BHTXWmb

這次分享一下龍運同九巴的E500MMC、Volvo B8L 新車陣，不過龍運的新車出牌無期，同一堆模型/一堆死車感覺分別不大！

近期雖然經常被放無薪假，但發覺其實時間都唔係幾夠，包括BHTXWmb fb page、Youtube channel同埋呢個blog都未update 得切，另外NFS Hot Pursuit Remastered 的警察賽事一場都未玩過，而且好多模型本來打算開箱、影相，至今還是原封不動... 看來無薪假放得多只會使人頹廢，或是我的人生太失敗了！

發顛銀行個邊因為自己有員工確診，限制番工人數，本人亦被無限期停工，本來唔係搞d咁既野，我都想做到個project 完為止，而家開始番新工，不過就遠左好多，觀塘同環保大道塞車嚴重，九巴98觀塘班次嚴重不準時，所以交通時間同我番中環(281A轉船)差不多...

Wmb 由即日起(04/2021)發出盈利警告！成為本年度首個收入警示，本月開支預計會再創新高，儘管過去幾個月已經放售了超過六千蚊模型，但4月的第二期交稅日子迫近眼前，交完4千幾又再4千幾的額外稅款根本就將賣模型得來的現金一掃而空，目前生活非常困苦！唔好同我講話係因為賺得多先至要交咁多呢d廢話！本人宣佈即日起謝絕一切外出飯聚等等消費活動！亦呼籲各位未還錢的人士盡快還錢！

除了收入下降，交通開支亦上升，復活節期間四間巴士公司大幅度增加車費，其實自從政府推出搭400蚊車以外的可獲25%津貼，就預左交通工具會趁機加價，因為一定程度上大家的交通開支在津貼下其實係低左，交通費負擔重已不是有力的反對理由，所以各交通營辦商的加價幅度一定更加進取，而事實亦都証明無講錯，政府政策不當引致疫情爆發搞到環境咁差仲竟然全數批准加價真心ON9！受害的咪又係市民...

先分享近期少入~

有2部1:43 Hiace、1:43 VW大眾巴士金屬生"金秀"版及近期復活節熱賣的1:43 巴士站牌，是次入手以1:43為主！

話說，今次係第一次有1:43 巴士物品以盲盒方式推出，即是抄襲卡通人物角色出玩具的手法，倒如永橙早前推出過的Line Friends 叢林熊大系列及旅行系列，而最乞人憎的係買一套都唔會齊倒13款，因為一盒只有12款，其中一款為隱藏版，完全將永橙出Line Friends公仔的衰野抄到十足十！開箱分享已上傳到BHTXWmb youtube channel, 詳情下次再分享~

現在71的賣得7788，九巴popup的亦只有散抽，完整一盒難求？

另外有1:400 港龍航空A330 B-HLJ，除了因為港龍已收皮，還是空中巴士第一架A330-300客機！非常值得收藏！

另外，有上年11月已訂貨的英雄勇像，超人迪加！今個星期終於到貨！

轉眼間，當年的超人迪加已經播出25週年，迪加亦都係第一個可以變幾種色的超人~

英雄勇像係以舊時BANDAI 出的4寸半高超人盒蛋造型為藍本，造型一流！不過BANDAI 的缺點可以話qc 差，上色比較求其，當然同出面賣成千蚊的，係有一些距離，如果以一百蚊的水平，勇像真係無唔買的理由！你諗下，十幾年前出盒蛋就幾十蚊一隻，但如果而家同一個模翻出，肯定唔只幾十蚊了... 小弟非常推介大家買英雄勇像！

最後，係Volvo B8L 98線~ 估唔到B8L出左咁多次模型都仲咁搶手，本來CS賣晒都諗住放棄的了，點知鍾站長竟然專登入去Vcity 代購，實在無言感激！如果98係出1/43 就好啦... 堅唔信呢款車咁受歡迎，會唔出1/43！？

https://www.youtube.com/watch?v=CEvAf9XMaxQ

上個月，本來泊係屯門南的一批九巴/龍運新車已經改泊大埔，某日在廠外一攝~

預計呢批龍運都係會擺番一年半載，而且留意到呢堆龍運車只係普通版，即是同九巴一樣的座椅款式，出唔倒牌或者俾會過埋九巴？反正咁多新車，大可以將ATE、ATEE、ATEU、AVBE、AVW、AVBW、AVBWU 等等提早退役，用新車仲好，以前都唔係未試過退提早退舊車，最記得係EH-EK牌批熱狗，雖然數目唔多，但用得個14年就退，就係為左俾當年批金巴出牌...，而家堆殘舊金巴都係時候要上路，俾紅巴出場！

屯門南時的新車

ADL E500MMC 12.8米玻璃梯

Volvo B8L 12.8米玻璃梯

上年個幾架B8L 12米未出牌先出模型的情況會否再次出現在呢堆車身上呢？如果係都好喎，我個人覺得全橙色係靚過早幾年個d 抽油煙機... 何況1/43的E500MMC 12.8米又已經出左一款紅色九巴，出埋1/43龍運都唔錯！本人表示支持！但坦白講，龍運群腳個LWB 字真係好樣衰，如果變番橙色會順眼好多！

當年覺得樣衰的E500MMC Facelift，而家睇慣左，已經接受左，反而12.8 Volvo B8L 埃及妖后真係完全唔靚... 除非會出1/43 埃及妖后，否則1/76 的話我都唔買了...

線條方面，兩款車，牌箱外側的傾斜方向係相反，MMC 的比較有下闊上窄的感覺；B8L的反而覺得上闊下窄，成個汽水杯的側面咁，真係唔識欣賞...

上圖(網圖)

以上角度係停車場付費泊車後才可拍攝，建議請勿擅自進入！

另一邊，亦有龍運新車及九巴新車

而家都係鐘意坐E500MMC/facelift 同埋B8L 12米前衛版本

呢部車唔知做乜無左塊板，同埋群腳個KMB字扮晒立體咁，設計真係唔掂... 上面咪已經有KMB三個字囉，下面洗鬼又大大隻KMB咩... CLS！

呢架車傾斜左，個轆就黎磨住車身

在新車堆的遠處是LX9991，側面牌箱仍然顯示當日行走的872號線！

車尾...亦都無乜美感，紅黑配搭好奇怪

Volvo B8L 12米

黎緊都有好多模型要分享，會盡量抽時間編輯一下~

騙徒呂中舜、陳志杰

https://youtu.be/1zhmozDrkME

不知不覺，九巴的富豪超級奧林比安十二米(超豪)已經於去年聖誕節全部退役，Alexander ALX 500車身曾經是最常見的金色巴士，九巴早前亦推出了超豪的1:76 模型，不過令大眾失望的係竟然沿用廿年前的舊模，雖然內籠改番精細，但車殼始終是20年前的舊模，所以官圖一出即刻已經劣評如潮，小弟亦沒有購買(買唔落手講真)！官方超豪成為2020年最讓人跌破眼鏡的巴士模型！

這次分享的這部超豪是當年(都有廿年前)新巴的超人巴士，因自己一直鐘意鹹蛋超人，十多年前從很平的途徑買了不少超人超豪，無十部都有八部，不過當中有些QC欠佳例如水貼邊位對位不準確等等。其實當年超人35週年呢個廣告現實中只有一架，就是新巴的5007/JD2968！仲記得當時80T錯誤將5007寫成50007！還想為何呢架不是九巴呢...因為新巴我自己無乜機會搭到的！

我就覺得，與其用成4舊水買架廿年前的舊模，不如玩番超人超豪，百涼蚊一架同一個殼仲有埋廣告，好過買九巴多多聲！同時又發現原來我一直無用過500mm(等效750mm)影過呢架模型，所以趁機會影番，然後將部份超人超豪入倉以增加空間擺放1:18/1:43~

大約超人35週年咁上下時期(1997-1999 九十年代尾)，可以說是平成年代超人最受歡迎的高峰期，因30週年時開始有超人迪加Ultraman Tiga，然後帝拿Ultraman Dyna，直到超人佳亞Ultraman Gaia播出時，更令大家耳目一新！而小弟自己亦有追開超人佳亞電視片集，就算以前的迪加都不至於令我想集集睇，無論當時打波打到幾激烈都好，夠鐘播超人佳亞都會番屋企收睇，而超人超豪車身的超人圖案就正是當時呢幾位"平成四傑"！

https://youtu.be/pqkh4bvGJ9U

https://youtu.be/gQ9GpbSDIDI

https://youtu.be/Owd56NI420s

要提一提"平成三傑"是九十年代(日本平成年代)最出名的三大超人：迪加、帝拿、佳亞，但當中有一位永遠被忽略，他就是在超人佳亞當中曾拯救佳亞又與佳亞對抗的超人阿古魯Ultraman Agul，所以我本人一定稱他們是平成四傑，而不是平成三傑！

車牌：JD2968

編號：5007

型號：Volvo Super Olympian 12M(富豪超級奧林比安十二米)

服役年份：1999-2017

模型生產商：Creative Master Northcord Ltd

推出年份：08/2001

限量：全球4000

(聞說後來日本亦有發售，應該是因為日本是超人發源地)

創英北嶺呢個廿年老模，真係要全廣先順眼，以前80T 有好多呢個模的新巴display出黎，全部賣298，當時九巴係288，我都係被超人呢部深深吸引，但當年無消費能力，298真係天價黎... 就算有9折都係買唔起，每次去80T都要望下呢架車以解心靈上的空虛...

梯位是最熟悉的畫面，超人佳亞變身巨大化的畫面！後來才知原來巨大化呢個鏡頭係用左一個有視角效果的模型黎拍，即近鏡頭的拳頭做到超大，雙腳越遠則縮得超細，形成消失點，製作超人真係一點都不簡單啊！

車門一方是最經典的巴魯坦星人，巴魯坦星人是第一隻打敗超人的怪獸，因此在鹹超歷史上是超人的勁敵！

車尾就是超人帝拿，死光姿勢射向巴魯坦星人，應該是想表達邪不能勝正，怪獸最終都會被收拾~

車尾則是當時電視熱播中的超人阿古魯及佳亞，在超人佳亞劇中展現了經典又有深層意義的世界觀，因為超人佳亞是有2位超人的，代表大地的赤色佳亞認為保護地球，人類可以與地球共存；代表大海的藍色阿古魯卻認為很大程度上人類的出現一直令地球步向毀滅，所以消滅人類才可真正保護地球！這是九十年代科學家正越來越重視的蓋亞假說當中，人類與地球這個有機生命體可以互相影響的想法，Gaia 一詞就是蓋亞的意思，在當年來說，超人片滲透環保意識及兩大正義的超人互相對打是前所未有，令觀眾們感到相當緊張、震撼！當然，這些深層意義小弟當年還不懂欣賞，都是後來再看解說才明白的！

最驚喜係望到模型先知原來車頂都有超人，由上而下有帝拿、迪加、佳亞

影相當日本來有6架超人超豪係手，不過小弟太懶，拆了3架就唔想再拆，諗住3架已經夠影，但而家睇番發覺唔夠壯觀，唯有日後再有時間先再曬冷！

事隔15年，到了2016年，Ultraman鹹蛋超人邁向50週年，在香港展出鹹蛋超人限量版造型玩具及安排了真超人現身，並在一部E500MMC 12米(RZ5946/ATENU1)及一部E400巴士上披上超人主題廣告，其中RZ5946 推出了模型，可惜的是E400 則沒有推出模型...

其實一直以來，香港有超人巴士都係十分難得，E400更加係唔少人都想有全廣的，唔出模型真係只怪Carz/80T 唔積極進取，反觀高達... 一個系列出成萬幾架，實在係令人跌破眼鏡...

RZ5946 當時被安排行走將軍澳線，所以平時基本上都唔會見倒呢架車，真車在披上廣告的短短兩個月期間只係見過一次！車身設計亦相當配合超人的造型，以初代超人的顏色紅、銀作主色。不過模型隻銀色同真車有些少出入，真車不是銀色的，而是灰灰藍藍色

車牌：RZ5946 編號：ATENU1

型號：ADL E500MMC 12M

服役年份：2013

模型生產商：Toy1

推出日期：12/2015

限量：全球1000

呢部RZ5946 的顏色令我諗起Autoart 以前出過一部1:18 超人阿鄉(Ultraman Jack)的戰車，非常罕有，有d想買埋佢，當然一班魔鬼朋友一定無第二個答案，就係：買啦買啦！唯一考慮係款車真係太舊，六十年代既車Mazda Cosmo Sport，毫無認識，如果係蘭博基尼既話，一早已經買左！

而Toy1 做廣告車同Czra 最大分別係水貼覆蓋的車窗同車殼交界會有空氣，其實遠睇真係唔錯，可以遮埋車殼同車窗條隙，真車其實都係咁樣貼上去，但除非保證唔會谷模，否則水貼會爛得好恐怖，so far 現在未有呢個問題，有些人會覺得Carz 的做得好少少，我就覺得Toy1 好似順眼少少... 不過多數Toy1 的水貼車都幾恐怖下，加上E500MMC呢個模，本身覺得係Carz 個模好少少，但因為ATENU1 比較特別，只有Toy1 的出品，所以開頭呢部車真係1516左好耐，想買但又覺得貴同埋個模條A柱太粗，內籠座位又厚到好似機場豪華巴士咁，最後都係好遲先入手... 印象中係同妖怪手錶個2部差不多時間入手~

另外當年呢部車由shop2gerther出，定價係470，而當時一部九巴模型售價是398，所以呢類特別版係賣得特別貴，售價太貴亦都係引致銷情不太理想的原因之一！後來用了3xx 入手

也是後來才知原來ATENU1 的載客量與其他ATENU(E500MMC 12米)有所不同，ATENU1上層左面為15排座位，量產版為了增加載客量，是16排座位，所以80T 當並無刻意改內籠去推出ATENU1 的巴士模型，最後由Toy1 生產，除了超人版本，還出了九巴標準金色版。

加送8號巴士站站情環節，超人超豪與中巴利蘭奧林比安

話說當年因為一單涉及中巴利蘭巴士的嚴重交通意外，中巴一度停止購入利蘭巴士，直到80年代尾，兩大巴士公司(九巴、城巴)開始引進空調巴士提高競爭力，而當時利蘭及丹尼士是英國最主要的巴士生產商，中巴亦開始向利蘭訂購空調雙層巴士，最終中巴向利蘭訂購了35部巴士，其中25部是空調巴士，即LA1-LA25。另外10部沒有裝上空調機組，即LM1-LM10，成為中巴最後10部非空調巴士！

小弟一直期待有似樣的LM同LA模型，最後由Toy1 推出，畢竟都係自己年代較為熟悉的面孔，所以大部份Toy1近年出的LA、LM，小弟都有買！今次適逢大家都係8號，就分享住呢3架先，其他的LA、VA 留待日後再分享！