淘寶分享(代開箱) 1:400 KLM Cargo/Virgin Boeing 747-400 天翼模型 | BHTXWmb

這次代為開箱，順便拍照，分享兩架1:400 飛機模型，是物主從天翼模型店淘寶回來的！

其實好多人都知淘寶買模型一向好高風險，售價雖然係比門市平少少，但當你收到一架有問題的飛機，其實你都唔知退唔退好，少少缺陷又係自己硬食，今次代人開箱亦都發現其中一架機甩左轆，不過唔算太大問題，如果係斷機翼就真係好笑了~ 

先來KLM Cargo 747-400F (B747-406ERF)荷蘭皇家航空貨機

說到747貨機，有想起近期好多人討論的電影"天能"當中的一架747貨機撞向機庫一幕嗎? 

我就有! 有機會睇下有無辦法買番該架飛機模型先...

1969年2月9日，首架波音747試飛。

波音747-400 型在1985年10月22日開始研發，但因為加入新技術引致試驗也受到延遲，首架試飛在1988年4月29日，最後於1989年正式投入市場。

一直都好鐘意KLM隻天空藍色，KLM、ANA、大韓隻色都係超正！

機尾的KLM CARGO 是藍色字，也見過CARGO 一字是黑色的(下圖)

網圖

機身長77.3米、翼展70.5米，淨重399,000磅(約180,983公斤)

4台GE CF6-80C2B5F 引擎

首次飛行日期是2003年3月15日！於同月31日交付荷蘭皇家航空！

機首一端底有KLM字樣

由於只是代為開箱及代為拍照，所以介紹飛機的就不多說了，因本身對這兩部機不太熟悉，如果給我選，我會選擇買一部KLM 的747-400 客機，1:400 或1:200 都可，始終KLM 是現時世界上歷史最悠久的航空公司，而波音747 客機又是航空界最有代表性的機型，最可惜是沒有親自影過一張清晰的KLM 747 飛機照片...

另一架是維珍的747-400 客機，有Star Wars 的拉花

但呢架就無咁好彩，一打開盒就已經見到條軸同埋兩個轆飛左出黎，真係中伏，由於零件細小，需要好小心拿出，一旦跌落地就會彈左唔知去邊，咁就無得救，這次角色只是代開箱，轉頭俾人話整爛就真係麻煩了，所以代開箱最好全程錄住片証明是一打開就看到什麼，我看到是怎樣，你看到的也是怎樣，不然別人說你把玩過後弄壞就無謂！

用膠水痴回去，輪子可如常轉動，繼續拍照~

網圖

感覺上真機的圖案係深色少少，模型印出黎近乎全白，連後面藍色部份都係淺左一級...

其實飛機都幾難影，並無一個標準的角度，也沒有一個叫做最好的lighting，我諗我呢堆相俾d 行家睇，應該屬於唔合格一類，因為我自己都覺得室內光管影飛機效果的確麻麻，不過打開機場跑道，放架機上去就影了，反正現實環境，陽光一時太硬，一時陰天世界光，都是控制不了的...

本人認為對於機上一些細緻的圖案，1:200 才可清晰展現出來，例如之前分享的ANA Pokemon 主題飛機就是1:200的(當然也有分享1:400 版本)！機體大了，微距也不用去到盡，如果是1:400，開盡微距，也無法close up 出心水畫面，這個是不能一鏡走天涯的處境之一... 1:200 唯一缺點是太大架！

機腹有維珍字樣

這次淘寶分享也有片段可以看~ 

https://youtu.be/r_ES_0U-gvM

不要忘記like 及subscribe 啊😊~

加送上面提及自己覺得靚的ANA、大韓航空~

一直最想係搵中文字全日空的747-400，最好係JA8094...

全日空的機無論原色定廣告都好靚!

曾幾何時，我都幫呢位人兄影過另外2架KLM 1:400飛機的...

KLM 95週年塗裝(上)及KLM 新塗裝(下)

最最最令我失望的係，最近終於知道呢位人兄背後的惡行，好彩有人同我講番先知呢位人兄原來咁口密腹劍，不過而家先叫我小心d呢個人都太遲了，因為我諗都已經被呢位人兄係背後插左唔知幾多刀，所以有時就算唔係自己問題都好，只要背後有人做小動作，都會有好大負面影響！奉勸一句唔好以為做埋晒d害人既野會無人知先得假，正所謂人在做天在看，他朝君體更糟糕！其實你自己都唔好得幾多，調番轉人地要篤你的話你都大把痛腳俾人捉啦，只係人地無你咁小人會走去搞你姐，人地唔搞你，唔代表你好得幾多！呀忽然醒起，就係因為自己衰先至要先發制人，先下手為強喎，總算見識到真小人+偽君子，睇你好得幾耐，遲早都有報應的！

1/76 Long Win Volvo B8L Wright 龍運富豪前衛十二米玻璃梯巴士模型 | BHTXWmb

blogger 跟隨facebook 一樣係日前已全面轉為新版面，真係好難用，完全唔習慣寫野個畫框同出面的白色底痴埋一齊，d 掣大到乜咁，好似越改越差喎...

今次分享最近入手的1:76 龍運Volvo B8L 玻璃梯巴士模型，事源是龍運於2019年訂購了10架Volvo B8L新巴士，呢款係龍運第一款玻璃梯設計的巴士，本來都係幾期待可以快些投入服務既，但可惜批車黎左香港已經大半年，受疫情影響，龍運巴士的客量下降，班次減少對於用車的需求大減，呢批新車真係生不逢時，出牌遙遙無期，所以呢批車的車隊編號實在無法得知，因此模型也以新車落地版本推出...

除左龍運B8L新車未能投入服務外，龍運亦有更多用於E線的巴士在今個月起被借調到九巴行走九龍區區內路線，如果呢批龍運B8L 到港後立刻計折舊就好笑，如果疫情玩3、5、7年，一直擺廠擺到生草先出倒牌，行幾年就退得！

個人其實對呢款富豪巴士唔算太有興趣(係幾鐘意但唔算好鐘意)，雖然設計新穎，但隨著越來越多這些新車投入市場，以後應該大把機會乘搭，而且其實上層車頭左右兩排凳leg room 太少，隻腳頂住牌箱，加上兩側曲面小窗，景物投射被拉得有些變形，望得多有少少暈，根本就唔好坐...

講番模型，九巴的B8L已經出到厭，先有MGG workshop(NS)的非官方紅色B8L，九巴官方又出左N架了，所以我只買每樣一架，手上有的係第一架出的260X、九巴87週年廣告版，加埋龍運呢架橙色，感覺已經夠了，再出的話睇下係咪白光電子牌，如果沙田區線更好，其實B8L 一直想九巴出1:43多過76，橙牌、白牌、龍運三款，本來缺一不可，但唔肯出1:43都無辦法，注定再出76 無人買囉...

其實印象中的確係好耐之前已經見過龍運B8L的相，所以睇番資料所指，首輛富豪B8L已於2019年4月停泊在北愛爾蘭運抵英格蘭Heysham Docks港口，並於同年5月17日抵港，當時車廂內仍未安裝座椅，直至6月才開始安裝座椅！但直至同年的10月中才透過載通國際首次披露。

另外車廂採用Vogelsitze Magnio 奶白色及咖啡色仿皮客車座椅連手枕，但不能調較椅背角度，上層及下層最後一排座椅為Vogel Revo 奶白色及咖啡色仿皮座椅！其實無機會上車望，講黎都多餘，小弟都無咁仔細去影模型的內籠呢，如果有部1:43就唔同，內籠清楚d，影相都易d~

車隊編號：未知

車身：Wright Eclipse Gemini 3

引擎：Volvo D8K-350(Euro 6)歐盟六型

波箱：ZF EcoLife 6AP1600BS

載客量：上層51人、下層23、企位47人，共121人

模型於2020年6月推出，路線分別是A43及123 Hanover displays，各限量900部！既然批車都未投入服務，所以選了一架123 Hanover displays的！順帶一提，有人話模型編號係KMB2019123，批模型應該係一早做起的，誰料最後批真車遲遲出唔倒牌，仲傳話會賣俾其他公司，所以80T局住要出?

既然是新車落地版，我也用了貨櫃場作為場景吧！

玻璃梯同車身銀色的斜線配合得幾靚，但原來d 銀色線係貼貼紙上去的，5月尾出牌個幾架九巴B8L，d 銀色線本身都貼得好差，近睇一望就知貼的...(紅巴推出時小弟確實以為是噴油的...)

有新有舊，加送龍運早期營運時用的富豪奧林比安十一米

以前以為車頂後半段是橙色的，點知原來係成個頂白色...感覺有些求其...

你話如果呢兩款真車現實上同場出現，奧林比安未退你話幾好，而家市面上款式越黎越少，經常都會見到四周清一色同一款車！

舊款拉花是通天巴士為主題，車頭兩邊有飛機圖案，一直想知個圖案上機頭有少少凸起，唔知係咪747呢？

今次B8L 的行李架比較罕有地無乜打風，因以往出親的機場車行李架都係斜斜地...

其實2008年bc 呢個11米豪模真係唔錯，當年真係覺得好有真實感，係車尾上層有少少怪(上層車尾燈只係印上去，唔似下層車尾燈有做凸起)，但車頭望落係似真車的，我個人覺得呢2架相差超過10年的車泊埋一齊，11米豪個模絕對唔失禮，最多只能話內籠唔係精細籠，但例如下層車頭的一排側位，倚背油番黑色，其實都已經好有神，平衡番兩款車售價，賣460的車有精細籠都是應該的！

共聚片刻的富豪巴士

加送非官方B8L 的機場線

之前仲以為MGG 個B8L模有得出埋全橙版龍運，但經過侵犯版權一案，非官方龍運睇黎都無可能面世，幸好Carz 呢個模都唔係差... 曾經都有諗過超豪、利奧普蘭、猛獅呢d車有新模，尤其係之前退役潮個期，但可惜都係空歡喜，而家超豪又用20年前個舊模做，更加感到官方車無希望！雖然站在成本角度考慮，一款車出得唔多，起全新模係太高成本，但站在想擁有一部似樣的模型的買家角度睇，其實用舊模出都真係無咩收藏價值，怪就怪在而家d人好似太有錢，出乜買乜照單全收，460一部，出4架唔似樣的超豪都可以多人搶到截晒訂，以前等蟹貨等特價先買的心態，開始唔適合現金的模型市場...

加送模型開盒片段，影片也加入了九巴B8L的圖片欣賞環節，但blogger轉了新版面之後，發現轉貼影片在手機無法觀看，所以唯有share 條link 算了！

https://youtu.be/e9sWpKmpx7w

不要忘記按個like同訂閱BHTXWmb啊~

頻道BHTXWmb即將達成1000訂閱，到時再回顧一下過去一年的統計吧~

加送Zoe So 的小性感泳衣照(終於影倒系列)：

話說今次Zoe d 笑容好左，平時著時裝反而無咩笑容，或者話d笑容唔係發自內心那種，呀壞呀真係！