不久前分享過全日空Pokemon 的第一代彩繪飛機模型, 本來今次堆相都影左好耐但近日因為買左Steam 的特價game Assetto Corsa、Need For Speed-Shift 2 忙於試玩及録製賽事片段, 所以連同1:43 URUS 個post 一同暫時放下!
動畫寵物小精靈改編自於1996年推出的一款game boy 遊戲, 而内容始祖原創人之一的田尻智是昆蟲採集和街機遊戲愛好者，其原案是他將這些興趣結合而創作出來。隨後一系列相關遊戲、電視卡通片及上映劇場版後受到小朋友歡迎。因應當時熱潮流行, 全日空All Nippon Airways(ANA) 於1998年6月推出第一代皮卡丘卡通人物(寵物小精靈)主題飛機, 主題機廣受大人及小朋友喜愛，因此之後持續推出了多款不同的Pokemon 彩繪機，直至2016年4月Pokemon 彩繪機系列正式落畫。而在1999年推出的第二代彩繪機有三架:
JA8964 747-400D
JA8288 767-300
JA8357 767-300
因為1998年第一代Pokemon 皮卡丘主題機大受好評, 全日空便緊接在1999年推出第二代Pokemon 主題機。第二代是全機彩繪, 與第一代在全日空原色之上加上卡通人物圖案有很大分別。1999年2月飛行國際線的JA8962 仍以第一代Pokemon 彩繪亮相後, 全日空立刻於1999年3月公開徴收大眾對新一款Pokemon 主題機的設計, 大眾對皮卡丘主題機反應熱烈, 在收到超過四萬件投稿之中選出了一個以海洋為環境構思的作品, 作者是希望看見水中生物在空中飛翔, 可説是現實夢境的結合。
網圖介紹
747-400D/JA8964, 令我諗起兩部九巴十二米龍HS896、HS8964... 未影過...! JA8964(N5573S) 原為波音公司所擁有, 此機由全日空於1994年3月承租, 編號為JA8964。據説在選出了新一款皮卡丘主題機的設計作品後, 1999年6月全日空的大阪廠房準備了超過20種顔色, 總共500公升漆油, 經過半個月的工序在6日21日把這個第二代Pokemon 新塗裝正式亮相! 同日首航大阪至東京。
真機推出後, 受到大眾注意, 除了乘坐人數有所増加, 連飛機模型也大受歡迎, JA8964 官方1:500 分別在2001、2004、2006 年三度推出, 可見銷量理想, 而非官方的1:400 同樣被搶購一空, 基本上全日空的所有747 客機都係十分之難買! 所以手頭上並無1:400 的第二代Pokemon 747 模型... 剛好上年WB 出1:200 JA8964, 其實WB 呢個模咪又係Inflight200 個模, 就係咁我就入左第一架1:200 彩繪合金飛機!
1:400 JA8964 前年仲見有, 但好快就無晒, 上年出呢架1:200 Pokemon 747-400D 很搶手, 個價貴之餘又企得好硬, 有d 賣緊成一萬六千幾Yen, 我好珍惜呢架機, 因為呢架係難得特價時候入手, 而且係Wmb 發生金融海潚前兩三日才購買... 海潚期間的經歴十分慘痛, 日子實在難過, 不過毎次望見家中一堆車海、機海, 有種言語好難講倒的滿足感, 一直支持著本人捱過失落時刻, 常説的什麼玩物喪志、什麼沉迷物質享樂無出色, 我又覺得唔係喎, 對我黎講反而係有正能量, 意義重大! 看來世人都比我膚淺, 我的玩物Level 又提升了, 世人都没有我這種境界^^。皮卡丘系列的1:200 機我影完都不捨得把他們入箱為安...
機翼上的紅點及JAXXXX 大字是一大特色!
747 機頭的高度可容納更大的卡通人物圖案, 比單層的767 更吸睛!
左邊前至後為: 皮卡丘Pikachu、瑪力露Marill、迷你龍Dratini
乘龍Lapras(成龍...笑左...)、呆呆獸Slowpoke、墨海馬Horsea、皮卡丘(機尾)
右邊前至後為: 波克比Togepi、皮卡丘Pikachu、胖丁Jigglypuff
電撃怪Elekid、芭瓢蟲Ledyba、喵喵Meowth、皮卡丘(機尾)
小試photoimpact 的落雨效果, 飽和度-85%, 有黑雨的感覺!
比起BBOX，有支架感覺好好多，但如果可以好似JC wings 咁可以換起落架細件就仲好，因為似係空中飛行收起起落架。
抬望眼, 昂首向天, 這就是波音747!
網圖JA8964
剛剛才發現JA8964 左邊上層少了四個窗戸, 再對照番市面上的1:400, 1:500 及與真機都是一模一樣的! 未知那位置是否豪華休旅室/廁所?
望番原來JA8965 都係一樣的!
JA8096, 原來又不一樣的... 仲以為窗戸排列架架一樣...
乘龍大哥你好^^ 原來乘龍係香港叫背背龍~ 但而家已慣左Pikachu 叫皮卡丘, Lapras 都係統一叫乘龍啦~! 乘龍... 每次聽呢個名都想笑，好似改人名咁...
彩繪機, 都係1:200 圖案最清楚, 唔知設計呢架皮卡丘機的當年那位小朋友有無買番架模型呢??
側面照, 本想用支架支撐但始終有個座比較礙眼唔自然, 所以都係平放跑道順眼好多~
跑道上面個5蚊銀用黎同1:200 747比較, 1:200 佔地真係好大... 如果有模型商可以出1:200 建築物模型, 例如唐樓、街道, 我諗可以整番個類似九龍城的舊景, 反正Carz 都有做過1:150 唐樓... 何不考慮再做下1:200 / 1:400? 可以同飛機同scale, 做倒機場建築既話仲可以滿足埋一部份航空交通迷添, 相信另有一番樂趣~! 坦白講如果Carz、My Tony 一同做同一樣野, 我係認為前者係好d, 不過1:43 就後者市場佔有率大得多, 被迫選購! 唔知點解呢, 擺個機場景影飛機仲開心過影巴模...
藍白黄紅的色彩真係一絶! 藍色既是海洋又可以是天空, 估唔倒小朋友的作品對於色彩運用都十分認真! 諗起小弟中學做勞作, 時常被老師稱讚顏色運用掌握出眾^^ 不過又如何, 出來社會做事, 這些優點都很少派上用場了...
好可愛的747 頭首及皮卡丘笑臉, 747 飛機頭總是像有表情的...
無論長鏡或短鏡, 747 從不失霸氣!
JA8964 於2006年2月改為ANA 英文字標準色彩, 可惜踏入2010 年後, 日本兩大航空公司(日本航空及全日空)加速把營運成本較高的四引擎客機退役, 一代天驕千秋知其名號的747 始終成為錢掛帥下的犧牲品, JA8964 也提早於2011年10月退役, 她在全日空的時間僅為17年(1994-2011)!
全日空於1999年6月21日推出第一架第二代Pokemon 彩繪機(747)後, 第二第三架二代Pokemon 彩繪機(767-300)隨即於同年六月尾及七月初亮相, 手頭上呢架1:400 767 JA8288 係第三架二代Pokemon, 1999年7月9日完成塗裝。第二代的皮卡丘機用機正好, 有最鐘意既747及767!!
與第一代767 Pokemon 彩繪機一樣, 第二代的767 都一樣無出過官方模型, 反正1:400 都肯定係非官方, 唔care 官唔官方, 因為非官方767一樣唔係周圍都買倒既...
右邊前至後為: 波克比Togepi、皮卡丘Pikachu、胖丁Jigglypuff、電撃怪Elekid、芭瓢蟲Ledyba、喵喵Meowth、皮卡丘(機尾)
左邊前至後為: 皮卡丘Pikachu、瑪力露Marill、迷你龍Dratini、乘龍Lapras、呆呆獸Slowpoke、墨海馬Horsea、皮卡丘(機尾)
與第一代皮卡丘機比較, 機尾都有皮卡丘主角的圖案
第二代的767-300 皮卡丘機與第四代的777-300 皮卡丘機有幾分相似, 除左767同777外型相似之外, 機身都係以藍白做底色~
第一、二、四代皮卡丘機, 因為非官方的第三代皮卡丘1:400 仲未出, 而官方的只有1:500, 所以... 暫時第三代皮卡丘機欠奉!
第四代777-300 與第二代767-300
第一、第四及第二代皮卡丘飛機
以前唔識分767同777, 因為767同777外型其實好似, 作為一款大型的雙引擎客機, 777的外型設計大致就是把767機體放大, 所以兩者無論輪廓及比例上均有相似之處，自從九一一之後，才開始留意聯合航空、美國航空的767-200!
當年的Dragon Wings 767-200 1:400，DW的機可以話係絕版了... 絕版機，你話佢應該貴？其實佢d 機精細極有限，都唔講得話做得好好，但確實市面已難尋！
最後, 重温前年影過的兩部1:400 767 皮卡丘, 用Nikon 18-55mm 鏡影(當時十分窮困, 未買Sigma50-500mm), 由於55mm 焦距太短, 所以張張都係用55mm F5.6 影...
基於747 代表性較大, 無人不知, 所以廣告機也覺份外美麗, 即使本人在重温本文以防錯字時都覺得747 部份比較精彩, 有少少可惜的係767-300 Pokemon 只係得第一至第二代, 而第三、四代則是747、777 為主, 在皮卡丘系列上全日空再沒有給予767 一席位。而767 的Pokemon 印象中係無出過1:200, 至低限度以非官方為例無出過1:200, 所以除了767 Pokemon 的知名度不及747、777, 767 的模型也相對珍貴...
其中一架第二代皮卡丘767 JA8357早於2001年初便換上了其他彩繪, 所以JA8357 網上照片也比較少; 相反JA8288 的第二代皮卡丘時間比JA8964 還長, 是留守到最後的767 皮卡丘機, 它在2006年12月才改回全日空標準色彩, 也是整個皮卡丘系列的最後一部767-300 型客機。
暴雨下的WMB 機場:
當時未有機場佈景, 所以用最低成本的物質營造停機坪環境, 其實你可能有印像呢個貌似停機坪的位置本來係WMB 巴士站, 只係清空左1:76 的景物而已^^ :
可能你會向我一句冷嘲道: 鵰! 買番d 1:76 街景、唐樓, 再唔係自己DIY 條天橋、停車場/車廠出黎咪得囉! 但在我立場而言, 所有情景模型都賣得太貴了, 一幢1:76 空心唐樓索價三舊水、一座泊得十涼架車但仿真度低的1:76 巴士廠又賣到七、八百蚊, 仲未計四週圍一定要有的交通燈、馬路常見設施等等, 就算我不在乎一千幾百, 都要面對無位擺既問題, 用錢砌個不真實既景成本太高了, 我何不將筆錢用黎買多兩架車模?? 所以深切明白日本超人片做破壞城市景的高昂成本, 我成日都想堆模型被整爛之前, 俾我影番堆車模相先!! 睇番上面張ADS 相, 忽然醒起批ADS 已經退左一年, 係時候post 番上年8號尾班車同影番堆ADS 先得... 都只怪假期不足, 人生奉獻給工作的時間太多了, 但我到頭來錢又無、囡又無、地位也不見得有, 人地? 個個吃喝玩樂周圍旅行, 我人生都算是很失敗了!! Wmb 目前需要盡快恢復金融海潚前的水平, 目前已恢復了一半, 眼前既得失無必要在乎, 世界自然會更大 <---- 支離人講既!
稍後會繼續post 第三、四代全日空寵物小精靈/皮卡丘/Pocket Monsters 飛機模型, 不過仲要等第三代747 襟翼下放版出左先, 因為上年暑假話出, 出到而家都未有, 痴線! 一年啦, 做幾款都做倒啦, 都唔明點解搞咁耐... My Tony係咁、Toy 1係咁, 連JC 都係咁... 好失望!
網圖(第三代皮卡丘機)
另外, 皮卡丘御花珍寶機1:200 , 1:400 希望快d 出埋就好啦!
相關文章：第一代全日空寵物小精靈/皮卡丘/ANA Pocket Monsters・JA8569 JA8965 1998 (I)
沒有留言:
張貼留言