BHTXWmb: 1/64 Lamborghini Aventador LP700-4 蘭博基尼艾文塔多變色龍(多圖)

今次主要分享兩款變色龍蘭博基尼艾文塔多1/64 模型，一款是Time Model的，另一款是Kyosho的，前者一部賣$140左右，後者一部賣$45左右，前者適合追求美觀，後者真正適合窮人把玩！

蘭博基尼艾文塔多(Aventador LP 700-4)是蘭博基尼生產的一款雙門雙座位超級跑車，於2011年2月的日內瓦車展首次公開亮相，並在車展中受到熱烈的追捧！

先要講講，其實我本人係幾鐘意變色龍呢隻色，最初看見綠紫變色是在九巴當年的5架歐盟三型環保巴士身上，感覺有些大自然元素又耳目一新，同香檳金絕對不是同一個層次的！

Time Model 1/64 Lamborghini Aventador LP700-4

駕駛蘭博基尼買麥當勞

題外話，樓下間麥當勞而家6點後直接關門... 連晚市外賣都唔做...

駕駛蘭博基尼買星巴克

500mm(等效750)之下，車尾好似寬闊得太誇張，不過這是長焦的視覺問題，與模型本身無關！

車尾尾翼左右高低，Time Model 手工有點兒戲...

車鈴中間有蘭博基尼logo，個車轆當堂有番神緒！Kyosho係無的...

可能老花，就算影相放大到100%，1/64 車身上面的字我都唔係咁容易睇到寫乜... 呢點亦都係當初比較想玩1/43的原因之一。

其實Time Model 的蘭博基尼模型係得個外表，內籠完全嚇死人(雖然話1/64 都預左無得玩內籠)，最接受唔倒係個座駕做到上天花板，方向盤貼住車頂，大哥，真車係咁，駕駛者應該睇唔倒前面條路...！所以Time Model 的蘭博基尼，認真再買的機會唔大！

補充少少自己對變色龍的喜愛程度，曾經萌生改車的念頭，虛構的亦曾想象過出來例如1/43 AVBWU、ATENU，其中ATENU都已經買多左架二手番黎諗住改，真係好後悔當日無一氣呵成交俾DBM做，而家其他改裝店造價更貴質素更未知... 所以1/43 變色龍巴士最終還是隨著DBM結業而放棄了！

後來巧遇有人平售一部甩漆的Autoart 1/18 雷文頓，正好成為改車的材料，賣家有意再平放售，但當時未找到肯改裝的單位，決定都係安排好才交收回來，最終同d 改車佬意見有出入，沒有交收~

之後本來有意改兩部Autoart的1/18 Lamborghini Urus 變色龍同香檳金，結果幾乎遇到不實商家，開價3千蚊仲想要我自己淘寶搞番車身d logo、水牌，但雖然係咁，這位不實商家最終以訂單太多為由拒絕接單(可能覺得兩種色一齊噴太麻煩，咁心諗唔通你想就咁噴隻白色就收人幾千銀咩，都ON框框既)！後來有一位較誠實的模型店商人表示3千蚊淨噴色的確係水魚價，亦睇得出模型店同改車師傅互相食水風氣實在黑暗！Urus 正價賣1920(我當然用折扣購買)，再加上改車費用，一部車要花近5千蚊，自問無咁既消費能力！後來一位較誠實的模型店商人提出合理的改車價格，不過當時5部Urus 已經買齊，都花了唔少錢，更重要的是已經開始轉戰1/64 市場，還發現1/64 本身已經有出變色龍呢隻色，蘭博基尼有、GTR有，實在無太大必要花費去改1/18，雖然AA 1:18 開倒門係正好多既，最終還是停止了1/18 的變色龍改車念頭！坦白講想改車呢d 太即興，好彩忍倒手，唔係就洗多幾千，如果連埋香檳金一齊改，洗多成皮添，認真真係唔值！