自從開左798之後，沙田出入將軍澳真係方便左唔少，尤其由寶林番沙田，過寶林直上將軍澳隧道然後就大老山，唔塞車的話唔洗廿分鐘就可以在大老山隧道落車！
題外話，有時見到"寶林"兩個字，會睇左係"林寶"(林寶堅尼/Lamborghini/蘭博基尼/藍寶堅尼)，可能係自己對超級跑車的內心渴求日益增加所致！但同時卻十分清醒，知道我從來只能擁有林寶堅尼"模型"而非1:1真車...
這次分享兩部來往將軍澳和沙田的"城巴798"巴士模型, 話説呢兩部模型都係特價買~! 先來2012年3月Carz推出的Wifi 宣傳新巴
紙盒及証書均有Wifi宣傳字樣, 及附送1:76車身banner 水貼一張, 限量1388部!
HX703(1039)
車型: 丹尼士三叉戟12米
服役年份: 10/1998-09/2015
引擎: 康明斯Cummins M11 305E
車身: 亞歴山大Alexander ALX500
載客量: 130人
話時話，都好耐無見80T 出新巴模型了... 因為畏縮與忍讓 人家驕氣日盛！
拉盡500mm(等效750mm)
不過部車買番黎擺左幾年, 今日拎出黎影相先發現車身起泡... 最近好多人批評Toy1 既車起泡, 但80T既質素睇黎唔好得去邊...
另一架"城巴798"是NS 早排的會員積分加錢換購, 模型是2016年8月Toy1推出, 限量989部! 車身圖案是路線798 的宣傳廣告
HF940 VA76
車型: 富豪奥林匹克12米
服役年份: 07/1997-04/2015
引擎: Volvo D10A 245
車身: 亞歴山大Alexander RX
載客量: 135人
將沙快線廣告上畫日期是在2014年4月至2015年4月HF940 退役為止, 而我其實無影過HF940...
798 於2010年10月投入服務, 來往調景嶺至火炭。由於沙田和將軍澳都是新市鎮, 人口持續上升, 對誇區巴士線的需求多年來有増無減, 聞説早在九十年代已有區議員及地區團體爭取開辦來往將軍澳及沙田的直達巴士服務, 但運輸署及九巴卻以居民可在觀塘轉車及客量不足為理由拒絕, 隨著運輸署大力推動巴士轉乘計劃, 九巴推出296A及98A與6條新界巴士路線的八達通轉乘優惠(即當年第二程減收$3.7), 其後轉乘優惠増加至多條觀塘來往新界的巴士路線, 包括大部份大老山隧道路線, 令開辦將軍澳至沙田的直達巴士線幾乎無法實行!
除了九巴98A及296A轉乘新界路線的八達通轉乘計劃大受居民歡迎, 也出現將軍澳直達沙田市中心及火炭工業區的居民巴士服務, 間接証明來往沙田至將軍澳的乘客量其實不少, 因此當地區議員並沒有放棄爭取一程直達的巴士路線, 故此在《2010-2011年度巴士路線發展計劃》(西貢及沙田區), 運輸署首次提出建議開辦來往調景嶺及火炭巴士線, 新巴主張以快線形式即經過將軍澳隧道後沿觀塘繞道往大老山隧道; 九巴則主張途經觀塘以保障客源, 經過評估後一致認為新巴的提議較佳, 運輸署最後決定由新巴營運以防止九巴壟斷市場及引入競爭。
結果798開線後客量持續上升, 798開線初期以單層巴士作為主力, 後來採用12米雙層巴士, 包括這次分享的兩款巴士型號(丹尼士三叉戟12米、富豪奥林匹克12米), 今年新巴更試用12.8米雙層巴士行走798。也証明新巴開辦798將沙快線是正確的!
自2010年798開辦以來, 從沙田先乘第一程車(80X/83X/89C/89X)到觀塘轉乘98A的八達通轉乘優惠漸漸不再是吸引乘客的優勢, 這裏簡單以89X 轉98A 作例子:
在2010年時, 89X轉乘98A全程票價為$6.5+$3.7(熱狗)或$5.2(冷馬)-$2.8或3.7(轉乘優惠)=$7.4或$8
不過九巴在2011年、2013年及2014年均有加價及減少空調巴士轉乘優惠金額$0.1, 及2012年98A 全冷, 乘客第二程沒有熱狗選擇, 因此在2014年後, 同一乘車方法總票價増加至$9.4
而798 全程票價在2010-2019年為$10, 今年年初加價後増加至$10.5, 可見在九巴瘋狂加價之下兩者票價差距大幅拉近, 加上798以一程快線形式服務, 大部份乘客選搭798 是不爭的事實, 而本人現在往返將沙都以798 作首選!
沙田市中心---->
<----將軍澳
至於為何説"城巴798", 是因為今年4月8日後, 798加停沙田瀝源及禾輋站, 有市民在將軍澳發現某政黨(民建聯)的社區主任在街上掛出的橫額上寫著"城巴798線將於4月8日増設瀝源及禾輋站"而得來！(見下圖)
(網上圖片)
起初看見"城巴798", 不禁笑了出聲, 我馬上轉發這個消息給一位住將軍澳的舊同學, 他也不敢相信... 直至我買了HF940 VA76 798巴士模型, 我估這位社區主任有可能是曾經看見城巴HF940, 然後再看見HF940行798, 因而以為798是城巴! 其實這位社區主任的出發點是好的, 但新城不分的確有點兒......!
1997年7月投入服務的HF940 的確本來是城巴, 原本編號為622, 2014年3月城巴有十部12米富豪奥林匹克轉交新巴, HF940 是其中一部, 並成為新巴車隊内最後一部12米富豪奥林匹克, 編號為VA76。HF940 轉投新巴後便貼上將沙快線798 宣傳廣告, 所以直至HF940 退役, 它應該仍然是城巴底色, 其餘一同轉交新巴的12米富豪奥林匹克則貼上新巴城巴車長招聘的全車身廣告，相信這批車退役時一樣是城巴底色！
情況同當年HN9680 由龍運轉九巴一樣, 一直以全車身廣告示人，先是小飛俠，後來是九巴之友，直到它拆毀一刻仍然是龍運色彩~! 而日後會再開post分享九巴之友模型！
其實成架車橙橙黃黃, 點睇都係好有城巴味...
以下部份分享一下近期少入
80T 特價的1:87 尖沙咀鐘樓
1:76 平治O305
1:50 bc 經典5.5噸NPR貨車
網絡店老闆表示, 近來市面上發生不少衝突, 大家的心情難免有所影响, 因此推出盤點清貨優惠, 讓各位買得開心的同時, 他們又可以輕鬆盤點。
1:76 進 智 月工 交 ...呀係進智公交先o岩~
-經理贈品1:64 Lamborghini Reventón 蘭博基尼雷文頓
-1:76 西九龍中心E500MMC FL 12.8米
-魚蛋灣Dennis Dart
本來入一部的12.8 Cityflyer, 後來變三架... A11 A20 A29
平入12/12.8米FL及紅LM5
身邊有幾個損友fd，次次有車出都叫我買啦買啦...
事實証明自從d 車加左價, 入少左好多, 一話平入唔覺唔覺又入一堆, 所以巴士模型加價，有時可能係一件好事，模型唔值咁貴索性唔買，最好加到598，咁就大安旨意可以全部無視！個個等特價先掃，又可以社絕炒風，炒家個個仆直可能是巴士模型界返回健康市場的唯一方法！小弟之後有好多野想買，所以為左省錢，之後會減買巴士模型!
一名友人近年轉玩火車, 轉讓了幾部二手巴模到小弟手中~
沒有留言:
張貼留言