BHTXWmb

這次分享永橙GARMMA早前推出的"HAVE A NICE TRIP" Line Friends 旅行系列公仔盲盒玩具

2019年底武漢肺炎爆發，疫情迅速遍及全球，並維持已有一年，2020年在各國旅遊/航空業不景之下出國旅行成為幻想的事，HAVE A NICE TRIP 以旅行作為願望，在抗疫期間重溫可以去旅行的美好時光！

不禁想起自己上年11月的日本之旅，剛好已經一年了，實在非常難忘，也十分幸運是武漢肺炎爆發前出發，否則遲兩個月出發都無法實現...現在回憶，就像上三幾個月的事，不覺得已經是上年11月這麼久，旅程中每日經過的大街小巷好像昨日才行過一樣... 教人懷念！

先要講講，我這套玩具到手前，網上已有不少人開箱，他們都沒有抽中隱藏版！

(上圖)隱藏版是一隻Q版飛機造型的熊大~

而我這套都一樣沒有抽中隱藏版！

角色：熊大/布朗熊 Brown、莎莉 Sally、兔兔/可妮兔 Cony

全套9隻大合照

實不相暪，聽過其他Line friends 話其實今次呢套無上年Jungle Brown(叢林熊大)主題咁值得買，我都同意呢個講法的，因為今次要買埋隻兔同埋莎莉，有被迫買/硬食的感覺，雖然莎莉我本身都覺得ok，但對隻兔其實真係感覺麻麻，仲要隻兔有3隻咁多，加上上年Jungle Brown一套係10隻，今次得9隻又無平到，部份喜歡熊大的人會覺得搵笨柒，他們寧願單買熊大而放棄全套，但又因為盲盒盲抽原故，要抽中三隻熊大而不抽中隻兔同埋莎莉是不可能的，變相紛紛在群組交換、放售，引發一場小型的熊大爭奪戰！

這次旅行系列公仔本來想用747 1:200模型做背景，以切合HAVE A NICE TRIP的主題，但因為小弟手上的1:200 747飛機全部已經入倉，不想專程拿回影幾張相又放回去，所以索改用最近入手的一架Lamborghini Countach 蘭博基尼康塔什作為這次旅行主題~

起初，熊大、兔兔、莎莉約好了一起去旅行，熊大很準時，一早便取車出來！

熊大為莎莉與Lamborghini Countach拍照，現時一台Countach價值連城啊！

熊大也不忘呼叫途人幫自己與Countach合照！熱心的途人Sunny Wong 幫熊大拍照！

熊大不喜歡莎莉入鏡，要求拍一張只有熊大自己與Countach的合照！想不到這隻熊要求真多！

莎莉說不如先出發，不等隻兔了，熊大也認為這是個好主意！

熊大司機準備上車了~

這時遲到的兔兔到了，與熊大合照~

莎莉與熊大二人世界的夢碎了，與兔兔合照時顯得一臉無奈！

這次終於可以出發了，馬上把行李放到車尾箱~

熊大和莎莉都很無奈，兔兔總是非常慢，太陽都下山了！

熊大盲盒公仔我覺得可以出節日主題，例如聖誕節~

最後分享埋HAVE A NICE TRIP開箱片段，記得訂閱支持BHTXWmb啊！

https://www.youtube.com/watch?v=rMhhO2t8Ilg

這次分享一下近期的車模少入，由於11月是生日月份，無可避免會有一些自我獎勵的入手，但其實今次回顧的這堆車並不是全部都在11月入的，有些是較早入的，但這些大比例車模的引入的確係踩入1:18 坑的開端...

8月底，小弟仍然在UBS工作，正想當期時買少了巴士模型，是時侯追回一些較為值得收藏的1:18 模型，其中AUTOart 的AE86及Reventon都是留意已久的款式。但AE86 只有頭D最後版本可以在一手市場購買，所以為免遲買貴幾舊，便決定入一部，所以本人的第一部1:18 車模就獻給AUTOart 頭文字D Toyota AE86了...

"全開"是AUTOart 1:18 AE86 的一大吸引之處，正所謂真車與我是最遠的距離，模型都起碼讓我開開門、打開引擎蓋，看清楚駕駛室、引擎吧！

另外，因為秋名版本的AE86被藤原拓海用高超技術踩到爆偈，之後換了另一副偈，所以1:18 AE86 模型可以開蓋看見引擎呢一點是非常重要的！

之後是重量級的限量超級跑車1:18 Lamborghini Sesto Elemento 蘭博基尼第六元素

決定買1:18 第六元素時，小弟不幸已被無良/仆街公司裁員，而且9月份的OT錢都無出番俾我，真係好撚仆街，因此本來是要減少開支，不過10月時得到了自己應得的譴散費，金額容許我多買幾部1:18 以示安慰，所以我就不忍手了，適逢Autoart 將第六元素的售價減左幾百蚊，再用九折買，有種感覺呢架車係為我而設呢~

以前強積金/公積金"對沖"，我一直無切膚之痛，因為退休離我很遠，反正拎唔到倒出黎，根本沒有勞氣的原因。直到今次係UBS做了4年半(頭半年是Agent)，竟然話炒就炒，終於覺得將來D強積金/公積金係自己應得的，但最仆街係譴散費已經將呢幾年的公積金抵銷了，所以強乜撚野、公乜撚野積金姐，根本政府係保障僱主！但好在我當時是選公積金，至少每個月出足糧，所以而家拎埋幾皮譴散費就當提早拎錢，對個人而言無太大損失！不過累積的15日年假咁就無左，Agent得番7日...

在Need for Speed™ Rivals 生存競速入面玩過第六元素，感覺好正，適逢Need For Speed Hot Pursuit Remastered 於11月推出，亦收錄了第六元素，因此很大程度上，又令自己更加愛上這款車！有時這些極罕有的車，玩過game 就當駕駛過了！

蘭博基尼第六元素與雷文頓一樣真車都是極少限量的車款，只生產20架！所以對於窮LL的小弟，只能擁有模型...

先睹為快，蘭博基尼第六元素的獨特引擎室！

個包裝係全密封，其實我個人比較鐘意舊時透明膠片紙盒可以望倒架車，唔洗下下額外買膠盒同要拆開個紙盒咁煩！

另一架相當珍藏的1:18 車模，是Lamborghini Countach 蘭博基尼康塔什，十多年前Kyosho京商的出品，香檳金色的是最罕見的，而且以前京商的1:18 蘭博基尼係做"全開"的，可惜後來幾年出的1:18 竟然無得開，所以舊時的京商1:18 感覺上更珍貴！

在Need for Speed™ Most Wanted 新全民公敵入面玩過蘭博基尼康塔什，感覺好正好有復古氣色，適逢現出Need For Speed Hot Pursuit Remastered 亦有收錄了康塔什，因此很大程度上，又令自己更加愛上這款車！呢部以前好似8XX蚊左右，而家同樣價錢已經變成無得開門...可惜！

另一部就是中秋特價的1:18 京商Lamborghini LP610，這部就是上面提及後來無得開門的1:18 京商車模，不過見只售400蚊，所以買了一部！(原價$788)

除了門蓋無得打開，連前軸都廢了轉向功能，簡單黎講，架車有d似1:43 放大... 但因為引擎蓋透明原故，都可以看見引擎的... 說到似1:43，其實我就想到其實一架1:43出面買都要3、4百蚊，所以不如買架1:18~

另外呢架青綠色是有金粉的，反起光上黎都幾靚，一般1:43、1:64 好少有咁既效果！

一堆雙11的淘寶收穫，主要是J collection、Autoart 1:43，包括海獅、康塔什、第六元素等等

康塔什好抵玩，幾十蚊一架仲有埋膠盒

登！登！登！凳！隆重的入手，1:18 蘭博基尼雷文頓！灰色、黑是二手，白色的是全新！

自從買了雷文頓，我堆1:43同1:18都放在床頭，隨時可以看見，小弟實在太喜愛雷文頓了，甚至覺得雷文頓是蘭博基尼自康塔什之後的幾十年來最有特色的一款車，不過由於超限量，大眾基本上無接觸呢款車的機會，令雷文頓的代表性不是太高，模型亦相當罕有！

雷文頓日後會再慢慢欣賞~

最近BANDAI 英雄勇像再有超人迪加預訂，從網上回顧8月第一次推出的迪加一致好評，所以決定訂購之外，也追回第一隻超人迪加！呢2隻迪加而家市面上已經炒到貴左一倍... 所以被迫食炒價追番，早日入手早享受好過...

期待英雄勇像系列可以出多d 唔同超人，最好出埋力斯！

可惜的是，今年11月底，香港幾間Line Store 實體店全線結業！真係非常可惜，雖然我自己手上的熊大物品大多數都不是購自Line Store 實體店，但全線結業感覺是Line 放棄了香港，fb group 幾乎日日都有人post last day 的畫面，都幾sad下...

二手買番當年Seven 的熊大足球錢箱，呢套野一直覺得幾得意，不過可惜的係二手個盒幾殘下，有d 直投連個盒都無，所以選了一套有盒的(好大盒，遲早入倉...)！

因應Line Store 結業，沙田、觀塘店last day 都唔得閒去，最後一間東涌店又遠到一個點... 其實臨尾幾日都基本上無乜熊大物品，所以托了住東涌的fd 幫忙去買幾個膠袋！Line Store的膠袋好靚架，買唔倒熊大物品都想要番個袋，但膠袋都不是想買就有，至少要買一件產品才可以加一蚊買一個膠袋，就這樣，我便多了幾件生日禮物，哈哈~

現在不是人人都會送生日禮物，所以特別珍惜！