TINY微影 1/400 Bruce Lee 李小龍80週年紀念版波音747-400客機 JC Wings

2020年是李小龍誕辰80週年，My Tiny 微影及80T 推出了一系列李小龍的紀念品，包括車仔、巴士模型、貨櫃模型及飛機模型，更在4架九巴車身披上李小龍的主題廣告，各自擁有黃、紅、黑、白的主色，讓龍迷除了重溫其經典電影之外，在現實中都能看見李小龍的風采。

如果隨模型附送當年李小龍的電影劇照就更好，更值得收藏！

如水隨形，放空頭腦，似水不定，似水無形。

引水入杯，即成杯形；傾水於瓶，即為瓶狀；落入茶壺，即呈壺樣。

似潺潺流水，似湍湍急流，似水吧，吾友！Be Water, My Friends.

最近終於追番去年1/1正式發售的1/400 李小龍747客機，去年先在微影發售，現在JC 亦公開發售，其實因為飛機塗裝是虛構的，所以推出初期都是買開微影產品的人士購買居多，航空迷相對較少...

與早前的1/64貨櫃一樣，飛機以黃色為主色，這是參照了李小龍在他最後一部電影"死亡遊戲"中身穿的黃色戰衣，後來黃色戰衣成為了其他人模仿李小龍通常都會穿著的衣服！

據說李小龍逝世時，遺作死亡遊戲只有不足一半的完成度，後來大量鏡頭都是由替身代替，更有些畫面明顯是合成李小龍樣貌的，而戲中有一幕講述李小龍假死，但用了真實李小龍出殯的現場畫面，之後補拍、剪接等，到電影上映時已經是1978年，雖然死亡遊戲不能說是李小龍代表作，但在李小龍僅有的數部電影中，確實一部都不能缺少，甚至覺得太少，李小龍早逝實在太可惜了！

未有JC呢個模之前，一直覺得Dragon Wings威龍的747-400模具外型做得幾好，後來JC 係2018年都開始改良1:200及1:400 747-400的模具，機腹接合位終於唔再係以前咁樣大大條隙，同時亦做埋襟翼放下版本，令大家對747-400 模型重拾信心，作為747最具代表性的-400型，模型也是絕對值得收藏！

據說飛機塗裝的設計是Edo Genpaku插畫大師的作品

據說微影取得了Bruce Lee Limited及波音授權，使用JC Wings模具代工生產

微影表示這架747模型收到的時候十分感動，十分多細位，天線，全部機輪可動，連機翼也是全合金，另外值得提係機身圖案破天荒不是用水紙，不是用水轉印而係用四色加網點移印出來，而且今次同巴士唔同，我地這客機的設計想同李小龍於舊經典電影型像至敬，棄用極鮮色去表達，而用少少褪色效果去表達舊電影造型效果，十分Retro Feel。

其實，並不是全部機輪可動的，設計上的確可以，但啤出黎大部份機輪都係黏死左，就算轉動都不順暢，呢個都係好多細小模型的常見問題，包括1/64車模... 另外起落架高低不一、唔貼地都係JC飛機常見的問題... 但則則膊唔多覺，無人講就當無野咁解...

另外微影說模型附有紀念卡，但看完開盒都沒有發現有紀念卡喎，微影又呃人？！唔明一間一直消費大家集體回憶、消費香港本土情懷的玩具公司，點解可以每次都講到自己的出品咁有誠意？消費集體回憶唔係問題，話會有既野，成日都無，違反商品說明先係最大問題...

B站影片：https://www.bilibili.com/video/BV1hY411J7Te?share_source=copy_web

配合埋Fantasy Wings的1/400機場後勤車再攝幾張：

其實真飛機的塗裝好少話會連機翼、引擎吊臂都油埋黃色，成架黃色有少少玩具的感覺！虛構感很重~

李小龍有如航空界的747

最後分享埋極少碰見的李小龍主題巴士

李小龍巴士總共有4架，分別是黃色、紅色、黑色、白色，但當中以黃色的最觸目，因為始終都是他最後的半部作品死亡遊戲的黃色戰衣！

我一直覺得成個廣告design 得好求其，單調到無得再單調，主角既然係畫出黎唔用劇照，可以畫多幅李小龍拿雙截棍嗎？唔明微影同80T點解可以上個咁差的廣告去紀念世界聞名的功夫巨星，大佬，認真少少啦... 整個廣告出黎咪又係為左出紀念品賺錢，何必要整到咁樣衰被人灌以奸商之名呢？

英雄勇像Ultraman Agul 已經於29/3出貨，但早前訂購的玩具店現在仍說未到貨，屌你老未而家d 英雄勇像出去買現貨仲快過訂貨，仲要價錢咪又係差唔多，訂貨又唔係特別平，仆街拖撚住，個個都開晒箱，屌都唔知等到幾時，訂左又無得退，特利加已中伏蝕左100蚊訂，睇黎都係要去番旺角個邊買現貨穩陣d... 

另外IF 767-200 聯合航空已於今日出貨，不過而家人仔匯率高左好多，淘寶連運費唔化算，又要承擔爛貨風險，即管睇下香港d模型店幾時有貨到，唉又唔知等幾耐，NG 堆1/400 747SP 大韓航空一早order 左又唔知幾時先有，疫情下生活艱苦，做野大壓力，又買架飛機都等咁耐... 隨時中招死Q埋都未到手... 而家做人好似要同d模型商鬥長命咁，訂一樣野年年聲咁等，CLS！Autoart 一年前訂左3部1/18 而家都未撚有貨俾我既，價又識得加，咁多間模型店係得80T一間做到準時出貨！雖然老角的出品都係麻撚麻，但出貨方面的確俾倒人有信心，你睇對家黃生？屌你老未訂撚左3架交通安全LM而家一粒聲氣都無，CL9S！！！！

黎緊會分享NG model 的美國航空、聯合航空1/400 747-SP模型~