從前，Pikachu 叫比卡超，後來改名叫皮卡丘，叫左幾年，而家已經慣左叫皮卡丘，叫番比卡超感覺已經唔順口了...
今次分享下1:400 / 1:200 ANA 的皮卡丘主題飛機模型, 話説我個人對寵物小精靈動畫無特別喜好, 但就係對ANA 747有興趣, 買買下ANA 飛機, 咁就落埋皮卡丘飛機坑... N年前樓下有間新城文具鋪(唔係新巴城巴), 入面有ANA 747的發聲玩具, size 同1:400 差不多, 賣35蚊, 後來幾經艱辛成為了小弟第一隻飛機玩具... 機翼大大隻字寫著JA8094, 機身是漢字全日空, 但手指模幾模會甩色... 由於得來不易, 就算後來發覺像真度低都照擺係電腦枱上面, 而JA8094 原來亦真有此機所以一直想入1:400/ 1:200 ANA 747 的模型, 可惜市面上好難入手, 有既都好貴... 要買中同一架JA8094 就難上加難! 前年入左部BBOX合金1:200 JA8096 漢字全日空747 客機, 可惜在一次運送中途因一名巴士司機急刹引致掉下嚴重受損最終報銷... (這些"司機"危害乘客財産安全, 根本無資格揸車! )
有感而送上BBOX 1:200 JA8096 747-400 遺照，這架747 也是該店的最後一架...
入正題先, 動畫寵物小精靈是任天堂改編自田尻智的原案, 於1996年推出的一款game boy 遊戲, 田尻智是一個昆蟲採集和街機遊戲愛好者，這原案是他將這些興趣結合而創作出來。隨後與東京電視台推出動畫卡通片, 還有上映劇場版, 隨即牽起了熱潮。
因應當時這系列卡通人物流行, 全日空All Nippon Airways(ANA) 於1998年6月首次推出747 機型的Pokemon/Pocket Monsters(寵物小精靈)彩繪機飛行國内航線，也配合進軍歐美市場於1999年2月推出另一架相同設計的747 Pokemon 彩繪機飛行國際航線。當時在飛機外觀上可以看見比卡超(皮卡丘)、夢幻、超夢等9種角色，Pokemon主題機廣受大人、小朋友喜愛，因此之後又持續推出了多款不同Pokemon的彩繪機，並由日本國內航線延伸至國際航線, 直至十八年後的2016年4月全日空Pokemon 彩繪機系列正式落畫。
Pokemon 的彩繪機可分為四代, 曾披上其彩繪的全日空飛機前後有10架, 而1998年的第一代共有四部:
JA8569 767-300
JA8578 767-300
JA8965 747-400D
JA8962 747-400
手頭上的1:400 模型係JA8569, 屬767-300型, 應該係PH既2003年出品, 不論747或767, 第一代的Pokemon 塗裝底色沿用全日空原有的色彩, 在標準色彩的基礎上加上了皮卡丘等角色圖案。
本來係因為747 先會跌落Pokemon 系列模型坑, 因為初時以為Pokemon 全部上係747 上, 後來才發覺原來有767、777。原來不論第一代或第二代的Pokemon 彩繪系列, ANA官方都沒有推出過767 飛機模型, 所以也導致767 Pokemon 彩繪飛機模型的知名度遠不及747!
PH 1:400 ANA Pokemon 精美紙盒~
JA8569 是第一架全日空皮卡丘系列飛機, 1998年6月中在大阪首度亮相, 但這架皮卡丘機存在時間並不算長, 它於2001年3月隨即還原為全日空標準色彩服役。
左邊前至後為: 皮皮Clefairy、皮卡丘Pikachu、波克比Togepi、夢幻Mew、超夢Mewtwo、卡比獸Snorlax、皮卡丘(機尾)
右邊前至後為: 胖丁Jigglypuff、皮卡丘Pikachu、可達鴨Psyduck、傑尼龜Squirtle、妙娃種子Bulbasaur、皮卡丘(機尾)
比較鐘意用高角度影番落黎, 因為睇倒兩個引擎感覺較完整...
第一代與第二代Pokemon 767 機尾圖案
第一、二、四代1:400 Pokemon
接下來當然是皮卡丘飛機主要機型波音747 空中女王！
除了767 JA8569, 另一架第一代Pokemon 係JA8965, 屬於747-400D 型, 在1998年7月1日亮相, 747-400D 型屬於國内短程型，機翼尖並沒有小翼。而比JA8965 稍遲成為皮卡丘機的還有另一架往返美國國際線的747-400 JA8962, 但機尾則是ANA字樣而不是皮卡丘圖案, 機身全日空字樣也變成英文字, 其次就係JA8962 兩邊翼尖有小翼而JA8965 並沒有。
BBOX 1:200 747-400D JA8965 早排特價入手, 另外1:200 747-400 JA8962 都有出模型, 其實747-400 有小翼係靚d, 不過基於我第一架飛機玩具係中文字全日空747, 所以對中文字版全日空較為有衝動入手, 而JA8965尾部的皮卡丘圖案左右不同, 相對色彩繽紛, 最後就選擇JA8965 instead of JA8962...
網圖JA8965 JA8962
影1:200 飛機佔地不少, 至少預留一平方米做飛機及跑道用地, 所以我都係趁屋企無乜人先可以咁影... 1:200 係正既, 747 係巨無霸客機, 當你拎起一架1:200 747, 747的偉大絶對可以感受到! 不是超人如何可把飛機運之手掌上?
1:200 scale 之下皮卡丘角色在機上清楚可見~
全日空原色機身下半部係灰色, 而細心留意可發現Pokemon 就係全白色~
左邊前至後為: 皮皮Clefairy、皮卡丘Pikachu、波克比Togepi
皮卡丘向你say Hi~ 右邊前至後為: 胖丁Jigglypuff、皮卡丘Pikachu、可達鴨Psyduck
747 四個引擎都有精靈球, 十分特別!
(前至後)傑尼龜Squirtle、妙娃種子Bulbasaur、皮卡丘(機尾)
夢幻Mew、超夢Mewtwo、卡比獸Snorlax、皮卡丘(機尾)
剛剛多心對比番模型同真機的圖案, 發現原來飛國際線的JA8962 同呢架JA8965 仲有個分別, 就係JA8962 卡通圖案上寫有寵物小精靈三種語言的文字不過就無Pocket Monsters 個字, 估計係國際線的宣傳用途。JA8962... 如果有1:400 先買啦, 1:200 就太大了, 收藏有難度, 但8962 其實特價唔貴既, 1:200 (性價比)仲抵過1:400...
機頭一端雙層設計使747的外觀成為世人對飛機的永遠印象, 在長焦距視角下747的機頭變得十分可愛, 就像747SP一樣上層甲板縮短, 而横越跑道兩邊的機翼在長焦距視角下仍不失巨無霸的氣勢... 加上皮卡丘圖案使這架巨無霸客機又有可愛的一面~
而家1:200 或1:400 全日空747已經市面難尋, 1:400 Pokemon 747 似乎已經找不到了... 而1:200 Pokemon 747 還不算太難入手, 可能因為第一代Pokemon 有出兩個版本: JA8965 JA8962, 所以選擇比較多, 如果要入番全日空標準色彩的747-400, 建基於全日空標準色彩的第一代Pokemon 747 也是可考慮的... 非常望JC 會出1:400 及1:200 747-400中文字塗裝JA8094 包括襟翼打開版本!!
Sigma 50-500mm F4.5-6.3 影1:200 機十分得心應手, 尤其767 以上的大機, 微距加長焦距使拍攝時發現很多新角度, 雖然微距能力不算超強, 所以要影1:200 細機(e.g. EMB120、ATR72、A319-321、707、737)仍有難度, 但幸好仍能以Nikon D3200 的高解像度優勢crop 出更細小範圍, 比以前S6500fd、HS25 更能準確close up 理想位置, 但缺點係鏡連機太重, 支雞腳已經側埋一邊! (呢個算唔算缺點呢? 以前d 鏡就係咁重, 一移位要重新取景有難度)
之後會繼續post 第二至四代全日空寵物小精靈/皮卡丘/Pocket Monsters 飛機模型~
