英雄勇像Ultraman Gaia SV 超人佳亞(蓋亞奧特曼)至高 BANDAI Banpresto ウルトラマンガイア TDG25th

上次英雄勇像超人迪加夜色版反應不錯, 最近眼鏡廠發佈了超人佳亞SV型的夜色版預訂, BANDAI又可以一模多用, 但預計是在6月才出貨, 這次先分享早前推出的佳亞SV型原色版~

2021年是平成TDG系列: Tiga(迪加)、Dyna(帝拿)、Gaia(佳亞)誕生25週年, TDG至今仍然擁有相當高的人氣, 其中我個人最深的印象是自從TDG開始, 超人作戰時可以轉形態(變顏色), 這設定一直沿用至今...

先分享開箱片段:

B站影片: https://www.bilibili.com/video/BV1JL4y1q7sC?share_source=copy_web

日後都會繼續有英雄勇像開箱片段, 記得關注及訂閱吧!

先分享近期少入~ 

有1/64貨櫃、JEC、Kyosho 蘭博基尼LP700，全部淘寶貨的

Line Friends 天岸創奇盲盒，都是淘寶貨~

Ultraman Gaia 超人佳亞在1998-1999年於日本播出, 成為平成時代第三套超人電視作品, 香港是在2001-2002年才播出, 當年更誤會是鹹蛋超人35th的作品, 正確應該是32th! 其名字Gaia(蓋亞)是以九十年代受到世界各地環保組織關注的蓋亞假説中所提及人類和地球有著互相影响作背景, Gaia代表地球上的大地, Agul代表地球上的大海, 超人佳亞加入了很多對保護環境反思的元素!

所以自從TDG開始, 睇超人諗住直射死光打完怪獸就開心收工的就太膚淺了。咁其實都唔洗睇, 因為99%情節都是死光收工的, 頭幾下一定超人佔上風, 然後輕敵失手, 等到閃紅燈最後出死光, 開心收工, 模式上多數係咁, 直到超人力斯播出, 才明白到戰鬥的痛苦, 因為適能者要承受戰鬥過程中的所有傷害, 做超人並不是開心收工的。就像我們日常面對很多未知風波, 打贏一次但隨時又有更難解決的問題, 做呢行就係有好多無形壓力... 某程度上香港生活壓力太大, 捱到今時今日真係唔易, 已經覺得自己算係半個超人了!!

超人佳亞SV型(Supreme Version)由來是"藤宮博也"放棄了超人阿古魯的大海之力量, 離開前交由"高山我夢"繼承, 在片集第26話, 我夢變身成佳亞後形態提升至V2取代了原始V1存在, 當佳亞將阿古魯的力量完全解放, 就變成了力量更強大, 身形更壯碩的SV型(Supreme Version), SV型的出現代表其力量等同佳亞加上阿古魯的總和!

之不過本人認為佳亞的身手本身不及阿古魯(V1時), 個人比較期待阿古魯SV多於佳亞SV~! 而據説SV型是有時限, 不能全時使用(合理的, 全時使用兩個超人的能力又未免太屈機), 但片集入面的佳亞至高形態並無出現過因時限而被結束使用的情況!!

水晶眼又真係幾正既~!

衣服的摺曲位都如實呈現, 這個係以前盒蛋同而家英雄勇像的最吸引之處, 坦白講個模做得似係最重要!!

發覺暫時面世的超人勇像都係好似迪加咁右手右腳在前, 左手左腳在後, 只有佳亞SV係反方向, 但片集中其實左右都出現過, 迪加的好明顯係想一模多用, 所以就算換隻手但方向都無變過...

感覺上迪加同佳亞SV的身材都被稻上信行原型師適量美化, 三七面身材也太好了!! (覺得電視劇中的佳亞SV比較肥些, 當時很奇怪怎麼找個肥人來做超人, 可能是要突顯他的強大力氣, 例如SV型的近身打鬥很無敵, 捽交是強項!)

直到20年後, 2021年阿古魯在舞台劇中終於也有SV型, 當時佳亞SV型同場出現, 原設定都是身型健碩, 但二人瘦了不少, 可能找不到大隻佬出演...

還是懷念片集入面的大隻佬佳亞!! 以前不懂欣賞但現在覺得是一大特色!!

某日超人佳亞SV在沙田出現了，全部手持拍攝~

心口能量燈通透, 夜色版預計是填實色...

氣勢強大, 毎次超人佳亞著地時都彈起無數沙石, 可能是真正的大地破壞者...

難忘的大隻佬背影

另外上個月眼鏡廠超人佳亞V1及V2 英雄勇像終於開訂, 但都要等到5月, 期望早日推出!!

 最可惜係阿古魯始終只有V2, 以前盒蛋都無出過阿古魯V1... 今次英雄勇像舊角色都係以盒蛋的造型作藍本, 所以都係得V2... 真真真真心期望有阿古魯V1!!

\另外, 經過特利加中伏事件後, 今個月開訂的Ultraman Orb 有些擔心, 睇官圖已經感覺同特利加一樣係長頭怪, 仲有産品高度寫18cm, 唔知係咪又好似特利加咁做高左... 唔敢訂呀大佬, 一模兩色, 係就係唔貴, 但個pose不倫不類, 真心不了...

YOU&CAR 1/64 Container Shop 塑料集裝箱/貨櫃屋商店，一套四個(疫情下不設堂食，只供外賣！)

這次會是農曆新年前最後一個貼文，也是牛年(2021)最後一則分享，分享番早前到貨的YOU&CAR 1/64 貨櫃屋商店，本來有另一個post 主要講1/64 貨櫃，但因為部份貨櫃仍未拍照所以未post 出來。

這次的YOU&CAR 一套四個商店主題貨櫃也是小弟在ALVA的最後一個錄製開箱(在此之前還有一個開箱未處理)，話咁快就住了ALVA接近三個半月，感覺有好多巴士未影... 例如都無落樓下影訓練車同出廠車，Sunny Wong 的生活真心頹廢，看來是窮困限制了多方面的活動！日日對住個廠就諗住遲d先，到走人就發現好多車未影過！

當日入手的81K E6M 仲諗住對住個廠開箱，最後就係將架車塞左落床底下... 執野走時才重見天日...

除了金屬貨櫃，YOU&CAR 都有出過塑膠料的1/64 貨櫃屋商店，其中老麥、Starfxxk 打中唔少平日有食開呢兩間的顧客胃口！

先分享開箱片：

B站影片：https://www.bilibili.com/video/BV1YL4y1x7Y8?share_source=copy_web

開頭以為呢幾隻貨櫃係金屬，原來係膠料，個包裝盒同SP的巴士站有得揮，紙盒唔夠大，免強入箱搞到入面d膠料變晒形，所以屋頂(貨櫃天花板)唔用膠水係完全砌唔埋，最後決定用AA膠痴實佢，反正都唔會拆番散，問題不大。痴實個頂之後成個貨櫃都靚仔晒！呢個問題已向零售轉達生產商反映~

眼利的朋友應該睇得出上次分享Lamborghini URUS 時，背景就係呢堆貨櫃！不過當時屋頂未"蓋官'，所以角度上避開了貨櫃頂部！

麥當勞貨櫃

開門位改左係貨櫃的背面，而原本的貨櫃口就無得開

星巴克貨櫃

米芝蓮/米其林貨櫃

MOTUL 貨櫃

加送貨櫃商店小場景：

現在晚市堂食暫停，大家都要買麥當勞外賣，或者頹廢少少在家食杯麵，Sunny Wong 駕駛蘭博基尼變色龍買外賣，太霸氣了！

貨櫃入面都有做到簡單間隔，內籠並非完全四面平坦，不過無刻意影入面狀況了(因為如果用黎做場景，基本上d相都呈現唔倒個貨櫃內籠)。但其實又真心想問下，大陸/外國係咪真係有呢d 貨櫃改裝而成的商店？係咪真係有老麥、老星？

5次強檢終於順利完成...！多撚謝呢個52歲沒接種疫苗的中信證券男員工，搞到放工又趕住去社區中心排長龍，浪費時間+浪費車錢+浪費體力！打唔打針呢d 我都唔太關注，明知自己中招就米鬼走黎住酒店啦，其實呢間酒店好多人搞結婚，好多外人入場，如果傳染應該散播得好快！

如無意外農曆新年後見，仲有好多模型會分享~

 

英雄勇像Ultraman Trigger Dark 黑暗超人特利加(A/B色) 黑暗特利迦奧特曼 BANDAI Banpresto トリガーダーク TDG25th

這次分享今個月中推出的眼鏡廠英雄勇像黑暗特利加A色B色(Trigger Dark)

Ultraman Trigger 特利迦奧特曼(超人特利加)近日已在日本播出大結局，國內網民馬上對這套TDG25th的作品評分，結果只有5.1分(10分滿分)，可以說是"敗北"片集！而2004-2005年在日本播出的Ultraman Nexus 奈克瑟斯奧特曼(超人力斯)起初收視率也是慘淡，但近年獲越來越多人欣賞，據說近年的評分是8.5分，完勝特利迦奧特曼！

稱為超人迪加的姊妹篇，大家難免會將特利加同25年前的迪加比較，因2021年是TDG 25週年，所以這套超人片其實是有向迪加致敬的成份及把迪加的故事作藍本，結果超人特利加真的被比下去，日本播出不久，已經有觀眾不滿劇中演員演技差、樣衰(當年超人迪加男主角太靚仔)、劇情唔掂、覺得新超人的設計誠意不足等等，日本方面曾停播2星期，據說是需要修改劇本及改善演員演技，但即使修改，效果仍然需要至少幾集後才有變化，因為前半部已拍攝完成，只能改後半部份，圓谷表示壓力極大。雖然後來人氣有所改善，但總體評分只是5.1分...

先不說擁有眾多超人(奧特曼)迷的中國大陸對這套片有很差評分，我自己本人最初見到特利加的浮誇武器，已經覺得好討厭，巨型武器係近幾年經常融入鹹蛋超人之中，所有最強的絕技都係由呢D武器發出，同以前單拖出死光的打鬥方式相差好遠，因我本人其實鐘意以前超人的打法，如果下下按個掣就可以用其他超人的技能，咁真係過份屈機了。其實都有唔少人係唔鐘意近代超人的打法，但唔明圓谷點解堅持使用，武器玩具真係咁好賣咩？而小弟打算之後先睇番，因為主要係想睇劇中黑暗超人出場，據說有黑暗特利加及邪惡特利加，最好可以出埋邪惡特利加勇像，這次勇像的主角是黑暗特利加，馬上開盒欣賞！

B色(左)：黑暗別色版；A色(右)：鎧甲金屬質感(不清楚正確名稱)

早前出的特利加複合形比例做大左成個碼，所以諗左好耐先決定既然買左都係開箱，但就廢事影相了(無心機)，但黑暗特利加的比例又跟番迪加個size，所以黑暗特利加係值得入手！

但特利加勇像的外型設計唔係稻上信行的作品，某程度上感覺d 接合位係差d，成隻野似係大號扭蛋(稻上信行做的就似係大號盒蛋)，不過因為size 比例做番正常，百涼蚊一隻係抵玩的，而且黑暗特利加感覺貨量唔係太多，小弟之前訂了，所以坐等到貨！(雖然都遲左個幾星期到貨，見人地walk in 仲快過我訂貨，都米話唔sad...)

先分享開箱片段：

B站影片：https://www.bilibili.com/video/BV1Tm4y1S7fh?share_source=copy_web

關於最近的超人迪加、特利加、黑暗特利加英雄勇像開箱片，分別有上傳到youtube同B站，但發現以黑暗特利加英雄勇像開箱片為例，B站的觀看次數係youtube的超過一百倍！另外迪加、特利加的開箱片在B站的觀看次數亦高倍數拋離youtube... 明明係同一條片，而youtube 的訂閱數為1830，遠高於B站的80個粉絲，但觀看率竟然差天共地！証明擺片上B站係比較得到公平的曝光機會，而且B站留言係有質素好多，youtube的多數係垃圾留言... 事實証明擺片上youtube 基本上唔會有人知，因為佢唔會幫你推廣，只會推廣當紅youtuber 的片，B站就真係正常好多，至少擺片上去係真係有人睇倒！B站的用戶其實已經越黎越多，最近仲降低左每日登入的經驗值，由10經驗值減到得番5經驗值... 但整個模式我個人覺得係好玩過youtube，而且上傳後的影片清晰度完勝youtube，而家都開始多在B站搵片睇了...

迪迦奧特曼：https://www.bilibili.com/video/BV1GY411h7Kw?share_source=copy_web

特利迦奧特曼：https://www.bilibili.com/video/BV1tf4y1F7gt?share_source=copy_web

黑暗特利迦奧特曼：https://www.bilibili.com/video/BV1Tm4y1S7fh?share_source=copy_web

A色：

A色是黑暗特利加的鎧甲樣貌，但加入了舊化效果，因於本身無追開特利加，Google 又搵唔倒同一個樣貌的劇照，所以其實件甲打到殘晒係片集中有無出現過呢？(理論上出得玩具就應該真係有既)

其實youtube 同bilibili 都有好多人搬運Ultraman official 的片，但就係未搵倒有舊化黑暗特利加的對戰場面...

由於本身都未睇特利加，所以都唔清楚呢隻黑暗超人係咩來頭，一時就幫特利加，一時就打特利加，所以不詳細介紹了，但有黑暗特質的超人又真係幾型，我自己其實鐘意黑暗特利加多過特利加...

至於身上件鎧甲，暫時未知其由來，可能要睇番套特利加先明...

B色：

B色實物係原膠色，深紫色，應該係模擬出招時四周圍充滿暗黑紫色的時刻，之不過又係同模異色...(如果係做番出招pose就正！)

裝修到尾陛，除了嚴嚴嚴重超支之外，入住ALVA 仲有幾日就要番歸，有少少唔捨得我間1:1巴士廠... 講起有樣野好激氣，就係1月頭有條撚樣有病徵，懷疑自己中左武漢肺炎，竟然走黎沙田ALVA住左3日，但無申報健康狀況，結果確診，害全座酒店住客要強制檢測5次，真係屌你老未，有病就去醫院啦，仲話係因為驚傳染屋企人所以先住酒店，有人就話佢無做錯，但我就一定屌尻佢，喂你填入住酒店原因無講真話喎，你如果係懷疑自己中招，不如你去竹高灣啦屌你，你傳染其他人又得？搞到成座野要檢測5次，計番之前公司要強檢個4-5次，加埋呢5次，幾乎等於唔打針但定期要去檢測個次數... CLS！！！而家仲有1次就做完，希望真係最後一次，我唔想又要每次都春叫鴉出聲俾人深喉...

補番分享早前的少入，有1/64 貨櫃商店及人仔

微影人仔係用公司的50蚊現金券買，本來係想買海洋公園纜車，點知竟然賣晒，局住搵樣野買，因為張券到期限，無理由唔用，最後唯有買人仔，仲要qc差，無得揀...

人仔總動員

話說，有樣野好搞笑，拿事先聲明無興趣聽的請速按上一頁離開😉。大約一年前多少少，即2020年12月中，好記得係聖誕後，岩岩爆發第4波疫情，當時係會瘋做緊WinX project，但疫情爆發會瘋自己好多人都WFH(home office)，結果除左全部人要定期檢測，有陰性報告先俾番工之外，onsite 的engineer 好多都要被迫放no pay leave(無薪假)，當時係要先自費$240檢測，但後來會瘋仆街到可以一句唔俾番，有報告都無得番，變相貼錢打工，引致怨聲載道。

另一邊，會瘋一直外判左好多分行call俾JOS的engineer 跑，姐係會瘋佢地有人落call 話有野壞，JOS 個邊就會派d engineer onsite上門去整野，當時就有一個engineer 中左武漢肺炎，結果會瘋下令唔俾當時去開分行果班engineer 上門整野，結果就要搵其他人去頂替呢班人一個月(講就一個月，但大家心知唔只呢個數！)。

簡單講，上面的處境係做緊WinX project 的人因為會瘋好多員工唔番office，所以onsite 的engineer 某程度上人手過剩，同時原本落分行做call 的人唔俾進入，要其他人頂替，於是乎，上頭就叫左至少4個winX project的人去頂呢班人去分行做野，小弟就係其一個...(此外JOS為了慳人工，亦炒左3個人...)

因為其實佢地分行d call 好難做，add 個printer 都複雜過人，你其求叫個做win 10 project 既人去頂，又缺乏training，一落場就得你一個好老實講未必做得掂，開頭話有人帶住做，之後就話因為疫情唔會俾太多外人入分行，所以都係單拖落場，心知都係苦工黎，所以其實真係唔想做，當時佢地開左個whatspp group for 呢個job。

後來到12月尾，劇情出現突破性轉變，當時一名會瘋職員確診中左武漢肺炎，期間接觸過winX project的engineer，該名engineer 後來講番係突然被衛生署人員上門夾往隔離營，隔離的14日全部當係放無薪假，真係慘！你話做IT係咪慘過狗？而上頭又屎忽痕追溯到該名engineer 接觸確診會瘋職員的當日曾與本人及另一位engineer食過lunch，所以本人及另一位engineer 被上頭視為危險人物，同樣慘被下令迫放14日無薪假，唔知話佢神經過敏定一話驚武肺驚得太誇張，間接再間接食餐飯都話唔俾番XD (好彩無需隔離，我真係想象唔倒打份工要俾人捉去隔離會唔會精神崩潰，或當場變成瘋子，不敢想象！)！

拿，雖然當時要放無薪假，但因為唔俾番原故，原本調往分行一個月的安排臨時由其他人頂上，其實換個角度睇反而係救左小弟一命！其實，佢點解會下令唔俾食過lunch 的人番工呢，我地大家都認為其實佢係想慳人工為主，乘機迫人放無薪假既，所以，當時的確心諗係寧願唔要錢都唔想被調去做豬頭骨！

但個whatspp group 佢一直唔記得踢我走，我又無離群(雖然其實平時又無咩message)，直至一年後，即上星期，終於有人踢我走，我估計好大機會係而家第5波疫情爆發，佢地同樣的安排又重演一次，所以佢地先忽然睇番個group list，清人之後估計會add 番一堆"新人"入去，真心笑左出聲！呢件事竟然歷時超過一年，希望疫情快過，大家都唔洗咁煩！

當日(2020年12月尾) JOS仲有個leader 打俾我問我做野個度點，佢話知道會瘋有人中武肺，我地被迫放無薪假，仲問我有無興趣做下backfill，當時其實我一口氣應承話做，因為見之前黎UBS做backfill 果d人好hea，有糧出又唔洗點做，何樂而不為？不過又唔知點解最後一日都無編俾我...(可能只安慰下，同一時間又顯示我地JOS好多客戶好多Job架，你會瘋無得做都唔洗驚架)，當時我好記得油麻地停車場大廈就黎關閉，所以去左錄片，佢打俾我果時我就係條橋下面，片段就係下面呢段：

B站影片：https://www.bilibili.com/video/BV1oR4y1W7Xt?share_source=copy_web

個早兩個月經過油麻地停車場大廈見北座已經夷為平地，建成新天橋後，南座都會拆卸...