一直未分享番6月終於到手的1:24 AEC Routemaster，今次一於欣賞這部大比例巴士模型！
AEC Routemaster 是初代雙層巴士產品，第一輛初型於1954年生產，直至2005年才結束於倫敦的常規巴士服務，而Routemaster共有2款主要車種，分別為RM 及RML車系。它們最大特色就是前置引擎、半駕駛室及車尾有開放式的上落客平台。昔日於巴士行駛時，通常會有一名車長駐守，負責售票、通告及維持秩序等工作。車體採用當時劃時代的鋁合金建造，整體式設計比傳統的巴士更輕巧和堅固。自1956年Routemaster投入服務至今，僅存的Routemaster 大部份仍然運作良好。
這次終於可以欣賞這部等了超過兩年才到手的1:24 AEC Routemaster 金巴! 不過這堆相本來是6月post, 因為忙於録製其他影片至BHT X Wmb youtube channel, 所以寫blog 這類花時間的工程都少了! 但我自己一直認為Routemaster 呢款咁經典又有歴史代表性的車款是無理由缺乏模型的, 所以2018年SunStar 再推出模型時, 至少要買一部的!
先送出開箱片：
事情是這樣的, 兩年前某網絡店發佈了兩部SunStar 的1:24 AEC Routemaster(一金一紅)的預訂通知, 咁岩當時自己仲有玩1:24 車模, 所以立刻訂購了一部金色! 結果等到張訂車單都退晒色, 再印過張新既都開始爛容容, 我還周不時上番NS fb 睇有無miss 過d咩到貨消息, 但確實無發現, 因小弟已full pay, 當然會著緊少少, 更不可能當無事發生, 直到6月時, 朋友告知SunStar 官網早在上年7月已發售這車, 馬上向NS 査詢, 他們才馬上訂貨, 在大約一星期後通知已到貨, 於是馬上取車...
其實NS 都算係咁, 在原post 留言後, 都肯主動inbox 番回覆, 至少感覺係有跟進, 唔似My Tony微影成日hea 答叫人密切留意最新消息, 大佬我24小時monitor住你個fb 呀? 有病!
我諗都係得我一個係NS 訂Routemaster, 他們也表示1:24 這種size無咩人買...
650DYE
發現紙盒上的650DYE係暗紅色車軨, 但模型係黑色, google 過網圖, 原來兩種色都出現過, 黑軨係型少少, 不過個蓋應該係銀色...
呢隻金色好靚, 忽然感覺九巴隻金色好cheap...
650DYE 採用傳統三格窗路線牌, Sunstar1:24 Routemaster 係無搞牌功能的
引擎蓋打開
23 觀塘碼頭<-->順利(循環線)
車尾梯位
駕駛室
駕駛室其實係分體組件, 但個模咁多年都無做番司機位開門, 感覺上1:24 無得開門係差d, 當然十幾廿年前係全世界數一數二精細...
實不相瞞, 買第一部1:24 Routemaster 的時候, 内心好想所有車型都出一部1/24, 包括而家的蛋、以前的雞、小多、坦克等等, 現在反而想所有車型都出一部1/43, 其中蛋、雞已有, 但小多、坦克同埋Routemaster 都仲未有1/43... 去年年尾武漢肺炎大陸爆發, 引致模型工業生産受影响, 一直希望會出的車款又遙遙無期...
紅色這架是兩年前入手, 同樣是購自NS! 有樣野想講係, 以前沙田80T 門口長期擺放幾架1:24 Routemaster, 五顏六色真係幾靚, 隨著NS 越做越大, 80T 衰落, 而家80T 基本上賣既種類已越來越少, 真係幾諷刺, 80T招牌仲寫住交通模型總匯... 其實仲稱唔稱得上模型總匯呢... 近兩年My Tony、NS 賣既種類仲多過80T...
ALM89B
15 中環碼頭<-->山頂廣場
呢款車，都令我諗起城巴一仔HK1931，坐下層左邊車頭的視角係最正的，係引擎上面望向前方，唉你話如果香港仲用緊呢d 車你話幾好，有時太進步蛻變得太快未必係好事，這樣會忽略很多身邊值得欣賞的好東西，當這些事物要消失時才覺醒要懷念、保留，都市人真是很可笑！
後面個背景係之前淘寶落黎的，其實係貼紙黎，但唔知係咪潮濕搞到個面同個底拱起左，拉直時形成曲摺痕，如果唔PS執圖的話，張張背景都有少少怪怪地，不過批模型相都係自娛性質，不花太多時間執圖了...
如果呢個模縮做1:43 就正... 希望有生産商會做啦...
加送前後合照！
經典鬼面罩, 兩格網中間還有AEC logo
綠色這部就是再早少少入手的... 再分享多次吧
469CLT
469CLT 最大特點係有兩扇車門
綠色呢部好有古典感覺
這部最特別是車尾有門，上落平台也加了閘門！
Routemaster VS Lamborghini Reventon
引擎蓋及車門打開
加送本人第一部1:24巴士: Best Choose 中巴DMS
又其實好希望有模型商會做DMS的1:43 scale，因為1:24 已經出過中巴，再出的話如果唔係有太大分別，感覺上唔太吸引，英國版以前都出過但係香港又好難買倒，我呢d 後來先知以前出過的想追都更加無得追，因為早已售完，至於1:76 中巴DMS 又已經出左好幾款，加上太細，好多細位都係差少少，再出同樣唔太吸引，希望呢d 經典車型有機會出下1:43 就好了！
其實每一部模型，當我影相或重溫圖文時，都會諗番起當時買佢地的情景，都好有回憶，呢批1:24 AEC Routemaster 係真係幾正！不過由於1:24 始終係大比例，屋企其實都好難放得落咁大架車，要買齊唔同顏色更加困難，所以預計自己日後都會減少買1:24 呢個比例的車模了~
沒有留言:
張貼留言