BHTXWmb: 近期少入及月伴金土木景色數攝~

先分享近期少入~

Hobby Japan 的頭文字D AE86 上個月推出，引起了入埋普通版的衝動，但白色AE86始終都是很罕見，所以黑蓋關燈版仍然搜尋中~

80T 近期特價車中巴佳牌

YOU&CAR 貨櫃

1:64 BM creation 香港版Hiace，同上次一樣有得換件，所以各入二部

期待已久焦點入手！眼鏡廠的超人迪加英雄勇像日色、夜色！

今次的超人迪加終於唔洗食炒價，忍唔住訂各二，訂貨110一隻，夜色派貨後仲減左10蚊，100蚊一隻，正！有時平平地追倒心頭好真係好開心，100蚊一隻買多一兩隻負擔得起之餘，買埋滿足感真係爽，買野本來應該係咁，唔應該下下都食炒價，東奔西走... 咁樣太辛苦了！

就上個月才入了4架頭D版AE86，剛剛上週又再有10款1/64 Toyota Corolla AE86 彈出預訂，真係趁大家有消費券就毫不留情，現在也需要盤點一下Hobby Japan 出過的1/64 AE86 及手頭上有邊幾款，方便後追

Toyota Sprinter Trueno GT APEX (AE86) High Tech Two Tone

White / Red / Silver 基本色原裝軨

Toyota Sprinter Trueno GT APEX (AE86) Custom Version High Tech Two Tone

White / Red / Silver 基本色黑軨

Toyota Sprinter Trueno GT APEX (AE86) Open Retractable Headlights / Carbon Bonnet High Tech Two Tone White 白跳燈 / 碳纖黑跳燈版

Toyota Sprinter Trueno GT APEX (AE86) Custom Version / Carbon Bonnet High Tech Two Tone White / Red 白紅碳纖黑版

Toyota Sprinter Trueno GT APEX (AE86) Initial D (Open Headlight) w/4A-GE

Toyota Sprinter Trueno GT APEX (AE86) Initial D Project D (Open Headlight) w/4A-GE 5valve

Toyota Corolla Levin AE86 3 Door

期待Hobby 會出埋AE85~

雖然hobby 的86 賣相幾好，但車海式襲擊都米話野小，適逢屋企裝修進入下半部份，出現嚴重超支，訂做Fit size 牆櫃及家私造價比預期昂貴，Wmb 將要承擔額外一百萬日元費用，其實錢都唔係問題，最大問題係大家意見不一，難有共識，少少野都會傾唔掂嘈一餐，我企係中間就一定最難做，唯有毎日安慰自己有呢兩個人參與的裝修都係裝一次，之後有自己房可以唔洗對住佢地咁多，總算都係好事！也了解到地球上確實有些人種永遠無法同人合作...(我屋企呢兩個人就係例子！)

由於裝修嚴重超支，Wmb 表示或需放售更多1:76 車隊以曾加資金流動! 同時持續減少購買! 始終儲野範籌太多，任何一條line 有大野出都大獲，幾條line同時出野更加係多重夾擊，應洗則洗，控制開支將會是眼前需要正視的！

其實而家人工雖然比2年前同期高少少，但因為新工已經無OT補水呢樣野，所以整體其實係收入低左，但物價又無因為疫情而降低，樣樣野都貴左，所以... 除左缺乏愛情之外，現錢都十分缺乏，而以上兩樣我向來都是束手無策的...！

近期看了一套非常推介的電影：<<智齒>>，片中除了積極呈現香港舊街道的景色之外，也描寫了底層慘無人道的生活狀況，大部份內容以黑白畫面呈現，但感覺係好有水準，雖然無奈有些人一聽到港產片就say NO，但我仍然入場睇了兩次！

東亞銀行，8年前，曾在3X樓上俯視裕民坊，當時裕民坊開始清拆

2017年觀塘裕民坊還未清拆，<<智齒>>有大量垃圾堆都是在上面平台取景，下面的小巴站亦有一幕是劉中選(林家棟飾)看見了道具手被水流沖了出來！

電影中有不少畫面背景是地鐵觀塘線

電影中，在九龍灣九巴廠對開，劉中選目擊自己老婆被王桃(當時吸了毒)駕車撞飛，故此起初劉中選對王桃窮追不捨。<<智齒>>值得一看，趁未落畫應該入場感受一下，雖然係三級，不過恰度好處。

相信睇完之後，一定會覺得自己係牛頭角望到觀塘線呢~ 其實有幾個畫面是合成的...不過期望大家真係入場睇睇~

受到智齒的影響，近期的相片都不煩厭用黑白模式post出來，以前有人話黑白不等同灰階，但我就唔識分，總之慨念中無彩色就即是黑白。

剛剛過去的12月6日至10日，西南方的天空出現一連串天文現象，月球分別與金星、土星、木星排成直線及與三個星球接近，以下是用手機紀錄的畫面~

12月4日時，可見金星(左上)，但月亮因與太陽太接近所以無法看見！

12月5日時，月亮還未出現，但金星(圖中)、木星(左上)出現在天空中，而土星正好位於兩者之間，不過因為太細小，圖中無法清楚看見土星，但肉眼是可以看見~

12月6日，月亮位於金土木相約距離的西方，正好與金土木排成直線！

12月7日，月亮位於金星以東，與金星接近！

12月8日，月亮與土星接近，這日因為趕往保榮路體育館參與北區大戰，天色未完全昏暗，效果未如理想，不過肉眼看是非常清晰！

12月9日，月亮與木星接近。這連串天象還未完，因為12月10日月亮又再與木土金排成直線，不過因雲多原故無緣看見。

其實這個天文現象早在11月初我已察覺，而且當時月亮比12月這次更接近金星！但不知為何12月才有一些報導叫大家欣賞...

11月8日時，月亮與金星非常接近！

木星(左上)、土星(中)、月球、金星(右)

11月9日，月亮大約處於土星和金星之間，與金土木連成相約等距的直線！

11月10日，月亮與土星接近

或者因為12月土星與木星的距離顯得比較遠，木星和土星與土星和金星在夜空上的距離相約，較為壯觀~

金星，因角度問題，金星永遠不會以月圓的狀態面向地球，可以想象如果金星月圓，一定非常光亮！

聰明的你可能會想，那麼一月份是否可以再出現以上現象？木星土星離地球較遠，它們的位移相對不明顯，但金星則移動得較快，因此金星將漸漸被陽光遮掩，日落後無法看見，今個月也是觀察金星的最佳時機，金星的光度達到近幾年的最光亮時刻，日落後可以不載眼鏡也看得見金星！

順便一提，金星東大距已在10月30日出現，現在金星的落山時間越來越早，這意味天未黑時金星便會消失，千萬不要錯過年底前抬頭觀察金星！

日出東方燃點希望

近期聽聞再有彗星進入太陽系，發光彗星尾巴於日出前在近地平線可見，但沙田被高山遮擋似乎無法看見。12月3日清早，竟然意外發現月球的位置，當時月球非常接近太陽，只可以在日出前的極短暫時間看見！你能找到月球位置嗎? (圖右上方，肉眼看得比較清楚) 而12月4日南極出現了日全蝕，代表月球正切換到太陽以東。同樣12月底前可在日落後看見發光彗星尾巴！

源康街

建築中沙中線及啟鑽苑

大涌橋路早前有發雞盲私家狗衝燈引致死傷，而家毎邊均新加一組燈專門顯示左轉... 咁又用左唔知幾多千萬... 私家狗又贏~!

香港駕駛學院

小瀝源

旺角

ALVA

早前有私家狗衝上欄杆但竟然唔跌落山坡... 睇黎d 欄杆有料到... 唔似賽車game咁一撞就散... 當晩已經重建欄杆... 高效率!!

九巴286C線已擴展至全日服務... 呢段廣播已經係好多馬鞍山或第一城的九巴路線上播了接近2年... 代價是86C被大副削減班次...

今日新線286 方案又再被提出，同286C一樣行青沙公路，代價是86將被大副削減班次...

有樣野想講其實86車費一直收貴左，以前(1997-2008年)熱狗收$5.3時，冷氣巴士索價$7.5... 睇番熱狗(1997-2008年)同是5.3的72A，加冷時空調巴士收費為$6.9。經過多次加價，現時72A收費為$8.9，但本來同一收費的86已經是$9.4，雖然相差幅度不及當年，但多年來始終是收貴了，現在推286，收費再貴$1，同時削減86班次，很大程度上係迫人搭貴車，對乘客有欠公允！

加送九巴沙田廠數攝：

RK4220 82K/284

呢架車舊年仲係荔廠時，日日搭281A出到尖沙咀都會見倒佢北上，有時試過旺角就見倒佢，咁係代表當時架281A開得太慢太碌車，人地都去到旺角，架281A先到彌敦道，証明部份九巴司機碌車碌得太離譜都係事實... 呢架車新廣告時顏色好靚，仲諗過希望會出番架1:76模型，時至今日應該都唔會實現...(始終生產商做車都唔係企買家角度考慮，真係會聽人意見的又真係應該只有Martin... 可惜連九巴非官方都無得出，都可以話係收藏家的損失！)