BHTXWmb: 疫情下少入&Topi Brown Spinning Car

今次分享呢部係Topi Line friends 的熊大玩具車, 主要因為它有很高可玩性, 先回顧近期少入~

疫情下不少一直由大陸生産的産品無了期延遲, 最近終於追番一年前80T 出的1:43 丹拿A型~

幾年前網上有人post 過呢部車未上色的圖片, 雖然1:43 但感覺上精細度確實麻麻, 倚背扶手直吉落地, 好似仲衰過1:76... 條扶手裝番上座倚頂很難嗎? 所以一直對Carz 做的1:43 丹拿系列無太大入手的動力, 直到最近發覺得番CS 有貨, 才決定以優惠價入一部...

因近期煩惱要交税, 辛苦賺的OT錢一掃而空, 真係令人脾氣暴燥! 加上政府施政太差、疫症爆發, 令人有少少只求毎日平安, 不求生活多姿多彩的氣氛... 同期推出的另一款車咀及最近出的上米下紅丹拿都無入到, 就算早前Design 1933 app 抽到75折我都成功忍手無買, 或者等到就黎無貨就會買番^^

另一架是最近推出的1:43 紅燈籠色勝利二型, 曼坊實體店終於在24/2 重開, 我便馬上前往以優惠價選購!

就是這樣, 短期内又掃了兩架1:43 巴士, 遲d 會再拍照分享!

上次1:43 勝利二型模型的分享竟然有3500 views, 像本blog 開設初期, 可能d 相影得比較差, 字句寫得比較詞不達意, 要累積好耐先有300 views...

太耐無洗錢, 近期心思思想買野, 所以上星期追番幾部1:43 Hiace, 本身只想入番最common 幾款(白、銀、紅、黑、藍), 但銀、黑、藍反而未找到, 有拉花的就無心插柳入手, 遲d 會再拍照分享~

Hiace 警車市面難尋, 日前終於找到一架白頂不過只有淨車, 看來要集齊J collection / My Tony 出的1:43 Toyota Hiace 都唔易, 事關商用車模型一向罕有, 有模型商肯出實大把人搶... 當然J collection 出的比較靚... 微影低成本拎人地個模出但qc 比較差...

上個週末週日, My Tony 微影於天悦廣場舉辦了聲稱是五年一度大特賣, 但原來都係清蟹貨/問題貨為主, 正價三折起, 只售微影出的1:18 警車、救護、的士、拖車或1:76/64 情景建築及1:43 巴士通通不准開盒驗車, 非巴士類的1:43 賣$100-150不等, 同樣原來全部係次貨、問題貨或無包裝受損貨, 小弟去到時人多到完全入唔倒, 到真正迫到去攤位面前, 所有想買的車已被掃清, 餘下的都是買唔落手的超級次貨... 仲聽倒有人(未知是否職員)大大聲話"擺得出黎既全部都係有問題架啦, 唔係點會有特價呀!"

坦白講, 如果特價就係為左清問題貨, 咁就唔好開post 話回饋買家啦... CLS!!!! 真心ON9!