都追唔齊，不用說改其他色了...

加送沙廠廠頂數攝，由於隔住兩重玻璃，影出黎有唔清+霧化情況

當然不少得模型主角XB6909 訓練巴士

11.3米E500MMC(E6M)是在2019年才投入服務，所以全數E6M 均是紅色，並沒有金色版本，80T休想一模多用！！！

九巴龍運的E500MMC 12.8米加長版相遇

ADL E500MMC 與 Volvo B8L 12.8米相遇

沙田區巴士服務將進入倒退時代，話就話屯馬線通車會令巴士線客量下降，但實際似乎係九巴無心做，其實馬鐵通車以來沙田區的巴士服務都無好過，每下愈況，就好似281A呢d 客量高企的路線都將會減班，就算唔正式出通告會減班，根本平時班次都開唔足，繁時281A 可以等超過10分鐘都唔開車，寫就寫最密6分鐘，最無奈係有時廣源等82X，又真係見倒d 281A 幾密下，自己搭個時就無次準時，真正人不笑狗都叫，城隧線不受鐵路影響，都一樣減班，真心唔明九巴搞乜，乘客等車等得耐，怨氣重咪又係鬧司機，司機壓力大加上近年九巴司機/站長質素下降，班次安排失當及交通意外頻生，成為循環往返的系統！