Sigma Tele Converter TC-2001 2X增距鏡
自從用左高倍數變焦相機之後，對長鏡就好似無止境咁追求，長鏡帶來的滿足感係好大的，今日都係決定入左支行貨2X 增距鏡，都係為左趕及2018年1月2日晚的超級月亮，以更長鏡拍攝月亮，你話呢個黑暗星球對人類的影響力有幾大？對我就一定係影響好大！
踏入2018年，希望美好的事物像月亮一樣常掛天空，抬頭便可碰見。本人代表WMB (We are Model Bus) 祝願各位身心安康、財源廣進、心想事成及最緊要係各位BHT 的巴模 / 飛機儲家係新一年買巴模買到手軟, 科水科到乾塘！時間過得好快，2017年又完結，去年11月是Wmb 的黑暗艱難日子，每日在窮困、痛苦中渡過，每日穿上套裝機器式工作, 重覆番工放工都唔知係為乜, 雖然低迷風氣未過但隨著2017年完結現在重新出發希望2018 是苦盡甘來的一年，忘記過去不快事、忘記一些對自己沒有啟發但會換來一肚氣的低等人物(這些低等人在不同wtspp group都有)，因為人生存不是為了受這些垃圾氣，相信受少d 氣對自己都有正面得益，希望Wmb 能與各位同渡2018，一齊迎接新一年，人人加人工、飲食得喜、人人搵倒女 / 男 朋友，未結分既快d 結分(派利事)！
面對不同wtspp group 一些生活無憂既人, 看見別人逍遙豐衣足食自己卻要捱窮受肌抵寒, 使本人感到難過, 但Wmb 表示能先後擁有三部高像真模型感到興奮，因為不是人人有這個機會，不過近月發生金融海潚，自豪的同時又黯然失落，但願痛苦的日子快些渡過!
與Wmb 車隊合照(扮野作)~ *由於場地是私人地方，一般嚴禁拍照，故此本人只與Wmb 的車輛合照就算了~ *
2013年時Wmb 為一部車髹上了上米下藍色彩, 但基於日曬雨淋, 最近發現殘舊迅速!
車箱亦被雨水浸淫日廣, 有破損現象, 去年三月Wmb 高層登車視察時未有發現這些糟糕現象!
神秘的圓錐體~
*期待左好多年都要講多次，好想坦克蘭出"模型"，如果有一日無論出1:76、1:43、1:24，本人都一定會科水購買！(buzes 既S3BL 只是"玩具"，不屬於"模型"！)*
返回正題, 超級月亮2018在1月2日晚出現，但天公不做美，竟然密雲，此日前幾日都間中多雲，本來都擔心會有雲架啦唉，好失望！天文現象的出現實在難得，錯過今次又唔知等幾耐, 冬天正常應該好天, 咁都要密雲, 但第二朝就好天, wtf 想爆粗!
本身500mm 對於影月亮都係嚴重不足夠，而家加埋2X，相等於1000mm^^，等效1500mm，但操作十分困難！本身50-500mm 已經重達2公斤，加埋本身相機都有0.5公斤，再加埋增距鏡又有0.3公斤，總共都差不多3公斤... 拎上手唔洗30秒已經手軟！
比起未加增距鏡時50-500mm，現在等於100-1000mm~ 好爽！兩端焦距仍比用150-600mm的廣闊，但質素、操作相對就下降/難左好多，100mm時最大光圈跌到F9、1000mm 時最大光圈跌到F13，但需要再收細光圈才有比較滿意的線條邊緣，經測試F20或更細成像較理想，當於1000mm 時使用F20，iso400，日光照耀下快門亦只有1/160，不落腳架實在是難有清晰相片推出...
Sigma Tele Converter TC-2001 對於長焦距的鏡頭是不支援自動對焦，只能手動對焦！Sigma APO 50-500mm DG OS HSM 亦只能以手動對焦操作，在最長焦距時，對焦甚為困難因為只有一小點清晰，轉動環只要略略過龍整幅圖便不中焦！如果拍攝非靜態物件就寧願唔加增距鏡，所以增距鏡對一般人黎講用處不大，需求亦較低。聖誕節前，TC-2001 亦全部缺貨，幸好聖誕節後再有供應，立刻科水帶回家，準備迎戰1月2日的超級月亮！希望屆時天朗氣清！
或者Sigma Tele Converter TC-1401 的操作無咁困難，因為只增加1.4倍變焦，手震幅度都相對細好多，但我要影既係月亮，一個支持本人意志距離地球三十幾萬公里的黑暗星球，無2倍真係唔夠，而且TC-1401 行都賣緊過二千，無理由唔俾多幾百買TC-2001 行假！TC-2001 行同水價錢差不多，所以最後都係選擇TC-2001行...
有時喜歡寄情死物，死物的幻想空間最大。月球、超人可以講係在本人的生存意志上提供唔少正能量，正面影響很大！
Ultraman Nexus 罕有的5隻HD盒蛋
Ultraman Nexus 的三種型態！
2017年尾，從窮困中渡過，兩個字：痛苦。同時等淘寶貨到貨的日子又是十分悲哀，月球模型足足等左三個月有多，每一日都好似為左到貨的一天來臨，其他野都沒有意義，我只要我既貨品到手，才有動力說其他... 諗番起好似有少少病態，中晒毒... 但唔係苦苦等候，未到貨唔想死住，今日或者我已不會存在，而且又要面對每日重複不斷的上班、下班、坐碌線281A，好似每日的生活都同打仗一樣但又無意義，過左一日就同自己講，件貨又會快一日到我手，又再過一日又同自己講，件貨又會快一日到手... 月球模型咁就等左我三個月... 但生活上的種種挑戰是不斷出現，有時覺得自己好似Nexus 咁，不斷去打底黑暗，但黑暗又不停重生！
Ultraman Nexus vs Grantella 黑暗力量不斷增加使怪獸復活，全靠堅持下去的戰鬥才穫勝利！做人也是一樣，也許不可知的風波每天牽身邊略過！人處天地中似螻蟻千萬，力量也是微乎其微，如何可以自強對抗四周圍的攻擊？這相信是人類一生人也要探索的一環！
今日簡單試用 TC-2001 影遠野，對其畫質不太滿意，但都明白用增距鏡係無本身一支1000mm 鏡咁的質素，但只有用增距鏡先可以手持拍攝月亮靈活取景，唉都唔明d 攝影野點解咁貴，淨係一支增距鏡都差不多要成三千銀，仲咁多限制，質素又唔可以要求高... 其實d 鏡值幾多錢姐，光學技術又一早有既，但一用於攝影身上一支鏡頭就賣到千千聲、萬萬聲... 如果唔係用黎影相賺錢既話，作為一般興趣自娛既，邊度有咁多錢買呀... 就好似我咁，相買好既器材但偏偏窮困無錢，諗住有錢先買，點知從來無有錢過，到頭來浪費左青春，得不嘗失！呢個世界，乜都係錢，飲飲食食？錢、買衣住宿行街？錢、睇戲？錢、相機？錢、手機？錢、電腦？錢，買模型？錢、買車租地？錢，而家仲話加租，正仆街，有咩係唔洗錢架？
500mm 及 1000mm 的對比
F13、iso200、1/200s
F22、iso200、1/80s
以下使用增距鏡後以"可使用的最大光圈"在100mm、200mm、400mm、600mm、800mm、1000mm 的視野及原圖畫質：
F13 / 1/250s / iso200 / 800mm(等效1200mm)
F13 / 1/200s / iso200 / 800mm(等效1200mm)
F9 / 1/400s / iso200 / 100mm(等效150mm)
F10 / 1/320s / iso200 / 200mm(等效300mm)
F11 / 1/250s / iso200 / 400mm(等效600mm)
F12 / 1/250s / iso200 / 600mm(等效900mm)
F13 / 1/250s / iso200 / 800mm(等效1200mm)
F13 / 1/250s / iso200 / 1000mm(等效1500mm)
在1000mm以F25 拍攝：
F25 / 1/80s / iso200 / 1000mm(等效1500mm)
由於1/80s 快門實在無法手持得出清晰照片，故改用1/160s、iso400：
F25 / 1/160s / iso400 / 1000mm(等效1500mm)
可見F13 與F25 的差異，F25 得出的線條邊緣比較真實，但始終光圈過份細，不利手持拍攝！
以不同光圈值之下以最長焦距遠攝汽車上的數字：
F13、iso200、1/250s、1000mm(等效1500mm)
F20、iso200、1/100s、1000mm(等效1500mm)
F25、iso400、1/125s、1000mm(等效1500mm)
可以見倒，用左增距鏡之後，F13 的線條十分不理想，F20 日光日白之下iso200 已經是人肉防震極限，F25 的線條較佳但需要iso400 同時亦都有手震風險，同埋好似加左增距鏡d 白平衡怪怪地咁，d 鏡頭要成幾千銀都仲要接受質素下降既... 乜唔係應該焦距長左質素不變先係俾錢買鏡既原意咩？！結論影一般景物盡量用番本身支500mm，雖然好多時貪方便唔會又裝又拆，但用左增距鏡使用上原來十分不便，我都係唔太習慣，太重而且難對焦，幾本上而家要影有一定距離遠既野都會用接近無限遠個刻度做參考，唔會每次對焦，事關中焦範圍好窄，推對焦環唔可以差少少又唔可以過少少，同埋要勁細光圈先有清晰相片，閉撚晒氣都手震，光圈太細就連鏡頭入面d 塵都顯現晒出黎... 所以，唔建議用咁多增距鏡，如果唔係影月亮可能用500mm 最大解像crop 圖仲輕鬆，但影月亮就一定要增距鏡，呢樣唔否認增距鏡係好少少。你可能話影月亮都唔係日日影，來來去去咪又係同一個月亮？所以，賣鏡頭個條友都話無乜人買呢支增距鏡... 值唔值得就... 似乎唔值居多，但月球呢個黑暗星球對我有好強的影響力，為左影超級月亮，別無他選，我無可能買支本身去到1000mm 既鏡頭假，錢從何來，800mm 的鏡頭體積已經超越本人攜帶的範圍，亦無可能將地球同月球的距離縮短，講呢d 根本係唔實際既野，故此... 增距鏡係唯一選擇...
有左增距鏡之後，諗住立刻外出拍攝月亮，點知多雲，到29號先天晴，可見明月！
2017-12-29日的月亮：
F22、iso200、1/80s、500mm(等效750mm)
F25、iso400、1/100s、1000mm(等效1500mm)
F25、iso400、1/100s、1000mm(剪裁後為1500mm，等效2250mm)
F22、iso200、1/160s、1000mm(剪裁後為1500mm，等效2250mm)
影完月亮又影下2017-12-29日的日落：
太陽落在水泉澳背後，近年太多地盤建樓，不少美景都被石屎森林阻擋了，真在可惡！
清楚可見雨海邊緣的虹灣已經在日出位置！虹灣位置就是在北半球陰陽交界位上的一個半圓形深淺分明的位置，看上去像一個C字，細心留意你會見到在上圖的中左方，中間淺色的是哥白尼隕石坑)
模型上的虹灣
F22、iso200、1/125s、1000mm(剪裁後為1500mm，等效2250mm)
2017-12-30 日的月亮：
F22、iso400、1/125s、800mm(剪裁後為1200mm，等效1800mm)
因為近黃昏時煙霞嚴重，而家傍晚又開始多雲，令月亮模糊不清，光度太減，唯有用800mm 以減低手震情況，始終空氣差有一萬mm 影出黎都唔靚了！
31/1 除夕當晚的月亮，雲量少，讓月亮可以見証2017年完結！
F22、iso400、1/100s、800mm(剪裁後為1200mm，等效1800mm)
F22、iso400、1/125s、1000mm(剪裁後為1500mm，等效2250mm)
F20、iso800、1/160s、800mm(剪裁後為1200mm，等效1800mm)
F20、iso800、1/125s、1000mm(等效1500mm)
1/1 元旦密雲，不能看見月亮！
専登入Tele Converter 都買埋為左1月2日晚的最大滿月, 但天公不做美，竟然密雲，前幾日都間中多雲，都擔心1月2日晚會有雲架啦唉，好_失望！天文現象的出現實在難得，錯過今次又唔知等幾耐, 冬天正常應該好天, 咁都要陰天密雲, 可惱也第二朝就好天, wtf 想爆粗!
3/1 晚天晴, 但已經過左月圓, 已錯過月球位處近地點最佳拍攝位置, 但 3/1 晚仍然可以拍到比平日稍稍大的月亮，不過當日全因香港天文台及香港早晨的不準確天氣報告，導致本人誤以為入夜密雲而無帶50-500mm 鏡頭番工，係中環前往碼頭的行人天橋上眼白白睇住月亮係觀塘上方升起，錯過在摩天輪大小對比之下的完美畫面！苦等14個月的最期待畫面就此失去！本人感到非常無奈、不滿！雖然香港天文台的報導不準確都唔係第一次，早有人以這句形容天文台：信你一成 雙目失明！一直以黎用偏幫商界利益的手法處事，對於只會照顧無良顧主而偏頗發出天氣警告的香港天文台，三個字：垃撚圾！另外對於只會滿足政府立場而偏頗報導新聞事實的電視台，三個字：垃撚圾！
手機紀錄... 月出時，月亮在薄雲中露出，何其美麗！
中環望向東北方一直是欣賞 / 拍攝月亮升起的優良位置，原因係月亮剛從藍田上方升起，遠景小的對比之下，如遇上超級月亮，月球距離地球維持在36萬公里以內，月亮的視直徑大超過一成，可形成月亮巨大的感覺，如透過摩天輪車箱的角度射向月亮，並以50-500mm 靈活變焦捕捉的話，可以話係不同焦段有不同感覺，完美把月亮大、明亮的個性顯現出來，但要遇上超級月亮並不是這麼容易...
步行到碼頭，月亮徐升起，光度提升
船頭的人紛紛拍照，你話如果我有50-500你話幾好，50可影維河天際線及月亮、500 可捕捉月球細節... 天文台，垃撚圾！唉，無相機拍照，但可以親眼欣賞，都總算好過乜都睇唔倒！
月球在建築物後出沒，對比之下月亮視直徑份量十足！
部小米照相功能越黎越差，對焦超慢，成日對唔倒焦，少少郁又震到飛起，架船行緊好難有清晰相！鏡頭出面塊鏡又有白內障，越黎越嚴重... 用左2年半，睇黎真係要換手機... 等我呢期過左寒冬期，先再算... 無錢乜都無得諗...！
彌敦道上的月亮
281A 碌車，番到沙田個月亮都上到半空了，可見石門上空的月亮
番到屋企都過9點，盡最後努力補番幾張... 其實如果無大小對比情景照的話，坦白講任何一個滿月日子影既月亮都係一樣，所以已經無意思，況且已經過左月圓，月亮已經細左，下一次超級月亮又唔知等幾耐，自問人的一生有幾多次可以睇倒超級月亮並能夠從中得到領會？月球對於太陽光的反射率只有12%，黑暗程度與煤炭相約，絕對是一個黑暗星球，但超級月亮出現的夜空月亮光度較一般滿月可多30%，那麼人類也應該可以好似月亮咁即使先天條件差，都能活得很精彩，受他人欣賞 / 愛戴！
F22、iso400、1/125s、1000mm(剪裁後為1500mm，等效2250mm)。用長鏡先發覺原來月亮東部已經落入影區，清楚可見危海、豐富海、朗倫隕石坑已處於日落邊緣！
模型上的危海
F25、iso400、1/100s、1000mm(剪裁後為1500mm，等效2250mm)
F20、iso200、1/160s、1000mm(等效1500mm)
一般人對於超級月亮並無特別追求、期待，但對於相機焦距不足的我黎講，係非常重要，上面堆相已經係1000mm，幸好Nikon D3200 的解像度有番咁上下，所以可以crop 到1500mm 再出圖，但等效2250mm才剛好月亮填滿一張相，所以要影一個大月亮難度相當高！
以上照片全部為手持作！
2018 第一個工作天就出現最大滿月是一個很好的開始, 不過2018年就樣樣野都加價, 交通工具加包括郵費加、電車 / 巴士申請加、港鐵加、電費加、麥當勞又加、KFC / 大家樂又靜靜雞加左、爛地租又話大幅加、交通模型又加(交通方面加幅會影响票價自動加減機制), 總之乜都加, 人工? 唉! 所以唯盼自己賺得更多, 深切體會係呢個金錢誘罪的世界只有自己賺先最實際, 人地賺的希望佢會早日破產, 自己賺的希望長久擁有, 出黎社會要學會以自己利益為先, 否則睇住d 大惡係自己荷包搶錢只會令自己難過, 就好似換少少野就話二千加人工費一千, 咁就袋三千, 你話係咪只有自己賺先最實際, 因為個個都咁諗... 善良生存唔倒!
再次祝WMB 新一年身心健康, 收入直線上升~! 對抗邪惡!
前WMB 車輛將於聖誕節後繼續於星期日在糖廠街市集展出!
沒有留言:
張貼留言