中伏入手...

獅子山下歌聖"羅文"逝世了13年，他是我心目中永遠的靚聲王，至少目前沒有人可以取代。

一生之中得失少不免，云云眾多的汽車模型之中，總有幾部是中伏入手！本人也不例外，最近幾部成交的模型有中伏感覺...

近日中伏入手...

以上呢5部車之中，高達巴士最貴，其實好後悔上網手多多bid 左！一來叫價唔係平，本身對高達亦不感興趣、二來內籠換左白色版的內籠，拎到番屋企先見倒所有車箱告示貼紙無晒... 更發覺車身及車窗有花，但個post 無講... 最肉赤係盒上面有一個比成交價低的錢貼紙... 突然覺得好伏...。皇崗膠車都好伏... 交收左之後某某店先話減價... 激死！細心睇變左形之餘其中一個窗仲有摺痕(反光才看見)，豈有此理都唔知係咪生產時趕出貨裝得差，內籠扶手仲有一條係甩左的，大中伏！新巴羊年E500 谷模非常嚴重，車身門位脹到好似人力車咁，內籠亦都打晒風，座位雖然係靚過九巴81果架，但都有唔少斜晒出黎，車頭窗黑框甩色，需自行補油...但個post 無講... ！唉其實都唔怪得人，主要自己落bid前無了解清楚同埋無睇清楚照片！不過有時有D post 得果一兩張照片仔，少問題有時D 賣家唔出聲博你唔知，番到屋企先發現就貨物出門恕不退換！好似上週明明bid 架1A 開龍番黎，誰知另一個約左同日交收的人又吹我過去交收，最後1A個賣家俾左架5A我我都唔發覺... 內籠仲要打晒風都無留意，上層座位甩左我都唔知... 結果番到屋企拆車收場！通常價錢岩自己又無咁咪bid，下下要睇4面高清相人地都唔彩你啦... 唔通好似果個陳小朋友咁要求要電筒拍照咩，咁做無錯係清清楚楚，但又太煩了。

3N@42 靚價，係黑框有少少出界，但無乜打風同整體都好過1A果架...。蛇蛋同樣是靚價，最滿意呢2架。由於近期bid 的車多數是意外中標... Wmb 發出警告如不暫停以上行為，將會發出2015下半年首個盈利警告！

近一星期九巴281A 早上繁忙時間廣源開出的班次唔穩定，開少左車！希望巴士公司正視該區巴士服務水準欠佳問題！及希望議員多加留意廣康區巴士路線班次脫班嚴重的問題以向有關部門反映，加密班次及改善巴士服務！話時話，廣源、康林好似多左兩條蛋散踩場，希望有競爭有進步，唔好選之前係威係勢，選左之後縮頭烏龜！下星期三放假，表面上好似好正，番2日放1日又番2日，但人手不足，再有人請假，睇黎一點也不輕鬆... 最近人手減少，休息時間明顯縮短... 無奈無奈！

通常為左唔俾咁貴票價，都盡量唔會睇3D戲，但命懸一線The Walk 係極少數我認為要享受3D效果的電影，但呢套戲的宣傳實在太少，至少巴士廣告唔見有賣，做法實在是相當低調！這些好戲是應該加強宣傳，稍後亦會再欣賞2D版本！3D票價當然貴啦，仲要迫你科十蚊買一副3D眼鏡... 不過除了欣賞戲中人物角色之外，戲中重現1973-1974年的紐約世貿大樓也是值得欣賞的一環！起碼沒有找到明顯錯處，包括大廈四周、天台環境同真的世貿幾乎一模一樣！畢竟紐約世貿雙塔已經無機會再出現眼前，因此單是感受這個離地面一千四百尺、110高層，3D 雲端境界的珍貴場景已是值回票價！尤其發生在世貿天台的那些戲肉，鏡頭一伸出大廈天台少少，就已經令小弟捉緊戲院張凳，就好似自己真係企左係世貿天台邊緣一樣，稍為大動作少少都驚會跌落樓！不過如果主角菲力普表現得多一點驚慌，效果相信更迫真，話晒置身於全世界最高而且沒有欄杆的世貿天台就算是超人都相信會有膽小的一面，至少協助菲力普安裝鋼索果位畏高數學家都不是十分驚慌...！當然當你知道戲中的世貿天台是在綠布景之下搭建出來，其實只有一、兩層高，便可理解上述一切。

多年來網上記載世貿雙塔的高度數字上都有出入，一些資料所記載南塔高度是1362尺、北塔是1368尺，但實際上兩座大廈應是一樣高，除非1966-1970 年興建主要結構期間出現嚴重錯誤導致南塔縮左水！但我相信無呢個可能性，因為兩座樓使用相同鋼材，能在那裡偷少了4尺高出來呢？？從戲中所見第110樓原來並非天台，南塔天台還有一層架空的觀景台，換句話說天台高度應是第111樓，觀景台高度便應該是112樓！北塔天台裝滿電視塔天線並沒有多一層觀景台，所以點解南塔會比北塔矮？？百思不得其解！

youtube 一段1999年紐約旅遊珍貴影片，拍下了進入世貿南塔到107樓、天台觀景台的風景，非常美麗！唯有睇完當係自己去過啦...

家變是羅文其中一首代表作，而家變亦有另一個版本：家變真情版，電視亦幾乎無播過呢個版本！只能從CD中找到，當時羅文去世，沒有購買CD習慣的小弟，都四出購買他的CD，由於少出街，講到買碟？邊到又多又平？完全唔識，只懂行書局或是番大陸時到影音鋪購買... 其他歌手的CD我最多都係借黎聽，當時零用錢近乎0，何來金錢?? 但云云巨星之中只有羅文令我認為值得俾錢買碟！

再見熱狗巴士2012・16 號巴士限定集會(向熱狗致敬)

近排係Noshow 巴士電視聽倒呢首歌，突然想一聽再聽。岑日珈 Angie " WAIT AND SEE " 

九月少入~

雖然開源期間，但因80T 難得N年先有一次的減價，都係平平地入左部AVC同蛇年！兩部都已經係最後一部... 其次從"李氏"巴士集團接收了一部高達巴士模型！光之巨人下年50週年，自從35週年時上過全車身巴士廣告之後，一直想佢40、45週年都上廣告出埋模型，可惜一直都無，如果50週年好似高達咁樣玩法出幾架，不同角色for example：Zero、Ginga、Nexus、Mebius、X、Ultra Hero的話，我可以代表Wmb宣佈破產了^^！

再見熱狗終於入埋11，終於齊了！

Carz 8部開龍終於入齊：GA6324 GA1614 GA4829 GA6394 GA1570 GA5311~ 其次已有密龍：FY2213 FX9426~ 禿鷹已有：ES6657 ES1970 ES2559 GG8288~ 冷龍就有：EL5113~ 大大話話Carz 呢個玩具Dennis 模已有15架... 個模咁差都唔覺唔覺入左咁多真係俾足面啦！

又賣下廣告先，座世貿中心做得好迫真！無論外貌、環境都幾乎同真的一模一樣，畢竟大廈已經倒塌，要重現1974年的世貿雙子塔，相信有一定難度！我諗單是觀看戲入面咁迫真的世貿已經值回票價。

16 藍田廣田村<--->旺角柏景灣。2012年5月9日早上起全線改以空調巴士行走，成為九巴經營的巴士路線之中最後一條轉全冷氣巴的路線！冷熱交替廿三載，熱狗始終都係被冷氣巴取代！可惜當時人太多完全唔知點影法，相機記憶卡又滿，未能盡錄照片、影片，非常可惜！

本來想係16全冷三週年時貼文，不過數月前比較忙，唯有現在才出post~

1A、5A、16、93K、98A 全冷始終不及82M、86、86A、74A、16M 呢D路線全冷咁有切膚之痛，因為都不是平時出入會乘坐的路線，不過現在因工作關系，間中需要坐16 往番觀塘及大角咀，如果16 有熱狗就好了...

Wmb 車廠天台。

九巴最後熱狗與再見熱狗：GL258、GK9063及新巴最後熱狗主角：ES6657。聽番黎的消息GK9063當時所上的再見熱狗巴士2012 車身廣告不是九巴官方的意思，好似話係九巴的職員掏荷包俾錢上，所以架車都未退役，廣告一到期就即刻換左NoShow直擊金磚五國...！相比新巴將ES6657 / DM28成架設計成熱狗廣告黎講，可以講係相差太遠！ 

GK9063 / S3V15@16

每次諗到老虎蘭、老虎豪、坦克蘭、吉蘭 個模仲係用buzes 個玩具模的時候，心入面都真係感到萬分可惜及失望，因為真車就係一款何其美好的車型，模型反而出到玩具的質素，實在相當浪費！

9063 的QC... 

再見熱狗巴士2012。如果批S3V肯用夠18年，應該係再見熱狗巴士2013！而家諗番轉頭，九巴肯為最後11米巨龍、首部低地台巴士上告別廣告，再見熱狗廣告其實係咪應該上多幾部熱狗身上？起碼巨龍、富豪都各一部先係啦... 反而係由巴士迷自發俾廣告費去上告別熱狗廣告... 仲要廣告一到期就落清光，可見有關公司真係小器鬼！

GK9063 / S3V15，已於2012年4月23日退役。

GL258 / S3V26，已於2012年5月9日退役。係1995年投入服務的30輛富豪奧林比安十一米非空調巴士當中有29輛都是使用不足17年便退役(部份更少於16年半)！這30輛熱狗是九巴最後一批投入服務的熱狗，自然也成為最後熱狗的主角... 

唔計影模型(Buzes 玩具)的話，上圖算是唯一一張GK9063與GL258的非正式合照... 

伴隨成長那些年，不可或缺與最後熱狗合照！

獅子山下，熱狗九十多年來像與打工一族一樣每日辛勞工作，為人民服務！

16 巴士玩具，如果唔係16 係最後一條熱狗線、自己又坐左尾班碌車，都費時入咁多16玩具！至少GK9063 出果陣我都唔係第一時間買，因為個模唔得... 但呢批熱狗世間上也許只有Buzes 的玩具模供選擇，唯有科水！

GL258 / S3V26及GA6324 / S3N369@16。

上圖的GA6324 路線牌放下層的版本模型並無推出過，官方出的車總是要規規矩矩放牌箱先安落！

當時GA6324 於5月初甩1A，消息指上掛16，都真係幾驚訝，可惜16亦於同月9日提早全冷，所以GA6324 掛16掛得果一兩日...。當時有護航人士話九巴提早全冷係因為不久前發生的30X 非空調巴士班次有巴士迷因滿座無法登車而衝出馬路阻礙巴士離站，引起巴士公司不滿最後將餘下的熱狗線乾脆在短時間內全冷，包括1A、5A、16、40、93K、98A。個人認為這些指控很大程度上是針對車迷行為而出現，根本巴士公司一早已經希望全冷路線收取冷氣票價，如果唔係又洗乜要趁區議會休會期間急急將路線轉全冷？目的都是讓他們沒有反對的機會，5月全冷又可以趕及暑假前"改善服務"，嘩說得多麼的漂亮！因為合理全冷是順利全冷路線的關鍵，讓乘客接受，否則亦無需大費周章屢次安排熱狗中暑事件，讓大眾覺得有全冷的需要了！

GK9063 / S3V15、GL258 / S3V26、GA6324 / S3N369、GA5311 / S3N363

258同飛龍泊埋一齊，廣田巴士站的感覺番左黎^^ 不過... 對呢兩部模型只能用玩具去形容！

Carz 開龍：GA6394 / S3N360 vs 312開龍：GA5311 / S3N363。好明顯兩部車的闊度不一樣，車身紅色312 的較鮮豔而Carz的就太黑暗、上層車頭扶手Carz 的開龍嚴重出錯，事關最頂果條扶手係近雞翼窗框高度，即是312 的開龍較準確(參看下圖)。Carz 出左咁多架開龍都係唔肯改個扶手位置，真係失望！

如果官方開龍16 唔係兩架都藍田廣田村的話會好D，兩架一樣似乎有求其出的感覺。

GK9063、GL258。如果有細心留意，9063同258個車咀側面睇弧度是不同，258的車咀扁平左，無左側邊睇少少鞏鞏地的輪廓！唉改車咀越改越差，都唔知模型公司搞乜！buzes 後來出的S3BL 包括：14、72、1、1 等等車咀更加同車身的鞏位完全不合，做得好差，有留意的話自然會發現呢個問題！

飛龍當初未有模型實物時，充滿希望，因為話開新模喎，以為當年bc 11米富豪、dw 都城的質素會番黎，點知照片一出，非常失望，原來所謂新模竟然係外殼充滿舊模的影子... 最大分別係內籠的確做得幾好，座位比過往的熱狗模型有改進，有番熱狗凳的特色。後來主要因為飛龍廣告幾靚，而官方出左1A、5A 之後再出埋16、40，熱潮一過價格有所回落，我先至有錢買番部模型黎留念... 否則可以想象一部優惠價273 的模型其實對最低工資都不如的人是相當昂貴的物品！

當時312 的開龍好多都有少少變形，連盒底座都有彎曲情況，加上膠帶綁得實，令到架車中間下凹，兩側外谷，有D似HC1507咁上層側面壓到斜左... 包裝做得唔好影響深遠...

巴士站地面用黑色畫紙扮石屎路面，本來想痴埋行車線上去睇落像真一點，但因為都係想任意調位，有行車線會有局限，所以都係由得佢了XD

如果16最後一日熱狗係出全熱狗的話...

258 模型的次貨相當多，包括上層缺內籠件。包裝盒入面幅圖又起晒格，而且架車都幾貴囉，一個咁的玩具模邊值三百幾先，我手頭上的S3V係自己用黑筆美化過窗框的形狀遠睇先順眼左。唯一可以解釋的係上廣告要成本同埋拎廣告版權要成本，所以個紙盒上面全部都係幫St John 宣傳的字句！當初諗買258 邊個版本都諗左好耐，而且我都唔係第一時間衝去買，反而熱潮過左價格有所回落先至有錢買番架258留念！果陣就係出左A、B款分別係車頭路線牌位置及地點不同，自己當然鐘意牌箱有牌的版本因為牌箱光管版本條光管劃得好假！之不過last day 258路線牌放下層又係特色之一... 很難選擇，最後係低於原價情況下兩架入晒...

GA6394 / S3N360、GK9063 / S3V15。9063的証書設計要讚一讚，有齊30部S3V，但入面D相影得好差！

睇睇下，個巴士站景有D似OMSI！

整體來講，312 開龍車身比較像真，骨位位置比較準確，但車尾泵把實在太厚！Carz 開龍車尾就同玩具無乜分別，直不甩，車頂的紅色油又痴埋上層窗，正常應該同312果架一樣紅油同窗之間留有少少空間！不過要留意如果Carz 開龍車頂的紅色油同車窗分開的話，更會顯出車頂太扁問題！

補充一句就係，你接受到buzes 玩具模的話，又無理由接受唔倒Carz 開龍、密龍、ES鷹玩具模的...

冷熱交替廿三載，由第一部十一米雙層空調巴士投入服務至到最後一部熱狗完成使命，經過的二十多年就好似人生的演變一樣。如果計九巴1981年冷氣勝利二型的出現，到2012年九巴熱狗的引退，更加已經係冷熱交替三十載！無論係末代熱狗還是初代冷馬，無論是喜愛該款車型還是討厭該款車型，巴士的故事就即是香港的故事。人生如浪濤百般起跌 在獅子山下每天上演，最後熱狗的風采定會永在人心，無可替代！

上頭為左省成本、交數字，常常將D時間表迫到密一密，有時覺得"多勞多得"呢D詞語係呃小朋友的呃哄說法，現實中似乎唔係咁樣囉！好多時D人走左落樓下，一個電話打黎又要應付佢... 有時多勞未必多得，反而是多勞少得、多勞零得。人手不足，士氣下降，鬥志也會倦。

有時，有些人的行為他自己可能覺得無問題，卻不自知對人做成煩擾，別人頂唔順去話佢就唔出聲，隔一陣又黎過！我諗呢個世界唔公平的程度我已經唔識形容了，因為一些人番工就hea 住玩電話、食煙等收工或者係周圍send 訊息等有人回應再展開話題又有得尻吹一餐；一些人番工就連睇幾分鐘手機都會驚住俾人指責，每日N個垃圾訊息轟炸，唔睇清楚又怕會忽略一些重要事項，甚至同一樣的垃圾訊息在不同群組出現。當看見群組內已經有人積怨已久有不滿的時候，有一個人沒有選擇踩多兩腳對垃圾訊息發佈者加以指責，反而係蓋住個良心說著謊話走去做唔想做的護航狗，咁做為咩？係為左平息一旦再係咁落去可能會引發的罵戰、口角！但這個人很失望因為呢班不說道理的人士似乎仍不發覺出現左問題，如果那些人不停散發垃圾訊息，引致一些人無法忍受需要乾脆退出以後寧願不發言也不願接收垃圾訊息的話，好明顯問題就不在退出者身上。坦白講，有邊個唔想食花生睇戲？群組有罵戰，做旁觀者最好不過啦，垃圾訊息發佈者既然是死不足昔，點解有人仲肯幫口話D野仲有值得睇的地方？就係想理性解決事件。大膽問下，好簡單來個小朋友都明的比喻，如有產品公司不停來電煩擾，你會選擇要求對方唔好再來電，難道你會因為每日會有垃圾來電而以後唔再用電話？証明一些群組入面的人已經去到不講道理的地步，呢D群真係得啖笑，實在令人太失望！唔退出只係唔想斷左同入面D人的交流，絕對不是同意垃圾訊息發佈合理化！咁我都唔希望D 垃圾訊息發佈者有一日會被尋仇橫C街頭的...