Wmb 剛剛宣佈了"停看聽讓"的入手新策略~
近期大量玩物相繼開訂, 一下子已有超過十件貨品需要下訂, 而且仍有不少心水貨品陸續推出, 對本身屬於乾塘的Wmb水庫造成進一歩打擊! 五月份工資雖然剛發出, 但開支也創下本年新高...! 因此"停・看・聽・讓・"成為目前入手的新方針:
停一停, 諗清楚才科水
看清看楚, 不信官圖, 因為官圖無限好
打聽消息, 宜按兵不動
禮讓別人, 有些人All in =/= 要跟風, 如遇缺貨假象索性放棄入手, 堅決不高追!
除了商品開訂, 近期入手的玩物也相當多呢, 正忙於如何妥善存放, 先回顧上兩個月的少入~
有1:43 頭文字D AE86、蘭博基尼及1:400 第一架波音777
1:87 貨櫃、1:76 AutoToy Volvo 工程車及P&T 3BL1(中期版)
三架AutoToy模型及平價追回1:76 BC 藍白色貨車！老虎蘭QC極級差！打風、甩油、水貼錯位等全齊！幾乎要用垃圾形容！
1:43 頭文字D AE86
這部AE86 用了500入手, 而出面舖頭賣600以上, 本來一早買, 講起真係激死, 話説上年有位師兄自稱玩具街某店可以七折代購, 聲稱下次光顧時代購, 結果一年過去, 期間他都不知光顧了某店多少次了... 兩個月前我再詢問情況時, 換黎對方一句: 一早無晒啦, 而家先講? 之前大把啦! 本人表示"實在無言...", 最後決定用自己方法入手! (這個自己方法都是托人幫手的, 謝謝這位人兄幫忙!)
所以熊大也表現出他的一臉無奈... 講得出做不到是誠信大忌啊!!!!
AE86 都算了, 至少我都仲買倒, 但還有一件事想呻下! (底部)
接著有buzes 3M1-3, 但真心認為個盒design 得好差... 其實buzes 過往的design 都好差, 今次更差強人意, 大佬你用番熱狗色黎做底色啦, 無啦啦灰色又加條紅線完全九唔搭八...
3M1就出過上米下紅, 咁唔知3M2-3 又會否出埋上米下紅呢? 但近排太多車一次過彈出黎... Wmb 都有壓力啊!
積分加錢換的將沙快線798
4架沙田區重要路線 798, 281A, 停看聽讓86, 12.8米681
281A呢部橙蛋, 本來係2017年中出, 但delay 到而家... 其實我就想出長側牌尾牌果批UN-UV牌橙蛋多少少, 2017年1月投入服務就有幾架上掛281A, 比較有代表性!
有期待已久的80T 平治, ATSE。上一次80T出紅A 全廣平治竟然火速售罄, 所以今次馬百良選擇買左先, 奇怪係我明明覺得馬百良靚d, 但我買左的現在都仲有貨, 無買的想買番就售罄, 特價尖沙咀鐘樓又係, 想買就同我講無貨... 世事痴起線上黎就係咁痴線!
龍運新色彩12.8 E41, 現在手上已有三款12.8 E50D FL, 分別是Toy1 的非官方金巴81、Carz 681及龍運E41, 至於城巴的cityflyer 12.8, 只能像熊大一樣一臉無奈!
近日平入了一些熊大擺設, 現在四週已被熊大入侵...
熊大八達通(純收藏), 這個沒有平, 定價$188! 而且沒有按金... 港鐵可恥!
有熊大水杯、杯蓋、筆袋、儲錢罐、聖誕版印仔等等
早前淘寶的筆袋被光照變色, 所以再買多隻收藏用, 淘寶野真係...
熊大手機座、磁石及麥當勞(Line friend一起的拼摶精神)
熊大手機托, 這個姿勢很可愛(但看見它一臉不爽的樣子, 我仍很想打它!)
熊大水杯, 最大特色是有隻坐姿公仔的杯蓋
立刻已投入使用, 取代已用超過十年的舊杯。這個容量為480ml! 我的日常生活竟然被這隻一臉無奈的熊仔入侵?
為食熊
配上另一款杯蓋
嬉水熊
熊大嬉水配水紋模型
Hi~
哦...
?.?
熊大水杯已經放在公司使用, 終於有自己的水杯, 不需再使用公家杯!!
KFC 2018 限定版, 唔知有無人留意到左下角的送花熊? 感覺它們是一對的~
為了不引人注目, 日常並不會擺放周秀娜的照片出來~
WMB CEO... 最慘的CEO...
把酒當歌 人生幾何, 熊大酒樽塞
熊大聖誕版印仔, 這個很久之前已經想買, 發覺不同批次對眼位置有高低, 手頭上這個當然是正常的~
還有少量扭蛋
胖熊, 食食食成日食, 食完又訓
所謂小吃多滋味 多吃肚子痛! 呢隻係照Line 的貼圖做的~
早前分享過三個布朗熊錢箱取代夢想號快車儲錢罐, 但載英女皇圖案硬幣的小布朗熊已爆滿, 所以現在再有一隻企立版熊大錢箱加盟!
這個是屈臣士版本
4 款儲錢罐
小布朗熊容量太小, 而家樣樣野都講高載...
熊大企立擺件，為什麼會有這樣委屈的樣子呢？？
真可憐，Line 為什麼要設計一隻這麼慘的熊仔呢？
桌面上的熊大擺件, 辦工室已被熊大入侵...
幸好儲錢罐都是實用的, 擺放同時又可以有助儲錢, 唔知大家有無發覺擁有新儲錢罐時, 你會很想快些儲滿它, 間接也有儲錢的動力, 我現在也會把食飯找回來的較新硬幣投進熊大儲錢罐!!!!
熊大磁石玩具
某日把玩1:76 工程車時, 百厭的熊大到場爬貨櫃, 可是笨重的熊大怎麼都無法爬上去, 但看見他這麼努力, 我也不忍心阻止...
看? 你這樣笨手笨腳...
還製作了這個熊大磁石玩具的片段, 已上傳到BHT X Wmb 頻道, 之後會製作更多種類的影片, 有共同興趣的朋友歡迎訂閲啊~
上面講到有一件事想呻下, 這件事令我很憤怒, 感覺就是多次被愚弄...
話説有個麻豆6月起不再接受一般的攝影活動, 所以一直希望有機會再影一次。有個識了十多年需稱不上好朋友, 但一直十分尊敬他的人兄常説"下次一定預你、無你唔得呀"之類説話, 這位人兄人脈較廣, 圏中人縁不錯, 出自他手的照片閒閒地百幾個讃, 算是一個有實力的人, 而我的post 讃量只有他的十份之一, 無可否認小弟參與過的攝影活動有一半都是呢位人兄邀請的, 所以我向來好識分莊閒, 你企我前面影我都會讓個位俾你影左先, 而我影緊既時你話要插入影我都會馬上影完手上一張就停手, 甚至很多時自己要用長鏡造出淺景效果, 但中間有人炸炸帝企入黎搶鏡, 我都尤得你, 因為你邀請我黎我唔敢多多要求要你讓開俾我影咁霸道, 希望互相禮讓可以造出愉快的氣氛, 日後再有攝影活動希望你都會再預我一份!
4月尾曾討論希望5月内可以再影一次, 當時呢位人兄表示未知約唔約倒, 約倒一定預你... 呢個都是一個實情, 事關人太紅, 期太滿, 不是話約就約倒... 不過利益掛帥的現實社會説明了我的想法是天真幼稚的...
結果近乎毎次呢位人兄口中所講的"下次一定預你" 都係唔預我的, 直到上星期即5月底, 呢位人兄在FB 再度出圖, 這次真係無名火起! 點解你次次口口聲聲話預我但都無回事?? 其他麻豆我都唔care, 但唯獨呢個係最想再影, 本人只係想影一次姐, 就算平日活動我都仲有CL可以用, 要參與根本不成問題...
客觀説, 要人次次預你一定無可能, 呢點我都理解, 但小弟只要求一次而已! 大家都係講道理, 你預人地一次人地都無理由去要求其他啦, 點解次次得個講字? 點解咁自私? 做唔到又點解信口開河? 點解誇下海口點點點但出完圖之後又隻字不提? 點解之後再繼續重覆同一堆説話? 你講得出預我, 我就當你講真, 期望你守諾言... 次次飯聚都聽呢位人兄講會影邊個邊個、影唔倒邊個邊個, 本人實不懂反應, 唯有選擇聆聽, 站在識了十幾年的角度, 我都會選擇鼓勵對方, 難度我有將生活上的不滿一併發洩出來再踩多兩腳?? 自己本身黑仔到一個點，遇人不熟無左十幾皮(發生Wmb 金融海潚)，我到而家都未追得番啦, 平日還要全時與小人對抗，身心力疲，你地慘得過我咩?? 影唔倒邊個邊個又話委屈, 啊, 個個我都影唔倒添啦, 行走江湖始終要有信用, 講得出做不到是誠信大忌!!!!
呢個圏就係咁黑暗, 個個都唔想合作開的麻豆被其他人影, 表面上客客氣氣但内裹互相競爭互相對抗甚至會係麻豆面前講其他人壞話(咁的確有些人比較無態又無禮貌, 是需要提防), 帶朋友參與活動, 其他人就驚死會被搶飯食, 養成個個都自私自利的心態, 坦白講真係遇過有自私攝影師唔想新人參與而係一眾麻豆背後做小動作, 揚言禁止攝影師帶朋友(其他攝影師)參加活動! 也遇過無品攝影師, 以拍片為名在外拍期間不停要麻豆配合動作及阻礙他人拍攝, 但事前自稱不是正式參加者所以最後唔俾錢! 唔俾錢又係咁影, 雖然器材級數高, 影出黎的相係好好, 但一身好器材卻這麼無品...! 這番説話如果在公開場合發佈, 相信定必遭到立心不良的人士封殺, 因為利益掛帥, 不過自己blog 分享我認為我手寫我心, 無往而不利! 所以我又十分明白呢位人兄當初預我參與係一件唔容易的事! 這點本人仍然心存感激!
雖然小弟影過的人不多, 但這位麻豆是主動邀請小弟出席其活動次數最多的一位, 令我在茫茫大海中感到有些少存在感，也說明了自己的出圖是有價值的(假設差到一文不值，別人也不會邀請我了)！就不久前曾經inbox 問過我3次出席她的活動, 竟然三次我都無去, 有一次因要視乎自己OT schedule 而遲左覆就full 左(太搶手了), 最近一次好似話係影古裝, 我又興趣不太大又唔識影所以推左, 當時以為日後還有機會再參與, 直至知道6月後就再無機會, 一直希望再影一次咁多, 以為呢位人兄會預我一份, 估唔到最後都無機會, 早知如此, 呢3次我務必出席!
現在已是6月了, 才發覺機會本來就在我手上, 只是自己錯過, 更錯的是信錯人, 誤交損友, 真係令我
一 世 遺 憾 ! ! !
我心目中已有5個我覺得頗為虚偽/表裹不一的影師(本來4個現在5個), 如果有朝一日他們在攝影界別名成利就, 我或者會恭喜他們, 但是 絶 對 不 會 認 同 他們的!
以上是個人真實體會及真切感受, 不喜即管插, 也歡迎下次BHT 聚會時提出以武力解決, 反正我都無野驚, 能捱過人生低谷還怕你什麼???
或者可以從以下遊戲擊敗本人的高分紀録, 那麼本人就真正佩服閣下, 否則再空口講白話我只覺得啖笑, 吹水吹到天花龍鳳都是廢柴而已...
話説有個麻豆6月起不再接受一般的攝影活動, 所以一直希望有機會再影一次。有個識了十多年需稱不上好朋友, 但一直十分尊敬他的人兄常説"下次一定預你、無你唔得呀"之類説話, 這位人兄人脈較廣, 圏中人縁不錯, 出自他手的照片閒閒地百幾個讃, 算是一個有實力的人, 而我的post 讃量只有他的十份之一, 無可否認小弟參與過的攝影活動有一半都是呢位人兄邀請的, 所以我向來好識分莊閒, 你企我前面影我都會讓個位俾你影左先, 而我影緊既時你話要插入影我都會馬上影完手上一張就停手, 甚至很多時自己要用長鏡造出淺景效果, 但中間有人炸炸帝企入黎搶鏡, 我都尤得你, 因為你邀請我黎我唔敢多多要求要你讓開俾我影咁霸道, 希望互相禮讓可以造出愉快的氣氛, 日後再有攝影活動希望你都會再預我一份!
4月尾曾討論希望5月内可以再影一次, 當時呢位人兄表示未知約唔約倒, 約倒一定預你... 呢個都是一個實情, 事關人太紅, 期太滿, 不是話約就約倒... 不過利益掛帥的現實社會説明了我的想法是天真幼稚的...
結果近乎毎次呢位人兄口中所講的"下次一定預你" 都係唔預我的, 直到上星期即5月底, 呢位人兄在FB 再度出圖, 這次真係無名火起! 點解你次次口口聲聲話預我但都無回事?? 其他麻豆我都唔care, 但唯獨呢個係最想再影, 本人只係想影一次姐, 就算平日活動我都仲有CL可以用, 要參與根本不成問題...
客觀説, 要人次次預你一定無可能, 呢點我都理解, 但小弟只要求一次而已! 大家都係講道理, 你預人地一次人地都無理由去要求其他啦, 點解次次得個講字? 點解咁自私? 做唔到又點解信口開河? 點解誇下海口點點點但出完圖之後又隻字不提? 點解之後再繼續重覆同一堆説話? 你講得出預我, 我就當你講真, 期望你守諾言... 次次飯聚都聽呢位人兄講會影邊個邊個、影唔倒邊個邊個, 本人實不懂反應, 唯有選擇聆聽, 站在識了十幾年的角度, 我都會選擇鼓勵對方, 難度我有將生活上的不滿一併發洩出來再踩多兩腳?? 自己本身黑仔到一個點，遇人不熟無左十幾皮(發生Wmb 金融海潚)，我到而家都未追得番啦, 平日還要全時與小人對抗，身心力疲，你地慘得過我咩?? 影唔倒邊個邊個又話委屈, 啊, 個個我都影唔倒添啦, 行走江湖始終要有信用, 講得出做不到是誠信大忌!!!!
呢個圏就係咁黑暗, 個個都唔想合作開的麻豆被其他人影, 表面上客客氣氣但内裹互相競爭互相對抗甚至會係麻豆面前講其他人壞話(咁的確有些人比較無態又無禮貌, 是需要提防), 帶朋友參與活動, 其他人就驚死會被搶飯食, 養成個個都自私自利的心態, 坦白講真係遇過有自私攝影師唔想新人參與而係一眾麻豆背後做小動作, 揚言禁止攝影師帶朋友(其他攝影師)參加活動! 也遇過無品攝影師, 以拍片為名在外拍期間不停要麻豆配合動作及阻礙他人拍攝, 但事前自稱不是正式參加者所以最後唔俾錢! 唔俾錢又係咁影, 雖然器材級數高, 影出黎的相係好好, 但一身好器材卻這麼無品...! 這番説話如果在公開場合發佈, 相信定必遭到立心不良的人士封殺, 因為利益掛帥, 不過自己blog 分享我認為我手寫我心, 無往而不利! 所以我又十分明白呢位人兄當初預我參與係一件唔容易的事! 這點本人仍然心存感激!
雖然小弟影過的人不多, 但這位麻豆是主動邀請小弟出席其活動次數最多的一位, 令我在茫茫大海中感到有些少存在感，也說明了自己的出圖是有價值的(假設差到一文不值，別人也不會邀請我了)！就不久前曾經inbox 問過我3次出席她的活動, 竟然三次我都無去, 有一次因要視乎自己OT schedule 而遲左覆就full 左(太搶手了), 最近一次好似話係影古裝, 我又興趣不太大又唔識影所以推左, 當時以為日後還有機會再參與, 直至知道6月後就再無機會, 一直希望再影一次咁多, 以為呢位人兄會預我一份, 估唔到最後都無機會, 早知如此, 呢3次我務必出席!
現在已是6月了, 才發覺機會本來就在我手上, 只是自己錯過, 更錯的是信錯人, 誤交損友, 真係令我
一 世 遺 憾 ! ! !
我心目中已有5個我覺得頗為虚偽/表裹不一的影師(本來4個現在5個), 如果有朝一日他們在攝影界別名成利就, 我或者會恭喜他們, 但是 絶 對 不 會 認 同 他們的!
以上是個人真實體會及真切感受, 不喜即管插, 也歡迎下次BHT 聚會時提出以武力解決, 反正我都無野驚, 能捱過人生低谷還怕你什麼???
或者可以從以下遊戲擊敗本人的高分紀録, 那麼本人就真正佩服閣下, 否則再空口講白話我只覺得啖笑, 吹水吹到天花龍鳳都是廢柴而已...
好消息一則，小弟超時工作時薪再獲得上調，大慨因為人手不足但project 太多的原故，需要吸引員工積極參與OT工作，重申OT 工作量的確非常多，體力疲倦，基至時常接觸硬物也會時常整傷，所以每一蚊都是有血有汗的！這次也算是本人在14個月內第5度上調薪金，其實感受到上頭是有誠意的，也說明了員工積極OT的重要性，雖然自己的入息仍然遠遠未達2019年男士入息中位數... 不過本人為了恢複Wmb 金融海潚帶來的痛苦，一定會加油！
全文完
沒有留言:
張貼留言