英勇未變質 英雄勇像・亞洲限定夜色版 Ultraman Tiga/Gaia SV 超人迪加/佳亞 BANDAI Banpresto TDG25th

今次分享最新推出的夜色版英雄勇像 Ultraman Tiga Sky Type 超人迪加天空形, 順便分享埋之前出的Gaia SV 夜色版

先獻上開箱片：

B站影片：https://www.bilibili.com/video/BV1JK411D7mm/?share_source=copy_web&vd_source=09596363f179a7b641336163e34c5783

目前為止, 鹹蛋超人的夜色版英雄勇像共有3款, 分別為迪加的複合形、佳亞的SV形及迪加的天空形, 是模擬晩間的燈光色彩, 以較暗黑的顏色示人, 同時又切合BANDAI喜歡一模多用的作風!

但我其實覺得夜色版上色的質感比正常版更加似皮套, 反光度下降令隻勇像膠感無咁重, 而整體色彩暗淡一些在昏暗環境相對迫真, 所以我自己都幾鐘意夜色版~

超人迪加複合形

超人迪加複合形及天空形

今次迪加天空形夜色版姿勢同上年推出的天空形正常版係一樣的, 完全係一模多色的玩法, 不過上兩次夜色勇像都係單純轉顏色, 今次天空形夜色版仲有一個小小特別之處, 就係心口能量燈係紅燈, 突顯了超人人性化的特點~

上圖 天空形正常版, 下圖 天空形夜色版

明顯夜色版光澤靚好多, 反光程度平均更像皮套衣服

相反, 正常版往往塑膠反光生硬, 很重玩具膠感...

但如果夜色版的眼睛可以做半透明混奶白色會好過直接油白色

夜色版天空形仍然有偏藍的感覺

當時正常版天空形已經係偏藍, 但在昏暗場景下才突顯出紫色, 真迪加的紫色是比較淺淡

夜色版迪加上色整體OK的~

出招! 如果做埋效果件(或加錢買)就正...

心口紅燈在某些角度有透光感覺, 不錯!

而今次的迪加天空形夜色版最初預訂時, 好多人都話又出夜色版, 但因為唔係間間有, 個價比普通版更貴, 唔少人都無訂, 到出貨時原來日版同港版都好少貨, 甚至有人用2隻普遍版勇像換1隻夜色版... 好彩之前有訂到, 反正個模又做得似, 當儲多隻又無壞, 唔洗食炒~!

分享埋之前出的超人佳亞SV 夜色, 先獻上開箱片：

B站影片：https://www.bilibili.com/video/BV19Y4y137kA/?share_source=copy_web&vd_source=09596363f179a7b641336163e34c5783

超人佳亞SV是解放佳亞和阿古魯力量的至高形態, 當年片集中由身形更健碩的演員穿著皮套演出, 起初實在睇唔慣, 但後來覺得既然是佳亞和阿古魯的力量總和, 變為大隻佬身型也是最直接顯示出強壯、力大無窮的特徵!

大隻的背影

我本人好鐘意勇像做到眼球上面的蜂巢紋, 做得好迫真~

之後期待超人力斯系列, 力斯多數出場都係夜晚場景, 所以力斯好大機會會出夜色版! 希望下年年中有機會出啦, 因為力斯已經係2004年的角色, 唔通真係要一眾粉絲等到2024二十週年先有一隻似樣的力斯玩具?! BANDAI 對唔對得住大家多年來一直的捐獻先???

另外超人X 英雄勇像日前已到貨, 下次分享~

Wmb盈利警告仍然生效! 預期至年底仍需開源節流, 生日月份要在窮困中渡過, 簡直是人生悲歌! 

騙徒呂中舜、陳志杰不得好死！

MiniGT 1/64 Lamborghini URUS 蘭博基尼原牛-超級野牛SSUV (橙色)

年初分享過MiniGT 出過的三款蘭博基尼超級SUV URUS 的1/64模型，事隔半年有多，終於再有另一隻色的出現"橙色"，並有左右駕駛室版本，作為URUS 愛好者，當然是兩款都要齊，反正唔貴，MiniGT 的1/64 蘭博基尼性價比頗高的！黎緊仲有隻銀色會出，當然也是必入的~

先送上開箱短片：

B站影片：

 https://www.bilibili.com/video/BV1ge4y1o768?share_source=copy_web&vd_source=09596363f179a7b641336163e34c5783

蘭博基尼創辦人曾表示，生產最佳賽車是毫無意義的，因為人們只會記住賽車手，只有生產出最佳汽車，人們才會將它銘記於心。因此蘭博基尼一直研發超跑級別的車輛，以確保他們生產的汽車，是世界上最頂尖的汽車！蘭博基尼成功了，他們生產的汽車的確是世界上最頂尖的汽車！TOP CAR

先來右駕駛室"香港"版本：

然後是左駕駛室"意大利"版本：

後助噴燃，橙色熱情如火，全速前進就像戰鬥機一樣噴發火焰~

URUS 是地上最強SUV，2012年發佈至今，它讓休旅越野車超跑化，讓各大名廠紛紛加入競爭發展高性能SUV，雖然已經有其他品牌的SUV貼近甚至在特定模式下超越了URUS，但無疑這些都是為了超越URUS而誕生，爭取世界第一名銜，十年前，他們還未到！

VT3923 近期調到沙田廠之後，四圍走，期待行多d廣康區路線

不過個司機唔知係咪手多，出左52S... 原本係行49X，下一轉補飛又人阻車阻，所以再行都要再影... 期望會行多d 82X~

VT3923

近十年的巴士幾乎已經全部係E500MMC、Volvo B9TL，多d 唔同車身的都係好事，免得架架一模一樣！

曾經的蛇年巴士RG9525

UU2557

TE3947

快將退役的LZ5771

TV4001

PJ5797

下一轉的VT3923前車TV4001，呢d 唔係主角的車就實有貨既...

SN8669

巧遇龍運巴士E281~ 個人估計呢批車應該都唔會翻油，但如果翻油，會唔會油紅色呢？

有人話巴士公司好諷刺，私人保留的舊巴士車主就肯花錢翻噴、維修，但噴黎無錢賺，背後可能仲要節衣縮食先搞得掂；行出街賺錢的巴士就唔願翻噴... 又真係喎... 所以點解本人一向都好尊敬一班車主，尤其自己一架車既車主，所有開支要一人承擔，真係唔係講笑，香港仲有人咁有心咁長情真係要珍惜啊~ 

Wmb 宣布盈利警告仍然生效，近期巴士模型只買了74A O305平治一架...但另一邊箱Autoart 竟然玩野，將會出3架1/18 URUS，顏色分別是綠、橙、紅，其中橙色就是今次分享既呢隻色一樣，其實個模無改到，只係同模換色... 亦聽聞會加價，所以就算再鐘意都暫時唔訂住，當然希望唔好加價，加價可能不買了！唯有寄望MiniGT 1/64 玩多幾隻色，取代1/18，事關1/18都無位擺...

近期發現越做越多唔係自己職責範圍內的野，本身已經人手不足加上上頭安排越見失策，無好好劃分邊d應該做，邊d唔關事唔應該做，其他team A字膊又越見明顯，引致往往浪費人力資源在非合約列明的事項上，上頭成日Yes man 上身但又唔會落手落腳做，淨係識叫其他人做，搞到好多野吃力不討好，部門咁既架構，唔蝕錢就假啦，肥上瘦下，唉度度都有d 咁差既制度，d管治班底同以前的差幾丈遠，其實成日話蝕錢，點解唔檢討一下有d職位根本做唔倒野，但做倒野既post又話因為省錢而要cut...

最近睇倒單新聞真係笑左，"例如"而家海岸公園話想改建山下園區，將入場區域改為免費開放，設施獨立收費，而大部分現有的建築物想改為商場，結果原來係無承建商投標，事實証明邊d人做實事，邊d人諗野離晒地，大家一睇就知... 所以好多時d錢咪蝕晒係班高層人工度，就好似幾個上年9月話停用的機動遊戲，擺左成年都無郁過又無話拆，其實好心就繼續開番俾人玩啦，想玩機動遊戲的人越黎越無選擇仲叫人點繼續入場呢... 而家好多人都改去迪士尼... 迪士尼話加價，有d傻西話海岸公園都可以加，我心諗你米岸尻啦，你自己d設施越開越少仲加價？人地入到黎見你d野唔開仲會唔會再想黎呀？你想無人入場、員工多過遊客咪加囉，用腦諗下野唔撚該！

唯一覺得今年哈囉喂幾正，4間鬼屋氣氛都好過去年，而且道具的像真度高，值得入去玩！近日開始秋涼，加埋維他奶又出左橙朱古力，氣氛好好~

亦配合到今次分享主題，橙色！

騙徒呂中舜、陳志杰不得好死！